尚湯 (Closed)

見到食評心思思想試吓就來食，地點是無埃華街咁旺，但如果好食，幾難找也要來，因為是假期呢度就好靜，剛好來到只有我一個客，後來才多一個。我要咗鐵板牛扒拉麵，天氣熱不想食飯，有芥末汁同燒汁選擇，我要了芥末汁，另拉麵湯底我要豬骨湯底，佢重有蕃茄湯底你選擇，其實這是定食套餐，所以有前菜、甜品同餐飲，我要咗凍奶茶(凍概都不用加$，少有呀)，等了陣嘢食就來啦，嘩！牛扒加咗芥末汁就是勁好味，碗拉麵份量剛好，太多就食唔晒，豬骨湯底也好味不會覺得是味精湯，成個餐只收32蚊超抵食，走時同老板娘(我猜)講好好食，佢話這裡試業咗半年了(但我都唔知)，我希望佢生意興隆，越做越多客，咁我就有得繼續食啦！其實現在大角咀已多咗人找好嘢食。