稻坊 (曼坊) (Closed)

「稻坊」是香港稻香集團旗下的火鍋專門店，全新形象的「稻坊」以富有特色創新火鍋為主打，精緻粵菜及茶市點心為副。店內設計打破傳統中式酒樓裝潢，貴氣典雅的風格，座位寬敞，讓客人能夠在優雅舒適的環境當中細嚐各式各樣的佳餚美食，為顧客帶來粵菜、火鍋用膳新體驗。港式火鍋亦俗稱為打邊爐，香港人特別喜愛，一年不分四季都會吃火鍋。而港九各酒樓供應的火鍋之中，稻坊火鍋一向頗受歡迎。最近稻坊新增的$138宵夜放題極為超值，於星期一至日晚指定分店供應放題，供應時間視乎各分店而定，大部份由晚上8:30開始，顧客以一個全包價錢就能夠任選8款特色火鍋湯底，及任吃多達 90 款火鍋配料，包括蘸醬、飲品、茶芥，任食2.5小時。整體來說，火鍋食品質素中上，而且上枱速度快，要在限時之內食回本，絕無難度！ 宵夜特價時段特別多人等位，務必預先訂座 中央櫃檯放題自助食品：火鍋醬料、多款糖水、雪糕 凡食品如菇類、丸類、蔬菜均可到自助冷凍櫃直接選取，所以即使顧客在落單紙落單，廚房都會自動取銷，避免重復 自助汽水啤酒、樽裝茶 ▲免費湯底有八款，我選了「雲南野菌鍋」 ▲

🐰.呢度之前係稻香酒樓，轉眼間變咗睇落高檔咗嘅稻坊👀.椒鹽脆炸魷魚🦑 $98魷魚出面包住層炸粉，上面再落椒鹽調味，再配蒜蓉炒，好香口同好脆，呢樣野配啤酒🍻係一流，不過就咁食就好鹹🤔食完好口渴.波士頓龍蝦菠菜伊麵 $88你冇睇錯，係一百都唔使😝重要都幾大份下，佢話係一隻。龍蝦都幾多肉，質素都有返咁上下。👍🏻菠菜麵好煙韌，索曬d汁，唔會乾爭爭🙌🏻係正常酒樓質素，不過留意返佢會收返茶介同服務費，好似仲貴過碟餸😂

話說屋企人每年都會有吃呢一個，一蚊雞都會試吓，今年都特登嚟到食一蚊雞。今年唔同啦，今年就兩個人只可以叫一隻，之前先係白切雞，但今年已經改做炸雞！如果有斬要另外加＄38元。最嬲嘅時候係我地提出換骨碟，個服務員表示：「你食一蚊雞係唔會換碟！」聽到佢講呢句說話真係好嬲呀！至於食物方面未有特別嘅驚喜，隻雞OK但係比較油膩！

今日約左媽媽飲茶，晤想走遠，就在美孚食，美孚無論食飯定飲茶，選擇都少得可憐，稻坊，好多年冇來了，之前食過感覺麻麻，今日比佢個機會，睇下點。點知都系非常非常非常的普通。糯米卷，同超市買返來自家蒸，冇任何分別。蜜汁叉燒腸，皮晤夠滑，整體來講ok。叉燒包，痴牙...冇任何特色，又系一款同超市買返自家蒸冇分別的點心。枝竹卷：比較油，但味道還好啦，系咁多款點心中質素最好。潮洲粉粿，同區酒樓相比，雖然比京都薈好好多，但都系普通質素，無咩特別。

極差，叫普通的小菜，等了一小時，只來了义燒和炒蜆，還只是小暖，不熱，追了數次，也沒有反應，不要來，非常非常失望，我以後不會來這𥚃晚飯。極極極極極差差差！！！沒有得食，唯有回應給大家知道，這店極差！差

自從試過呢度既放題火鍋知道佢地有試唔完既食物種類之後就成日都忍唔住要再黎呢1晚我地1行3人 8點3就黎咗攞飛因為真係太肚餓佢地既宵夜放題係由8點半開始食到末日食物既種類包羅萬有 簡單既肥牛呀丸呀 誇張既龍”等”呀 廣島蠔呀都有 梗有幾款岩你食！最正既係佢地啲人好好服務行過會叫你食多啲 又會跟單😌😌😌鐘意坐幾奈都得街坊既價錢 會所既享受去邊度搵!

