Video
7-min walk from Exit A, Mei Foo MTR Station
continue reading
Opening Hours
*Dine in until 16:00
Mon - Sun
07:00 - 16:00
Above information is for reference only. Please check details with the restaurant.
大家飲茶去得多, 都係蝦餃燒賣.....义燒飽今次寫食評比大家, 我個人覺得, 酒樓今次推"點心併盤" , 擺件認真 , 特價時段都當" 小點" 點心計. , 真係無敵價! 一個人想嘆下茶, 食多幾款點心 ,過下癮又得........ 仲要係超值
continue reading
今日去咗美孚到稻坊食晚飯，因為啱季節食長腳蟹。Book位嗰陣時要訂阿拉斯加帝王蟹，如果唔係冇得食。去到一坐低，侍應姐姐就走過來叫你去廚房揀蟹，由於我哋四個大人，侍應姐姐推介咗隻5斤4重，望落去勁大隻，仲心諗食唔食得晒。等咗大半個鐘，隻蟹就黎啦！比起海港，好似仲鮮味一啲，海水味好重，每隻腳都啖啖肉，不過蟹膏就唔係好多，最後都好似唔係好夠食😂之後再叫咗個套餐，有條海魚，加兩個餸。清蒸海虎杉條魚想像中細條，但肉質鮮嫩，蒸得啱啱好。魚香斑腩茄子煲呢個煲幾特別，冇肉碎，感覺好似少咗啲嘢，但配班腩都好特別，茄子比較林，可能因為佢切得薄。黑松露滑蛋炒蝦仁呢個值得一讚，成碟餸好香黑松露味，落咗好多黑松露，令到啲蛋好鹹香。而且啲蝦勁大粒，好足料，啲蝦仲多過啲蛋😂 最後每人要叫咗一碗白飯撈蛋食，正！臨走前妹人叫咗個燕窩燉椰皇，$38都算係咁，雖然細咗啲但係上面勁多燕窩，不過燕窩就鞋鞋地，唔知真定假呢
continue reading
稻坊新整咗個手點餐link, 完全冇晒點心紙！原本用電話落單冇咩問題，但係一scan 個QR code. 竟然係link 去wechat, 唔係同住老人家，真係即刻想走。就算你唔要我裝wechat. 條link 都係wechat. 個waitress 話可以用手機幫我落單，fine. 但我好想投訴，佢話都係得一個QR Code! 意見表都冇，咁惟有上open rice 投訴！我完全唔想為咗食你碟心而同wechat 有任何關係！😡😡😡😡😡
continue reading
近期成日喺地鐵站見到稻坊$1隻乳鴿的宣傳，搜尋🔍先知美孚原來有分店。門口設有人體探熱機，探完體溫後，員工就問我地打邊爐 定 叫小菜。本身諗住叫$1隻乳鴿，原來星期1-5先做優惠(今日星期6😫😫) 咁唯有叫半隻燒鵝～❤️「明爐燒鵝皇」(半隻) 第一次見燒鵝咁樣出場，玻璃盤下面擺放蠟燭幾浪漫，但食落原來唔夠熱，微暖，蠟燭根本熱不到個盤😂 ❤️「菠蘿咕嚕肉」 真係半個菠蘿架！超大方！擺盤即刻變得好吸睛！咕嚕肉外脆內軟 ，酸酸甜甜，推介!!另外必叫汽鍋湯❤️勁勁勁足料，鮑魚、雞腳、節瓜等⋯ 清甜，正!! 其餘食物都唔錯！坐得舒服，服務態度好，好適合家庭聚會!!
continue reading
前排想打邊爐，又行過美孚，試下美孚稻坊。最近市道唔好加上疫情，佢邊爐做緊一百四幾蚊一位，兩個人加埋三百左右，唔貴。至於食物，就真係十分多元化，呢個價錢都有蠔食，同一般任食相比已經好唔錯。仲埋佢仲有龍躉球，雖然我就覺得個龍躉球就只算中規中舉，是頭頭尾尾為主，但計番價錢算係咁。甜食居然有脆皮雪條都幾驚喜，好好食。而且佢放置既自取食物例如丸係放得好乾淨整齊，抵讚! 羊肉同豚肉都新鮮好食。呢個價錢可以話係超值。
continue reading