真味鮮廚 (Closed)

今天一行十人第一次來食呢間，入到去見到全場滿座都係食蒸氣火鍋，不過我地有2位老人家，只好叫餸食飯(應該全場只有我地呢枱)叫左10餸，每碟餸都超迷你(價錢不迷你)，除了蒸魚，其他只有3人左右份量，燒味拼盤份量最離譜，比平時美心快餐四寶飯啲餸份量多少少 碟碟都咁嘅份量比十個人食真係食唔出佢好唔好味。

食物一般、服務態度差，由帶位至樓面或更甚是部長，雖然可能人手上出現問題，但亦應該敬業拗業。 同一區在啓田商場的海港酒樓還要好一些，可以見得係管理上出現極大問題，可惜的一餐晚飯呀！

今晚一行五位黎到藍田呢度食蒸氣火鍋, 藍田話大唔大, 話細唔細, 雖然住係官塘區, 不過黎呢頭的確少之又少🙈🙈🙈今日終於黎到食喇👍🏻😂 小妹出去食海鮮真係好少, 因為出去食價錢都較貴... 如果唔係朋友話黎我呢度我應該好少會選擇呢度種類唔算十分之多, 不過價錢算大眾化👍🏻主角係海鮮蒸氣火鍋, 不過呢度同韓式九層塔食法有回不不同, 蒸鍋只有一層, 可以慢慢食而且唔使一次過蒸晒而令海鮮over cook, 大家亦可以按個人口味選擇食材既先後次序. 而每款海鮮都有特定嘅蒸煮時間, 絕唔會因為食得太慢而令海鮮煮得太熟太干😊😊😊安格斯肥牛 $88先蒸2分鐘, 反轉再蒸多1分鐘就食得喇!牛肉食落有口感唔會太過老, 不過唔算好有牛味, 味道一般般唔算好突出蒜容粉絲蒸元貝食落味道都幾好而且仲保持到一定既口感, 唔會太過林! 不過蒜容同粉絲個人感覺唔夠多, 如果可以多返少少蒜容味道會更加香! 😁😁😁👏🏻鮑魚呀鮑魚 😍size唔算好大粒, 不過味道都幾好而且食落帶d彈牙, 唔錯唔錯👍🏻蜆蒸出黎好香好有蜆既香味, 而且粒粒都開口, 正明好新鮮😋因為都叫左好多海鮮, 海鮮唔可以話係十分新鮮, 但又未至於係差,

想吃蒸氣火煱，決定近近地試吓呢間，侍應介紹吃全包宴套餐。一行5人order 了4人餐，加一碟安格斯手切牛肉。埋單唔使$850, 超抵食，喜出望外套餐包六式刺身拼盆、七孔鮮鮑、龍躉頭腩、半隻鮮雞、黑毛豚肉、蝦丸牛丸、沙白……份量勁夠，差D食唔晒，喜出望外，下次會再 encore

早一星期已訂座，主要試他們的長腳蟹。（之前去過其下集團將軍澳分店及鰂魚涌店，是很有水準的！）食飯前兩天，再三致電預留長腳蟹，得到對方「無零兩可」的回覆，話D蟹唔知有冇得返結果當晚6點去到，佢地話返得3隻、冇蟹喇！d蟹比人訂晒（我不是人嗎？！）佢地所指的是$188/斤，冇都冇辦法，點知有個叫孖寶$868（長腳蟹4斤+燒鴨例牌）都好過冇喇！要左！再加多個6人餐$938。結果4斤超梅長腳蟹，隻蟹死左唔知幾q耐先比人煮、燒鴨超鹹！個6人餐更加不知所謂 ！最最最緊要係d侍應，沒招呼可言，尤其是個男經理！我地等另外一隻面包蟹，等左足足一個鐘，都未到，佢話我地要比d耐性喎、唔好咁心急喎！成餐飯根本係垃圾！經理都係垃圾！

