芋圓控 (Moved) New Location

觀塘雖然食店餐廳多多，但想搵台式甜品食 都有啲困難呢早前朋友推介呢間隱藏喺工廈內芋圓店俾我，當然要去試下喇。唔想自己諗嘅，有唔同款式可選擇。鍾意自己配搭嘅，都完全冇問題～價錢都比較親民心多多嘅我當然要自選喇!!芋泥球💓大推推👍🏻芋泥幼滑綿密，不太甜，純正芋頭味。蜜芋頭頗失望呢…本以為如同芋泥頭般綿密，可惜芋頭偏硬唔粉，可能係芋頭本身嘅問題🥲。包心芋圓➕地瓜圓地瓜圓芋圓都煙煙韌韌，但地瓜同芋頭味唔算突出，包心芋圓可以一試，都比較少有。🔹️奶茶凍🔹️本身想揀仙草凍，但見到有奶茶凍呢個特別之選，決定試試。滑溜的口感，有茶味，唔會澀，唔錯唔錯~❤芋頭鮮奶❤普遍茶飲店的芋奶都要>$30，但芋圓控竟只收$25!!! 幾飽都要飲呀🤣。芋泥有少許顆粒感，有層次，搭配鮮奶，濃厚好味。

呢間芋圓已經食過好幾次, 奶茶凍, 椰子凍跟芋泥球好食。芋圓, 地瓜圓味道普通, 質地偏硬。桂花凍好難食, 好人工味。份量來說很足。最大的問題是出貨的時間太久, 我試過排2次隊都要半個鐘以上先買到。我第一次都沒有留意, 到第二次時覺得很奇怪, 我數一數前面有7,8個人, 大約一共賣了3X碗芋圓吧。當日店員有3-4個, 起初我以為芋圓是即煮所以比較耐, 但我見到佢地只係係雪櫃"畢"出黎。我完全唔明白點解要等咁耐, 有點懷疑佢地蓄意製造人龍效果。如果不是的話, 希望改善一下速度吧, 又不是即煮。排隊的環境又熱又焗, 這個質素真的沒心情排隊排咁耐...想食奶茶凍跟芋泥球的可以過來買, 但想食芋圓的話去太子食吧, 更好食...

建議：營業時間只到晚上7點，15號最後營業日，把握機會🤣💪休業期間，店員話只接團購/公司單，淨係得盒裝乍。想食糖水就要等7月新舖開💛 仲會有堂食位😌#試伏專員 K君當晚 6點45分去到，雖然7點收舖，不過陸陸續續都好多人排緊🙈 本來想試芋泥球，不過已經賣曬，之後再試👍 店員會逐個落單，落單後大概5分鐘就拎得。舖頭除左糖水仲有芋泥鮮奶，之前飲過，芋頭濃郁得黎仲好綿，如果加啲芋頭夥粒，可能會更好咬口。今次試左：自選5配 (HK$34@)▫️椰奶凍＋包心芋圓＋蜜芋頭＋海底椰＋椰汁▪️奶茶凍＋包心芋圓＋紫薯芋圓＋地瓜芋圓＋椰汁因為得外賣，所以帶定左個冰袋去買，番到屋企再即刻放雪櫃。拎上手個時已經好墜手，打開見到真係好足料👍 除左有3色芋圓揀 (地瓜/紫薯/芋頭)，仲有包心芋圓揀。奶凍食落無咩味，不過加埋落糖水度咬口幾好🤪 如果雪左陣都嫌唔夠凍，可以試下加冰🤣 真心爽YY

自問每次係觀塘，只要想食芋圓就一定會諗起佢🥰已經食過唔少次，真係好好食，就算唔係芋圓，其他配料，例如：奶茶凍會食到唔死甜既奶茶味，桂花凍有個陣清香味，芋泥球啖啖芋泥唔會過甜，真係每次食都一定要加lee 幾款配料可能因為小店人手唔夠，去得都要排一段時間，但因為食物quality 好，而且價錢又親民，排下又有咩所謂呢😊 真心推介去開觀塘既要試一試，friendly remind 佢地會不定期會休息，所以去之前都係睇下佢地社交媒體先。如果唔係就好似我咁試過摸門釘🙈

🤤正呀我鍾意食芋圓，但係多數糖水舖貴而少，或者唔好食，更失望😞呢間專做芋圓，如果做得唔好，一定比人拆招牌啦🥸 事實上呢度好好生意、口碑好，賣一份做一份，新鮮衛生啲，更會限買，免得其他人摸門釘除左好食、有良知，仲有好多選擇去自由配搭，唔係焗住揀，不過賣晒就無架啦☺️以上奶茶凍、芋圓、芋泥球係encore之選～

