尚湯 (Closed)

物價飛脹, 短短10年間, 好多餐廳早餐價錢由20蚊升到30蚊幾蚊, 熱飲變凍飲由加2蚊變成3蚊小弟住大角咀, 早排發現屋企隔離有間小店早餐竟然仲做緊$22, 凍飲仲唔使加錢早餐Combination同其他餐廳無大分別1) 一個麵, 有廿幾款餸任揀推介豉油雞翼, 要加$1今次食肥牛, 都幾好食2) 火腿+炒蛋/溫泉蛋溫泉蛋半生熟, 必叫3) 牛油多士無錯, 係多士唔係方包, 仲要唔使加錢4) 熱/凍飲凍飲唔使加錢, 全港罕見$22一份早餐, 抵到喊, 質素又唔差, 仲想點吖?睇下隔離金XX, $30凍飲加$2, 仲要十年如一日得果幾款, 得杯奶茶好飲隻蛋好食, 佢早餐加到$28已經冇食.........

大角咀入面, 看似店舖林立, 宵夜檔甚多, 但其實更多的卻是些街坊小鋪。前菜的八爪魚是普通一袋日本食品公司交來的貨色, 沒多少好提日式叉燒拉麵 -- 要的是麵豉湯底, 相對較清淡. 當然跟橫綱相比味道還是差了點, 不過價錢卻商宜. 叉燒有點乾, 是來貨的問題, 不過整體麵質算是可以炸野菜魚餅, 知道是平常的, 可以炸得還算不錯.不過自己貪心, 多點一個鐵板西冷. 上面的是芥末醬, 他將芥末混入沙律醬中, 感覺不錯. 西冷雖然薄, 但火喉控制不錯, 要4成裡面還有血水. 可是, 鐵板會放得久會令肉類更熟, 如果吃得慢, 後面的西冷都變嚡了!套餐入面包含的這個甜品, 口感爽如大菜糕, 帶少少芒果味。不是布甸, 亦不是啫喱。整體來說, 這店絕非山珍美點, 平常街坊口味. 小店的問題, 選料的限制與局限性都明顯可見, 唯兩口子的積極態度與廚房的儘量發揮令我覺得他也是值得路過的話, 一去的小店.

在今時今日，百物騰貴，一個茶餐廳早餐閒閒地都要二十多三十元的香港，要吃到一個似模似樣，但價錢二十元還不到的港式豐富早餐，其實不是十分容易。當然我不是說不可能找到，只是不太容易找到吧了。在大角咀角祥街，這間「尚湯」正是一個吃港式豐富早餐但價錢還不用二十元的吃早餐好地方。即使熱飲改成凍飲後，因為要加一元的關係，十九元變成二十元，仍算價錢相宜吧！這兒的港式早餐通粉/米粉/即食麵可選蕃茄濃湯底或清雞湯底，蕃茄濃湯底其實不算十分濃，不過仍然及格。清雞湯反而的確有點雞湯味，個人覺得比蕃茄湯還要好些。我吃的是米粉，選的餸是豉油雞中翼，雞翼不多，只得兩隻，不過已夠吃了，雞翼都算醃得入味，再加上少許生菜作伴，再加上都算好味的清雞湯底，及格有餘了。牛油多士可配火腿香草炒蛋或較有特色的溫泉蛋。這天不想吃生蛋，所以選了火腿香草炒蛋，炒蛋與多士不過不失，要求不太高的話，都應該會滿意。最後加杯凍奶茶，這份早餐都算抵食吧？！

睇見甘多笑臉讚賞大角咀這餐廳，我又點可以錯過呢~一於決定是日既下午茶必須試試.....一坐低服務員就好快攞左個靚靚有心思既下午茶menu黎~叫左個吉列珍寶豬扒拉麵(蕃茄湯底)+珍珠奶茶珍珠奶茶--不錯吉列豬扒拉麵--唔使提醒，豬扒和拉麵分開上 豬扒係熱喇喇既，配上蛋黃醬，還算ok 可惜，個拉麵真係差左少少，蕃茄湯底有點似係茄膏開的，個麵硬了點…冇見到大家所講既老闆娘，唔知會唔會因為甘失手左…有點失望，不過都係$29吧…

我經常也會和朋友一齊去吃我最喜愛是栗米湯拉麵,第一次見不太感興趣，但試過一次後，便覺栗米湯很特別，每次也必吃$36一個晚餐有前菜,有拉麵,有配菜,有野飲,有甜品很抵食！ 試過西冷扒,不過頗韌老闆娘服務很好，也認得我們店鋪地方不大，但也舒適整潔

