Tamarind

Open Now

Now Closed

晚飯時間來到🚇旺角呢間 Tamarind，一到門口就見到一條 walk-in 嘅😮長隊，好彩一早 book 咗位咋😎。入面裝修勁似地道泰國🇹🇭夜市排檔，加上口味正宗、份量十足而且💰價格實惠，難怪每晚都大排長龍。食泰菜就梗係要飲返杯泰式奶茶🧋，佢茶底濃唔會死甜，🥛煉奶同茶香平衡得啱啱好👍。 曼谷火山排骨🌋我見好多台都有點，排骨🍖疊到成座山咁高而且好多肉，面頭淋上青辣椒醬🌶️，酸辣勁道直衝腦門，🐖肉質又燉到好鬆化，上枱時仲有煙霧彌漫🌫️嘅效果添！豬肉碎生菜包🥬份量十足，爆炒豬肉碎好有🔥鑊氣，加埋香茅同檸檬葉🌱嘅香，用生菜包住食，清爽得嚟🌶️又辣又惹味。泰式牛肉炒河粉🔥炒得夠鑊氣，唔會太油膩，🥢河粉勁Q彈又煙韌，充滿🇹🇭曼谷街頭味道！ 芒果糯米飯🍚軟糯煙韌，芒果🥭甜到漏，再淋上暖笠笠椰漿🥥，飯後甜品一定要揀佢🥰。鍾意泰奶茶🤤嘅就一定要食埋佢哋嘅泰奶茶雪糕🍨，味道香甜又濃郁，而且加上咗🥥椰子肉、粟米🌽同埋花生🥜等配料，真係充滿泰式風情👏！

今日同朋友去旺角行街睇戲，睇完戲之後就去通菜街行街買嘢，就見到有一間泰國餐廳，出面門口有好多客人喺度排隊，亦聞到有好香嘅食物味道，咁我哋都排隊入去食，好彩都係排咗10分鐘就可以入去，因為入邊啲位都唔少㗎。這間泰國餐廳叫做Tamarind，位於旺角通菜街1號威達商業大廈地下K&L號舖，港鐵油麻地站A2出口，行幾分鐘就到，非常方便。入到餐廳見到環境不錯，地方都寬敞，枱凳都整齊都令人坐得舒服，裝修乾淨光猛，以泰國款式為主調，仲有得聽泰國歌曲，真係令人食得開心。餐牌雖然得一張，但食物款式都不少，有主食、小食、沙律、粉麵飯、甜品、飲品，我哋就叫咗泰式牛肉炒河粉、鹹蛋青木瓜沙律、芒果糯米飯、泰式綠奶茶，我哋叫完嘢食之後就見到主食嘅曼谷火山排骨來咗隔離枱，份排骨份量非常大，又不停有煙出嚟，亦聞到好香嘅肉味，賣相非常正，我哋真係下次要再來食。泰式牛肉炒河粉係泰國最具代表性美食之一，非常有鑊氣，牛肉炒得好有香氣，肉質又鮮嫩，食落好有汁感，泰式河粉咬落口香香滑滑同煙煙韌韌，非常好食，同普通河粉不一樣，醬汁味道香濃，鲜香可口，好配合牛肉、河粉、鮮菜、香蔥、青檸汁一起吃。鹹蛋青木瓜沙律賣相都靚，睇落有好多顏色

收早今日6點前去到旺角食泰國野。見門口拉左條隊睇黎好受歡迎。未夠6點唔洗排隊都入到座。餐廳都好闊落，裝修好有泰國大排檔嘅特色。食物都幾多選擇。我就叫左d經典菜式試下泰式虎蝦金邊粉新鮮炒起，第一時間擠青檸汁，將所有配料撈埋，青檸清新多汁，聞到d酸甜味，胃口大開。虎蝦大隻，咬落好爽口！金邊粉炒得好好，夾起有水份，但唔會痴埋哂一嚿，入口條條分明，配搭青檸汁食落清新開胃。撈埋蔥頭，芽菜，豆腐乾等等嘅配料，口感更加有層次。仔細d望仲有加埋蝦米，加倍鮮味。小食叫左個 沙嗲豬串燒比起一般食到嘅肉粒串燒，餐廳嘅串燒係一片片豬肉，帶少少脂肪，燒到有少少焦邊，香脆juicy!份量大份，啖啖肉。點埋酸甜嘅醬汁 味道都好夾有特色！飲品叫左杯 泰式奶茶 少冰，奶茶香滑，唔會過甜，味道唔錯，配肉類炒粉都唔會覺得太膩。到離開嘅時候未夠7點，門口排哂長龍，餐廳性價比好高，好食抵食，店員都好有禮貌。值得回頭！

