譚仔雲南米線 (Closed)

不嬲都中意吃譚仔多過3哥譚仔，因為覺得味道好味d，個辣味香d，小食又多選擇d，拒個蒜泥白肉基本上係必點嫁，d蒜蓉真係超正丫，同埋荃灣呢間d譚仔姐姐好似比較nice😂不過間間譚仔味道都好似有小小唔一樣，我中意荃灣呢間😍

不知不覺回歸咗21年。社會有無進步? 唔多覺。有無和諧到? 我淨覺得去食米線時，有種和諧的感覺。因為喺呢到，國內人、本地人，甚至賓賓都有，大家都係一心一意嚟食米線，絕無爭拗。今日，我哋每人一碗米線，加多杯熱奶茶，一齊 share，幾鬼溫馨。佢食，雞肉、豆卜，少米線，番茄湯底。驟眼睇，啲雞肉碎濕濕，唔容易搵到佢出嚟食。反而，豆卜就大大舊。我食，墨丸、炸魚片頭米線，麻辣5小辣。雖然是5小辣，但係條脷都有晒反應，有少少發麻，但又幾過癮。炸魚片頭，好爽口。墨丸就好彈牙，充滿墨魚味。米線當然係滑滑溜溜啦。八十一蚊，午餐都算係咁啦。

I really don't understand what the hype is all about. I constantly see lines outside different branches and my friends have told me that people wait up to 2 hours to eat there. So anyways, after a hike, my friend and I went there to give it a go. And I have never been more disappointed in Yunnan noodles than at Tam Chai. The soup was tasteless, noodles too soft, the toppings small and bland and it was expensive. There's seriously nothing that would bring me back, especially when there's so many

今日去開荃灣路德圍那邊，一早就知這地方多食店，多選擇，但我今日好想食米線，結果選擇了譚仔雲南米線，以為佢多分店，一定都有保證。可惜今日令我完全改觀，一個字形容，就係差。首先個米線湯底機乎好似無味咁，清到不得了。我叫咗兩款餸，分別係韭菜和豬潤。韭菜份量尚算多，但豬潤只有兩小塊，好似無叫到依款餸咁。好失望，還無端端多咗一塊腐竹。好奇怪。米線唔好味，好難食。至於飲品，奶茶味一般。而且枱面任何東西都無，包括牙籤，餐巾，辣醬等。最好笑就係個洗手間，絕對用細來形容。絕對唔會再光顧多一次了。

上星期，外遊了八天，結果有兩個，一是大出血，二是好掛住香港的米線。所以一返到香港，急不及待，速速走去食番碗米線。食米線，其中一個選擇我會選這個品牌，因為好食、抵食。況且，近年的分店裝修都好了很多，坐得比以前舒服。就好似這間荃灣分店咁，有梳化椅坐，見到前面一檯啲小朋友食得幾咁enjoy。今次我哋叫咗【豆卜、酸菜、魚蛋，少米線，蕃茄湯底 $41】和【豆卜、魚蛋、牛丸，米線，清湯底 $40】。【豆卜、酸菜、魚蛋，少米線，蕃茄湯底】大大碗唔在講，蕃茄湯底好濃蕃茄味，好健康。酸菜是這裡必食的餸之一，它不是真的很酸，反而有些甜味，好好食的。豆卜吸收咗蕃茄湯，味道唔使多講，梗係超正啦!【豆卜、魚蛋、牛丸，米線，清湯底】又係大大碗，湯底好雪白，鮮甜。好鍾意佢有好多芽菜和枸菜。米線又軟又滑。魚蛋很彈牙，又是另一必食之選。豆卜吸收咗清湯，食落味道絕不遜於蕃茄湯。牛丸係唔係手打我唔知，我只知好食彈牙，就足夠。這間連鎖店的米線一直都保持水準，食過幾家分店的味道都是一樣，抵讚!

今日好想食生菜。。。所以就走咗去譚仔食生菜牛肉米線💃💃口啖啖 想開胃啲 所以叫咗個🍅番茄湯底 個番茄湯底有好多蕃茄蓉 味道清甜帶酸 唔會話有茄汁既添加味道 好fresh！ 生菜嘅份量都唔少 幾新鮮脆脆地😛 唔錯☀️☀️ 不過我都係覺得譚仔雞肉好食過牛肉🤔🤔 佢啲牛肉就普普通通啦 at least唔會無味 不過今日叫咗兩餸 碗入邊嘅腐皮好似少過平時咁😂😂得一少塊🙉

年三十晚係一年嘅最後一日，梗係要食好啲啦。一個人走咗去譚仔叫咗碗炸醬清湯米線，唔小心加多碟豬耳同一碟皮蛋，完全唔知自己會食得晒。米線好正常冇乜特別依舊好食，最愛米線伴炸醬，因為我覺得譚仔嘅炸醬好好食，好有味道，好容易入口。最愛嘅豬耳辣度適中，涼拌來講我覺得唔夠凍，可以改善一下，一路食一路食話咁快就比我食晒成碟。差啲唔記得咗個皮蛋，食完米線先發覺再食埋個皮蛋係好困難嘅事，因為好大碟，唔緊要，用我最大嘅努力一路食一路食，皮蛋好爽口，味道好重。完全估唔到一個人可以食晒三樣嘢食，再飲埋杯凍檸茶，簡直係爽歪歪，減肥呢啲嘢就等過完新年先啦。林去俾錢嘅時候先發現自己唔記得食土匪雞翼，我諗我真係譚仔嘅忠實fans。

