Video
5-min walk from Exit A2, Yau Ma Tei MTR Station
continue reading
Telephone
26138099
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
今日約了朋友到旺角逛街～行到攰見到這間泰國餐廳人頭湧湧，而且看過餐牌除了有泰式粉麵飯之外，仲有很多有特色的泰國小食，所以我跟朋友決定到餐廳內食一點小食，飲返杯嘢，唞一唞再出發購物。餐廳座位非常之多，我們點了兩款串燒。豬肉串燒，豬肉啖啖肉非常惹味，燒得相當出色，點上了獨特汁非常惹味。而且串燒有三串的，而且每一串都相當多肉！另外點了雞肉串燒，是配上了沙嗲汁，沙嗲雞串相當美味！啖啖肉而且雞肉較為嫩滑的質感。串燒相當有風味，而且肉類份量十分足料。吃泰國食物，當然少不了芒果糯米飯，這間餐廳的芒果糯米飯超級好味， 十分推薦！芒果又甜又多汁，而且啖啖芒果肉配上了煙靭無比的糯米飯，非常出色，仲可以淋上椰汁，椰汁芒果糯米飯冇得頂！又香又甜又惹味！泰國特色飲品～鮮椰青～清涼解暑！啱晒炎炎夏日！泰國龍眼水，甜甜的，而且龍眼味清甜無比，非常滋潤，冰冰凍凍十分解暑！入邊仲有龍眼果肉的。下次再來一定要試試這裏的泰式粉麵飯！看到其他食客的食物都相當香噴噴。
continue reading
今日同朋友去旺角行街睇戲，睇完戲之後就去通菜街行街買嘢，就見到有一間泰國餐廳，出面門口有好多客人喺度排隊，亦聞到有好香嘅食物味道，咁我哋都排隊入去食，好彩都係排咗10分鐘就可以入去，因為入邊啲位都唔少㗎。這間泰國餐廳叫做Tamarind，位於旺角通菜街1號威達商業大廈地下K&L號舖，港鐵油麻地站A2出口，行幾分鐘就到，非常方便。入到餐廳見到環境不錯，地方都寬敞，枱凳都整齊都令人坐得舒服，裝修乾淨光猛，以泰國款式為主調，仲有得聽泰國歌曲，真係令人食得開心。餐牌雖然得一張，但食物款式都不少，有主食、小食、沙律、粉麵飯、甜品、飲品，我哋就叫咗泰式牛肉炒河粉、鹹蛋青木瓜沙律、芒果糯米飯、泰式綠奶茶，我哋叫完嘢食之後就見到主食嘅曼谷火山排骨來咗隔離枱，份排骨份量非常大，又不停有煙出嚟，亦聞到好香嘅肉味，賣相非常正，我哋真係下次要再來食。泰式牛肉炒河粉係泰國最具代表性美食之一，非常有鑊氣，牛肉炒得好有香氣，肉質又鮮嫩，食落好有汁感，泰式河粉咬落口香香滑滑同煙煙韌韌，非常好食，同普通河粉不一樣，醬汁味道香濃，鲜香可口，好配合牛肉、河粉、鮮菜、香蔥、青檸汁一起吃。鹹蛋青木瓜沙律賣相都靚，睇落有好多顏色，有黃色嘅木瓜、橙色嘅紅蘿蔔、紅色嘅蕃茄仔、鮮紅色嘅辣椒、青色嘅青豆、白色嘅花生、微紅色嘅蝦米，金黃色嘅鹹蛋，同沙律嘅味道一齊食都好夾，味道有辣味酸味甜味鹹味，真係令人食得開心開胃。芒果糯米飯是一種傳統泰國甜品，主要材料有芒果、糯米飯與椰奶，芒果鮮嫩多汁，香甜可口，糯米飯甜中帶鹹，甜甜鹹鹹的好滋味，又有軟糯綿密嘅咀嚼感，加上份量恰到好處嘅濃醇椰奶香味，讓人一吃就忘不掉。泰式綠奶茶是泰國的特色茶飲，香濃滑順，有綠茶獨特的清香味，味道香濃又不會太甜，顏色艷麗又獨具奶香，係令人愛喝嘅飲品，這間餐廳嘅食物質素好，店員嘅服務態度亦都好，好值得來食。
