嘆撈

Open Now

Now Closed

虹橋的“嘆甜品”開了分店後，原舖位轉了賣撈麵，取名“嘆撈”。除了撈麵和滷水，還有各式小食如燒賣、碗仔翅、水餃和糖水。見到買外賣的人絡繹不絕，雖然是港式食物，但有餃子和涼皮，又令我想起北京讀書的日子，京川滬菜式都是主要食物，「來一份涼粉皮，半斤餃子！」幾乎每天都說一次。這就點一份涼皮和餃子吧！皮蛋撈$39，有皮蛋和木耳，另加配$6鹿茸菇。撈麵的辣度和麵底可自選，選了小辣、涼皮。飾面有很多芫茜、青瓜絲、炸花生、炸黃豆，用以拌入麵裡，增加清新口感；皮蛋份量不少，排列得非常漂亮，而且是流心的雪花皮蛋，超香又彈牙；木耳和鹿茸菇都拌在涼皮裡，咬下非常爽口，鹿茸菇的確是煙韌有嚼勁，又能吸收醬汁味道。要說明這是港式味道撈麵，嘆撈自家設計醬汁，不酸只辣，辣中帶甜，與四川的酸辣味完全不同，是配合香港人口味而設的，辣得來不會有濃烈的味道。涼皮份量很多，口感滑，吃完一碗其實挺飽的。櫻花蝦芫茜湯水餃六隻$32，首先讚讚湯底，超好味！有濃濃的蝦乾香，湯底咸得來鮮甜，吃完水餃後連湯都喝光光。白菜豬肉餃味道也不錯，肉餡屬於偏軟口感， 胡椒、麻油等調味得很香。這個美味湯水餃，推介要試！以街坊價、份量多來說，的確是開飯好

嘆撈 (屯門)屯門井財街15號金銘大廈地下4號舖親民嘅店員，感覺到工作好賣力，出食物非常之快，包裝得好好👍🏻今日叫咗外賣去Party Room食，地道🙌🏻🙌🏻🙌🏻豬嘆撈$43我叫左走芫荽要涼皮BB辣，豬頸肉加鵝腎加青瓜，花生炸黃豆，呢個豬頸肉撈形容就係脆，少少辣剛好刺激味蕾，啲配料真係好好食😋雞嘆撈$43走芫荽紅薯皮BB辣，手撕雞加辣雞軟骨加青瓜，花生炸黃豆，手撕雞同雞軟骨係絕配，咁平就食到晒咁多樣嘢，好抵。碗仔翅$25要讚一讚佢個冬菇切得好好，厚身非常有口感。口水皮蛋$26第一碟清晒就係呢個惹味嘅皮蛋，Q彈嘅口感。每款套餐加$10就可以有甜品啦要左椰汁西米露同埋五彩冰粉椰汁西米露煮得好透心，食完辣嘢再食甜品可以中和返。五彩冰粉厚切，滑捋捋，上面咁多芝麻甜香氣。

之前試過太子7sis既涼皮，依家屯門都有喇叫左雞嘆撈中辣，雞絲夠滑辣度就一般，食開譚仔三小既應該冇問題涼皮就似腸粉多d, 唔夠太子既滑配料花生同黃豆夠脆，青瓜夠爽整體都唔錯，可以一試！

見到人地影啲相好正，所以今日第一次去食嘆甜品，我叫咗個朱古力雪糕窩夫同埋椰汁西米露 ，個朱古力雪糕窩夫外型好好味，但係食落又唔算特別好食，好似冇咩味咁，至於椰汁西米露，啲西米多過啲椰汁🥲啲椰汁真係得好少

屯門很少買到涼皮, 平時都係九龍or 元朗先有得食, 今日見到虹橋有得買就試吓, 覺得超好味, 值得推介, 但喜歡食辣的要揀嗌大辣因為佢啲小辣比較少、今推介牛柏葉或者雞軟骨

是嘆甜牙🤪大西北甜水黃店名物 去親紅橋都聽到有人食同見到門口好多人排隊👶🏻平時我就真係好憎排隊食野今次有幸屋企人買外賣翻黎終於有得試🤤今次食左楊枝甘露雖然啲相我影得十分之樣衰又冇乜光但呢碗野啲料 多過老母係屋企煲甜水會落既料成碗西米多到唔洗錢咁 芒果好甜西柚粒都唔係好酸 少少酸balance翻個甜食完飽到好似食左個正餐咁🤰話說細個唔知點解覺得楊枝甘露係一樣好珍貴(?)定好稀罕既野 去親酒樓都yo阿媽話要嗌黎食🗣當然呢碗好食好多啦 無論味同飽肚感都完勝🤌🏻

你唔好再癲啲？！啲菇洗乜切啫，橫掂都放埋個根位落去架啦！之前嗌走芫茜就變咗做多芫茜……..走花生就連黃豆都走埋………諗住外賣冇仇報所以就亂咁黎？？專心搞糖水咪算囉 ..

