太郎居酒屋

Open Now

Now Closed

第一次幫襯呢間居酒屋，店內裝修幾靚，我叫左串燒同埋叫左啤酒暢飲，啤酒滑口好飲，最啱同朋友黎呢度飲下啤酒，食下串燒。。。。期待下次再去試下店鋪其他食物，眼見晚飯時間都幾多人

行完海港城想食居酒屋，知道有一間喺對面嘅小店，喺Apple隔離，都算好方便嘅，特色裝修居酒屋，感覺好似去咗日本咁。食物都有好多種類，有刺身有shabu shabu，有串燒。我哋今次就食串燒為主。蜜糖雞翼香草羊架肉質仲好鮮嫩，感覺唔會乾！蒜蓉牛油燒扇貝勁香牛油蒜蓉味，扇貝唔會好韌味道鮮甜，好味！蒜蓉牛油燒蠔好好食好香又好juicy， 啲蠔味又香濃。鹽燒虎蝦外殼燒到好脆, 蝦身啖啖肉好鮮嫩蒜蓉牛油燒虎蝦蝦身啖啖肉，細心位係切開咗一半，容易食，同埋蒜蓉非常入味。露荀豚肉卷個皮燒到脆卜卜，露筍非常Juice，好夾！茘枝豚肉卷呢個唔係好多地方都有得食，見到有即刻嗌，一咬落去荔枝非常Juice，豚肉片表面燒得脆，好夾，完全冇油膩嘅感覺。必叫！蜜糖芥末安格斯牛肉眼粒安格斯牛小排粒肉質結實，好味！海膽炒飯粒粒分明的黃金炒飯，飯裏面都有好多海膽，海膽好creamy，鮮甜肥美，香氣滿瀉！荔枝梳打

朋友係尖沙咀返工，推介放工去食呢間廣東道既居酒屋小店，餐廳係海港城對面，價錢較為相宜，食物飲品選擇都幾多～一坐低我就叫左杯好有趣既啤酒：芒椰奶西IPA飲落清新順喉，配搭串燒尼飲係開胃既而芒椰奶西既味，加少少想像去飲，唔多唔少係有dd似既😁朋友驚我易醉，一尼叫個海膽炒飯比我墊底，呢個飯好食到有點surprised, 除左面頭塊海膽，下面啲飯本身都食到少少海膽味，粒粒分明又唔會太油，佢用個幾細既碟尼裝，但個飯量係好多，2個人每人都食到起碼2碗串燒特別鍾意佢哋既豚肉露荀捲同豚肉荔枝卷，尤其係露荀，爽口juicy又易咬無渣，絕對可以一人一串👍🏻牛肉串，雞翼，羊架都燒得剛剛好，唔會好靭～芝士大啡菇 推介！面層既芝士焗到好脆，口感唔錯蒜蓉燒大蝦，燒蠔，燒帶子都正，重點佢啲蒜蓉好香，有剩既蒜蓉我用埋尼撈飯，諗起都流口水

今日收工經過尖沙咀同朋友去食呢間樓上居酒屋，入到門口見到充滿日本風，有好多日系擺設。見佢原來有二人套餐，發覺又幾抵食，$688 加一。首先會有蜆肉味噌湯，熱辣辣入面有好多蜆肉。之後就會有三款刺身，分別係帆立貝油甘魚同三文魚。刺身都比較大件厚肉，鮮味十足。之後又有足料關東煮一共有七款，蘿蔔朔晒啲湯汁好淋超級入味，有年糕福袋、魚餅、芋絲，仲有椰菜豬肉卷、牛蒡卷、鵪鶉蛋，款式好豐富。佢仲有五款串燒可以選擇，推介燒白鱔，皮脆肉滑，魷魚鬚鮮甜入味。仲要左雞翼，五花腩同埋牛柳粒，食得好滿足。佢套餐我哋要咗牛肉壽喜燒，有滿滿嘅日本肥牛，再配埋金菇，吸收晒壽喜燒汁嘅精華，簡直一流。之後仲有個小食要咗清酒煮蜆，蜆肉飽滿清酒鮮甜。套餐仲有甜品，朱古力蛋糕，估唔到居酒屋大家都食到滿載而歸。