見食評不錯，lunch time試一試我:前菜 八爪魚主菜 西冷扒拉麵，芥茉汁，豬骨湯底 - 西冷頗韌，但芥茉汁搭救，回味，可惜只有手掌大小，而且好薄 - 拉麵麻麻，湯底很濃，但味道怪怪的，仍然可以接受甜品 桃大菜糕 - 稍嫌太甜，但整體不差飲品 凍檸水 少甜 少冰$36包括以上所有，頗抵食，買少見少朋友的义燒拉麵那些义燒很不錯味道濃郁，入口鬆化(用鬆化形容义燒怪怪的，但真的有這種感覺)地獄拉麵是一般的辣，不是很會吃辣的朋友也可以接受蕃茄湯底不錯，但絕不是最好環境okay自然光充足，有電視，位置不多但足夠只不過waitress的態度令人迷茫對客人的服務態度不是一視同仁的對隔壁的媽媽和bb非常親切對隔壁的上班族態度雖不算殷勤，但不錯對我們四個青少年初頭尚可，到最後趕客明明餐廳還有位，就放「留座」的牌子在我們桌上朋友未吃完的拉麵也逼不及待地收了來來回回務求趕走我們自問有禮貌，花錢亦與旁人無異吃得也不算很久....waitress的態度認真令人百思不得其解........到底哪裡得罪你了?!食物雖不錯，但吃完也一肚氣，背脊骨落，而且自信心受損以後不會再來，以後!!!

大角咀越來越多好嘢食，早幾個星期前見到呢間舖幾靚入咗去試試...都唔錯，所以再 encore..試咗: 栗米湯脆雞拉麵 - 脆雞很脆，非常好！- 雞肉用鹽醃，味很好！- 栗米湯配拉麵都幾好！- 舖細細，但坐得舒適

每日不停試唔同大角咀食肆中..今日終於試左係呢度做功課後而去既一間日式食肆..門面唔算槍眼..所以行過龍都唔知呢度有間日式餐廳..試左 西冷牛鐵板拉麵先有前菜..螺肉(可揀八爪/中華沙律)...味道一般..但都食得下...之後湯麵係蕃茄湯拉麵..湯底幾好..好小食呢種湯底..如果無野飲我諗會因佢有味同有益而飲乾佢..麵方面就比較硬身...但尚可接受係整得幾有個種拉麵feel....牛扒就好正都...黎左幾分鐘內有滋滋聲..面有醬可選 介末/燒汁...食落唔多理係咩醬..反正係食牛為主..當然牛味亦蓋過醬味好彩可以..份量唔好祈望多..切埋有5~6舊左右..(一塊嘛!~~)食埋仲有甜品送..桂花糕物體.....亦算ok..杯奶茶就略係甜左d..同茶味唔好太望有茶餐廳feel...服務算唔錯...差唔多12點就文職殺到..閃人~~~~位唔算多...10張左右..呢篇應該係我唔多過3次出抵食度有5分之評...唔加一的..相當好~~~環境方面冷氣大d會多一分..我食到出汗..抱歉..

從網上找來, 看見這間應該不錯, 又抵食, 就一於拉埋o的同事o黎試o下。店子小小位不多, 所以都要等o左一陣 想試的, 自然係網上看見那個鐵板牛扒, $32 有交易 小吃是水準正常的辣螺, 附帶的拉麵都一般般吧 鐵板是熱呼呼的端上來, “咋咋聲”。只是, o的牛扒就有o的韌, 味道so so 啦, 這個價錢當然亦會adjust 番自己個expectation, 但絕對唔難食o既, 凍”可力”淡了少少 反而, 最後的甜品是柚子jelly, 味道頗清新 都算是值得一試的店子

擺老烏以為今晚去撼，好彩早兩日睇睇先至冇撲個空。結果今晚都係出去食返餐，九點半鐘行落去，二人吃了日式厚切叉燒拉麵及蕃茄濃湯牛腩拉麵。拉麵相當彈牙，即食最好，並不是間間食店都有這個水準，另外牛腩入口即化，有油香。雖然小小兩件，但重質不重量。餐前亦有小食中華沙律，加杯凍飲，二人落樓六十元左右，頗抵食。事頭婆亦相當好傾，聊到蕃茄濃湯的烹調，與及這裡的客源。還推介我下次來吃鐵板西冷，熱選也。絕對可以翻兜的一間食店。

2個人去食晚餐,鐵板羊飯配咖哩汁,野菌廣島蠔拉麵(味噌湯).個羊好香好味,不過真係好肥唔知點解,覺得個蠔比較腥,但味噌湯底好味見隔離檯叫牛肉鍋,都好多配料好想試下,不過已經食唔落甜品係奶茶凍,我就覺得一般但男朋友話好食整體黎講,40蚊又前菜,又主食,又甜品,仲有餐飲去邊度搵吖

週末晚上.... 諗住揾間靜靜地既餐廳食飯......呢間真係好靜焗.... 當晚客人唔多.....見到食評好多人讚芥末鐵板牛扒好味... 一於試下...... 芥末鐵板牛扒拉麵 $32我覺得味道只係一般, 唔算太好食.....無乜牛肉味.... 亦無乜醃料既味.....唯一覺得入口好淋身.... 一d都唔韌..... 鐵板羊扒拉麵 $38呢個一上桌個刻.... 真係嚇親.....嘩.... 咁肥既...... 好彩.... 食落原來好好味........醃得好香.... 不過無乜肉食......甜品 - 我覺得應該係椰青味.... 幾清甜......