天氣熱到唔想煮又唔想食睇睇下Apps 發現有涼拌麵就決定試下呢間前身係「嘆甜品」既黃店💛原先係主要賣甜品既 但近日改左名「嘆撈」主要賣涼拌麵同各式甜品.豬嘆撈 (豬頸肉+雞腎+青瓜) HKD57雞嘆撈 (手撕雞+辣雞軟骨+青瓜) HKD57一個揀左涼麵 一個揀左涼皮但結果黎到两個都係涼皮🤦🏻‍♀️涼皮偏厚 如果可以薄少少應該更好食BB辣汁好好食👍🏻胃口UP⬆️配料亦都好多 如果有一款係全青瓜絲代替麵就不得了綜合芋圓西米露 HKD44檸檬愛玉 跟餐+HKD18

昨夜入三聖村食海鮮，之後食甜點，見店內只有一位客人。原來這兩天開始只賣拉麵，不賣其他食物。店員表示店方想嘗試轉型，但如此突然，又無任何公告.....只能說無奈了

話說我夜晚11點半落單外賣自取，比完錢就響門口等，之後大約11點40分有一班男仔再落單要4-5杯野飲。到11點45我見有一碗甜品單單整好左，個侍應黎手就放埋一二邊，咁我以為果碗野可能唔係我嘅，我再等啦。但見果位侍應轉頭即刻整好左幾杯野飲比班男仔，兩杯兩杯咁出。咁我就好奇行入去睇下果碗整好嘅係咪我嫁啦。點知真係我嘅！搞到我白等到多5分鐘。雖然5分鐘唔係多，但問題係唔明點解個侍應唔出黎嗌下外賣號碼，撚手就擺開我個外賣一邊，而去幫之後嘅人整野飲呢？之後我入去拎走外賣個侍應一點反應都冇，完全冇覺得自己有問題。講真如果唔係因為你地岩顏色都唔會幫襯。依家只有失望。祝生意興隆，唔洗告急。

景峰輕鐵站對面馬路的紅橋, 是屯門人熟識的食街, 由晚市至凌晨都非常熱鬧。上次到來是位住屯門的朋友帶路, 最有印象的就是這家甜品店, 這晚再次光顧回味。店內以白色為主調, 光猛整潔。餐牌內除了甜品外也有炸物類的鹹食, 但我還是偏好賣相十足的窩夫。上次試過Baileys朱古力醬鮮忌廉窩夫, 那朱古力雪糕配以在旁的質感似Mousse的Baileys朱古力醬非常誘人。從賣相開始已經非常吸引, 朱古力雪糕放在剛出爐的窩夫上, 淋上Baileys朱古力醬, 口內充滿著奶油和可可濃郁的味道。但以整體而言, 三款疊加起來的味道並未有互相輝映的感覺。而這次選了另一款榛子朱古力石板街窩夫, 起初沒太留意淋在窩夫上啡黃色的醬汁, 還以為是焦糖醬, 直到放到口裡, 才知是榛子醬。放在雪糕旁的爆谷在店裡也有零售, 不過也同樣地沒有一種食材之間互相輝映的味道。賣相而言兩款都很精致, 很豐富。但味道也大多被雪糕與烤香的窩夫所主導, 其醬汁與配料也只能當賣相上的輔助。

