隨便坐Cafe (Closed)

馬鞍山都有新鮮既draught beer啦！經常同朋友光顧的西餐廳，除了手工啤，近排仲入左stella既draught beer，啤酒泡綿密細滑，夏天解暑一流，再與主廚推薦的小食相配，別有一番風味。

自從發現左位於馬鞍山體育館對面尼間 「Take A Seat」後，我久不久就會特登入馬鞍山再光顧，因它的食物質素極高，時有驚喜，性價比高。加上餐廳位置寬敞，坐得非常舒服，偶爾用一個晚上在這兒品嚐美食，感覺Relax至極。這兒座位不算多，共有五張四人枱，但每張枱均十分寬大，坐六個人都可以。而且老實說餐廳人流不多，我和朋友兩人每次來都是坐四人位，感覺寫意極了。Dinner Set 有一個頭盤加主菜，價錢由一百頭至三百元不等，有成12道主菜，另可點小食，價錢真不貴。我和朋友當晚頭盤都點了鮮香凍茄，想refresh下嘛!我們每人都有一個大凍茄，色澤飽滿，聞落芳香清新，食落既有蕃茄該有的美味，另亦有沙律汁的酸酸甜甜味，醒胃又好味，必點!接著便到主菜，我點了卡邦尼意粉($148)。可能大家一聽倒意粉就會覺得係行貨，仲要係極普通嘅卡邦尼意粉，我我可以大膽的說，它家的卡邦尼意粉是我近年食過最好。而事實上這家的意粉絕非頹貨，光是廚師在開放式廚房烹調時我已聞到張烈香味。你看，那賣相已非一般的罐頭醬汁可媲美，食落芝士及忌廉味極濃，意粉軟硬有致，簡直美味極了。不誇張，我最近兩次光顧都是點卡邦尼意粉，食極唔厭。

隨便搵過第二間都唔會再去呢間冇service 到連個薯條都唔新鮮仲諗住有間Cafe 開咗咁耐一定係唔差所以先唔執，錯晒 !好懷疑係咪有宗教背景所以捱得到唔執總之變美食沙漠都唔會再去

假日響馬鞍山食lunch，等位係一個大問題，雖然有gulu可以同一時間排幾間，但係一般商場的餐廳都要等好耐，識食一定會走黎海濤居樓下的take a seat食lunch，位置同譚仔好近，但係冇咩人知道呢間餐廳，我去親都唔洗等位，直接有得坐同叫野食。之前呢我妹同餐廳負責人做過訪問，得知原來佢係酒店廚師黎，自己響馬鞍山開番間餐廳，佢仲好好人比左折我地。今日又走黎食，雞扒落左香草，有種特別的香味，賣相都唔錯，味道就保持以往水準，價錢方面就西餐價錢，不過店舖的裝修有特色，響馬鞍山都比較少見，最緊要係唔洗等位，食物質素又正常，同時響市中心，所以我都食得幾滿意，加$28可以加個甜品。不過佢最出名好似係手工啤酒同埋其他酒類飲品，希望下次有機會可以試下。

住馬鞍山既朋友有一whatsapp黎話搵到間有手工啤酒既餐廳好似幾OK所以我地就約埋食完飯先再過黎飲野入到黎只得一枱客人及一枱明顯係店東及朋友見到隔離枱一對情侶客人一人叫左一份晚餐其中一碟係德國腸份量都幾多我地睇左一陣menu侍應就黎問我地想飲咩需唔需要介紹下比我地我地都問左好多唔同問題例如邊隻酒甜D邊隻酒乾D問下問下原來開支酒有小食送唔要的話可以扣返幾十蚊咁雖然到最好我地都冇跟從侍應意見我地叫左支 sparkling 同火腿芝士拼盤都幾高質！當然價錢都唔平啦不過久唔久一次OK 啦～