網上看了評論後，抱住很高期望去買了4碗糖水，可能期望過高，大大失望。除了芋泥球較好味，其他配料一般，沒有驚喜。回家打開後，賣相並不討好。芒果甘露及椰汁底亦偏甜，黑糖汁水水的，招牌口味亦一般😖😖椰子及奶茶凍不過不失，沒有特別。地瓜圓，包心芋圓及芋圓口感偏硬☹️，似在雪櫃雪了很久，味道更是失望，完全沒有芋頭/地瓜味，全是面粉，未如網上評論般好吃，大感失望。服務方面更有待改進，落單時因不知自選配搭要5款起，女店員不耐煩地說：「仲有一樣」，我不明白問她，她只重覆：「仲有一樣」，沒有解釋。服務態度未如理想。😔

服務態度非常有問題，服務手法及芋圓味道亦需要改善今天打算購買6碗糖水，誰知店主態度使我很不舒服。店主告知每人只可限購5碗，我明白繁忙時間的確需要控制輪侯時間，所以客人不能一次買太多，但當時是沒有其他人在等候！她建議我叫同事過來店舖，方可多買一碗。我回覆她：那你幫我下單吧，同事稍後會過來。因為公司距離店鋪有一段距離，同事來到先製作第6碗，需要等一段時間。重點是當時店鋪沒有其他人等侯！但她拒絕及堅持要我同事到來方會製造第6碗，我實在是無語！等了一會兒，有第二位客人到訪，我借了她的配額，成功買到第6碗。等待期間，我看了看，發現店舖沒有貼出告示表明有限購配額。結帳時更黑著面跟我說：你購買多於5碗，應該要預早網上訂購。 這下子我更加氣憤，我之前的確有在網上查詢，得到的回覆是需要預早在兩/三日前預訂！雖未能在網上訂購，但為了支持這黃店，最後也親身到店購買，卻換來一肚氣！我明白他們也有難處，但我未能理解他們經營手法及服務態度，只能說是令人失望的小店！味道方面： 份量足夠，芋圓及丸子口感很硬，芋頭味及煙韌口感欠奉，桂花底也偏甜，整體來講未如網上形容般好吃，名過其實！

為了兩碗芋圓花了一小時多排隊，腳都軟，幸好天氣不算熱，所以都頂得住，如果是夏天在這悶焗的走廊等的話，應該要加部風扇了。點了兩款自選配搭，很可惜當天芋泥球和蜜芋頭已售罄，唯有等下次再試了份量不錯，很足料，選了兩碗各6種配料，$38@這碗有：桂花凍：濃郁桂花味，不甜，甚至有點回甘，有驚喜芋圓：粉糯口感，香芋味十足紫薯圓：同芋圓一樣出色地瓜圓：地瓜味不算突出，但口感相對芋圓和紫薯圓煙韌冬瓜湯：就是冬瓜茶味，不太甜，很香這碗有：海底椰：滑溜，好夾其他配料蜜薏米：淡淡香甜味，好好味包心芋圓：就係芋圓包住濃滑的地瓜蓉，有驚喜仙草：夠滑溜，仙草味都夠濃黑糖汁：甜度適中，得香黑糖味整體來說，最出色是甜度控制得十分適中，不會過甜過淡，令人食得很舒服，很滿意，非常值得推介希望貴店愈做愈旺

團團圓圓食芋圓🤪﹣﹣﹣﹣﹣﹣﹣﹣﹣﹣﹣﹣﹣﹣﹣﹣● 自選DIY - 5款 $34○ 奶茶凍 芋圓 地瓜圓 紫薯圓 淡奶● 奶茶凍 地瓜圓 珍珠 西米 椰汁繼好清嘅桂花凍之後大推奶茶凍！滑捋捋重茶味☺️配埋大大粒嘅3色芋圓，煙煙韌韌～朋友個碗直情係可以咬嘅q彈版珍珠奶茶🤗成碗勁足料，食完會飽！晚餐已經要留定肚食呢餐🤰🏻﹣﹣﹣﹣﹣﹣﹣﹣﹣﹣﹣﹣﹣﹣﹣﹣𓌉◯𓇋 ‎@tarolover.hk﹣﹣﹣﹣﹣﹣﹣﹣﹣﹣﹣﹣﹣﹣﹣﹣芋圓控觀塘駿業里6號富利工業大廈11樓C室

一向好鍾意食芋圓聽聞呢間芋圓好好食 但因為本身住大西北完全唔會去觀塘 難得黎到一定要買黎試下原本想買芋圓返去自己煮 但賣晒佢係一兩人經營嘅小店 叫完都要等一陣有得拎佢係一個一個排隊 所以如果想食就最好早啲去排啦！我叫咗兩碗外賣 一碗A 招牌自家製芋圓$44有仙草 芋圓 地瓜圓 紫薯圓 寒天晶球 小丸子 西米我揀椰汁底！佢一碗有齊晒我想食既野 超級多料！第一次食佢既芋圓真係好好好好食 好大粒 好彈牙 唔會太粉 又唔會太淋！仲要有好多粒 仙草好滑 樣樣份量都唔同少～有啲好爽嘅口感 我相信係寒天晶球 細細粒 無乜味 但 好爽好好食 一盒有晒好多唔同嘅口感！好正另外叫咗碗C 三色分立 $42 比韓國朋友芋圓 地瓜圓 紫薯圓 寒天晶球 西米加椰汁底佢都話好好食不過佢呢碗佢覺得椰汁味無我果碗咁濃但啲芋圓都係好好食 佢仲話返到韓國一定會好掛住呢間鋪！

