香滑咖喱屋 (Closed)

隱身在街市當中的小店幸好店面採色搶眼否則又是一間經常經過卻容易錯過的食店印像中的印度咖喱都會用上大量香料自問不是太喜歡那濃濃的味道因此初聽店主是印度人著實有點卻步但今日實在太匆忙，於是走入去賭一把餐牌上豬、牛、羊、雞、魚和雜菜通通有齊咖喱亦分大中小辣款款均一價五十五元正最後選了自覺最抵的咖喱羊肉(小辣)第一眼便看到碗內的羊腩心想肉量較少也是正常的畢竟以同一價錢實在不能期望與豬或雞相同份量反正開宗名義是吃咖喱嘛，就咖喱拌飯啦但我錯了!!原想舀些咖喱拌飯但一翻全是實實在在的羊肉先說羊肉，不算太腍，有少少嚼頭而且還有些許羊羶味，應該是因為羊肉連皮連脂肪一塊煮不愛羊肉的朋友怕了它但愛羊肉的人愛死了這味道至於咖喱(小辣)不算太辣，應該一般香港人都接受到嗜辣的人會不夠不過這裡的咖喱沒有想像中的濃濃香料味只有很純粹的咖喱味，很香沒有日本咖喱的甜、少了南洋風的椰香卻難得的不會太鹹真的很好下飯很快便把一大碟飯送入肚裡臨走看見鄰桌有人吃薄餅看上去比白飯更吸引又有理由再來多次

Good value for money. Taste great. Don’t go during office lunch hours too many people. Beef curry is good. Chicken masala is good.

今日同同事食飯，同事話想食辣，於是就黎左食咖哩。🍛經過走廊入到餐廳，間餐廳比想像中大，座位多，有2樓，因此完全唔使等位。👍👍感覺有啲似茶餐廳，當然要搭枱啦。😤其實自己本身唔係好食得辣野，少少辣係食到嘅，例如麥當當嘅脆香雞翼(好啦，其實呢樣唔算辣野🙊)。今次去食咖哩其實係摶佢唔會好辣。叫左個雞翼咖哩，🐥而同事就叫左個羊肉咖哩。🐑自己同同事都有試過個咖哩，認為兩個係一樣味，所以應該係咖哩同肉分開煮，之後先放埋一齊。呢一點有小失望。咖哩分大🌶🌶🌶、中🌶🌶、小辣🌶。我當然係叫左小辣🌶啦。落左單之後好快上菜。個小辣都係好辣，辣到我咩味都食唔到，淨係食到辣味，個嘴唇好似腫左咁💋。質地比較稀。而我同事就話其實幾好食。個薄餅真係好薄，如果厚啲會較好🙈🙈好彩一開始有叫左杯凍菜蜜，可以解一解辣。飲品+$8，叫左少冰都仲係好多冰❄️❄️另外仲送左一個青菜。個青菜好好食！好甜！重點係解辣！食完咖哩食佢，就好似沙漠中嘅清泉。😋😋今餐盛惠$63，感覺偏貴。作為一個唔食辣嘅人，如無必要，唔會再黎。

喺中環行過呢間咖喱屋好多次，門口望入去睇唔到位，仲以為淨係做外賣嘅。直至有一次我朋友喺Facebook度Tag咗呢間餐廳，話非常之好食，見今日有啲時間又行開中環就決定去試吓。入到去非常之簡單嘅茶記裝修，六點鐘入到去，叫左個馬沙拉魚，跟飯另外加一碟走油生菜。先講下個咖喱，辣，夠辣，因為我叫咗個大辣，order既時候姐姐都望左我一眼，撈飯實在係一流，好在叫少飯，唔係實成碟都俾我食曬。魚好薄身，唔好有咩大期望。撈汁已經好夠。油菜我要全走，第一碟上嚟啲油令立立，我同姐姐講係咪已經走咗油？佢話係，我話點解咁有油嘅，跟住佢話你一啲油都唔落會好黑個喎，我話我唔介意，之後佢話咁我幫你過一過水啦。我都求其無所謂。之後嚟嘅係一碟全新，由頭做過嘅生菜全走。之後賣單$77，晚飯價錢真係好ok，我一定會返兜。

今日本應開開心心約左幾位朋友到中環香滑咖哩屋Lunch。因為六位關係我朋友合枱時唔小心將其中一張已老化嘅玻璃枱面碰崩。即時向老闆連返道歉後還是比老闆像教小學生般教訓一輪。因被罵關係我們將佢果碟比不上大家樂嘅咖哩牛腩飯沖沖吃完。但此時老闆又氣沖沖地要我們賠償佢塊老化左嘅玻璃枱面成為$180大元(我想你一早同我地講要賠償就唔好一路罵我們啦!)我同朋友都永遠再不會光顧此店。但奉勸大家到上址光顧時要小心D枱櫈杯碟否則又唔知點賠喇

幾乎每個星期都會食下咖喱飯，皆因喜愛它豐富及帶㸃辣的味道，當發現中環有間以咖哩為主的飯店，急忙一試，老闆是印度人，夠晒正宗，這裡的咖哩也夠多種類的，包括秘制咖哩，海南咖哩，馬沙拉咖哩，印式、香辣、鮮味等等等.....最後揀了個特式咖哩羊肉飯，配薄餅，辣味也可選大中小辣，首先看到羊腩肉都不少，煮得頗臨，薄餅又厚又大塊，幾軟屬，最重要個咖哩汁，有多種不同香料的味道，就像他的招牌一樣，也非常香滑，把汁肉放到薄餅上卷着吃下，感覺滿足飄然，加埋飲品都是六十幾元，在中環嘗到如此美味又飽肚的正宗咖哩美食，真是非常感恩呢。