換左餐牌 加左價 晚餐平均$200一個餐但質素反而差左岀菜 慢，岀飲品 更慢卡邦尼意粉 夠大份 但難食 完全無味蒜香雞翼 乾爭爭 服務態度 差!今日同一個一歲bb去 期間小朋友要換片附近無廁所 亦無換片地方唯有係餐廳換 (已經坐角落位 將patpat向無人地方)但一除片個老闆就走嚟話 你搞掂未 呢度唔可以換片 你咁樣騷擾人 (個態度係超級差)如果你換個語氣同我講 唔好意思 你可唔可以盡快 我係絕對明白同理解 其實如果有其他地方可以換 我都唔會簡係餐廳換而且我地都怕阻到人 成個過程2分鐘內完成 只可以話 有小朋友 就唔好考慮呢間餐廳咁既價錢 但咁既服務態度同食物質素永遠唔會再嚟！

馬鞍山呢個美食沙漠近年進駐左好多連鎖食店 有心既小店碩果僅存 呢間就係其中一間啦😋 日式蛋包飯入面既炒飯落左午餐肉黑椒 味道同濕度啱啱好 粒粒分明 淋係面既蕃茄醬🍅有濃烈既香草味 令成個飯生色不少~仲有一點值得讚既係佢拌碟既蔬菜唔係白烚既西蘭花 而係加左黑醋同蜜糖既沙律菜不足之處就係蛋皮唔夠嫩滑椰香咖喱雞球飯亦係呢到既招牌菜之一 咖喱既椰香味真係好香濃😍甜甜地 一d都唔辣~煎香左既雞球內裏亦好嫩滑 份量又多 好似食極都有~ 不過d飯好冧 落得太多水煮 再加埋咖喱汁仲冧d 呢點要改善

意式肉醬很香口 香草的味道突出 炒意粉同咖喱很出名 午市黎食都見好多人嗌而煙三文魚份量好足 配上白汁岩口味清淡既人韓式牛柳條好抵食 7成熟口感岩岩好 值得一提既係餐廳播既歌都好正 modern jazz 好有氣氛 老細同服務生都好親切 r唯一不足就係中午12點先開 有時黎得早d要等廚房warm up

食物的味道:日式蛋包飯係真正既蛋包住飯, 飯係真正既炒飯...味道清淡冇配料適合追求健康人士; ...蛋係煎蛋...有茄汁淋面, 好像是罐頭茄汁,好吃賣相:煎蛋包清炒白飯, 非常吸引一定會再幫襯

公司附近有呢間甚少人知道的小店~位子不多,但我想是因為地點較偏,不多人知道有這間餐廳,所以多數午餐時間都不用等位~但我就很喜歡這間cafe~一個open kitchen,每碟都是老闆自己煮的~而食物質素都幾高~~~本人比較喜歡食炒意粉,所以選擇了蒜香司腸咸牛肉炒意粉,炒得幾乾爽,不太油膩,意粉的軟硬度剛好~好香同事選擇了椰香咖哩雞飯,聞到好香,同事說都幾好味~因為餐廳唔多人...可以靜靜地傾計...又有電視睇...舒舒服服休息一下

與中學同學聚會。馬鞍山近來都在裝潢。新餐廳都太多人了！一直住在馬鞍山的我們，都被考起了。到了馬鞍山唯一的cafe。是夜，一個人都沒有。進來後，看到牆上的塗鴉。地方不算很大，故增加了壓迫感。三個人才點了兩個套餐。有兩片蒜蓉包，餐湯。包味道不過不失。湯有心思，很足料。蕃茄肉醬香腸意粉，味較濃。醬是市面上的那一種醬汁。意粉條不算很稔身。肉醬看得出是自製的肉碎。香草白汁雞肉火腿天使麵，味道較淡。幼身麵條每條都充滿白汁，而雞肉份量亦多。但最曉食略縑晚膳偏貴。值得讚的是菜的份量多，很小餐廳會給菜。服務尚好，我們是頭一張桌來到，而最後一張桌走，都沒有趕我們。

