炭樂

Open Now

Now Closed

居酒屋一般是座落於商業地區較多，因為放工之後都是為了方便一班人摸摸酒杯底，大家談笑風生，放鬆一下的地方。早於一年前已經經過，但一直未有機會前來一試，今次一試就令我喜歡上了這地方。位置雖然不多，還有可能會覺得有擠迫感覺，聽到隔離左右嬉嬉哈哈的氣氛，不過正正就是這樣的風格，與店員，老闆的互動也增加了，很有一份親切感食物方面未算很突出，但即燒即食熱炙炙的感覺，可以令食物加分不少因為Book了8點多的枱，來到已經有點餓，所以一點就是啖啖肉的燒鱔，皮脆而不失肉汁串燒雞皮，配酒必備厚燒牛舌清酒價格此處亦很合理，而且找到一支給我口味的，所以期待下一次的到訪

朋友介紹下：話呢間土瓜環日式爐端燒好食，所以去支持一下本土小店，星期五晚同老友去左食晚飯，吹下水順便啤一啤。朋友真係冇介紹錯，食物一流：個鹽燒白鱔，外脆內軟；清酒燒貴妃蚌，十分鮮甜；尤其個汁燒牛肋肉，未影已經忍唔住食左😝另外服務都好好！食到一半同佢地d員工傾下計，得知原來食物由老闆親自主理，而老闆娘招待客人亦親切有禮，整個晚餐的感覺真係好舒服！唔怪之得介紹我的朋友經常去幫襯，因為從食物，店主及員工都能感覺到此店好有heart! 連平日唔寫食評嘅我都動筆，真係好值得支持！本人一定會再帶多d朋友去試下😊

日式串燒店喺香港來講真係越開越多，特別食一啖串燒、飲一啖梅酒，就可以同朋友把酒聊天一個晚上。今次朋友介紹我去咗一間位於土瓜灣嘅串燒小店，佢哋除咗有自家製梅酒，更有高水準嘅串燒。餐牌內有多款串燒選擇，海鮮、牛肉、豬肉、雞肉等，基本上所有日式串燒店食到嘅嘢都有得揀。開始食串燒前當然叫啲餐前嘅小食啦，分別有海蜇沙律、明太子沙律、墨魚軟骨。味道整體非常之唔錯，個人就特別鍾意佢個明太子沙律非常爽脆，再加上丁點芥末醬非常醒胃。接着就係沙甸魚苗製成嘅小食，沙甸魚苗非常簿脆，咬下更感受到佢濃郁嘅魚乾味道。荔枝黑豚肉串個人真係好鍾意食荔枝，特別佢嘅清甜味道真係好難俾其他水果取締，今個月更加係荔枝當做時間，餐廳就用咗荔枝同黑豚肉呢個組合整作一個新菜式非常新穎。豚肉香口，加上荔枝嘅清甜可以省掉咗黑豚肉嘅油膩，唔錯。厚切牛舌串牛舌非常肥美，而且真係好厚呀！只需丁點胡椒同鹽已經非常惹味。牛肋肉串推介串燒，牛肉味超濃，而且師傅燒得剛剛好，外香內嫩，每一啖都會溶於口中非常美味。平時食翡翠螺就食得多，但多數都係冰鮮，而且肉質比較硬身。今次食嘅除了新鮮燒之外，螺肉亦非常大隻，表面再加上薑蓉、燒準，肉質爽口之外亦帶點鮮甜

同好姊妹帶埋小朋友一齊去食，一入到去侍應姐姐已經好細心，幫手安置BB車，又準備定BB餐具同濕紙巾，細心到大人係飲茶，BB係飲暖水都分別安排好晒！真係好感動！一上菜就知道今次無揀錯啦，個黑豚荔枝豬真係出奇地好味，燒牛肋又真係啖啖肉好咬口，厚切牛舌咬落又多汁又甜！仲叫左秋葵牛肉卷、雞軟骨、海蝦天婦羅，稻庭烏冬、咖哩豬扒飯，兩個女人一個B真係大快朵頤😋食到咁上下，侍應姐姐見我地戰鬥力下降，都有問使唔使cancel一兩樣item，但實在太好味啦，所以最後都係堅持清晒所有野！肥就肥啦，明天先再減啦😂