星期一放工同朋友諗住試食呢間日式餐廳輕鬆下，間餐廳位置都幾易搵，係尖沙咀出口附近。裝修風格幾有日本特色仲有竹簾，座位寬敞舒服，落單用手機掃app就得，menu圖片睇落都非常吸引。店鋪嘅抹茶鮮奶$38就有大大杯仲幾好飲🤤。叫左一盆牛肉鍋，連埋雞蛋，牛肉肉質非常嫩滑易入口，湯底味道剛好，不會太鹹。明太子玉子燒口感軟滑，加上明太子增加少少辣味，非常有驚喜。另外叫咗一個三食海膽杯，實物比圖片大杯，上面有帶子肉蟹子，三文魚肉飯，一杯都夠填肚！芒果吉列炸蝦卷，炸蝦非常鬆脆，外面芒果酸酸甜甜，入面炸蝦新鮮岩岩炸熱辣辣😋我哋再叫咗幾串串燒，包括牛肉，雞翼，豬肉，牛丸，雞翼外皮燒得非常脆，牛肉亦好嫩滑。整體食物水平都不錯，特別推介食玉子燒、牛肉鍋、芒果炸蝦卷、串燒雞翼都特別好味，環境加上背景音樂都幾舒服，適合搵朋友黎食飯閒談輕鬆下，店員服務好，下次會再帶朋友黎食！

前排聽日本通朋友介紹呢間位於尖沙嘴廣東道嘅「太郎居酒屋」好有日本feel，就一於去試下！餐廳位於海港城對面，交通非常方便。呢度嘅裝修係以居酒屋嘅風格為主調，非常chill！食物選擇好多，有二人套餐，亦有唔少鍋物、串燒、一品料理等嘅選擇。但由於當晚係我自己一個人去，就一於叫啲串燒黎食，再配杯啤酒飲啦！串燒牛小排：牛味好香，燒嘅火候控制得好好！燒魷魚：魷魚幾新鮮，肉質爽口。醬汁好惹味，幾令人上癮！燒豬腩肉：值得一讚係唔會太肥，肉嘅比例啱啱好，啲調味料亦都好香。燒虎蝦：隻蝦好大隻，肉質爽脆！燒羊架：好大件，而且唔會燒得太老，所以都仲係好juicy！燒扇貝：我選左蒜蓉調味嘅，啲蒜蓉將扇貝嘅鮮味吊返出黎，正！燒生蠔：呢個燒生蠔係用carbonara醬料調味，同埋啲煙肉同埋洋蔥絲一齊食好過癮。汁燒生蠔：雖然細細隻，但鮮味十足。燒得啱啱好，配啤酒飲好正！orion啤酒：呢度嘅啤酒係生啤，夠曬凍！當晚仲有買一送一優惠，好抵呀！總結：呢度食物質素高，價錢合理，環境幾chill，有機會下次再來！