#屯門美食 同朋友食完午餐見有時間於是就搵個地方坐低繼續傾計 行下行下就見到嘆甜品又有野飲又有甜品就入左去坐底叫野食🙈當日見到雪花冰同窩夫都好吸引 😍最後擔心食唔曬窩夫就叫左雪花冰🙈飲品就叫左青蘋果蘆薈梳打（HKD27同白桃玫瑰荔枝梳打 (HKD27)落完單之後食物同飲品好快就送上🙈成間鋪頭有好多貓貓物品連匙羹都有貓貓手印係上面🙈🙈講番飲品先🥤由於行到好熱叫一杯凍飲即刻透心涼青蘋果唔酸（重好有心機整黎做裝飾）蘆薈都ok 大粒🙈甜品方面OREO飄雪(HKD52)睇相都會見到佢嘅材料大小同餐牌差不多唔會話走左樣🙈就算食到最尾唔會好似飲緊水🙈當日食緊嘅時候有Youtuber入左黎拍片當時就係文迪入黎屯門搵美食🙈🙈無記錯佢係點左小丸子其實餐牌上樣樣都好吸引 樣樣都想叫🙈只好下次再幫襯慢慢試🙈🙈

講到屯門嘅甜品鋪超多人推介呢一間小店，夜晚去到已經好多人排隊。坐嘅位置都唔算闊落，今次無食到招牌窩夫，而揀左糖水消消暑😆🔸 芋頭西米露（HK$30）西米露椰汁好濃郁，西米係中size食落有返啲咬口。芋頭份量同甜度都還好，不過不失啦🙂🔸 芋頭珍珠芋圓（HK$36）呢一碗反而就好足料啦，包括有三色芋圓，珍珠，芋頭，小丸子，椰汁涼粉。一個人食完好飽呢，兩個人share都可以啦其實。入面配料質素都還可，無咩令人太深刻嘅印象😛🔸炸燒賣（HK$21）除左甜品都有小食選擇，12粒炸燒賣好惹味，炸出黎新鮮熱辣，配糖水好正

🍽嘆甜品⁣屯門井財街15號金銘大廈地下4號舖⁣⁣🐽豬豬美食團今次去嘅係屯門好出名嘅嘆甜品，每次去都好多人排隊等食🤤⁣⁣⁣⁣焦糖脆脆香蕉鮮忌廉窩夫 $56🍌🍫⁣⁣ （🧡🧡🧡🧡）⁣$56勁大份好抵食！脆脆好香濃嘅焦糖味，窩夫🧇唔會成好乾身，烘得內脆外軟，好香蛋味。所以食材都好足料，一啖雪糕一啖窩夫，食到好滿足～⁣⁣鮮果飄雪 $56 🍉🍇🥭❄️ （🧡🧡🧡🧡）⁣鮮果飄雪用牛奶雪花冰做底，配以士多啤梨雪糕同埋新鮮嘅水果。牛奶🥛雪花冰牛奶味十分香濃，比起坊間嘅雪花冰口感更加棉密。食鮮果甜品最驚就係啲生果會霉霉爛爛，嘆甜品嘅水果好新鮮，而且種類好多，啱晒最鍾意食生果嘅人。⁣⁣⁣⁣小結：當日小編兩個人飯後嚟食，叫咗兩份甜品真係好飽好滿足🤤大家過到嚟屯門不妨試吓嘆甜品，真係好高質。⁣⁣（5分滿分，🤍=0.5分）⁣⁣⁣環境 ：🧡🧡🧡⁣價錢：🧡🧡🧡🧡⁣味道：🧡🧡🧡⁣⁣🧡⁣抵食指數：🧡🧡🧡🧡⁣⁣⁣⁣

住附近既我經常會叫嘆甜品外賣😌😌每次都唔記得影相😂掛住食中式甜品 我試過芝麻糊 合桃糊 芋頭西米露整體黎講中式甜品真係麻麻地 全部都係偏甜我個人就黎講係覺得甜過頭今次我地叫左楊枝甘露同焦糖燉蛋配雪糕再加小食 鹽酥雞粒 炸燒賣 炸魚蛋楊枝甘露正常 料就唔係話多既但不過不失（題外話：芋頭西米露唔係用依種細西米.. 而係大大粒既.. ）焦糖燉蛋配雪糕焦糖燉蛋口感同味道都似牛奶布甸多啲 反而個雪糕同焦糖脆脆好出色 特別係焦糖脆脆😂 鹽酥雞粒真係偏細粒既雞粒.. 好似台灣食果種雞米花但味道係好既 我老公係一定會叫既小食🤭炸燒賣 炸魚蛋炸燒賣正常 外賣始終涷左 但無影響預期反而炸魚蛋呢就唔係好炸既感覺😂 但魚蛋本體係好食既 彈牙