稻香 (Closed)

好耐無打邊爐,突然間心血來潮就走咗去打邊爐.適逢六點幾,不用等位,我地被安排坐在靠牆邊第一張卡位,無壓迫感,幾舒服;見到湯底推介$38,就揀咗個辣木雞湯底,預先問咗不是辣的,坦白講湯底非常普通,仲有啲似濃湯寶,至於送的所謂金貝,份量多,有六隻,但唔夠新鮮,個人認為食唔食都無損失.鮮蝦滑 -- 幾有鮮味,肉質亦滑,不錯魚皮餃+韭菜餃+菜肉餃 -- 非常普通,不吃亦無損失手切肥牛 -- 幾淋,幾有牛味白菜仔 -- 一般,可以接受活魚 -- 這個最有驚喜,都有很多塊魚肉,很滑很鮮甜,再加上可以將整條魚放在湯底熬,之後肉質都很鮮味,湯底亦加上魚味,非常好味

都唔記得點解會嚟下午茶 不過好彩呢餐係人地請啫小點$7.80, 中及大點$9.80食物方面都係普遍嘅味道, 比較特別好味嘅就只有蜆芥鯪魚球和泰式雞絲撈檬。魚肉鮮而不腥甜酸適中, 又大碗！但係令我最覺嘔心嘅係「濕淰淰」的麻香杏汁包與义燒包 雖然我知應該係蒸籠的倒汗水, 但始終揸上手係濕嗒嗒, 好核突杏汁唔應該叫「汁」, 應該叫杏「糕」味道普通級的食物有:义燒又乾又瘦, 河粉碎濕濕「浸」湯餃都有少少魚翅仔腸粉皮無米漿, 澄麵硬膠一條只吃到黑椒味吸油一流2:30pm後唔洗點等都好快有位, 而且個自助登記機幾好玩, 幾多位...自己輸入, 搭唔搭檯...自己輸入, 個個排隊玩, 唔洗同人爭。

除了鳳爪外, 另一難做的點心是炆鴨腳, 這裡的炆鴨腳炆得十分入味, "林"度適中, 大大碟, 好好味.其他點心都是熱騰騰地供應, 十分好.每次來稻香, 排隊的時間十分長, 可能價錢公度, 食物質素好有關.

前兩日同學聚舊,本來去小肥羊,但要就個friend有free parking就去左稻香,三個人叫左貢丸,肥牛,羊肉,芝士腸,炸魚皮,栗米,棻,仲有的中間有閒既丸....肥牛同貢丸都ok,但係的炸魚皮,芝士腸(my favourite),羊肉就差左的,芝士腸煮極都吾識爆開,仲要無咩芝士味,羊肉就吾太新鮮,炸魚皮又吾夠脆,最後三個人埋單6百幾,有的貴.ps: 的紅豆沙,紫米露幾好

計上次中秋經驗, 唔好揀正日比較好, 唔係趕住食。揀早一日及訂位, 由訂枱可以變為包房, 真係抵, 唔多人,食物慢慢上唔使急。今年訂一個類似尊貴宴, 價錢都係 $1988, 7:30前埋單還可減多200元, 抵 !菜餚有波士頓上湯龍蝦, 龍蝦肉鮮嫩多汁, 伊麵份量足12人份量。乳豬全體是瘦, 不是太肥; 花姿珊瑚蚌、炸蟹鉗、竹笙海皇生翅、玉掌扣鮑螺片、大龍疐、脆皮燒雞很不錯, 糯米飯很好味, 西瓜甜略少。整體不錯。

