譚仔雲南米線 (Closed)

譚仔食米線一個字正！譚仔米線即叫即整夠熱清湯米線有豬骨湯底味清清的米白色的湯飲兩口不錯上面有配菜芽菜，蔥段竹笙都新鮮白白的吸收了清湯味道不錯爽口的冬茹有4件普通貨色正常味道枝竹份量少許不太多但夠柔軟腐皮吸收了清湯味道不錯有點兒像魚旦的味道彈牙的我個人認為最好吃一定是這碟傳說中最出名的土肥雞翼上面有黑芝麻十分香口土肥雞翼煎得很香脆表皮脆脆的內裡的雞肉很嫩滑很好吃雞肉不會有粗糙感熟度剛剛好而且十分熱吃下去很好吃另一款是沙薑雞翼和土肥雞翼一樣香口有點兒薑味沒有黑芝麻如果喜歡香口應該跟我一樣會愛上土肥雞翼

每次朋友約行街，行街之前一定會約來譚仔食飽先行，一個月至少食兩次今次我點左麻辣五小辣，配上牛肉丸同埋炸醬，一杯檸檬茶，真係正呀！湯底唔會油唔會太辣，岩岩好，不得不推薦檸檬茶，雖然檸檬茶大多數都大同小異，但我真係覺得哩度D檸檬茶好正。三四片檸檬，紅茶味道唔錯！夠解渴！正！土匪雞翅上台熱辣辣，好滑好多肉，好juicy！皮蛋好好味，浸係辣油上面辣辣地，D汁好正，我拿D牛肉丸沾D皮蛋汁，好惹味！皮蛋必叫啊！

因為係附近返夜校嘅關係，每星期總會去呢間譚仔一兩次，貪佢地米線嘅速度快，但係等小食就通常都比較耐少少。呢間譚仔啲米線煮得特別淋，啱曬我呢啲鍾意食淋米線嘅人。每次去都會嗌蕃茄湯雞肉魚腐中辣米線，蕃茄湯好濃，雞肉份量都多，總係翻嗌再翻嗌😜

平時不嬲夜晚都有食開 環境都好乾淨 姐姐服務態度都幾好既。。。。唯獨今日叫外賣自取 電話阿姐左單no 俾我，咁好啦 去到報返個no.俾佢 佢話冇（我心諗唔通我聽錯）即刻話我係咪打錯電話 我又即刻俾來電佢睇我冇打錯有埋時間！我問佢係冇落單定點？ 另一個姐問我叫左咩（我衰既 今日轉左叫左其他餸 講錯左）跟住態度差收銀阿姐摷到張單 一野就收錢 又西面 仲勁差態度話我講錯餸！即刻火都黎 我話 咁我咪同你講左個no囉！（我係講岩左）一句唔好意思都冇 。

上完堂10點幾未食晚餐, 好鬼餓~就去左食碗米線醫醫肚。依間米線的量一向份量十足, 食完次次都好飽, 有時仲要叫佢小米線~所以就揀佢。我唔太食辣, 所以就叫左碗雞肉墨魚丸麻辣5小辣~其實5小辣一D都唔辣, 鍾意食辣的朋友可以叫小辣以上。湯底雖然係麻辣, 但係比起出面d米線舖, 依間真係無咩麻味~個嘴完全無麻痹的感覺。。。不過勝在唔太油, 味道都可以~如果加返多d麻味會更好。墨魚丸有4粒, 都算ok但雞肉太細舊, 有d仲碎濕濕。。要用匙撈先食到。。。。

譚仔對於我既影響力好大 因為我都係中左譚仔毒既一群 一個月總要有一次到譚仔食點左冬菇腩肉米線配三小辣湯底！初次嚐試三小辣湯底 除左麻都唔知點形容了 但當每啖材料都吸收左麻辣湯底精華 呢刻愈辣愈要食 愈食愈上癮...我諗譚仔可以係香港市場上仍然高企 因為好多人都追捧佢隻麻辣 係市場上搵唔到代替品! 同一枱唔相識既食客一同食譚仔 個個食到身水身汗 有d湯都飲埋 就知有幾好味了!點左麻辣豬耳做小食 豬耳質地爽口彈牙 每口都充滿骨膠原既味道 芫茜配上麻辣醬 絕配