提前做節，全家去左藍田食海鮮鍋，距呢個鍋主要系食新鮮海鮮，加精華熬製嘅粥，呢個蒸龍蝦，龍蝦肉好彈牙，好甜，清清地，食到龍蝦嘅原味，掂！蒸蒜蓉生蠔，蠔好滑，好飽滿，好新鮮，加埋蒜蓉一齊食，吊出蠔嘅鮮味雲耳加蟲草花蒸雞，雞滑，雞肉彈牙有嚼頭，無雪味，雲耳好滑。呢個扇貝真系好鮮甜，加埋金針菇好彈牙好爽口。

一年一度年初三同事朋友敍會，一於去真味鮮廚食返餐賀年飯全包宴先 第一味：賀年金豬全體，皮脆肉嫩，啖啖肉 第二味：上湯焗波士頓龍蝦伊麵，個芝士汁好creamy,龍蝦肉好實正彈牙第三味：翡翠珊瑚炒蝦球，西芹、珊瑚蚌、蝦球都好爽口，味道適中，第四味：蟹肉海皇大生翅，味道就差少少，有啲似普通上湯竹笙羮既味道 第五味：發財好市柱甫，娃娃菜好嫩好甜，發菜就唔似宜家D假發菜，瑤柱和蠔史唔硬好淋第六味：海鲍魚扣鵝掌，鮑片容易咬，冬菇和鵝掌好入味、淋滑，個汁濃淡適中 其實食到呢到大家都已經好飽，但還有幾味菜未食，不過聞到和見到以下呢味菜唔食唔得 第七味：真味脆皮燒鵝皇，隻鵝新鮮熱辣唔係一早整好，皮脆肉嫩多汁、鵝味香濃、隻鵝好大隻，食唔晒，不過某些部位有層白色肥膏，但整體都正，比深井燒鵝正第八味：清蒸生猛龍躉班，條魚係沙巴龍躉，大小適中，蒸得剛剛好，肉嫩可口，冇魚腥味主菜食完還有、自製水餃、鴻運年糕、黃金滿盆，炒飯炒得幾乾身，好多材料水餃好好味，啲蝦和木耳好爽紅棗糕，红棗味好濃，件糕好暖好滑 黄金滿盆就係大柑，幾甜多汁，食完呢餐覺得呢間啲餸真係唔差

行過貪方便4人去試蒸氣海鲜，原本都没有大期望，但估唔到如此差! 鲍魚，蟶子，海中蝦，全無鲜味，鲍魚韌到好難咬，蟶子好多沙😠😠，最後的排骨粥底，當然是無味道的！

叫左晚飯三宝,唔掂,海鮮唔新鮮, 另外叫左LOBSTER, 鮑魚同聖子. 2個人,食埋單6百幾. WAITRESS落單要講幾次, 又冇人SERVE, 等好耐呀姐先過來下單同埋單, 冷氣超級大, 好凍. 去食飯一定要WEAR外套.整體唔掂, 不值一試.

先想提既一點係餐廳服務較差，沒有太多招呼，再三催的時候才發現漏單。安格斯清湯腩 $78(好食指數:6/10)完全食唔到平時牛腩煲既牛香味，無火喉。牛肉切成片，欠缺平時牛腩啖啖肉既口感。只係用上較優質既牛肉配上清湯，份量亦較小。阿拉斯加長腳蟹 $1060(好食指數:7/10)選用清蒸原隻上，約重6斤多。蟹肉鮮甜，每隻腳都啖啖蟹肉，而且重海水味。其他部位都有唔少肉，係今晚唯一比較可取既菜式。清蒸沙巴大龍躉 $208(好食指數: 7/10)食唔到龍躉兩食，試唔到龍躉皮。唯有試清蒸，肉質鮮嫩，蒸得啱啱好唔太韌。糯米臘味飯 $78(好食指數:6/10)糯米唔夠煙韌同乾身，臘味好少，唔夠香口。幸好味道都唔錯，唔算太鹹。皇阿瑪鮑魚雞煲 $118(好食指數:7/10)雞煲份量唔算大，雞件比較小，反而鮑魚都幾大隻。雞煲味道都算惹味，不過味精較重。鮑魚有部份炒得過韌，都叫有口。此菜式比較抵食。