睇完戲，走左入呢間譚仔食午餐，叫左過橋米線同蒜泥白肉準備食既時候發現碗米線有隻野叫阿姐換過碗第二碗都好小心咁檢查見好似正常咁冇為意就食啦食食下又有一隻，仲大隻左叫阿姐來佢仲話可能係岩岩飛入去好正常唔一定係廚房問題如果一間食肆有野飛黎飛去咁間鋪既環境都有問題啦仲覺得正常

本身間唔中都會去食下米線，連攞過車胎人獎嗰間都去食過，但就係未試過食譚仔。今次機緣巧合來到食肆林立的路德圍，下午四點鐘，食午飯嫌太遲，食晚飯又嫌太早，唯一可取的，就係食下午茶。而食下午茶，當然唔可以食太多，一碗米線就夠喇。原來，下午茶時間，這裡都好旺場，捧場客咁多。食米線最特色的是有得揀 (好多時候，作為香港人係無得揀或無嘢可以揀)，自選湯底，清湯、番茄、麻辣任君選，十幾款餸任君擇，錢無需花得多，至緊要啱自己口味。我選了清湯底、牛丸、魚蛋、少米線 $34。湯底沒加味精，魚蛋彈牙兼爽口。牛丸結實充滿質感。其實，最欣賞的，反而是腐竹浸滿清湯後的口感和味道。友人選了番茄湯底、豆卜、雞肉、酸菜 $36。加了新鮮番茄的湯底明顯較清湯豐富。酸菜永遠是米線的最佳拍檔。雞肉嫩，還帶點鮮甜。豆卜好似海綿咁，吸滿了番茄湯，好味到不得了。食完之後，我多少明白到丸龜沒有入購錯。

自己本身唔係着住呢頭架，平時呢收咗工我都好鍾意去荃灣呢間譚仔度食嘢，因為佢啲質素都幾好，雖然自己屋企樓下都有譚仔，但係自己樓下譚仔嘅雞肉十分之大雪藏味一啲都唔好食，其實我發覺香港其他分店嘅譚仔都有呢個問題，可能解凍解得唔好掛，但係荃灣呢間譚仔就完全冇呢個問題，基本上每次去食嘅水準都係一樣！同埋呢度嘅侍應禮貌都唔差，試過有啲譚仔嘅侍應禮貌十分之唔好，搞到我完全唔想再去幫襯！有啲直情係想你快啲走做其他人嘅生意，因為佢覺得你霸住咗個位！

今晚同男朋友仔行完街街，買左好多戰利品，好好好好好開心呀經過路德圍一帶，太多野想食啦，開左好多新餐廳，中西日韓乜都有，心思思唔知食乜好???????佢話不如食譚仔喎，我呢一個一百分女朋友即刻搵俾佢我地食左過橋米線套餐小辣，同一個蒜泥白肉，大滿足

剛到新地方上班，比我發現附近有間譚仔，當然興奮到死啦！黎到譚仔，我Foster必叫就係雞肉﹑豬潤啦！呢兩樣野係咁多間米線都比唔上譚仔嘅，因為佢食落新鮮﹑無雪藏味，呢啲對於食客好重要！ 希望譚仔繼續堅持水準。另外，必叫既就係豬耳！爽口，加上麻辣醬，愈食愈開胃。通常我加入清湯米線到一齊食，就更好味！同一條街都有好幾間米面店，雖然未全部試盡，但至少呢間係大牌子，有保證之餘，如果你係會員，仲可以同朋友食夠50蚊換電子印仔，可以當現金券用呀！

日日返工都食飯盒,真係好耐冇食譚仔米線啦,今日返半就,所以收左工就諗都唔諗去左譚仔!一如以往,我叫左最多人會叫既雞肉米線麻辣 另外由於小編大食既關係 我仲叫埋個蒜泥白肉! 譚仔入面小辣既辣度就最岩我,又唔會太辣,又唔會完全一點刺激感都冇,個人認為有少少辣感係可以令人更加開胃既。至於個蒜泥白肉,如果就咁食其實就真係鹹左少少,所以我會建議連埋D米線一齊食,亦就岩岩好啦!而亦都係因為衣個原故,我一開始只係叫左一個餸 (一個餸份量係會多D的說!)

成日食譚仔三哥,今日一於轉一轉譚仔,一坐底就叫左三個小食:豬耳、蒜泥白肉、皮蛋。豬耳有麻香既味道,咬落去好有口感,但中意食芫茜既我略嫌唔夠芫茜,同埋個醬汁唔係好夠辣。蒜泥白肉一定要叫多蒜,白肉肥瘦都幾平均,不過呢個小食唔係好夠味。皮蛋第一次食,不過好唔錯!!!都係果句啦,一定要同芫茜一齊食~仲叫左一碗特大既胡椒酸辣湯底米線,湯底既味道好一般,基本上得DD酸味,唔知胡椒去左邊?仲要我俾多$1轉呢個湯底…佢地送好似好多種類,但份量一D都唔多!!!

不知何時開始，譚仔米線辣度成為自我食辣的level 的準則上次食完小辣，今次再上一層食中辣⋯⋯WOO⋯⋯果然中辣比小辣湯底更紅，辣香更辣，再試下湯味，果然辣度十足，高一個level 係辣D 既。好過癮，而我最頂峰都應該係中辣，會不會再試埋大辣？想想吧！