因Honey爸生日，所以Honey話要同阿爸去稻香食生日飯。因為臨近中秋，而咁啱又撞正係星期日，所以我地都已經早於九月頭打定電話訂檯。一上到去，嘩... 迫滿哂等入坐嘅客人響門口，雖然我地訂咗位，但都等咗廿分鐘至有檯。其實我覺得以四個人嚟講已經算好快咖喇！ 是夜係Honey爸生日，所以一定係由佢選擇咖喇。因大時大節，好多酒樓都已經set死哂啲餐牌，所以可以選擇嘅嘢唔多，而老人家又鍾意食翅喎，所以就算Honey, Honey細佬 & 我都唔鍾意食翅都好啦，我地最後都係順老人家意思叫咗個中秋四人餐。中秋四人餐所包括嘅菜式有︰1) 竹苼雞絲珍珠翅︰其實都預咗，呢啲咁嘅套餐都唔會有翅食到咖喇，食唔到翅對於我嚟講就冇乜所謂嘅，但竹苼嘅分量都係得好少果吓唔掂囉！都係果句啦，水多過料！2) 上湯波士頓龍蝦︰呢個都唔差嘅，不過啲伊麵就咸咗啲！3) 清蒸青斑仔︰呢個係全晚最好食嘅餸！條魚真係好新鮮之餘，仲冇蒸過頭！讚... 4) 碧綠花姿蚌片︰啲花姿蚌片一定係雪藏貨，因為啲料已經雪到一啲味道都冇。而且啲碧綠仲要用毫無味道嘅翠玉瓜去炒。呢碟只可以話一啲味道都冇！失敗... 5) 脆皮燒雞半隻︰皮係脆，不過

去稻香做節~個人唔太鐘意依間稻香，因為好嘈訂左枱所以唔洗等位，不過要俾左$100訂金先叫左個迎秋宴，有九個野食+生果+兩渣野飲叫左兩渣竹庶水，佢加左糖漿所以好甜。鴻運金豬全體: 一隻乳豬，肥瘦適中，皮好脆，好好味碧綠花姿蚌片: 脆肉瓜好爽口，其他都好鮮好好味黃金炸蝦丸: 個炸蝦丸有個甜甜酸酸既汁點，不過同個蝦丸既涵唔係好夾，個涵係菇類既野~ 紅燒雞絲翅: 個料都OK~翅就唔係好多，不過都算係咁~馳名沙薑雞: 啲雞肉幾滑，同埋都幾入味荷葉飯: 唔係好夠味，但都OK既埋單$1988，都算抵食，下次應該會再食

那天食完早餐回家化妝換衫等FD電話然出門口就落十級大雨...............三人全身都濕到顛左......好在醒.....見會落雨....又唔知去邊(友人都保持神秘咁).....因此多帶一套衫啦........估唔到.....係去飲茶.....平時呢班老死們.......堅係少有地飲茶......點心一大咋.......仲有壽包一人一隻...........雖然都係普通野.....但食得好開心羅......之後一齊去睇<<線人>>......

估下有齊鮑魚龍蝦燒鵝要幾錢?屋企人快去旅行, 暫停煮飯, 是日同佢地出去食飯, 因為有張$30 coupon, 所以選址稻香叫左兩個combo, 火鍋龍蝦孖寶 & 夏日雙配對, 五個人食, 夠晒火鍋龍蝦孖寶係果皮蒸大連鮑魚半打+明爐燒鵝 (例), 夏日雙配對則係上湯波士頓龍蝦伊麵底+粉絲海味什菜煲, 本來係龍蝦配瑤柱貴妃雞, 但又雞又鵝太多肉了, 所以轉了個什菜煲上湯波士頓龍蝦伊麵底上湯味很濃也很杰, 龍蝦嘛, 始終是波士頓, 還是覺得澳洲的好吃, 不過也已經比早一個月在海港吃的好多了, 起碼肉質真是爽口而且沒酸味丫, 伊麵很多, 不用叫飯也夠食了, 間唔中食一次上湯, 總比次次都是芝士來得特別粉絲海味什菜煲很好味, 什菜有菜心白菜, 金菇草菇冬菇粉絲少不了, 也有花膠瑤柱蝦米等, 這味真的很好味, 魚鮮上湯很鮮甜, 連湯飲也很好味, 但花膠煮完也是硬的, 雖然預左不是好貨色, 但起碼也是腍的好嗎?明爐燒鵝 (例)不算細碟也不算肥, 鵝皮也很脆, 可是肉很韌, 我也要出九牛二虎之力咬得開, 至於味道則是一貫燒鵝味道, 不過不失, 可能瑤柱貴妃雞會比較穩陣果皮蒸大連鮑魚半打另有刀叉供應,

