譚仔雲南米線 (Closed)

年輕時,同學們一起外出吃飯,很多時是選擇譚仔的,因為價錢便宜,味道不錯,而且大大碗,但這些已經俱往了今天跟蕭朋友來到旺角譚仔,味道尚可以接受,酸辣湯底依舊,雞肉仍舊滑溜,牛肉也是不錯不過整體感覺好像沒從前好其他配菜份量小了,麵線也小了而且飲品要加10元,太貴了$50,吃不飽,可能近期不會再來

同朋友行完街，有小小肚餓！就近有一間譚仔米線，就上咗去幫襯！叫了一碗過橋米線，大大碗，可以兩個人食，裡面有牛丸，魚蛋，豬潤，雞肉，豬肉，牛肉，火腿等…………，仲有一小碟既酸菜同肉脹。味道都唔錯，我揀咗五麻小。可惜，不夠麻辣！！另外香草雞翼，味道一般般！不夠香草！！！稍遜色，令我有些失望！

今天我和男友去旺角逛街，最佳午餐當然是吃譚仔！中午1:30左右不用等位便可以入座，環境尚算可以。上次我來吃的時候，食物味道一般，今次的食物十分美味。我們叫了雞肉清湯(小米，走芽走韮)，牛肉清湯，大土匪雞翼和皮蛋，飲品叫了凍檸茶。雞肉清湯米線方面，雞肉很滑又不肥，米線軟硬度適中，不會太硬/淋。清湯味道不錯，米線都很入味。牛肉清湯米線方面，米線很入味，牛肉都不會太韌。大土匪雞翼方面，雞翼是即叫即做的，上碟時熱騰騰的，雞肉很大隻，而且又滑又多肉，很juicy！皮蛋方面，皮蛋加了辣油十分美味，雖然有點辣，但味道不錯。凍檸茶方面，凍檸茶有3-4片檸檬，紅茶味道不錯，凍檸茶十分好喝！價錢方面，雞肉清湯$26，牛肉清湯$27，大土匪雞翼$30，皮蛋$19，2杯凍檸茶$7x2=14，總共$116，雖然有點貴，不過這麽美味，值得的。總結來說，這間譚仔的米線和小食十分美味，是旺角吃飯的好選擇。

今日下午我們去咗旺角豉油街嘅「譚仔雲南米線」食下午茶！我們叫咗滑牛肉米線、牛丸米線同麻辣豬耳！滑牛肉嘅肉質非常嫩滑，唔會好韌！牛丸好彈牙！米線嘅份量好多，絕無偷工減料！麻辣豬耳相當爽口彈牙，麻辣醬汁非常惹味，加埋落去米線一齊食，令到食慾大大增加！

講到食譚仔，真係無論任何時候都想去食，每次去親，我一定叫魚旦、竹生5小辣😆😆😆少少辣度啱啱好，佢既湯底真係第二度食唔到。仲有，一定要叫豬耳，簡直將碗米線提升到另一個層次😍非常野味爽口，食唔停口😋

曾經我吃過這間譚仔，味道不錯。今天晚上，我和男友和朋友再次光顧這間譚仔，原以為食物應該很美味，怎料……十分難吃！我們叫了雞肉清湯米線，牛肉清湯米線，牛丸清湯米線，大土匪雞翼，皮蛋。清湯完全沒有味道！很淡！和水沒有分別！雞肉，牛肉，牛丸味道一般。土匪雞翼表面有水！完全不乾身，濕淋淋的，好像不是即做……不過肉質還算鮮嫩……最差勁的是皮蛋！只有皮蛋的表面辣，皮蛋內的蛋完全不入味！沒有味道！真的很難吃！飲品方面，我叫了凍檸茶少冰，果然有少冰，味道還算可以接受。但我男友叫的凍檸水少甜少冰就十分難喝！味道和必勝客 / 意粉屋的免費水（加了少量檸檬）沒有分別！完全不像凍檸水！！！我朋友叫了豆漿，是樽裝豆漿來的，味道一般。環境方面，很擠逼，完全坐得不舒服。價錢方面，3人吃了$151，價錢不算太貴，但食物質素這麼差，完全不值得！總結來說，這次譚仔的食物真的令我很失望！或許是換了廚師吧，食物質素差了很多！應該不會再光顧這間譚仔了……

不嬲都好鐘意食譚仔, 因為又平又快又清又好食, 所以今日又黎左~試左新菜色口水汁蓮藕, 辣汁蓮藕細細塊幾易食, 爽口之餘無多餘既絲, 好易食, 亦幾開胃小小地叫左碗腩肉生菜, 真係好鐘意佢地個湯底, 清得黎又夠味, 聽聞用雞豬魚骨熬成, 食完唔口渴, 配料又新鮮, 米線量大, 菜都重手, 不過近排腩肉既比例好似少左, 而且大小肥瘦不齊, 有D可以肥到9成係肥膏, 真係要改善下

去到譚仔,麵就食得多啦, 皮蛋同手拍青瓜大家又試過未?皮蛋既皮蛋味極香,浸係辣油上面滑滑地好易入口但唔會太辣,份量夠晒大,連埋麵食2個人先食得晒另外手拍青瓜好新鮮,食得出濃厚青瓜味,雖然餐牌話青瓜係辣既,但我完全食唔到有辣味,而且味道好淡,淡到好似生食青瓜咁