近期係旺角活動中午又無帶飯所以周圍揾下有乜好食啦今日個口乾乾地想濕下個口其實原先想食三哥不過太遠啦所以就去左呢間譚仔心諗一樣姐坐低諗左陣就揀左雞肉竹笙（竹笙係我至愛)仲叫左杯檸蜜野食到齊啦飲啖湯試下先個人認為三哥個酸辣酸的但呢間就辣的雞肉都係三個嫩滑的米線就唔硬唔林軟硬適中👌🏻呢間的檸蜜都正其實我覺得譚仔同三哥雖然都差不多但我始終覺得三哥好味的所有方面都略勝一籌所以下次真係唔好貪方便要堅持食三哥先得

已經好耐都冇食譚仔喇，以前唔係特別鍾意食，今日lunch諗唔到食乜，又經過譚仔，不如就回味下喇！一如以往都係咁多人，不過我自己一個人，好快就有位，拿拿林揀食乜先，揀好就叫啊姐落單，依然係有鄉音既啊姐，拿，我冇恥笑佢啊，我只係覺得佢地講得好得意，其實都係一個特色黎既。今次炸醬豬肉清湯米線，今次炸醬豬肉清湯米線，個湯幾好飲，米線都好滑，炸醬辣辣地，幾刺激，豬肉就好一般啦，以前好食d，但以前已經都唔係特別好食的.. 埋單$37，um..算係咁啦，都係耐唔耐食一次就OK。

譚仔嘅精髓在於佢嘅湯底 湯底一定要嗌五小辣或以上 米線當然係飾演負責吸收湯精華嘅角色啦 我個人喜歡食竹笙 因為其他米線鋪好少見 因為譚仔嘅出現 令到我鍾意食竹笙 佢正在可以吸收湯嘅精華之餘仲好好食

之前試過求其撞入去一間米線舖，試過兩三次，次次都中伏，雖然譚仔已經無以前咁好食，但係比較市面既其他米線舖，佢真係無得輸。牛肉雞肉三小辣米線依然係咁爽，湯底係無以前咁好味，但麻辣味依然不變，每次都食到大汗臨漓，真係唔知大辣係點先食到落口，牛肉一如以往，無咩牛味，雞肉係最好食，夠滑，唔會碌到好"鞋"。蒜泥白肉大量蒜泥同辣油蓋住腩肉片，另腩肉增添少許辣味，好開胃。拍青瓜好爽口，少少辣，係開胃前菜之一。價錢合理，質素有保證，係速食之選。

譚仔有好多間分店，但我覺得唔係間間都好食，試過有間譚仔嘅雞翼勁細仔，湯又難飲。食過咁多間我覺得旺角呢間次次去都好好食！每次必食雞翼！豬耳同皮蛋辣得過癮，呢間分店米線配料多。

星期天不想外出，讓人外帶譚仔雲南米線回家，假日在家慢嘆譚仔疏肝也。曾試過外賣譚仔三哥米線，結果是伏到不得了，這次轉吃譚仔雲南米線，正好做個比較。首先說包裝，三哥與譚仔雲南也是把湯與米線分開，但是三哥采用兩個獨立盒，譚仔雲南則是二合一，一個盒子分成兩層，上層麵，下層湯。譚仔雲南的做法好多了，因為幾乎沒有空手去買外賣的可能，肩上有手袋，手裡又拿着東西，然後還要帶上外賣。以這次為例，除了米線，還買了小吃與冷飲，在三哥那裡是要疊上三層，拿起來多不方便。說回米線，外賣回家免不了最終結成餅，不及堂食優秀，但慶幸沒有在盒子燜久了變太軟，口感還是可以的。三哥米線帶回家吃，放回湯裡難以沾上湯的味道，吃起來很淡，譚仔雲南卻沒有這個問題，大概是因為譚仔雲南的湯味道較重。譚仔雲南的酸辣湯顏色深一點，比三哥的濃味很多，更酸更辣，我覺得各有千秋。三哥的酸辣湯溫和一些，味道不會太嗆，適合不想吃太濃味又不要太淡的時候，但它只適合堂食，外賣的米線已結成一餅，需要濃湯讓它沾上味道。我發現三哥與譚仔雲南都有這個情況，如果吃墨丸米線沒配其他餸可以得到六顆墨丸，要是有其他餸會少給，什麼道理? 墨丸質感屬中上水平，牙齒碰到一些粒

