譚仔雲南米線 (Moved) New Location

譚仔雲南米線同埋三哥係我最常去食既兩間餐廳 (個人比較喜歡三哥) 因為通常食譚仔 d 料無咁多 因為我個人通常比較鐘意叫個過橋米線套餐 自己享受 唯獨係依間銅鑼灣分店 料幾足又大碗又抵食 所以係我最喜歡既食堂之一加埋凍檸茶簡直就係完美既配答咁樣埋單只係 $60

兩個人食譚仔最鍾意就係食過橋米線，因為可以食曬所有餸，最arm決定不了食什麼的我，天秤座-選擇困難症！😁😁 $54再黎個細既蒜泥白肉，半肥瘦豬肉，切得薄薄的，一點不韌，肉面上鋪了一層生蒜蓉，微辣中帶著蒜香，可口非常！$26細的新疆香草雞翼🐔🐔，一端上桌，已經香氣撲鼻，陣陣香草味，已叫人垂延欲滴。$24生菜足有半個多 $18樽裝豆漿味道不太甜 $7不錯的平民美食喔！最適合我這個香港平民😊！

係銅鑼灣食過好多地方，但一到食晏嘅時候就好多人排隊又或者好多人等位，一個鐘頭嘅食飯時間緊係唔想浪費啦，所以**譚仔**係我嘅首選，又好味又唔會浪費我寶貴嘅時間。我自己唔鐘意食得太肥膩，所以每次都係叫豆卜雞肉米線，清得黎帶小小雞肉味， 同埋都俾幾多雞肉架(女士們可以叫小米線，可減$1又夠食) ，土匪雞翼(去到一定要order)食過一定鐘意，炸醬 (有時覺得太清加小小同啲米線一齊食都好正).........因為本人都食唔得好辣，所以好多時都叫清湯

做完facila, 有點肚餓, 經過譚仔時, 突然發現很久沒去吃, 就走進去了點了乍醬+魚腐，酸辣，小米線乍醬是每次必點的，一口米線一口乍醬，一流配搭但總覺得譚仔越來越貴了

1月28日, 早兩日先食完一個唔係幾滿意嘅米線, 所以今日又再嚟譚仔食個呀菲覺得比較有保證嘅米線~ 晚市走到嚟, 都要等一陣先有位.::: 牛肉酸辣米線 ::: $27本身食開米線一定食酸辣嘅呀比, 其實對譚仔嘅酸辣米線冇乜好感, 因為佢嘅湯底並唔似有香料味, 只係似清湯底加咗d酸辣汁咁… 但係撇開個湯底係要求酸辣嘅話, 湯底本身都幾清甜~ 其他野例如牛肉、韮菜、米線咁都算唔差, 牛肉都幾淋亦有肉味, 份量都幾多~::: 豬潤清湯米線(少米線) ::: $25平時食開墨丸嘅呀菲今晚就改食豬潤~ 估唔到都唔錯喎! 豬潤份量好多, 食落有內臟嗰種鮮味, 見到湯面都浮住d淥豬潤嘅物體, 豬潤鮮味直頭同深水埗馳名豬潤麵有得揮! 因為成日食譚仔都覺得份量太多食到好飽, 所以今次叫咗少米線, 唔浪費之餘又可以減兩蚊! 米線少咗份量啱啱好~ 加埋慷慨嘅芽菜韭菜腐竹等配料, 好滿足!::: 香草雞翼 ::: $28雖然譚仔出名嘅係土匪雞翼, 但我地今次就叫咗感覺好似無咁重口味嘅香草雞翼~ 雞翼上枱, 個樣焦焦黑黑咁其實都好土匪下, 係無咗d黑芝麻. 香草口味其實即係用上新疆孜然粉, 夠晒濃香惹味! 咬

今日下午係柴灣番工時食左譚仔.晚上朋友又話去食譚仔,本人對譚仔信心都大,都好鍾意食,所以都唔介意食多餐.就叫我最鍾意既指定菜色,豬潤乍醬10少辣+凍檸茶.土匪雞翼呢個係好食咖!!!個味道係可以,好好食咖!!!有黑芝係d雞翼上面.keep到水準!!!我同朋友們都唔係太食得辣,但係就係鍾意佢十少辣,少辣得泥會令到人流少少鼻水果d感覺.譚仔就係勝在有辣度比顧客選擇!!可惜!!!呢間景隆街分店令我非常失望!!!!首先,來個十小辣冇味?!同個staff講加番少少辣要加錢下??佢個十少辣=清湯..跟住個staff話有油果d就係辣佢再講話係呀十少辣同冇味冇分別?!我地幾個即刻:::咩話!!!!!十少辣同冇味冇分別=.=呢個真係應該由staff講出口咩?!係咪應該態度好d?!連鎖餐廳都可以係咁樣咖咩!!我地都廢事同佢講..快快趣趣食完算,唯有自己落辣油.btw唔會再食呢間分店!!!食到差唔多尾聲,突然朋友停手唔食.問佢咩事.佢先措住碗野話冇胃口啦.唉,,估唔到咁令人失望!!近d睇..什麼!!!!你們看看是什麼!!!如果唔係食到尾聲我會幫我朋友要求換過!!!景隆街分店真係冇下次!!!

