譚仔雲南米線 (Closed)

打電話叫外賣，明明係同我講33號。去到拎見唔係我叫嘅野就同佢講啦。都未試過食一間野自己做錯仲態度咁差，係咁係我面前同個收銀講係我記錯No.。如果我記錯又點會咁岩你有果個號碼嘅外賣係度。本身都諗住由佢，點知收銀找緊錢比我你又再同佢講要同個客對清楚啲野食，因為佢地會記錯No.，仲要不斷話係我記錯。我本身個no.係37，其實可能只係電話聽得唔清楚個音大家都無乜錯。但你點可能完全唔諗下有機會係自己問題就係咁話係個客問題？唔係第一次食，一隻覺得呢間分店態度算唔錯，但呢個短頭髮無戴眼鏡嘅阿姐真係令人好嬲好失望。咁嘅態度幾好食都無用啦。唔係顧客永遠是對的，但至少有基本禮貌。

早晨呀！今日又係星期三，等我講下我今週既飲食誌。今個WEEKEND 去咗聽咗2個孕媽媽講座，雀巢講座同埋DISNEY WORLD OF ENGLISH既，遲D再SHARE多D INFO先。其實DISNEY TALK係喺旺角，我同老公一去開旺角都會去食譚仔；而去開灣仔既就會去食譚仔三哥，就好似一個習慣咁（其實一開始係覺得抵食，同佢地舖位都比較大，等位時間會少好多～我係一個無耐性既人～哈哈）。去譚仔我都鍾意食酸辣既，酸辣唔係好辣，但好野味。同埋發現食一餸既墨丸，係好抵食，會TOTAL有6隻。對比雙餸既，墨丸加牛丸既，就會變咗3粒3粒，TOTAL先得6粒。大家可以留意一下。不過其實我發現我鍾意三哥譚仔多D！佢既酸辣好味D。同埋墨丸係大粒，彈牙D架。相反譚仔既墨丸會有D ZAR。另外我老公就一定叫單餸加炸醬，炸醬喺譚仔真係必加的。但都係嗰句，譚仔既比較多汁，三哥既比較濃味多肉粒D。但不得不讚一下呢間旺角譚仔既職員好CARING，帶位既見我大肚，都會好好咁比個闊D既位我，同會幫我擋下佢拎緊餸既同事。讚！～

要在旺角搵餐廳不難，但今天心血來潮想食好耐無食過，而週圍都有分店的譚仔米線。12點到來不需等位，可以任坐，但約12點半時已是學校及公司放飯時間，會很多人。打開餐牌，除米線外還有很多小食。今次就點了一直以來都鐘意的酸辣湯底，再加配豬腩肉及墨魚丸，另配凍飲加$7蚊。酸辣湯底一如以往的，酸度適中，辣度不會太辣，也是不太咸，整體感覺同以前食開無乜變。腩肉偏瘦同硬，麻麻地。墨丸都比以前無咁彈牙及大粒。整體而言，湯底還keep到，餸料則好似無以前咁多及好味，還可以吧。

我這種窮人，吃不起貴價餐廳，唯有吃窮人恩物-譚仔。點了炸醬米線，清湯底，$28，起碼不過3字頭。服務員是有普通話口音的，努力聽其實我們也能溝通到，唯有將就一下。不請強國大嬸的話，怎能減低成本？到時這個米線可能要$40才能埋單。炸醬味道正常，如果找不到更平的食物，我會再來的！

好耐冇食譚仔了，今晚突然想食米線於是去食。一如以往，叫返我最愛嘅乍醬雞肉魚片頭清湯米缐。等左10分鐘來了，分量好多，米線好滑，雞肉ok,魚片頭冇乜特別，但乍醬就好好食，有dd辣，幾開胃埋單$39，抵食

陰陰天…幫襯左呢間譚仔米線好多年！一來近搭車返屋企！二來呢間d姐姐幾好人！同女友過黎，如果前後腳到，d姐姐都認得話“佢坐左係嗰邊…”早排閂門裝修！其實感覺舊裝修仲好！新既靚就靚d不過就冇咁好坐！講番食物！黎襯都係叫生菜雞肉同炸醬牛丸小辣！再加木耳同土匪雞翼加野飲食物質素就真係同以前冇得比啦！不過現價我就令願食譚仔多過其他連鎖快餐店！

譚仔真係糧尾既恩物😛好食又唔貴。今次我就試食下新野，食口水雞翼配剩米線，唔食平時食開既腩肉。估唔到甘有驚喜！口水雞翼好好食！個雞翼雖然係凍食，但非常入味，而且個汁好惹味，不過入面有我唔鐘意既芫茜葱，今次唔記得走青！辣就唔係好辣，但係一概四川口水雞既風味，而且愈食愈欲敗不能！雞翼係一開二既，都幾大隻，肉質好結實。因為個辣汁好好味，所以我決定唔好浪費，將佢加入個清湯米線入面，估唔到甘好食😍將清湯變左麻辣湯，味道相當唔錯。米線好滑，而且剩米線份量都唔少，今次我一個人食都食唔曬d米線。食辣野就梗係要飲凍檬茶加啦😍依個配搭真係無敵，而且我成日都覺得譚仔既凍檬茶係沖得好好飲既，甜度適中，所以我次次食譚仔都一定會叫凍檬茶。