位於旺角通菜街威達商業大廈地舖，裝修好有特色，牆身嘅鐵閘、大型deadpool壁畫，仲有寫住店名Tamarind字句模擬街頭塗鴉，播住泰文歌，好似置身泰國嘅夜市咁！我點咗兩個小菜，味道都好正宗。首先飛天炒通菜($68)好有鑊氣，微辣嘅調味配搭菜上嘅脆脆(炸蝦米？)，好香口惹味，不錯！然後叫咗餐牌推介嘅泰式燒牛肉沙律($138)，燒牛肉厚實，肉香有口感，配搭車厘茄、青瓜，加上特製泰式調味醬汁，別有一番風味。至於飲品叫咗餐牌推介嘅泰式奶茶($26)，所有飲品不設少甜，統一甜度，入口香濃，係熟悉嘅泰式奶茶味道🇹🇭午市免加一，長期排長龍，要食要早啲嚟攞位啦😆

星期六下午1:30左右開始排，大約排半個鐘終於入到去。餐廳個環境幾新淨亦幾有泰國feel嘅，不過地下有輕微跣。兩個人最後叫咗泰式牛肉船麵+泰國龍眼水+沙嗲豬串燒+泰式青芒沙律+芒果糯米飯，每個飯麵主餐都可以配set lunch飲品。豬串燒味道幾驚艷，整體味道係唔錯，應該會二訪，不過船麵&泰式沙律都有唔少芫荽，唔食嘅朋友落單時可能要預先叫佢哋走芫荽（見到好多人叫火山排骨，諗住下次試下就問下店員，但佢話火山排骨係落芫荽+芫荽汁）。

呢間每次行過都排長龍嘅泰國餐廳，今日決心要試吓，所以早早五點幾就排隊，呢段時間少啲人，所以差唔多六點就有得食知道好多人有啲特別嘅口味選擇，一眼睇到嘅就係鹹蛋青木瓜沙律，原來呢個咁嘅配搭係好特別，青木瓜沙律已經有固定嘅印象，但係加埋鹹蛋去一種好特別嘅鹹鮮味，爽脆新鮮嘅青木瓜絲加上鹹蛋白，即刻豐富咗口感，開哂胃！跟住叫咗沙嗲串燒同埋泰式魚餅，好鍾意個沙嗲醬喎，同埋鍾意用五化腩肉，真係非常之香口，魚餅就好有咬口，有時食魚餅會覺得過鹹，但係呢度就啱啱好，點少少魚露仲好味然後食一個泰式虎蝦金邊粉，想講啲蝦係非常彈牙新鮮，金邊粉熱辣辣好入味，仲有幾樣好咬口嘅配料，上菜時就等你自己去撈勻佢，撈吓撈吓，開心又滋味！見到好多台客，都點咗一樣大大份，有乾冰冒氣嘅美食，睇餐牌原來係曼谷火山排骨，即刻叫咗一份，嘩，上菜時真係非常有驚喜，排骨嚮我面前，先至發現係非常大份，點咗呢個菜嘅時候就已經每人比一對手套，等上菜嘅時候用手撕，我差不多用咗十分鐘先至可以將幾件大排骨撕開晒，用手拎住支排骨咬嚟食係最惹味，排骨用咗泰式鳳爪嘅酸汁大量淋上面，我真係最鍾意食呢隻汁，呢種酸味加上排骨上邊係咁出色咁好味，咁大份好多肉，肥瘦

成日話香港飲食淡靜今晚嚟到旺角食飯，條龍長到， 偏偏朋友又好想食泰國嘢所以唯有排隊啦餐廳裏面完全人頭湧湧真係好熱鬧，好似去咗泰國咁樣餐牌非常清晰飲品叫咗椰青超推介，裏面椰肉勁嫩滑，成隻椰青都可以食曬餐牌見到有個曼谷火車炒飯，個名好特別就揀咗呢個微微有啲辣，食落好惹味豬肉生菜包生菜好多，我覺得好滿意豬肉碎好清新，帶一點酸辣豬肉串燒好鍾意呢個串燒 肉片大大塊 ，有肉汁唔會太乾， 味道又唔會太鹹仲有成三串咁多兩個人覺得好滿足

超人氣！極多人排隊嘅旺角泰菜。九龍城以外好難搵到嘅正宗泰菜，同埋我鐘意佢比起九龍城衛生好多。冬陰功湯$138用嘅香料好正宗，又香又開胃。海鮮好多好足料。豬肉碎生菜包$78超辣超惹味。我鐘意佢炒得乾身唔油膩。曼谷火車炒飯$88炒飯粒粒分明，仲有啲香口。好惹味嘅豉油、魚露味道。超足料，啲牛肉係大大片㗎。芒果糯米飯$58 芒果好甜！同埋特別多椰漿。芒果沙冰$32質地幼滑，有濃濃芒果味。感覺係由新鮮果肉打成。椰青$36大大個，椰水量超多。