今次真心好推介呢間餐廳，係有令我wow一聲既感覺😍而我打緊呢篇食評既同時，已經想再約朋友再去食多次😂1️⃣吹啤啤 Apple Cider&芒椰奶西🍺🍻呢度有本土手工啤，Apple Cider飲入口係好香蘋果味，但重點係後者，勁驚喜勁搞笑😂真係有芒椰奶西味😂好滿意💯2️⃣水母刺身、山葵八爪魚🐙叫左2個前菜，🤣口感爽口彈牙新鮮🦷簡單調味已經係好refreshing🧊3️⃣香蔥蟹籽芝士玉子燒🧀🍳每一啖都好滿足，首先係有少少芝士流心既感覺，蟹籽卜卜脆，醬汁係類似大阪燒果隻醬，開胃既，入口熱辣辣軟綿綿😋4️⃣鐵板蒜片牛柳粒一上枱炸炸聲咁呢樣嘢已經係加分，另外我個人泥講係好鍾意食蒜片😂😂所以呢碟嘢我一個人就清晒😋5️⃣係我最愛既串燒呀❤️‍🔥❤️‍🔥❤️‍🔥‼️上碟係surprise既而且係好香好香好香，等我逐樣介紹下🤣。免治雞肉棒付月見 - 唔係hea你，係自家制既感覺，有肉汁得泥軟骨有啲咬口，重點係一定要點汁食👍🏻。鹽燒雞翼 - 開邊方便食，脆皮，juicy，剛剛好，一隻燒雞翼要有既元素都有齊😋。安格斯牛小排🥩 - 肉味香，有牛味，一串真係唔夠喉，所以仲加單左個蒜片牛🤣。五花腩 - 肥瘦相間😋肥肉焦香，一啲都唔油膩嘅感覺

尖沙咀雖然好多商場通關之後多咗遊客如果每餐淨係去商場食飯可能有排等位想多啲選擇嘅話不妨留意吓一啲商廈上面嘅餐廳通常比起人流來來往往嘅商場都可以食得坐得比較從容今日星期六想輕輕鬆鬆咁食就揀咗間喺流尚坊樓上嘅居酒屋我地兩個人嗌咗個秋冬限定嘅鍋物餐咁唻到居酒屋食梗係想試啲特別啲嘅食材啦就喺幾個鍋入面揀雞白湯牛內臟鍋 試吓日式牛雜係點啦🤟🏿雞湯好濃郁有少少似拉麵湯底碌到啲肉同蔬菜都好鮮甜個鍋好足料兩個人食再加啲居酒屋必嗌嘅炸物同串燒份量好足夠串燒個火同調味都好重要餐廳喺兩方面都掌握得好好尤其係雞皮串燒同五花腩燒得夠薄夠脆呢啲油份咁重嘅食材聞已經好吸引食落調味又唔會蓋過佢本身嘅油香

約人食日本菜嘅話我都偏向喜歡揀居酒屋🎏因為環境容易有種交談嘅氣氛而且居酒屋嘅食物通常都各間有各個性好似每次都係新體驗咁今次去呢間睇完成個menu刺身 串燒 小食 鍋物樣樣都想食見二人餐咩都有就直接揀餐啦首先上嘅係刺身先之後就味噌湯天氣仲乍暖還寒咁暖一暖個胃先啦之後就係清酒煮蜆最鍾意有鮮味但酒味又唔重之後可以揀五串串燒我就揀咗牛橫膈膜 五花腩 松阪豬 蜜糖雞翼 日本小青椒個橫膈膜好煙韌😋五花腩呢啲油香嘅串燒要趁熱!熱嘅時候咬開啲油係擴散性咁流仲有三大隻炸雞但係重頭戲而家先唻係個鍋!建議熟就熄火喺佢個湯煲到乾水前試吓飲咁就啱啱好唔會過咸 又夠濃味最後仲有件抹茶cheesecake做甜品!飽到好似食埋夜晚嗰份!

某日心血來潮，很久沒去日本，很想念日本的居酒屋，網上找到了一間太郎居酒屋，評語不錯，便跟朋友試試。二人套餐是一個很好的選擇，包含了各種精選的日本料理。我特別喜歡他們的關東煮，很多款式，很有日本便利店的風味，配上味噌湯是一道美味的開胃菜。刺身拼盤裡的帆立貝、三文魚、油甘魚都非常新鮮肥美，口感超好。串燒五貫選了魷魚鬚、鹽燒白鱔、汁燒牛柳粒、鹽燒雞翼、五花腩，肉類料理非常出色，肉質鮮嫩多汁入味，是一個不錯的選擇。另外也加了雞骨腸和雞肉串，肉質嫩滑，烤得不錯清酒煮蜆鮮味十足，又沒有沙牛肉壽喜燒的味道也很棒，有牛肉和很多蔬菜，吃起來非常滿足。是日甜品是朱古力蛋糕，十分香濃總括來說，太郎居酒屋的食物質素不錯，絕對值得一試。我強烈推薦給所有喜愛日本料理的人！

