天誠潮菜 (Closed)

晚餐18:56入座叫咗鹵水鵝片，鹵水拼盤四拼及韮菜豬紅，點菜到上菜及進餐時間還未夠一個鐘，剛剛食完最後一件放低筷子，即刻放低張單示意我們埋單及趕我們走，我覺得服務非常差，還未消化完就趕顧客離開，而今次所點的鹵水菜式，鹵水汁料完全沒有鹵水味，非常失望！以後都唔會幫襯，中伏！！！

琴晚同屋企人去左呢間餐廳食飯 地方簡簡單單 室內得三四枱 主要都係坐出面 六點幾去到都已經有幾台客琴晚天氣唔係太凍所以都室外 我哋叫咗以下幾樣個凍烏頭都唔錯 7.5/10 其實唔使點汁都已經夠味 反而個汁好鹹豬紅就普通係太入味 6/10拼盤 多款式過自己嗌嗰啲覺得咩都 唔錯 7/10沙拉骨 店員話豬扒嚟嘅我哋話冇所謂不過黎到係有沙律醬喺上面會唔會怪左d? 椒鹽九肚魚🤣🤣 好食 粉好薄 8.5/10最後叫多咗個豆腐 呢個好好食 豆腐個質地好軟個皮啲汁又夠味 同埋個豆腐本身都有啲味！9/10🔥🔥🔥

好幾年沒來油塘打冷既然在油塘上完課，今次晚飯就決定去打冷！雖然未至於滿座，但都見有不少街坊客來晚飯～打冷必不可少的是鹵水拼盤另外點了方魚肉碎粥﹑韮菜豬紅及蝦醬通菜炒鮮魷鹵水拼盤，$88四拼選了大腸﹑生腸﹑墨魚和鵝腎，還有些芽菜墊底，配酸辣汁生腸和墨魚都爽脆，大腸乾淨不會羶，鵝腎香又爽口！但醬汁偏鹹，要醮不少酸辣汁來減淡那單調的鹹味在旺角吃過價格差不多的鹵水拼盤後，有點不太適應這種屋邨風味～韮菜豬紅，份量夠多豬紅軟滑入味不易散～調味恰好，不過鹹！方魚肉碎粥，加入了冬菜和芹菜，夠晒潮州風味加入了方魚乾，粥帶點鹹香味粥的味道都算OK！潮州粥不像廣東粥的綿，米粒仍存有米芯，不會煲至開花，但都夠飽肚～～蝦醬通菜炒鮮魷，鮮魷爽口不會炒得過韌蝦醬味香而不鹹通菜爽脆嫩綠只是略略油膩一點！整體的食物質素來說都算合格不難吃的～但打冷會想吃好味的鹵水拼盤呢！

午餐時間路過，念住第一次試炒野無死。個豉椒肉片河，望落好油，其實幾有鑊氣，同油膩感適中，幾惹味。外貌5分味道有7.5分。幼身河粉不膩。星州炒米比較乾身，不辣，得個色。但足料。蝦彈牙。整體黎講，貌相一般，但其實水準系Keep到，特色系有穫氣。潮式食品應該會更好。

油塘中心附近有好多小店經營，但都要有實力先可以留得低。正正對住賽馬會，坐出面打冷撞正跑馬日可能就會覺得人流比較多。不過，人多聲多，咁先係打冷！ 依間打冷食過幾次，蠔仔粥就每次都係膽，因為好好食囉！蠔仔粥（一窩）份量大概有５碗半度，雖然冇大地魚做湯底，但係有冬菜搭夠，有番多少風味。蠔仔大大粒，唔會老到縮到變豆豉。 滷水三拼我地簡左比較有口感既墨魚、鵝腸同埋生腸。自己覺得墨魚最新鮮，呢三樣亦都係最值得嗌既！當然依度仲可以四拼五拼，或者係拼盤，諗都唔洗自己諗。 鵝肉（例牌）冇得輸，雖然賣相就差少少。但食落好有鵝味，又唔會好似鵝片咁難咬。 依間打冷雖然冇最正宗既牙帶魚、大眼雞，但反而多左小菜選擇，都好岩平時一家大細黎食晚飯。之不過，依度都叫乾淨既，但地面長期濕，所以行上行落要小心Ｄ咁。咁樣又一個星期，又可以見到叮叮兩三日嚕！ＹＥＡＨ！！！之後我地仲去左附近捉好多小精靈ＴＩＭ！