又一次失望，其實平日去開食嘅譚仔係去三哥嗰間。今日lunch成班同事話想食米線所以嚟咗依家三哥，一行七人嘅同事都等左好耐位。等左15分鐘仲要分台，平日去開三哥食米線，都會酸辣米線。今日同樣地都唔係咗個雞肉酸菜米線要酸辣湯底。其實平日我真係唔係好食得辣，但平日又酸又辣。但依家譚仔剩係得個辣，加左酸菜都唔夠酸。食咗一半之後真係太辣，之後就唔好再食。最正常就係杯凍檸茶(加$7)，一旦譚仔我真係覺得麻麻地湯底。

行街行到攰，食個下午茶，入到去啲姐姐掛住食飯，只有一個理下我，坐低叫左個雞肉腩肉炸醬+土匪雞翼炸醬好野味雞肉好少土匪雞翼野味配埋可樂fit晒下午茶黎講係叫得比較多但服務質素真係差啲

晚上十點幾，好多食店都已經開始關門，路過譚仔，發現佢竟然還沒有關門，一入去好多食客都係到享用緊就入去叫左墨魚丸、雞絲，十小辣，有非常輕微既麻，唔太辣，比清湯頭更香，如果個日唔想食辣，食呢個其實都唔覺食緊辣。墨魚丸超級彈牙，咬落去又有湯汁。個D米線都係好彈牙，又夠多，我平時都叫大食，但我竟然差D食唔哂。 兩餸米線都只係三、四十蚊，真係好抵食。 次次去都好多人幫襯。

宜家出到街周圍食飯閒閒地都要幾十蚊尤其是係中環銅鑼灣呢d地方不過譚仔就唔同啦即使係既鬧既市區只要你搵到譚仔就可以食到平價既野食啦普通一個面二十幾蚊就算加多個餸加多杯野飲都係四十蚊有找即使係最大既過橋米線都只係42蚊！真係抵到爛我自己都好鍾意食過橋米線我今日食左清湯 雖然有少少鹹 不過勝在個湯底夠濃我自己本身唔食得辣 所以通常都唔會加辣不過有時酸辣都幾開胃而且最正既係咁多款餸都食到我尤其鍾意去個炸醬真係好夠香好好味！！！所以我今日又食過橋米線啦！真係好好味好正！

個人比較中意譚仔多過三哥覺得佢嘅米線同湯底都好味d咁今次就揀左腩肉乍醬小辣同皮蛋乍醬基本上係必食 用黎解辣一流腩肉就係最近愛上 肥而不膩 好爽口 另外推介就係皮蛋 雖然一個人食有d heavy但係佢d係糖心皮蛋 加埋d辣油一齊送米線真係oishi

出黎旺角揾野食，同事話食譚仔，都好耐無食過了，成年無黎過連間舖係邊都唔記得左。中午黎食唔算人多，上到黎都左吉枱，外面好熱呀，真係覺得譚仔啲冷氣好似天堂咁正。必叫皮蛋，好似無咁辣，啲味同平時唔同，都ok嘅。豬潤清湯，唔豬潤完全未熟仲流緊血水，好驚呀，浸哂佢地落湯入面先，睇落好似熟啲先食啦，味道ok，比上次大碗左。同事嘅十小辣墨丸少米線走青，望落好齋咁，同事話ok，少左米線都仲係好大碗。凍檸茶走甜，夠解渴，正。

今日喺呢頭附近做完野~搵個地方醫醫肚~路經此地見到個牌~個腦就諗到佢D辣~就上黎過下辣隱~~去到餐廳可能係下午茶時間,所以冇咩客人,諗住自己搵個位坐,服務員就指示我要去坐抬己有兩個人的枱..最後我自己行左去搵四周D吉枱坐..我覺得咁多位,無必要迫埋一齊姐..剛坐底~服務員阿姐就埋黎落單.嗯...比少少時間望下好喎~唔係真係咁急姐~睇見張餐牌~款式都多架..只可惜一個人的能力有限,最後小點左碗米線同D心儀小食...椒絲皮蛋 - 只係見到好微少的椒絲喺皮蛋上面, 皮蛋唔係溏心蛋,入口冇咩香味,椒絲可能切起太耐,所以已經唔係咁惹味香辣,有點失望,紅油太多,有少少喧賓奪主的感覺,撈落D米線一齊食都OK蒜泥白肉 - 一上枱就感覺灰左...即使明知係雪櫃囉出黎,相信都可以好少少掛,豬肉雪得好乾身,食落仲有D肉腥味,而且肉邊有點發黑.夾起時仲占住隻碟 V__V 蒜泥份量數多,但係冇咩蒜香味,可能都係切起有一段時間掛~重點係...居然係室溫,真係唔明係點製..乍漿米線中辣 - 乍漿食落好有豬肉味,冇辣味仲好似有少少甜味~奇怪..我几中意今次D米線唔會煮得太淋~如我呢中辣真係中辣的話~我覺得下次可以嘗試