旺角開左一間好有泰國街邊餐廳，見佢午市晚市都多人，同屋企人試完，覺得物有所值!🍴泰式虎蝦金邊粉🌟泰式虎蝦金邊粉嘅虎蝦鮮美彈牙，金邊粉炒得好有鑊氣，配埋泰式香料同青檸汁，味道酸辣開胃~🍴沙嗲豬串燒🌟 食評：沙嗲豬串燒嘅豬肉嫩滑，肥瘦平衡，沙嗲醬香濃惹味，燒至外焦內嫩!!!非常推介!!!🍴金不換辣椒糕炒蜆🌟 食評：金不換辣椒糕炒蜆嘅蜆肉鮮甜，辣椒糕香濃，帶有香草嘅清香，不過佢對食小辣的人黎講可能會有D辣，不過叫番杯凍飲就OK!=====🍴芒果糯米飯🌟芒果糯米飯嘅芒果香甜，糯米飯軟糯，配埋椰漿，每啖都好滿足!🍴泰式牛肉船面🌟泰式牛肉船面用湯的溫度整熟D牛，令牛肉非常嫩滑，佢仲有豬肉丸仔，湯底香濃，配埋各種香料同配菜真係好似係泰國咁~🍴 食物名稱：椰青🌟椰青嘅椰汁清甜可口，椰肉嫩滑🍴泰式奶茶🌟泰式奶茶嘅紅茶味道濃郁，奶香甜美，好似泰國好出名個間奶茶店咁!!

已經好耐冇見過餐廳係有人龍㗎啦💁🏻‍♀️而且喺人龍裏面不乏外籍人士同工人姐姐香港人心態當然要趁熱鬧 同埋試吓係咪真係咁好食先～餐廳走泰式大排檔風格 恍如置身泰國一樣仲有個開放式大廚房 乾淨企理 同埋係泰國人煮㗎 一定夠晒地道啦望吓個餐牌 價錢仲好親民添💕❣️泰式虎蝦金邊粉金邊粉炒得夠鑊氣 酸酸甜甜好開胃比較濕身 有飽滿嘅芽菜、韭菜、豆干、辣椒粉每樣食材都好配合 虎蝦真係夠晒大隻㗎❣️沙嗲雞串燒呢味真心係佛心價 $48有三大串呢度嘅串燒每串都超巨型我諗係其他餐廳2.5倍嘅份量 真係勁厚肉雞肉食落有碳香味 燒到剛剛好 保留到肉汁 配埋店家秘製嘅香濃沙嗲醬食 夠晒滋味❣️酸辣胡椒蜆湯湯底酸酸甜甜得嚟帶香茅同胡椒香 重點係蜆肉嘅鮮味滲晒落個湯度 夠清甜蜆肉用上大蜆 隻隻都好飽滿 又有海水味 最重要清理得好乾淨 唔會食到有沙❣️蟹肉奄列1秒帶我返咗泰國 奄列做到好厚身外層煎到燶邊 好香口裏面包咗海量嘅蟹肉 勁鮮甜得嚟 雞蛋又有蛋香味 不過想食呢味 就要耐心等候啦 製作需時當然唔少得叫埋泰啤同泰式奶茶啦！食完就知道呢度點解咁多人排隊啦

一踏入Tamarind，裝修各樣勁似去咗翟道翟，成個感覺好似真係去咗曼谷食街坊餐廳咁。餐廳keep住都好多人食，啱啱過咗最多人嘅午餐時間先至過嚟泰式燒牛肉沙律真係好驚喜！啲牛肉厚切份量十足，外圍燒到香噴噴，入面仲係粉紅色嘅，完全冇過火。最緊要係醬汁調味夠曼谷地道，酸中帶甜，仲要辣度適中，配埋新鮮爽脆嘅青瓜同埋車厘茄，食落去層次感十足。泰北燒雞就更加正！半隻雞皮燶燶地，金黃色澤睇到就流口水。一入口，雞皮香脆得嚟唔會太油膩，裡面嘅雞肉仲要出奇嘅嫩滑多汁，完全冇乾柴嘅問題。最正係佢醃製嘅味道，有香茅、南薑同埋薑蒜嘅層層香料味，食落去香辣惹味！跟餐附送嘅肥仔醬汁都幾有水準，香辣濃郁，配雞肉一流。最後仲要特別讚下佢嘅服務，侍應姐姐親切又細心，勁有禮貌👍🏻