話說知道自己會來到馬鞍山之先，就上網搵定食咩好，因為成日見到商場果d連鎖店真係見到都唔開胃。所以今次就決定一改舊態，試一試新野先。去到之後，雖然地方不大，但坐落感覺舒適，值得一讚。而我就先決定叫了這個飯(不太記清楚名字，洋蔥豬扒拼腸仔飯左右，餐來的。)賣相還不錯，有菜有肉，份量岩晒我。諗住呢次正啦掛，可惜這個飯令我失望，飯不夠熱，已經是一個問題，凍飯帶給人的感覺可不太好呀。不過洋蔥汁卻整得不錯不錯，很有香味。可是雞肉腸又有同一問題，一條不夠熱，一條岩岩好。凍肉食落去，味道是有的，可是....真係可惜另一條不錯不錯，最後當然係豬扒啦....豬扒...，都有點失望了，不知道是否西式煮法如此，還是醃製既問題加上洋蔥汁的配搭，得出來是香帶酸，怪怪的，又不是不好吃，可是就對唔到我既口味啦。中等左右成績之後諗住，遇左黎食，食多樣啦，cafe呢類型我覺得甜品見真章啦，呢次真係無失我望啦，我敢講，呢個甜品係5分(5分滿分)名叫糕心形夾餅不用講又是即叫即整，餅不太硬，也不太較，咬感十分之好，暖暖的，有點溫暖既蛋感再加上熱既朱古力汁，配合起來，可謂暖中帶熱，加上咬感，果種溫暖朱古力蛋香，實在令在下迴腸盪氣

星期天, 兩個人也輕鬆的, 出城走走. 行到中午, 亦是時候吃點東西. 太太打算回家食, 但既然出到街, 總覺得食下出面野才開心. 一路行, 一路氹, 一路騙. 已經行到了第五期的小商場. 我說既然到了這兒, 就不如試下樓下間Cafe仔. 我們落電梯時, 太太說.....你奸計得逞.....細小如麻雀的小Cafe, 人流不算多, 店內也有棋牌供應. 好似那些樓上Cafe咁. 非常之Relax. 我們坐在沙發上, 放輕鬆的坐一會, 店方也不急, 讓我們慢慢坐, 慢慢看, 慢慢地點菜. 中午, 每人來一個Set lunch. 我大食一點, 要了一個咖喱雞飯. 齋妹的齋, 選擇不多, 只好叫一個蕃茄芝士飛碟. 先說蕃茄芝士飛碟, 其實就是簡單的用夾麵包機, 把該用的餡料放入去, 再夾烘出來. 製法簡單, 加上芝士, 加熱, 不會不香口, 不會不好食的. 而咖喱雞飯, 一看落, 是帶點西式的做法. 普通的香滑咖喱煮開, 再把雞肉粒一併煮埋入去. 味道算是幾香口, 而且帶少少甜. 以一間簡單的Cafe來說, 是不錯的水準. 而且此店說明是有營食肆, 吃得出少油少鹽.

拜完山回家, 順道在屋企附近吃埋晚飯才回家, 醒起之前經過見到呢間餐廳, 今次終有機會來試試~ 入到去, 係一間寧靜休閒的CAFE, 感覺好舒服~ 以為係小型BAR, 原來係小廚房~牆上的WALL PAINT, 所有椅都係SOFA, 木枱, 又有電視, 雜誌, 小型遊戲, 一個非常舒適的CAFE~ 就像在家HEA的感覺~ 好似都幾多小食, 下午茶時間或同朋友來HEA就最啱~南瓜湯: 超超香濃, 真係可以話咁多年來都未飲過咁好味的南瓜湯~ CREAM+香草+南瓜, 好滑, 好濃~ 蒜蓉包: 好夠脆, 香口的蒜蓉味, 好正~ 羅宋湯: 淡如水, 菜又少, 如沒有一點點的辣味, 其實可以用水來形容~ 白汁滑, 濃味, 魚柳滑, 長通粉唔會太林~鴨胸夠林, 加埋燒汁好惹味, 長通粉係用蕃醬/意粉醬的味, 似似地PIZZA HUT的PIZZA而蕃茄醬底的醬味~ 叫餐+$8, 就可以飲特飲/果茶, 小小膠茶壺, 上層係茶葉, 下層是果茶, 杯子小小, 慢慢倒出來, 休閒的感覺就湧出來, CAFE果然係CAFE, 可以坐著慢慢嘆茶~ 茶味淡淡的, 加埋少少甜果味, 好味啊~ 好休閒啊~ 不論環境,

首次光顧, 點了兩個午餐, main course加杯飲品。意式腸意粉: 意粉非一般貨色, 蠻挺身; 炒得不油膩。茄子肉片長粉: 材料足, 唯味道略近中式感覺。店子不大, 座位舒適, 且有雜誌供應, 一個適合hea的地方。