跟朋友點了二人套餐, 四十多元有一大碗, 心想: 份量應該很足吧, 而且可以試不同的配菜。平時28, 29元才有一個配菜, 這個套餐真的不錯。上菜時也不覺得有甚麼問題, 但再吃下去, 發現撈來撈去大部分都是豬肝, 另外有小部分雞肉。完全是搵笨, 把其他食客不點的豬肝放到套餐裡...

好耐冇食過譚仔啦....今日難得出到旺角行經就二話不說去左食啦.....過橋米線套餐之前都經常食呢間譚仔因為真係好好味!!!以為佢呢間新裝修完食物既質素可能會差左, 點知米線仍然好彈牙, 而且好入味。配料都足料: 腩肉, 豬潤, 牛肉, 豬肉, 芽菜同埋竹笙都好爽口, 其他配料都好好味, 味道濃郁, 個湯完全吸收哂每樣配料既精華, 真係正!!!!紅油木耳每次到譚仔都一定會點呢個...木耳好爽口, 一啲都唔會淋, 再加埋啲辣椒醬, 超級惹味而且同木耳好夾, 愈食愈上癮....

「譚仔雲南米線」地方整潔和麵食質素。這間旺角分店已經是我的飯堂了。她們製作認真且勤快。不消十分鐘左右已經端上熱騰騰米線，湯呈奶白色，鹹度適中，明顯沒有滲入味精，飲幾口湯也沒有口乾感覺，此米線配以數片雞肉，肉質硬且冰鮮味仍在，尚可入囗。米線吸收清湯味道，肥肥厚厚的，質感軟腍爽囗，麵上加了蔥花和粗身的芽菜，味道也滲進了湯底裡，這樣，它們與滑溜溜又富彈性的米線同放進口中，感覺出奇地配合，一口再一口，滋味十足。下次一定來光顧！

加七蚊嘅奶茶，居然可以咁難飲。勉強聞到奶茶味，一飲飲到。。。水嘅口感同味道。奶，茶，同水嘅分離可以做享同一杯嘢到，真係好高難度。對面嘅食客，凍檸茶只係飲咗一啖就走咗，我諗呢間嘢嘅水吧應該有d問題。

放工又同先生去譚仔食米線，唔明點解好像上左隱咁，愈食愈鐘意，而且次冷都係叫同款的食物們，多數係大米線走青，豬耳同土匪雞翼。大米線兩個人剛剛好，而且又可以咩都食D。豬耳辣得黎好過癮，愈食愈停唔到，好爽口。土匪雞翼炸得好香脆，味道吸引。大愛譚仔。

好耐冇食譚仔，水準依然冇變，中麻辣仍然係至美味，不油不太辣，剛剛好，試左新增既小食，爽脆生腸，真的很不錯，非常爽脆，入口有口感，一啖一口，只係小小辣，仲要係只太貴，份量亦足夠

是日放假去左威, 順便見到有譚仔就試下旺角呢間分店, 都好耐冇食譚仔了 (對上果次成年半前)之前試左個重慶辣, 唔錯幾好食, 而定試埋個雲南酸辣等的時間唔係好耐,10分鐘左右湯底同重慶唔同唔係成碗紅色, 而且辣度係最低辣度, 唔錯酸得黎又唔會過火, 而且有適中的辣味, 不過食耐左D鼻水就係咁流出黎...勁...(估唔到最低辣度都有如此效果...XD)米線佢又好野, 間間分店都係差唔多硬度,爽度, 唔會有一間太淋, 另一間太硬牛肉都係, 間間都差不多味道不得不推介佢地的奶茶沖得幾好, 唔會太過重冰味...飲得出奶同茶的味道來, 唔錯埋單都接近40, 以呢個價黎講其實係貴, 同埋米線係唔飽肚既不過以特色菜黎講, 唔錯吧

每個放假日子，都想去食譚仔米線青椒皮蛋 (19元)它的辣味，一吃難忘，我沒有在其他店中嚐到過跟譚仔用到一樣的辣汁，常被我懷疑是否用上什麼會上隱的秘方? 每塊皮蛋都很晶螢，蛋心蛋皮分布得宜，即使一個人，也要叫一碟，味道令我一而再、再而三的回味。而每次也必叫的是酸辣米線，一定要配雞肉，另外今次也叫了魚片頭。旺角這家的辣味很重，夠酸，碎雞肉加魚片頭吸味強勁，每一口都吸到湯汁，味道超好。