今日大表姐一家約埋其他親友一齊去美孚新邨曼坊嘅「稻坊」飲下午茶！我們叫咗鯪魚球灼西生菜嘅西生菜好清甜爽脆，唔會因為灼得太耐而變到好腍身，鯪魚球嘅質感好爽口彈牙，味道都幾鮮味，唔會好腥，同埋有蔥嘅香味！脆皮奶皇包嘅外層雖然都幾脆，但入面嘅質感就有啲腍身，而奶皇嘅味道都算香濃！腿茸蔥油餅「就咁睇」個賣相已經扣晒分，因煎到燶晒，以為會好香口脆身，但食落原來係極之腍身，好似畀水濕過咁，真係令我們覺得超級失望呀！蜜汁叉燒腸嘅腸粉皮好軟滑薄身，叉燒嘅份量都幾多，味道亦好香甜！豉油皇炒麵炒得好乾身同都幾夠鑊氣，初頭以為祇係得淨炒麵同芽菜，但居然有埋豬肉絲，而且都幾粗身，再加埋啲芝麻喺面，令到味道更加芳香！

平日放假陪伯母飲茶，2:30過後來到，仲有好多公公婆婆喺到飲茶，都等左5分鐘有位但帶位職員應該管理一下客人誰先來吧同時我們前面有個婆婆黎先，然後到我地，之後有個伯伯衝左黎打左我地尖⋯職員真係俾佢入先⋯唉⋯老伯伯我地冇出聲，但其實心裏不好受，之後又見到呢個伯伯搶左另一個熟客婆婆張卡位⋯此時帶位員應該出聲真的看得好無奈～叫左一個湯，睇落唔係太大煲，其實飲落有成5-6碗⋯我地都飲唔晒湯頭滿而入味，飲得出係老火湯呢碟湯渣，靚到以為係餸蝦餃係頂點，但係我飲茶必食蝦肉彈牙，但皮略厚，算不過不失牛肉腸不錯，好滑腐皮鮮蝦卷好味，夠脆，熱辣辣，蝦肉彈牙而且多叉燒包幾juicy，唔錯

此店推出「漁夫海捕」系列，似日本店的推銷手法，強調即捕即食，百份百新鮮。4式價錢都廉宜。此店定位不清晰，比同系主線，價格時高時低，風格搖擺不定，時火鍋，時海鮮……。作為集團的實驗場，前衛店則十分正確。今次「漁夫海捕」系列便是一次實驗。有4個款式。首先是燒腩仔，改了靚名命為「脆爆荷蘭十六方」，標示有16件，賣68元，價格都幾克制。但燒腩仔和海鮮有何關係？為何會放在此系列。極鮮海蠔雲吞雞鍋充滿創意。源自上海菜系的砂窩餛飩雞。來了廣東，菜肉餛飩變成了鮮蝦雲吞。此店加入了生蠔，提升了鮮味，豐富了口感。份量十足，湯煲是火鍋用的容量，足4至6人飲用。最特別是以火鍋形式上檯，可用作火鍋，加入食材。宣傳海報，餐單未有介紹此食法，我早已點選龍躉-籠仔蒸欖豉。否則一定點選生龍躉片（同價），加入海蠔雲吞雞鍋，造成協同效應。龍躉-籠仔蒸欖豉蒸煮時間適中，但味道與一般我清蒸斑頭腩分別不太大。欖豉伴豬肉較好，伴海鮮未必有最佳效果。金蒜蒸一口鮮元貝貨真價實，是特大尺碼。金蒜份量足，把元貝鑲嵌在貝殼內。極鮮海蠔雲吞雞（火）鍋是創新食法，可以成為火鍋店的湯底。此店應把極鮮海蠔雲吞雞加入「嚐新湯鍋」系列。蕃茄，清雞湯底豈

今日星期六同老公要早起，做完正經事就去稻坊飲茶。星期六既稻坊都有好多位，我地被安排坐大房內又唔洗塔台。。我地叫左煎堆仔入面係香芋，我自己就鍾意黑芝麻，但一般酒樓好少有。。叫左酥皮叉燒包，都幾特別，不過點都係鍾意添好運個款多d..鮮竹卷同鳳爪，膽固醇超標都唔理，都要照食煎腸粉同xo醬炒蘿蔔糕，最後一款，蘑菇包 ，外表真係好似蘑菇稻香集團 d點款式都幾特別，味道ok ，不過不失， 價錢都合理，兩個食咁多野，埋單$270幾左右。

突然媽咪今朝話想去稻坊飲茶，所以一早起身孝順下佢老人家，其實呢到個商場仔人流真係唔多，所以啲食店經常都有位，但今朝黎到呢到，都要等左陣先有位跟住睇下點心紙，嘩，好抵喎，孖寶都只係$21，選擇都唔少，例如我地叫左1. 义燒包配蒜香春卷2. 荷香珍珠雞配牛肉腸呢個價錢，連我地成日飲開既富臨都冇咁平，之後我地再叫左珍寶蝦餃$27同燒賣$25呢到上菜速度都快，冇幾耐就到，义燒包，唔會得肥膏同埋個醬汁唔係染色嗰隻紅，佢係深色啲，唔太咸，到牛肉腸，比其他茶樓有heart好多，真係一條包好既腸粉，由頭到尾都有牛肉仲肥嘟嘟，珍珠雞就都多料，蝦米，肉碎，都係包到脹卜卜架，但蒜香春卷就失色，又瘦又冇咩料咁到珍寶蝦餃，嘩，大到呢，我特登放係豉油碟比大家睇睇個Size, 入面都係真材實料，到燒賣，都好靚，亦唔會肥肉多過瘦肉，阿媽今次真係冇介紹錯題外話：呢到啲醬料都係自取架