我地一行6人,4大,2個小朋友,前後叫咗大概14碟左右火鍋食物.有駝鳥肉,肥牛,羊肉,雞片,吊片,鯇魚片,生菜,油麥菜,粉絲,豆腐,串蝦,豆卜,墨魚丸,牛柏業.每碟份量非常少,每人食一片左右已經冇晒.但係價錢仲好貴,我地大部份食嘅嘢係38-48/碟,以咁嘅價錢,份量實際太少.另外,肥牛太多肥肉,只屬中下質數.吊片都算新鮮.生菜,油麥菜都洗得幾乾淨,合格.但串蝦十只就有一只係壞嘅.其他食物不過不失la服務方面都算幾好,(可能係果日全場只有一半入座率嘅關係)埋單時,基本上全部人都食唔飽.但心唸價錢應該每人100左右已經算好多LA,點知要每人145元,食D咁嘅嘢,埋單成870元.我地決定下次會食任食火鍋,下不爲例!!

今次三個人都是選了一蚊雞作為飯局,貪佢夠平今次重加一個賽螃蟹不過今次的質數真的比尖沙咀的差,隻雞一望塊皮就無油無光,而且味道都比較遜色個賽螃蟹就重幣,"鞋"過我塊面不過三個人兩件雞加埋都飯毎人都係三十幾蚊我要求都唔高,因為價錢同質數都成正比不過d斬師傅真係要細心d,哩間同尖沙咀都斬到有尖骨

朋友的到訪後，今晚齊往荃灣晚飯，天氣寒冷，友人提議吃火鍋，我們又不想吃任食火鍋，朋友話：稻香唔錯喎！又經濟。就這樣一行六人便來到稻香了。首先叫了一個琵琶蝦鍋，是配套火鍋，除了琵琶蝦鍋外，還有(海鮮將軍令火鍋料)一份，其配料有極級肥牛、青斑片、鮮元貝及象拔蚌。將軍令火鍋料內之肥牛、鮮元貝、象拔蚌味道頗鮮美，而那青斑片卻是鯹鯹的雪貨，不太新鮮。琵琶蝦鍋內有幾件琵琶蝦，而那些琵琶蝦，肉也不多，吃起來，沒甚麼味道，湯底呈淡黃色，湯味帶海鮮味道，不過，味道也不錯。除了上述之配套火鍋外，我們還吃了以下的火鍋料，計有美國桶蠔、美國肥牛、白膳片、扇貝、珊瑚蚌、魚皮餃、炸魚皮、生根、炸枝竹、疏菜料計有豆苗、油麥菜、栗米、金菇等。美國桶蠔，是採用(美國太平洋鮮蠔)桶裝，侍應員問我們要不要幫我們洗蠔，心想....這桶蠔還要洗嗎？不過為免肚子.....即時話:：「好！當然好啦！」拿回來時，已盛在碟上了，蠔身也算肥美；吃起來時，感覺到蠔的特有蠔香，非常好吃的蠔。美國肥牛，近似雪花肥牛，不是太肥，吃起來無酥味更有肥牛的香味，不錯的肥牛，好吃。白膳片，端上來時，樣子也鮮美，薄薄的一片片，輕輕的一焯，咬口微爽，肉鮮膳