====================📍觀塘隱世超好飲芋泥鮮奶 -- 芋圓控🍼💛有睇開小編嘅朋友仔應該都知道我係一個芋泥控，逢親有芋泥嘅嘢都會衝去試🤣今日就想同大家介紹呢間隱藏喺工廈入面嘅黃色小店💛佢哋嘅芋泥鮮奶係小編近期飲過最好飲嘅😍------------------------------⭐️芋泥鮮奶（$25）芋泥份量好多好足料，啖啖都飲到好綿密嘅芋泥，好幸福嘅感覺🤤～牛奶亦好順滑，奶香超級濃郁!!!!💖兩者真係好match，亦唔會太甜👍$25一杯真係好抵飲!!🥺------------------------------整體嚟講幾有驚喜😍真係好耐無飲嘅咁impress到我嘅芋泥鮮奶😆真心推介大家試下！另外佢哋仲有賣糖水芋圓等等🙈不過留意返呢到只係開星期一至六嘅2-7pm~上去之前最好留意下舖頭ig update🙈------------------------------店舖資料名稱：芋圓控地址：觀塘駿業里6號富利工業大廈11樓C室前往方法：觀塘站A出口

觀塘工廈入面有好多美食，芋圓控位於富利工業大廈11樓，只有外賣唔可以堂食。今次點咗七款配料，包括冬瓜湯、仙草凍、芋圓、番薯圓、紫薯圓、包心芋圓以及芋泥球。冬瓜湯味道就係冬瓜茶再甜少少，同芋圓都好夾。仙草凍咬落有啲煙煙靭靭，仙草味道都好出。呢度嘅芋圓比正常嘅芋圓大粒，芋頭味都突出，食落煙煙靭靭，所以每次都會點曬三色圓。新出嘅包心芋圓外面係芋圓裏面係番薯蓉，食落口感好特別，裏面會有軟綿綿嘅感覺。芋泥球比較甜，但係咬落有芋頭一粒一粒嘅口感，而且芋頭味好香。芋圓控係一間絕對值得再嚟嘅小店。

又嚟「芋圓控」買甜品自從佢哋搬咗去觀塘工廈之後花款越出越多，淨諗點樣mix n match都搞好耐(自己慢啫⋯應該🤪)想懶啲又可以選擇買set...唔想食...佢哋亦有飲品...選擇都多㗎...最搞鬼嘅就係，食店久唔久會搞一啲跨區食店crossover團購...無定向㗎...所以要留意佢IG story update...返入正題先...要咗自選set：奶茶凍 + 椰子凍 + 蕃薯圓 n 紫薯圓，配花奶。超正😍😍又講吓有幾正！奶茶凍個樣幾靚仔，四四方方咁，用匙羹食都唔困難。記得第一次食嘅時候，食落有啲苦味。然後同老闆反映咗意見，今次再食，奶茶味濃，但已經冇咗苦味喇👏🏻👏🏻奶茶控一定要食吓.椰子凍新產品！最近先推出㗎！椰子味好夠濃，同花奶好夾！紫薯圓 n 地瓜圓口感依然保持到，好煙韌！而且咬開食到紫薯粒粒n 地瓜粒粒，好味呀！‼️新舖入咗工廈，都幾方便輪椅人士去嘅。但食店空間有啲逼，週末又較多人排隊，所以建議坐輪椅嘅朋友先選定想食乜，再落order。食店只做外賣㗎！無堂食㗎！！

觀塘工廈的一間芋圓甜品店只做外賣 不設堂食可以自選各款寒天凍、配料、汁base按選擇的配料數量計價錢DIY 7款 | $42桂花凍、奶茶凍、芋圓、地瓜圓、紫薯圓、西米、椰汁三色芋圓幾煙韌但略為偏硬唔夠軟糯但味道都突出既反而兩款寒天凍比芋圓出色！有驚喜！奶茶凍好有珍珠奶茶的感覺重點係唔甜但食到好重茶味桂花凍好清香味道超突出又係唔甜好清新透心涼的感覺西米係大粒個種增加嚼口而且份量超！多！椰汁底味道好淡欠椰味😕但海量的配料搭夠整碗甜品的甜度偏低 個人非常喜歡但鐘意食甜野的朋友就可能會覺得唔夠甜

今次嘅配搭係三色圓再加芋泥球、奶茶凍嗰奶茶凍好有茶味，三色圓隻隻都好香落足料搓 唔係溝勁多粉嗰啲襯咗椰汁 食落好似用椰漿整嘅奶茶湯5個toppings $38真係抵食😋