同朋友係旺角行完街諗住搵個地方食個簡單既晚餐 因為聽日仲要返工 加上我地掃完街 都叫做有少少野落過肚 咁我就提議去附近既譚仔食 咁我就嗌左個腩肉十小辣 加杯凍檸水 我其實都幾鐘意食辣 不過又唔食得太辣 有時都覺得自己幾矛盾 入返正題先 通常食譚仔我都鐘意飲啖湯先 因為真心覺得佢個湯底同辣好食 所以先咁鐘意食 個湯都係如常咁好食 之後就到食啖面 一入口 嘩點解咁淋既 口感唔太好 再食埋個腩肉 今次個腩肉賣相已經麻麻 再食入口有 d 偏咸 肉質感覺好差 問問朋友覺得佢果碗點 佢叫左雞肉 墨勺小辣 佢第一個反應係話 鐘意食三哥多 d 我一開始覺得兩間感覺差唔多 今次體驗之後 我諗以後都係食三哥會好 d 反正兩間店周圍都有

「譚仔」街知巷聞的米線專門店只要係開門營業，必定座無虛席，由其是每當食飯時間就一定要取票等位！點解「譚仔米線」咁受歡迎？我想必定係佢能夠提供多種配搭比大家選擇的原因，由多種配料，至多款湯底，迎合左唔同階層年齡的顧客！湯底分為：清湯、酸辣湯、麻辣湯等等，而且最特別是「辣度」提供了細心的選擇比大家，小辣分為十級，其次就是中辣和大辣了！平時食開酸辣湯底既我，今次膽粗粗嘗試麻辣三小辣，而朋友選擇了中辣(個人覺得佢好利害)，點知食落除左有啲熱出少少汗外，其實又唔係想像中咁辣，而且配上墨丸和腩肉，簡直是絕配p.s. 除左有時餐廳比較忙啲，出餐要比啲耐性外，其他都無咩問題！

當你嘅另一半唔鐘意食譚仔你可以點做？你可以用你嘅誠意打動佢，講佢知你幾鐘意食又或者迫佢陪你食，最後可能會俾人鬧爆😲而我，選擇左簡單方便嘅方法，就係撇甩佢獨自去偷歡 💃🏼💃🏼 我謝絕你監管🎶🎧🎤食辣，就好似做運動咁，當你好耐冇跑步，一下子叫你跑10k ，你會覺得好似攞左你條命，同樣地，如果好耐冇食辣，我會選擇麻辣魚腐米線5小辣，但其實最盡都只係可以食到3小辣😂我覺得譚仔麻辣吸引之處係佢唔係一味辣，會有麻係入面，本人鐘意麻多過辣，因為食完條脷同咀唇都有麻痺嘅感覺好過隱。揀魚腐，純粹係因為佢索曬啲湯好正👍🏼👍🏼小菜方面，因為得自己食，叫到盡都只係叫得一個，今日我揀左麻辣木耳，木耳十分爽口，配埋佢特制嘅紅油，簡直係ichiban 😋😋而家譚仔開到好似便利店咁方便，總有一間在左右，只可惜價格愈黎愈貴，米線加小食未計野飲都已經要50幾蚊，不過我都會繼續支持💪🏻