譚仔雲南米線 (Closed)

平時我都好少吃米線，今日個肚仔餓餓，去路德圍轉轉，行到米線街，多了間譚仔喎，譚仔間間味道時好時壞，看下今次我好不好彩......豬潤酸辣米線…原來酸辣要加一元，少少辣，我接受到，好大碗，滿哂，D豬潤好多，佔了三分一，平時出面吃都無咁多，唔通豬潤唔值錢，定無人會吃豬潤？米線彈牙喎......配料ok飲品要加五元，我確得不值，行了去對面士多買飲品。

前幾日同事和我去了沙田偉華食過後一試傾心, 因為食慣了荃灣的米線舖頭, 口味千篇一律, 食食吓都會悶到瞓著覺, 未試過呢間前以為都一樣倒模複製, 點知被佢湯底辣醒咗, 仲發現佢的配料幾夠味, 小食也精彩所以今次同埋女友去荃灣呢間再嘗滋味下午兩點鐘, 正值午飯時間及紅色假期, 故此門口例牌多人, 排了差不多十分鐘終於可入座, 我地各點了兩份雙餸米線及叫了幾款小食; 因上次叫了中辣而記憶猶新, 食到成個人醒哂兼且要狂飲水解毒, 故此今次只叫了少辣的腩肉墨魚丸米線及唔辣的牛肉豆卜米線, 另外再叫埋好正既尖椒皮蛋皇, 湖南土匪雞翼及蒜泥白肉腩肉味道夠咸而且不太肥, 咬落都幾彈牙, 皮蛋好精彩, 加上有辣椒油點綴, 真係好想再添食; 湖南土匪雞翼既香料味幾重; 而蒜泥白肉亦不過不失的, 食完呢餐雖然好口渴要狂灌水但都感覺唔錯架

嗌左碗牛肉米線轉酸辣湯牛肉好韌..好難咬得開個湯唔夠濃,亦唔太覺有酸味同其他分店既味道有好大差別..見新開張去試一試,結果,失望..只此一次,下次想食譚仔都係去其他分店好d

前天午餐時, 同事又提議到荃灣路德圍的"米線街"食米線. 今次轉為幫趁另一間叫譚仔的米線舖. 這間店好像開了很多分舖, 我在很多區都見過, 不過之前在元朗的分店食過不太掂, 所以這次都沒有抱太大的期望.午餐時份, 店子很多人, 要等位, 幸好不需太久, 等了15分鐘就有位了. 米線的價錢為每碗21元, 包餸一款, 加5元可配飲品一杯. 我點了炸醬墨魚丸米線, 另外叫了土匪雞翼5只(都唔知為甚麼叫這個名, 怪怪的).炸醬墨魚丸米線整體而言一般水準, 不太差又不至好好味. 墨丸大大粒, 不過很多是粉, 墨魚肉的份量很少, 而且不夠爽口彈牙. 米線OK啦, 沒有煮到太淋身, 都算合格. 但湯底太淡, 無味, 是名符其實的"清湯底"! 炸醬跟很多店子不同, 是分開另上, 不是只加在米線上便算, 這樣可以避免炸醬的油份加進米線內而令整碗米線太油, 而且炸醬可以逐點逐點吃, 不會大部份沉在湯底下面而吃不到. 這點值得稱讚! 炸醬味道整體來說都OK, 不過稍為酸了一點, 但份量很多, 足夠我吃完全碗米線. 土匪雞翼雞翼很大隻, 表面沾上了很多的黑芝麻, 雞翼本身非常入味, 很香口, 幾好味, 值

我住荃灣, 呢度既米線舖差不多都比我試晒LA, 譚仔之前就聽得多, 係荃灣新開張梗係要試一試LA...價錢同其他舖頭差不多, 叫左腩肉, 腐竹&炸醬, 要麻辣底, 但我唔明WHY酸辣無得選擇辣度, 得麻辣先有, 呢樣野真係要改下...終於黎LA, 個湯底既色好似日本D豬骨湯禁, 好淡, 腩肉完全無味, 可以話同白灼無咩分別, 州腐皮就幾好, 好簿, 索左D湯都OK, 炸醬唔係幾得, 可能我食開既炸醬都係辣辣地, 呢隻完全係似出面麵舖果種有少少酸, 似番茄味但唔辣, 配米線完全唔夾, 唉, 失望真係唔明佢點解可以開禁多分店, 自問真係唔識欣賞....

最近知道譚仔在荃灣開設分店。剛好今天又到荃灣﹐決定去試一試﹗因為太心急，早上十時許已到逹分店，原來開舖時間是11:45，我唯有到附近的商場走走。等到11:50再到該店，發現大部份枱已有客人，我唯有"答枱"。其實價錢與其他分店一樣，21元一餸，再加一餸4元，如此頪推。點了雞肉、鮮冬菇、酸辣湯底（加1元）、少米硬D，另加冬O茶少冰（加5元）。雖然點了少米，但份量比想像中少D；湯底酸多過辣；D米係硬咗D（我較喜歡硬）。有少少失望。我反而覺得杯冬O茶幾好飲，有好重的茶味；又唔係太甜，味道剛剛好。總括而言，兩者都可以接受。

2010年8月3日 荃灣 ( 譚仔雲南米線 - 1 )譚仔，上星期路過，看見你仍在整裝待發，今天再次路過，見到你已經是簪花掛紅了，原來荃灣之門，昨天已大開，今天，就讓我的味覺，再次跟你交流吧！今次選了米線自選餐，米線的基本價錢是21元，湯底分清湯、麻辣及酸辣三種，清湯不用加費，選吃麻辣及酸辣湯底，要多加一元，餸料選擇有豬肉、牛肉、雞肉、腩肉、火腿、豬潤、魚蛋、牛丸、墨丸、酸菜、竹笙、腐皮、東菇及芽菜等，米線基本上可選擇任何餸料一款，如再加餸，每款以4元計算。我選了三款餸 ，分別是牛肉、腩肉、東菇配酸辣湯米線，再要了一杯凍奶茶。牛肉、腩肉、東菇湯米線($30元)：端上來時滿滿的一大碗，熱騰騰的，柔柔的酸香味隨隨冒起直撲過來，誘人的味道，更使我急不及待的先試了一啖湯，微酸而又不甚辣之湯底，更加醒胃，此時再來了一口米線，米線軟滑，還帶點微微爽韌感，米線是OK的，而酸辣湯底，還配上很多的芽菜及少量韭菜，芽菜挾帶着米線來吃，更使米線多了一份爽口而清甜嘅感覺；再嚐餸料，牛肉約有5片，肉質鮮甜，但其中有一片帶着筋膜，非常之韌，提議，師傅可否將較韌的筋膜牛肉揀出，這樣會更為理想；腩肉亦有約5片，肥瘦互

我支持左「譚仔」好多年，係深水埗既常客，就算去到旺角、尖沙咀、觀塘都會幫襯，因為我家住荃灣，成日諗「譚仔」幾時係荃灣開分店。今日終於俾我見到，好興奮，第一時間入去開餐。結果︰失望而回。我同老公照舊叫左「過橋」米線、土匪雞翼、蒜泥白肉、凍檸茶。「過橋」米線︰湯底淡、米線少、餸唔齊 土匪雞翼︰OK，保持原有味道。蒜泥白肉︰蒜泥少、白肉硬。總之，呢一餐真係麻麻，好失望，但仍然期望荃灣分店可以改善下。(補充︰清潔唔多好，個碗未洗乾淨就攞俾我地用，仲有「上手」D米線留低！)