continue reading
我個人覺得呢間泰國餐廳有啲過譽，店舖概念係主打泰式街邊食品，例如船麵，但當然佢哋都有提供正規主菜，而唔係淨係船麵。 我哋點咗四道菜，整體嚟講，食物溫度唔夠熱。如果原意係街頭船麵，咁至少應該要滾燙熱辣，但我嘅船麵只係室溫左右，朋友嗰碗亦然。但個湯底濃郁，呢點係加分嘅。至於脆豬皮同其他配料如丸子、肉類，味道合格正常。 至於香草炒豬肉碎飯配蛋，先稱讚一下飯量好多！！！但味道老實講都幾一般，過甜、唔夠辣、肉碎一啲都唔香。尤其係當我喺香港同泰國朋友食開泰國菜，再比較九龍城、佐敦或者尖沙咀嗰啲地道泰菜，呢間餐廳嘅菜式雖然唔差，但味道並唔算正宗。 同埋啲嘢飲全部糖水咁，呢樣就似泰國喇😂👌🏻總體而言，呢間餐廳可能比較迎合香港年輕人嘅口味，但對我嚟講，我未必會願意排隊嚟食。
continue reading
星期五晚上八點半到達，仍有長達三間舖位的人龍! 我們兩位等了大約半小時才入席。除了在餐牌有特別說明的烤魚之外，食物預備得好快。火車烤飯首先上桌，之後是炒通菜。餐牌上有註明是辣的，但比平常香港泰式餐廳辣好多。兩道菜都有鑊氣，調味也好。火車炒飯 (牛肉)炒飯裡有菜和牛肉，十分足料。炒通菜有泰式豆醬和蒜頭。吃得出莖和葉有調整炒的時間，吃起來葉不會過老。烤魚最後才上桌，上桌時外皮已剪開，吃起來很方便。肉質十分濕潤，醬汁也很醒胃。在旺角算是性價比很高的餐廳，九點半仍有人排隊，下次可能要再六點前來到避開人潮。後來才知道餐廳開業大約半年，希望遲點還能維持水準。
continue reading
最近我去咗旺角女人街，發現咗一間新開嘅泰國餐廳，名叫Tamarind，真係好驚喜☺️餐廳嘅環境充滿泰國風情，色彩繽紛，令人一入到去就感受到濃厚嘅異國氛圍😍我試咗佢哋嘅大蝦炒金邊粉，呢道菜真係好正！炒粉嘅火候掌握得非常好，蝦仁新鮮又彈牙，搭配花生碎同豆芽，味道層次分明，酸酸甜甜，令人食到停唔落口。每一口都充滿咗泰國嘅風味，真係好滿足😋另外，我仲試咗泰式檸檬茶,呢杯飲品清新解渴，檸檬嘅酸味同茶香完美結合，飲落去好舒服，特別適合炎熱嘅天氣❄️❄️再嚟就係鹽烤魚，魚肉新鮮嫩滑，簡單用鹽調味，鮮味十足👍我仲試咗火山排骨，呢個排骨真係好有特色！份量巨型，超級抵食，而且砌到成座山咁，勁岩打卡😍📷排骨肉非常嫩，醬汁香濃，帶有一點微辣，食落去令人回味無窮，真係好好味🤤最後，甜品方面我選咗芒果糯米飯，呢個經典泰國甜品真係唔可以錯過！香甜嘅芒果配上黏米飯，淋上椰漿，味道香滑，甜而不膩，完美作為餐後嘅結尾🥰📍 Tamarind (旺角)旺角通菜街1號威達商業大廈地下K&L號舖
continue reading