好朋友參加公開徵文比賽，幸奪亞軍，雖然屈居，仍很開心，設宴慶祝，其實是借機聚舊而已，我們也替他高興！今晚相約於荃灣城市中心(稻香酒樓)。這裡很旺埸，座位空間較為擠迫，環境略為嘈一點，不要緊...我們也可盡情放縱的吃喝玩樂，今天叫咗個套餐，名為(皇蓆宴)此餐最抵食是星期一至四，12位收998元，星期五至日收1588元12位計。菜餚如下:乳豬大拼盤：乳豬咬落脆口，雖然有少許肥層，但食落香脆好味；叉燒不肥不瘦，雖無叉燒香味，但食落也很腍甜；燒鵝醬汁味濃，可惜燒了很久時間，皮已不脆；雞無鮮味，幸醃得夠味，但皮不夠脆口。醬皇炒螺片珊瑚：珊瑚蚌賣相靚，咬落爽口，珊瑚蚌黏上醬汁，非常好味； 螺片爽脆，口感不錯，味道也好；配合脆肉瓜、蓮耦片、東菇、雲耳、醬汁等，整體的配合及味道都唔錯！酥炸野菌蝦丸：炸到非常香口，咬落少許彈牙，感覺不到野菌味，也許被蝦搶去味道，配合酸甜醬，很好味，因我喜愛食香口嘢，所以食得最多是我喇！玉環瑤柱甫：節瓜煮得過腍，咬落不喜歡這口感；瑤柱細粒而易散，也不覺鮮甜味，得到芡汁的味道配合，總算ok啦！紅燒龍皇翅：翅很少，少許肉粒加上海鮮粒，芡汁杰度適中，調味到家，好味！鮑魚菇扒翡翠

尋晚女友媽咪生日食飯, 叫四個送有三個出問題!1) 叫半打帶子, 個阿姐自己都寫住半打, 上就上足一打, 第一碟上, 我地見應該都食得哂, 咁算啦一打就一打啦, 點知衰野陸續有來 ....... 2) 龍蝦$248一斤, 隻野一斤六兩, 個阿姐居然可以計我$576, 足足收貴我$200有多, 仲要大大聲話自己冇計錯, 將$248就咁x22(兩)除10, 當我傻仔牙 , 好彩我有check單姐~ (正確應該係248/16x22再加30蚊伊麵=$371)拿我當個阿姐唔熟悉香港計法, 內地市斤係一斤10両！咁內地市斤六姐係16兩啦, 但係佢又知一斤六兩=廿二兩喎???p.s. 叫佢比個蝦鉗我, 半個鐘頭後, 佢話搵唔到, 比左把較剪我算數, 佢話叫我用把較剪個把手位夾爆佢喎, O 哂嘴!! 最後叫個經理搵先搵到個鉗出來~ 3) 豆苗$68, 不左一碗仔出來食, 已經發現3條蟲(我仲要食左半碗先發現) , 換過碟金銀旦現菜$48埋單仲係計緊我$68, 真係火都來埋!

昨天晚上同一班兄弟姊妹食晚飯,一行十三人,嚟左呢度,起初朋友話想叫套餐食的,因為唔使諗,但星期日套餐都幾貴,最平都要1666一圍,咁我地就唔叫套餐,散叫:一隻炸子雞-好香口,都唔肥呀一隻燒鵝-好味呀,不會好肥一條中青班-魚都滑,但好細條燒味拼盤-好味呀,是跟芝士龍蝦伊麵一set叫的粟米魚肚羹-好多魚肚,但我覺得太"結"蒜蓉粉絲蒸扇貝-呢個係特價,所以一般,不過好平,26.8有六隻芝士龍蝦伊麵-龍蝦都好多肉,爽口,幾大份呀,伊麵好味蒜蓉炒生菜-都好爽口油麥菜-好爽甜好味金銀蛋莧菜-冇食蛋白炒飯-冇食唔知晚市都好多人,可能係星期日的關係,不過我覺得太迫及將火鍋及晚飯坐在一起,不太好.