成日經過見到門口裝修得幾特別 想試好耐今晚終於的起心肝行動!!入到去見得兩枱客 啱哂我哩D怕嘈既麻煩友 入到去侍應好快手就放低左前菜俾我地 有青瓜 紅蘿蔔 椰菜加埋個醬一齊食 冇得頂 不過青瓜林左dd入正題先老闆介紹 堅好食 咬落脆卜卜感覺好得意牛肉包住d蔥同蒜 好味不過我比較重口味 所以自己加左d鹽 更加好味好少地方有得食 外面黑豚肉咸加入面荔枝甜 兩種味道加埋又出奇地夾又係老闆介紹 啖啖肉 個人本身唔like汁燒既野 哩串野又燒得幾好 唔會有結 TART TART既感覺哩個就差DD勒 有D腥 成粒食完之後覺得個口超腥 必食 皮燒得好脆 鱔肉好彈牙 都係必食 味道啱啱好 牛舌又唔會好un 師父夠功力呀好脆 我又自己加左少少鹽 真係會想係咁食叫左杯自家制梅酒 第一啖麻麻地 圬越飲越好味 連粒梅都唔放過食埋 可惜太細杯喇唔夠喉整體尼講呢係好好食既 不過呢個人認為係土瓜灣尼講呢價錢就偏貴既 不過真係值得試下

同fd打完波去醫肚，係附近住既我之前一直已經想試，因為門面裝修得好靚，又有啲神秘入到去環境好舒服，眼見得一個女侍應，但完全冇怠慢客人，仲好有禮貌，慣左平時餐廳既服務態度，有啲覺得唔好意思。餐牌背面既餐比較貴，所以冇考慮可能打完波特別肚餓，味道亦不錯，不久就將兩個定食全清，可能男仔會唔夠食。最尾仲有件好窩心既事☺️，令呢餐飯再加上一點分數，但因為某啲原因就唔係度多講了🙊

士瓜湾食店林立，下雨天在附近用膳！已光顧幾次，服務ok,水準也高。剛開張時門口没有餐牌，衝了入去。。串燒？昂貴的格局？鯖魚燒得剛好很多魚油,沙律有點酸..開胃的前菜,湯材料豐富.飯略為熱一點便好午餐60至百多元。音響细一點便更好。侍應可能老板。。不停加茶。。吾錯

試左好幾款串燒，都非常美味~~~尤其是荔枝豚肉，鵝肝雞亦，雞皮燒蝦令我想encore的~~~燒牛肉也是非常juicy~~雖然好好食但都真係幾貴，如果有budget concern係真係要就住黎叫

打算去大漠。但初六才啟市。所以去炭樂試下。一入去，位置比較狹小。服務態度有待改善，未完美。串燒冇調味，燒得唔夠香。炸物一般。天婦羅蝦是霉的。唐陽雞又是冇調味。可幸枱上有七味粉。黃金蝦卷倒是有心思，雞皮包住日本大叶，煆去燒，味道ok.燒飯糰size較小。

放工和朋友在土瓜灣找吃，這間小店並不起眼，只是被小店門外的貓頭鷹圖案吸引了。關著門的店子，看不到餐廳內的環境，也沒有放餐牌，只可以從裝潢推測到應該是吃日本菜的。朋友說：要冒險試一下嗎？我口裡說著好，其實心裡好怕埋單很貴～XD　我們還是進去了。餐廳不大，約有十張桌子，不少都坐了客人，我也頓感寬心。再看一看餐牌，原來是吃串燒的店子，價錢也相當合理。店員捧上貓頭鷹杯子盛著的茶，杯子很可愛，未吃已感到開心。豆腐沙津是一般的水準，豆腐很滑，而份量也很足。這個豚肉荔枝卷絕對值得一讚，肥美的豚肉燒得香脆多汁，而裡面的荔枝正正中和了豚肉的油膩感，兩者味道配合得非常好～厚切牛舌也是大愛，牛舌厚而爽，肉汁很豐富，也燒得很脆口，只是略嫌有點貴，只能和朋友共吃一串。因為本人是正餐必定要吃碘粉質的緣故，還是叫了牛肉稻庭烏冬。店員把碗端上時把我們吃了一驚，那個碗大得像四人分量。拿起蓋子，原來分量不多，烏冬很滑，湯底濃郁又香甜，重點是喝了也不覺口渴。牛肉也鮮味，另外還有很多野菌，都是我們大愛的。朋友說下次來一定會再點這個烏冬。另外，還點了燒芝士雞翼和燒粟米，味道都不錯。食物的分量剛好，宜布今次冒險大成功。