It was a Friday night around 20:00.We were seated very easily and immediately.The waitress was extremely nice, thinking that we weren’t familiar with the eating style, she helped me clean the bowls and brought out forks and spoons.After we placed our order(just picked what most the locals were eating), it took about 5 minutes. Salt and pepper squid: Chewy, but loaded with panko topping. The dish was good, nothing special, but it was a nice appetizer when dipped in the sweet soy sauce.White fish

之前堂食，已發覺服務態度麻麻，今次外賣，竟然落錯單！認真離譜！今次叫左椒鹽鮮魷，ar姐卻落錯單俾豉椒鮮魷！打去問點解，嗰ar姐仲好意思大聲夾惡話係我講錯，佢話:你係叫豉椒鮮魷，你甘叫我咪甘落單！我一樣甘整架者！完全無歉意仲態度欠佳，呢d員工甘倒米法真係應該食豉椒炒魷！

住係油塘甘耐去天誠既次數五隻手指都數得曬。今晚心血來潮同兩個老友去再去試下潮州風味！好彩今晚有風，坐露天都唔覺得熱！今晚三個人都好細食，所以浄係叫左三個餸。滷水四拼:鵝腎，大荳芽，豬耳同豆腐，除左鵝腎硬左少少，其他三樣都好食！跟住就係潮洲菜必食既韮菜豬紅，豬紅好淋，韮菜好爽，重點係一D都唔油，值得一讚！之後叫左個蒜香骨，開頭以為係同一般既做法用排骨，點知落單時阿姐提醒我地，係用豬扒整既，用豬扒整都好啊，啖啖肉，唔使"損"肉！炸到好金香，味道同賣相都

在此食過幾次，頭幾次覺得幾好，可能叫了一些家常小炒，比較有風味。食熟左，要求有位坐裡面，唔理你，要炸蠔餅答你無炸粉（極度難相信）結果整個蔥爆蠔，一d 味都無，浪費曬d蠔。你唔叫野飲都好少理你，叫左半打野飲開始企埋黎同你傾下，蠔仔粥煮到好似飯甘，完全失準，仲有好多味精！食佢還是叫翻d 普通打冷餸好些，街坊唔想俾差評，始終食完無肚痛，無乜問題，只是重味精，份量不算太大，有時要叫2碟或者加大，隔離可以違例停下車，嘢食價錢合理。算ok 附近廁所都惡劣，女士記得係大本營解決左先去

油塘(香港)d嘢出名貴，但佢d 潮州菜真係好抵食！！！推介：1.韮菜豬紅 $38呢一碟餸嘅味道比起平時去其他餐館嘅較為淡。平時d豬紅一食，好咸！我要水！而且佢的確係好食2. 椒鹽鮮魷 $4？價錢forget ，哈哈...不過真係好食，我去酒樓食果d都唔夠佢好食。~~~~~~~~~~送粥食一流~~~~~~~~~~~

大陸遊之後回到香港，同學仔爸爸介紹我哋去呢度食晚飯，揸車7點幾去到，估唔到爆晒場，我哋9個人等咗半個鐘終於有位， 坐在店外一張圓枱，圓枱舖了膠枱布，人多好迫，地方簡陋，店員比咗餐具我哋，比埋大碗我哋洗！已經等到好肚餓嘅我哋快快落單！ 韭菜豬紅（$38）醬汁香濃，豬紅軟滑彈牙，韭菜我本身唔鍾意食 豆豉鯪魚炒油麥菜（$58）油麥菜爽脆，豆豉鯪魚鹹香好味！ 楊州炒飯（$43）炒得乾身正常，材料雖然唔算特別！ 鹵水拼盤（$82）乜都有，大家搶得最多係大腸，煙韌彈牙又唔會好鹹，其他墨魚紅腸都好彈口！墊底嘅大豆芽爽脆正！ 鹵水鵝（例$70）唔係鵝片，係鵝件，鹵得入味，鵝味濃厚，不過口感就無鵝片咁好！但以呢個價錢，抵食！ 潮州煎蠔餅（$58）蠔仔飽滿唔腥，不過炸得過火了，太硬，無咗外脆內軟嘅口感，而且太鹹了！點魚露都無幫助！ 蠔仔肉碎粥（$68）好多賬卜卜蠔仔，仲要唔腥，粥底係潮洲粥底，似湯飯，加上冬菜芫茜，好香好味！ 鹵水雙拼（$65）大腸拼生腸！因為大家對腸嘅喜愛，即刻再叫一碟，生腸及大腸都彈牙煙韌！好味白飯/汽水（$7）正常店員好勤快，好忙咁走來走去！地方真係一般，好草根，不過咁嘅價錢有咁