朋友話有間在旺角的餐廳很火紅，來到Tamarind幫襯，確實如是，門口大排長龍，只因餐廳布置具泰國地道風情，食物更是味美，展現泰國風味，性價比極高！這裏的曼谷火山排骨只售$148一份，份量極多！上菜時，排骨部份十分碩大，而且的確還在冒煙，排骨表面淋有濃郁的醬汁。而排骨經過慢燉，肉質非常嫩滑，骨肉分離，入口即化。醬汁的濃稠感與排骨的嫩滑形成完美的對比，每一口都令人驚喜。而泰式甲拋豬肉飯色彩豐富，金黃色的豬肉上撒有辣椒碎，旁邊是白色的香米飯，整體看起來非常誘人。豬肉經過快速翻炒仍能保持鮮嫩。米飯吸收肉汁和香料的味道，口感滑順。至於冬陰公湯湯色清澈，搭配蝦、香料和香菜，視覺上十分清新。加上湯底味道清爽，辣味非常突出，檸檬葉和香茅的香氣撲鼻而來，蝦肉鮮嫩，口感非常豐富，這道湯很開胃。這三道菜各具特色，無論是外觀、口感還是味道，都能讓人感受到泰國料理的獨特魅力，絕對值得一試！Tamarind (旺角)地址：旺角通菜街1號威達商業大廈地下K&L號舖

今時今日係香港食飯要排隊真係少有, 而今日黎食既呢間餐廳唔只要排隊, 而係排好長既隊6點黎已經要排隊喇, 好彩餐廳都唔細, 而且翻枱都算快, 最後只係排左幾個字就入得喇!!!呢間泰式餐廳既裝修好特別, 以泰式車仔檔為主題, 充滿泰式排檔風情~菜式一張紙睇晒, 簡而精~價錢算係相宜, 性價比相當高芒果沙冰 $32堅係用新鮮芒果整既沙冰, 芒果味好鮮好濃~沙冰打得夠細滑, 清涼解渴鮮椰青 $38鮮椰青好新鮮, 椰青水清甜, 椰肉嫩滑~~炭燒豬頸肉 $68豬頸肉燒得啱啱好, 炭香味濃, 外層有少少焦香, 肉質嫩滑~沾埋醬汁食, 味道好豐富, 超好味!!!沙爹雞串燒 $48雞肉串燒得好香, 雞肉幼嫩, 沙爹醬香味濃粉絲大蝦煲 $138大蝦新鮮又大隻, 肉質爽口彈牙~粉絲吸晒蝦嘅鮮味, 口感軟滑得黎又帶點Q彈飛天炒通菜 $68呢道菜超惹味!!! 通菜好新鮮, 煮完都保持到爽脆口感味道唔會好辣, 唔食辣既都接受到~~芒果糯米飯 $58芒果糯米飯香滑煙韌, 加埋椰漿同鮮甜芒果一齊食, 味道好豐富!!!

呢日收工同朋友係旺角食咗餐好滿足嘅泰菜🇹🇭店舖裝修走泰式大排檔路線，開放式廚房～泰籍廚師主理👨🏻‍🍳👩🏻‍🍳令整個用餐體驗更加地道。氣氛很好，出餐速度亦相當快！3個人嗌咗6個餸～包括泰菜必食嘅冬陰公湯，飛天炒通菜，豬肉碎生菜包….炸蠔餅就有啲失望，雖然炸得鬆脆，但蠔仔份量較少～💬個人最中意～粉絲大蝦煲同蟹肉奄列🦐🦀🩵粉絲大蝦煲🦐有4隻蝦，肉質彈牙，精粹係啲粉絲呀！✨吸曬蝦同醬汁嘅味道，仲有豬頸肉～好好味🫶🏻蟹肉奄列🦀一切開滿滿嘅蟹肉呀😍 充滿蛋香～鮮味嘅蟹肉同煎到外脆內嫩嘅滑蛋～兩者結合，幸福感滿滿～點埋辣椒醬食～秒清🩵！

午市冇加一，主食仲可以優惠價配飲品！餐廳主打地道泰國菜，價錢合理。而且環境都好chill好有feel，我地今次叫左招牌蟹肉炒飯 ❤️味道鮮味，飯粒粒粒分明，鑊氣十足，食起上黎一D都唔油。飛天炒通菜 ❤️咸香味濃，如果份量再多D就更好喇泰式炒芥蘭 ❤️爽口小辣，好新鮮泰北燒雞 ❤️淡淡清新香草檸檬酸味，雞肉香口唔油，2個人食一隻先夠滋味！泰國鹽燒魚 ❤️好大條，配埋佢地個泰式醬汁，好味，食落一D都唔干，仲好JUICY，魚味十足。