係fb見不少谷友講這裡宵夜火鍋放題無得輸，諗住唔差。結果...規距8點先可以拎飛，8點半開始入座，但8點半因為入面無位入唔到住，大約等到8點9左右開始有位入座。座位幾逼，枱與枱隔得近。在中間有自助區，可以拎野飲、糖水甜品雪糕、配料蘸醬同蔬菜丸類食物。餐紙有肉類、海鮮、菜等等選擇，同朋友點左10多樣食物，黎得一半，菜類全甩單，可能因為有自助區毋須理會，順應環境，自助拎菜。第2次入單只揀自助區無嘅肉同海鮮，照樣甩左一半單，只有海鮮上枱，牛豬肉全無，見隔離枱成大盤肉上，追侍應幫忙跟下，但等極都無。第3次已經係last order, 朋友食唔到牛肉唔死心，今次淨點牛肉，疑似這張枱同肉類無緣，隔離枱繼續大盤大盤肉上，這邊全張單甩晒堅持無肉食，再次追侍應幫手只得句就快，但依然等極都無。最後朋友發火講無牛肉唔賣單，終於在10點左右有牛肉上枱。食完後同朋友最大嘅感想係唔會再有下次。

今日表弟約埋其他親友一齊喺美孚大姨媽屋企附近曼坊嘅「稻坊」一齊飲下午茶！我們叫咗珊瑚陳醋海蜇頭嘅質感相當爽滑彈牙，加埋啲陳醋一齊食，感覺好醒胃！酥皮叉燒包「就咁睇」表面好似幾靚以為會幾好食咁，但一撕開一半就見到入面嘅叉燒餡份量極之少，少到個包可以話係空心㗎，真係超「搵笨」呀！像生冬菇包嘅造型賣相真係好似一隻真冬菇咁，入面嘅餡料係切碎咗嘅冬菇粒，味道都幾惹味！尖椒糖心皮蛋係用雙色椒剁成碎粒舖喺皮蛋表面，至於皮蛋就唔算好糖心，質感比較硬同乾身，但味道都幾甘香！剁椒白豬手嘅豬皮質感好爽滑煙韌，配上香辣嘅剁椒一齊食，真係好惹味，而且唔會有好油膩嘅感覺！陳皮牛肉球嘅肉質好嫩滑多汁，牛肉味都幾濃郁，但就唔係好食到陳皮嘅味道！瑤柱冬瓜粒肉碎泡飯嘅湯底同冬瓜粒嘅味道好清甜，肉碎都幾大粒，可以叫係肉粒，質感亦好爽滑，而且份量都幾多！椒鹽鷄軟骨嘅外層炸粉唔係好厚身，而且炸到好金黃香脆，鷄軟骨嘅質感都幾爽脆，最值得一讚嘅係份量比我們預期中多！豉油皇肉絲炒麵嘅麵都幾香脆，雖然肉絲嘅份量都算多，但芽菜同韭黃嘅份量就超級多，多到舖滿整碟麵嘅表面！

九龍女聚會, 要大家坐得舒舒服服, 又冇時限, 酒樓是不錯的選擇, 今晚同學仔揀咗呢間位於美孚的稻坊, 睇完一輪餐牌, 都系食呢個套餐最抵, $948半席, 最後原來6人份量係足夠我地九位女士食。鴻運乳豬半隻乳豬皮燒得都幾脆, 皮下脂肪唔太多, 乳豬肉唔肥, 幾好食又香口。鮑魚扣花菇鮑魚扣得諗滑, 細細隻, 鮑味可以接受, 冬菇爽滑, 整體鮑汁唔鹹, 味道很正常。蒸龍躉頭腩茶實魚肉比頭腩更多, 龍躉蒸肥美嫰滑。蝦乾啫啫芥蘭煲係就油咗啲, 不過蝦乾蝦醬炒得非常惹味。生炒糯米飯糯米飯炒得乾身香口, 口感煙韌, 臘腸、臘肉、蝦米及瑤柱等配料都見影蹤, 鹹度也適中。連脆皮醬皇燒雞、炒龍躉球、蒸龍躉頭腩、雞絲膾雪燕、上湯虎蝦伊面等共10樣食物, 味道也不差, 平日半席$948, 每人百零炆, 超抵食。

7:30開始，垃圾食火鍋等左40分鐘先上一個金針菇🙃全部可以即上既垃圾等左40分鐘先上一個金針菇👍😃系勁，負評都表示吾到有幾嬲，食左千幾蚊，比d垃圾都算🙃仲要等成年都未上，全程食垃圾，食得半小時就話夠時間要我地走哈哈，大家千奇吾好去美孚稻坊👍誠意推薦