好耐無黎呢間食，以前貪佢有夜晚火鍋特價，現在沒有了。叫咗個芫茜鍋底，餸就叫咗蝴蝶蚌，美國肥牛，蝦滑，唐生菜，唔夠食又補多個江西魚旦同肥牛。跟著就去醬枱混醬，有拾幾二十款醬料，層次感豐富，我就混了偏芝麻醬味，同伴就混了偏四川麻辣味，各有喜好。蝴蝶蚌超爽，份量足，加埋濃郁醬料就原美。肥牛第一碟偏瘦，第二碟半肥瘦，有質感，唔怕騷。蝦滑啲蝦大大粒，唔係全部搞爛。魚旦有小小魚味，唔記得係九棍定牙帶，有彈力，唔係全粉。生菜有老有嫩，唔係最靚。湯底有芫茜香味，清清地配濃醬料至正。無預期佢咁好食，用料比預期好，所以無拍下相片。

一直已blacklist 了這間鋪，因不好食，但今晚超大雨，諗住試多次睇下有冇改善，因平時都見有人去。今晚好多人提早吃母親節dinner... 可能求其整比我地d 散叫的⋯椒塩班馬瀨尿蝦$55/隻隻蝦好梅，出水Tim, 啱啱拿上手以為多油，極不新鮮，但未至於壞。炸米粉淋嘅用作墊底，加有兩湯匙份量的炸蒜及少量辣椒，一點也不惹味。瑤柱鮮菇海蔘$88全碟只有兩小片海蔘，加埋有一粒的瑤柱碎，同好多鮮草菇，但部分up 嘅。隻蠔油如真味的其他醬汁，不好味，e 碟如叫草菇炒草菇都不為過。鴨舌$40有花椒油味，冇特別好味或唔好味。加埋兩碗飯，三佰幾蚊，極唔值、唔飽又難食。早知自己煮，一定更好吃。走廊通道好油and slippery.又少一間食得嘅，早知行去東廣場食忘不了。

光顧真味多次以來，最難忘的菜色還是年前的一鍋雞湯，把完完整整的一隻雞入鍋，燉成一大鍋足夠十多人分享的金黃色濃湯，當真飲過番尋味，這次嚐試新菜色，雞湯暫且擱在一旁。波士頓龍蝦伊麵龍蝦肉質尚算爽口，味道卻不怎麼突出，份量方面嚴重失分，龍蝦殼多過蝦肉，令人失望脆皮元貝剛上桌時眾人還在猜炸粉漿內的乾坤，一大口咬下，才發現原來裡面躲藏兩只元貝，不得不欣賞廚房的新煮意澳洲鮑魚果皮的甘苦味稍為偏重，鮮味不足，味道一般，口味方面亦不突出，肉質過於乾身清蒸沙巴大龍躉獲一致好評的菜色! 肉質嫩口，魚味鮮美，不愧是大龍躉腊味糯米飯味道偏鹹，味精過於重手，重口味人士應該會喜歡，飯粒有點乾硬，有改進空間壽包 紅棗糕很有份量的壽包! 可以大大啖很貪婪地吃哈哈

平日都有去麗港城真味鮮廚食晚飯，發覺個廚越來越唔掂。今晚叫胡椒薑葱「局」肉蟹，變左「炸」上左粉的肉蟹再後加胡椒薑葱快炒，根本是兩回事。上湯浸菜芯，D菜芯頂呈黑色，即是無削頂。之前都發覺到個廚勁like走油，今次將「局」變「炸」，越做越求其。

好耐無嚟呢間食，比以前旺咗D，叫咗豆腐山渣骨 味道幾好, 酸酸甜甜，豆腐幾滑 美極蝦 幾和味, 小小鹹, 蝦唔夠新鮮菜笏 幾脆, 好似係去皮芥闌蒜溶粉絲蒸扇貝 不過不失, 粉絲幾粗