一出𨋢見到走廊已經覺得好有特色，居酒屋唔算好大，但都坐得幾鬆動，唔會好迫，最抵讚係座位間用咗薄簾隔住，增加私隱度，入面裝潢好日系，碗碟都好靚，睇得出係擺咗好多心思 我哋嗌咗好多野食，掛住食有啲冇影到相講吓幾款比較深刻嘅野食 ✦ 豚骨濃湯廣島蠔鍋 $𝟸𝟺𝟶啲蠔好新鮮，脹卜卜好肥美一鍋有𝟺隻廣島蠔，我哋唔夠分，嗌多一碟蠔 推介指數：❤️❤️❤️❤️❤️ - ✦ 刺身盛盒 𝟼點 $𝟸𝟿𝟾 (上圖)由於我哋係𝑆ℎ𝑎𝑟𝑒，我試咗蝦同帶子，好新鮮如果份量可以再多少少就好了推介指數：❤️❤️❤️❤️🤍 ✦ 油甘魚壽司 $𝟸𝟾 (下圖)淡淡甘香，呢個價錢有𝟺件都幾抵食推介指數：❤️❤️❤️❤️🤍 - ✦ 關東煮 $𝟽𝟹關東煮可以自選食材我哋揀咗魚板牛蒡卷、章魚魚板串、福袋年糕、蘿白、芋絲𝚇𝟸、鵪鶉蛋𝚇𝟹個湯底有啲失望，隻味怪怪地 推介指數：❤️🤍🤍🤍🤍 - 其他野食不過不失，但睇得出係有心做嘅如果係幾個朋友嚟會比較適合，我哋太多人坐一張長枱，𝑆ℎ𝑎𝑟𝑒嘢食未必每款都試到 回頭率：❤️❤️🤍🤍🤍

What a surprisingly nice and worth-trying Japanese restaurant in TST which offers good food😍 I enjoy the dinner so much !!! We ate for 2.5 hrs… so jeng 😍 Celebrate my fd’s b-day 🎂We found the restaurant is fabulous so we seat in and celebrate my fd’s b-day.There are varieties of sushi and 刺身～ love it so much 👍🏻 the salmon is fresh and other 剌身is mouth - watching too. Long time no hv Japanese food. It makes me miss the trip in Japan . We ordered this mango fried-shrimp sushi, super yummy . As we

今次睇中呢間懷舊風嘅居酒屋，除左裝修，都睇得出佢d碗碟都有配合主題。☺️私心鐘意佢個蟹蟹筷子托❤️秋冬二人套餐 $688 (再加一）包以下嘅野蜆肉味噌湯關東煮：（蘿蔔、年糕福袋、魚餅、椰菜豬肉卷、牛蒡卷、鵪鶉蛋、芋絲）蘿蔔清甜 魚餅同豬肉卷都好食，不過個福袋就穿窿，一夾就咇晒年糕出嚟😂刺身三點（三文魚、帆立貝、油金魚）：都算新鮮同比預期中厚身串燒五貫：套餐包五串自選串燒，但Yummy同友人咩都想試，決定追加！🍡試完最後推介以下呢D🍡-汁燒魷魚鬚-鹽燒雞皮-荔枝豚肉卷-鹽燒雞翼-和牛牛舌(細細聲講 ):秋葵老到咬唔開😫好彩當日得一條係咁咋煮物(炒雜菜/青酒煮蜆二選一）揀咗青酒煮蜆，味道不過不失，但就比較多沙🙈。鍋物 (牛肉壽喜燒🐮/博多雞白湯牛內臟鍋🐔/龍蝦海鮮鍋🦞另加$98) 三選一）揀咗牛肉壽喜燒，開頭以為牛肉少，但夾夾下都幾多bo🤪 甜甜嘅湯汁令人忍唔住飲咗大半鍋，想瘋狂煮菜嚟吸湯汁！是日甜品：🎂普通芝士蛋糕，雖然佢有點星星煙花點綴下，但相比下面追加嘅甜品，佢就遜色咗自行追加甜品🍰焙茶雪糕鯛魚燒俾佢賣相吸引咗，用竹筒裝住焙茶雪糕伴紅豆及忌廉，再on top件鯛魚燒，係有趣嘅，但好驚喜嘅