這天，舌頭想來點刺激的，就找找看咖哩屋，看到食評說這裏能選小中大辣，滿心以為能合怕辣的筆者口味，結果.......飯餐$55，連餐飲是$68，選牛柳是因想吃牛肉咖哩，但這裏沒有。上菜了，試了一口，很香，牛柳煮得很嫰，再一口，已經太辣了，辣得只剩辣味，忍不住問是否真的只是小辣，店員都很親切，說是，著我覺得辣下次就叫「唔辣」，好，下次再試！

以前係附近返工經常吃，今次專程去吃，仲非常無恥地叫廚師幫我走薯仔多牛脷。味道依然咁正，牛脷夠晒腍，咖哩汁又香。如果各位係中上環返工，不防一試，位置係中環中心對面的聖安娜餅店後面，即係九龍醬園旁邊。

經過這間店幾次，一直未曾試試。今日心血來潮，決定一試。十二時十五分，店內還有位，叫了咖喱牛肉飯。店內光鮮，算是整潔乾淨了。店內咖喱的香氣不濃，不知味道如何呢？咖喱很稀，水汪汪的，但又不是像巴基斯坦式的內有蕃茄薑。這不是馬來或印尼般的加椰漿，也不像印度的有強烈的香料。汁內也沒有洋蔥，但少少洋蔥的甜味融入了汁內。所以一入口，覺得味頗淡。牛肉方面，餐牌特別在牛肉前面加個「嫩」字。所以如其名，真的很「淋」。總結，不算差，但由於三不像，這還不會是我的最愛。

今日自己一個出去搵嘢食接近一點中環四圍都要等位，跟住經過呢間香滑咖哩屋，咁o岩有位，所以就試下。我叫咗個咖哩羊肉配意粉+凍好立克。咖哩有分大中小辣，我揀咗中辣。呢到個咖哩比較偏深啡色，味道好香，可以見到有香葉係汁入面，中辣唔算非常辣。羊係用羊腩部分，炆得好淋配咖哩食一流。咖哩汁入面嘅薯仔都好好味。唯一有d美中不足嘅係意粉煮得太耐，太淋。下次會試返叫白飯或者薄餅。好立克沖得好濃整體都幾好，下次想食咖哩嘅時候會再嚟！雖然做唔到

今日有個同事話想食啲濃味啲既食物，所以今日Lunch就去左食印度野喇 聽個名就知主要係賣咖哩既，不過當然都有其他野食喇 不過我自己見佢最出名係咖哩就決定試下，所以最後就叫左個咖哩牛柳飯喇 個飯同咖哩份量都算多，食哂個白飯都仲有咖哩淨 同埋都幾多牛柳下 不過就算叫左少辣都有啲辣，我足足飲哂一杯水先冇左果種感覺 我見同事叫中辣都可以食到面不改容，唔同我真係咁唔食得辣 所以同我一樣咁唔食得辣既朋友試下少辣先會安全啲 最後埋單$55，貴又唔算好貴，但個餐就冇野飲，要加錢先有野飲呀

出開中環做野，就約埋舊公司d同事食個飯聚一聚!!久違了既既咖哩豬扒飯仍然咁好食!!! 豬扒份量一d都唔少，而且豬排夠嫩滑，肉質夠腍軟!主角既咖哩汁有小辣、中辣同大辣揀，我揀既小辣正好岩哂我口味!小辣既有辣味，但又有咖咖哩既，入口咖哩又香又辣，仲有小小酸味，非常惹味!重點係咖哩汁既份量夠哂撈成碟飯食，抵讚~

自從沒有在中環上班之後，我也很少在中環街市內的小店尋食了。頂多，我會回味巷仔的幾家大排檔，其他人山人海的餐廳，早已經少去。是日，有在中環上班的朋友找我食 lunch，而目的地是這一間《香滑咖喱屋》，是我久違了的咖喱好味道，而且幸好我們早來，不用排隊等位，但，被安排的位子是十分之窄的。始終，新店的舖位面積不大。我要了一份咖喱羊，而這地方 searve 的雖然說是馬來西亞咖喱，但我感覺上，這兒的出品其實近似印度咖哩，而且的確是很香，也很滑，羊肉配上咖喱，更加是一絕。咖喱雞，用的咖喱種不同，所以出現不同的顏色，雞肉非常嫩滑，咖喱不太辣，帶甜帶香料的濃味，不錯。很好的咖喱，只是坐得不舒服，而且一食完，店方就會趕你走.......

午飯時間，同事想食咖哩便提議到香滑咖哩屋一試，午市繁忙時間，樓下全滿座，好彩侍應帶我地去樓上房仔坐咖哩豬扒牛柳意粉，$52 ，咖哩可配飯，意粉或薄餅，咖哩可按個人喜好叫，大，中，小及唔辣，同事話此店咖哩偏辣，所以先叫小辣一試，果然小辣都比較辣，建議不吃辣的可以揀唔辣，味道似印度咖哩，香料及咖哩味較濃，豬扒及牛柳都幾'淋'，咖哩汁好多，夠晒配意粉

今日咁凍，食野暖肚，腦中就想起咖哩，即時上網查查附近有最近咖哩吃，就找到它，入到裡面好暖，隔絕外面冷風，咖哩豬扒飯，豬扒骨多肉少，肉夠林，咖哩有唔係好香，味道包含有甜同辣，後期有些麻，但越吃就越想吃，停不到口，坐都舒服，可能吃三點關系，