今日想打冷，去了平民大排檔，係有風味嘅！味道就真係唔可以話好味！只可以話呢個價錢唔可以有太高要求。鵝片係ok嘅，肥廋均勻，入味，但碟底放咗好多大芽菜&鹵豆腐增高視覺效果！炸蠔餅，送上枱時，真係呆一呆！因為份量睇上去，有成塊面咁大，炸得脆口嘅，但蠔嘅份量真係太少！可以做到掌心咁大份量可以一隻蠔都無，真係成份數埋都吾夠15隻！蝦醬通菜炒牛肉，味道係夠嘅！但炒到又油又老吖！

晚上臨時決定跟家人外出用膳，貪就腳，就選了這間從未試過的打冷店。當日是星期六晚，才七時多已坐至八成滿，連舖外門口路邊也是。我們四人點了胡椒豬肚湯（中），鳳爪拼豬手，啫啫通菜煲，蠔餅和方魚肉碎粥。胡椒豬肚湯（中）：分了大中小的份量，店員稱四人就喝中的。可惜胡椒下太多，辣至我喝了半碗就放棄，豬肚呀鹹酸菜呀等等反而不錯，所以最後只吃剩湯就放棄。鳳爪拼豬手：鳳爪非常入味腍身，是整晚最滿意的；豬手反而相反，不入味又太硬，毛也處理得不夠乾淨。啫啫通菜煲：新鮮爽甜，味道不俗。蠔餅：大過我塊面，炸的十分香口，可惜蠔的份量不多，大部分是粉漿。方魚肉碎粥：味道普通，不過不失。店員勤快，上菜速度剛好。每款食物平均只是50多元（除海鮮外），屬平價抵食之選。

與舊同學歡聚了一個下午，入夜之時，肚子的響鬧也真的是非常之準時，肚餓就要吃了，住在此區的朋友介紹了這所街坊打冷店，又一於看看其質素如何吧。店家舖面不大，很多桌子也是放出街外，幸而那時仍挺涼，坐在室外也沒多大問題，而饑餓的我們就很快的先點吃，打了幾道小菜，加個煎蠔餅、鹵水拼盤及一整窩的蠔仔肉碎粥，應該是很夠吃的了。先來的都是一些潮式小吃及滷物，這個韮菜豬紅是打頭陣的一道，先不談其味道，就是它非常夠熱就已經嬴了一半，韮菜吸哂鹵水汁的味道，又爽口而只有零星的渣，味道非常好，而豬紅也沒有血腥的味道，滑溜鹹香，教人吃畢一大碗也未夠喉。之後介紹這個店家所謂什麼都有的滷水拼盤，雖然說是什麼都有，不過見到沒有鵝膶，那刻真的有點失望，不過其實就算外邊的潮州店也如是，要吃鵝膶，要麼就淨點，要麼就來個鵝什吧，說回這個拼盤，有鵝腸、豬腸、紅腸、豬耳、腩肉、豆腐及一點豆芽墊底，材料其實都算不錯的了，不知味道又如何。鵝腸爽滑彈牙，不過店家真的是洗得它太乾淨了吧，吃起來沒有鵝脂的香味，幸而個鹵水汁夠油香，補救了這一點；豬腸也跟鵝膠有着相同的情形，所以吃起來沒有了那份油脂的滿足感；紅腸肉質不會太爛，腸衣不會太韌。豬耳

講真...真係唔衛生唔好食都算 真係唔衛生...d碗筷唔太乾淨最好食係蠔餅 但唔代表蠔餅好食 , 只係本人中意食粉...蠔仔粥 我冇食 不過我媽話有沙 洗唔乾淨炒蜆 OK ge 咪一般炒蜆咁 自己炒都炒倒干炒牛河 唔夠穫氣仲叫左d咩唔知腩.... 魚果d , 都ok