見到食評心思思想試吓就來食，地點是無埃華街咁旺，但如果好食，幾難找也要來，因為是假期呢度就好靜，剛好來到只有我一個客，後來才多一個。我要咗鐵板牛扒拉麵，天氣熱不想食飯，有芥末汁同燒汁選擇，我要了芥末汁，另拉麵湯底我要豬骨湯底，佢重有蕃茄湯底你選擇，其實這是定食套餐，所以有前菜、甜品同餐飲，我要咗凍奶茶(凍概都不用加$，少有呀)，等了陣嘢食就來啦，嘩！牛扒加咗芥末汁就是勁好味，碗拉麵份量剛好，太多就食唔晒，豬骨湯底也好味不會覺得是味精湯，成個餐只收32蚊超抵食，走時同老板娘(我猜)講好好食，佢話這裡試業咗半年了(但我都唔知)，我希望佢生意興隆，越做越多客，咁我就有得繼續食啦！其實現在大角咀已多咗人找好嘢食。

我同細佬兩個最中意食日本菜，所以經常係大角咀區內搵食最中意幫襯小台場同呢間尚湯，講抵食呢間係首選！尋日先食完另一間，於是今晚就過黎幫襯。尚湯既價錢真係好實惠，而且又有水準，同區好難搵到一間唔駛加一既日本餐廳，晚餐價錢更同午餐一樣，$3X一個定食有前菜、飯/拉麵、甜品、飲品，都幾夠飽肚今餐我叫左鐵板西冷扒飯($34)，細佬就叫左吉列豬扒飯($32)今日前菜有螺肉同中華沙律選擇，甜品就係芒果柚子凍螺肉：味幾好唔會過鹹，比起坊間既貨色好。鐵板西冷扒飯(西冷扒:芥茉醬, 飯:燒汁)：鐵板上真係香到不得了！出名同牛有仇既細佬見到咁吸引都好後悔冇叫 哈哈！ 不過賣相靚唔夠，要試過先知得唔得…OH! 好耐未食過咁羶既牛肉!! (早幾日係Hero食三文治又係羶…) 搞到我食左一啖就開始冇癮 仲有佢d芥茉醬似沙律醬多d，失望! 而加左燒汁既飯就普普通通，其實點菜個時係口快快講左燒汁，我想食咖喱多d，下次要記得！！ 希望個牛扒係個別問題，下次唔係咁。吉列豬扒飯(飯:燒汁)：佢既吉列豬扒一向有水準，我覺得好食過附近既豬XX家好多(個人覺得個間水準差左好多，因為唔係老闆炸)，細佬話今日已經炸得冇咁好，但我依然

位置：幾隱閉，問D住大角咀既人都未必知有呢間野價錢：Dinner $32~$36 有餐食，有前菜，有小小既甜品，都幾抵食~服務：不俗，老闆娘幾nice~野食：主要試左幾款拉麵~1) 湯底唔會話飲完會感得好口乾/好重味精feel，整體感覺不俗番茄湯底似係用新鮮番茄煲，不過味道稍淡2)麵上檯時，D麵會黏住個碗底，一舊野咁，應該因為事先煮好哂D麵，再等人客揀湯底既關係啦........其實麵質都ok既，不過試過1次，D麵有皂水味3)主角我試過豬軟骨，雞扒，帶子，鐵板西冷幾款拉麵....豬軟骨同雞扒都好好味！ 開頭見雞扒拉麵既價錢比其他稍貴，仲覺得好似有D厄錢 - -"但食落真係正....又嫩又滑@.@"! 不過呢，個帶子拉麵就.......唔係好得.....可能因為D帶子+蜆肉都係恰下恰下咁，所以冇乜味........唔係話難食，不過相比其他"食送"菜之下，我覺得我下次唔會再食呢款.......最後仲有鐵板西冷.....我揀左燒汁既~食落感得肉質稍為"鞋"D，但加埋個汁咁食都幾野味~未試過既，可以一試，不過我都係覺得肉類既話，雞扒正D ^_^"之前見倒有食評話鐵板西冷唔係好得........