老公揀咗喺呢個情人節嘅檔期去日本出trip，我口講就話冇所謂，唔通同佢講:你變啦你以前都唔係咁既😌整完電話睇睇錶都夠鐘食夜晚，咁啱就收到老公同啲同事喺日本居酒屋到chill緊既相，我香港夠有居酒屋囉！轉個身就即刻搭lift上太郎居酒屋一個人happy下打開lift門已經好震撼，第一眼就見到條龍同我對望🐲而且店名非常eye catching店員比咗一個好安靜既座位我，枱同枱之間都有布幕相隔，唔怕對望到尷尬。而且餐廳座椅好舒服，同fd一齊嚟食飯chill下都正餐廳係QR code落單，menu都好多選擇。今日凍凍地就order碗關東煮嚟暖下🍢關東煮可以自選6樣材料，最期待係年糕福袋同魚板牛蒡卷😻壽司叫咗最愛既海膽軍艦同吞拿魚腩壽司🤤刺身既量都唔少，吞拿魚腩都好厚身，入口即融，非常之香魚油味海膽非常高質，原片可以夾起唔會溶身，入口好鮮甜唔會有明礬苦味，大推海膽！！！關東煮每樣材料都好大件，湯頭好甜冇味精感。冬菇非常入味juicy，魚餅比起一般魚餅糕厚身，而且浸得好入味，冬天食蘿蔔真係好清甜，魚板牛蒡卷軟糯，入面牛蒡芯冇粗纖維好好食🤤最期待既年糕福袋，一啖咬落去軟綿綿既年糕好似流心芝士咁融化，

新年呢段時間真係有好多地方都好想去食，於是就揀咗呢間太郎居酒屋，佢嘅位置係都係尖沙咀相當方便，佢嘅環境都非常有日本居酒屋嘅味道，陳列咗好多日本別字嘅公仔，好像去咗日本食飯一樣，第一道餸就係泡菜豚肉火鍋，非常之暖胃，在等待翻滾嘅時候，我哋飲咗佢哋特有嘅手工啤酒，一個叫做芒耶奶西，另外一隻味就係綠茶，我就比較喜歡綠茶嗰一種味多一點，因為飲起上嚟好清新嘅感覺。好快佢又好快上咗魚生壽司，每一舊望上去都相當肥美飽滿，色澤均勻， 味道非常新鮮，我比較喜歡有火燒嘅壽司因為佢會將佢嘅油脂燒出嚟，令到成個壽司嘅味道提升咗。然後就嚟咗一道北海道特有嘅蝦，好適合送酒，一口一鬆脆，口感非常特別，然之後到吞拿魚卷物，每一口都充滿吞拿魚嘅味道，入口即溶，好味到停唔到口。最後就係日本串燒啦，我哋當然有叫各式各樣的串燒，當然味道就係同一般日本傳統嘅串燒一模一樣非常好味，每一寸嘅肉質都非常之好。原來那裡有日本陳列品售買，我們買了一些細細嘅招財貓做擺設，相當精緻，真係滿戴而歸。