十月十二日 (星期三)譚仔早於1999在長沙灣永隆街開了第一家店相信當時沒太多人想到幾年後,雲南米線成為全港大熱最終,兩創辦人分家譚仔妹夫主理叫譚仔雲南米線而由創辦人譚仔主理的叫譚仔(三哥)多數都是吃三哥的,今次就試試妹夫的那間(只一街之隔)就有如公司三文治的米線版本材料多得很,計有牛丸,墨丸,竹笙,九菜,腩肉,雞肉,火腿,豆卜等等兩人分享一碗,份量已夠我比較抗拒肉類,因為這樣吃味道會較較淡丸類不錯,都有不錯水準這裡的湯底雖是清湯,但味頗濃而搶喉有時吃三哥,湯底味道淡得很的,論湯底,這裡略勝一籌相當不俗,香草味道濃郁加入味粉,更能觸動味覺神經帶點點的羶味,雖然我不太好,但總算不抗拒的兩間其實都不錯分家應不是這原因...

龍少有日試過此處的米線，味道尚算不錯。除米線外，眼見每枱食客都來一碟雞翼，本能效應告知 - 我也應來一碟吧！。此處有三款不同「地區」及「口味」的雞翼選擇，好像各有特色，通通都是小的（三隻）賣 $20，大的（五隻）賣 $28。本少本着求知精神，一於瘋狂地每款來一碟，來個比拼！1. 湖南 - 土匪雞翼根據網上資料，此雞翼名稱的由來是從前湖南土匪打家劫舍，連每戶的香料香草都不放過。土匪們將打劫得來的香料用來燒雞翼，香氣撲鼻，幾里以外都聞得到。所以當人聞到此種雞翼既香味，就會知道附近一帶有土匪出沒。雖然此比喻有點誇張，卻証明了土匪雞翼的確「味」力沒法擋。這裡的土匪吃得出用孜然粉醃製，帶點黑椒味道，面頭再灑上黑芝麻，非常惹味。肉質亦焗得皮脆肉嫩，熟得剛剛好，上桌時香噴噴熱辣辣，果然名不虛傳！2. 新疆 - 香草雞翼第二款上桌的新疆代表，用上混合香料 - 茴香、五香粉、孜然粉等泡製，味道較土匪來得豐富咸香，性格亦較複雜；喜歡心多的朋友應會覺不錯。3. 四川 - 麻辣雞翼外觀與新疆香草別無兩樣，一試卻知龍與鳳。麻辣味道即時刺激味覺神經系統，舌頭亦麻疪起來！純粹個人口味，此雞翼過辣了，有點想半途而廢。

4月13日同朋友出左去銅鑼灣行街,行街前當然係先醫肚啦,朋友唔可以食咁heavy既嘢,初初諗住食沙律的,後尾佢記得呢度有譚仔所以就嚟左啦.我地每人都係叫左一碗小鍋米線配兩個餸,朋友叫左腩肉加腐竹,我就叫左魚蛋加竹苼,這裏的環境都好光猛喎,枱及椅的顏色又鮮艷,感覺都好舒服.我發現譚仔係有兩間既,一間係有三哥,另一間係冇,不過食既嘢及裝修幾乎完全一樣,都唔知係咪同一間的呀!!我地碗米線都好快嚟呀,都幾大碗,我地都係叫左酸辣,只係叫左小辣所以味道都唔算好勁,我的魚蛋好爽口彈牙呀,好味,另外竹苼都好入味及爽口,加左少少辣椒油一齊食添呀,d竹苼吸埋d辣味好掂.朋友的腩肉,腐竹都好多及好味,腐竹好淋及又係吸晒d湯既味道,所以好入味,其它配菜有些蔥及芫莤等,原來可以叫少米線的,同埋呢度有麻辣的,有好多個級數的,都幾得意呀,朋友話下次要嚟挑戰麻辣呀!!唔知會唔會真係好辣呢?!我見隔籬枱的雞亦好吸引,攪到我地都叫左一個細既土匪雞亦,有三隻,煎到香噴噴熱辣辣,好好味呀,唔會好燶但好香口,好惹味,同埋都算好大隻多肉呀,正呀.