回味食館

Open Now

Now Closed

8點到 等到9點都未煮好淨係叫左個回味雞煲小辣乜野雞煲煲成個幾鐘都未上到枱係咁問佢 有未 佢又話整緊成隻雞係到架啦等到9點再問佢先話 炸埋個蠔餅就整比你地咁我地咪諗住叫埋單走 去第2間食因為真係等得太耐 我地又真係等到好肚餓但跟住佢又開始話煮緊煮緊 大概5分鐘佢就將個雞煲上左枱 終於煮左成個鐘既雞煲上左枱老實講 雞係麻麻地 普通冰鮮雞 冇特別 鞋鞋地咁囉 雞煲香味十分夠 抄得好好 有鑊氣但偏鹹 都真係有成隻既服務態度都算ok有耐性

成晚食二手煙食到超過三年嘅份量，啲人講嘢又大聲上菜又慢，等咗足足45分鐘先有三碟餸。分量比一般大排檔少，起碼少三份二。後來加多一碟通菜等咗一個鐘先至嚟。其間問阿姐，阿姐次次都答炒緊㗎啦。7:00入座坐到9:20先食完碟通菜。埋單101/個人，都算係平嘅。不過如果食大排檔，都係唔好再幫襯佢啦。除非你想食二手煙做配菜啦。味道係正常大排檔口味，但係客人質素非常差。無緣無故喺隔離大叫，飲到醉晒。不停食煙都冇服務員阻止

7點幾去坐低叫完嘢當佢7點45分，佢可能一直要你等到8點半先送第一碟炒飯俾你 仲要扣起份量，望落得半碟，啤酒我叫左3支，本來好有耐性等，今到兩支都無咁滯都未有嘢上，第一碟係炒飯，我叫左另一碟黃金鮮魷，點知佢果度極多煙民幫襯，忍唔住叫佢快啲，結果差唔多食完碟飯先上，成黑皮到炸燶左咁，應該係萬年油炸同好求其，百零蚊一碟！我自己7點幾去就等成半粒鐘，人地幾個人去就去就20分鐘上齊，我 一定唔會再幫襯！

好少去這些熟食中心，類似以前的大排檔，只是搬了進室內。沒有漂亮的裝修，阿姐也豪爽~啤酒小姐很好客!是吃大排檔長大的人，對於大排檔的食物是有要求的。我點了非常安全的金銀旦小白菜、魚香茄子煲和糖醋排骨，都是作為一間大排檔應份索得好的菜式。金銀旦小白菜好吃，金銀旦味道適中，小白菜爽口，材料很足。魚香茄子煲是我愛吃的模樣，有少少咸但又不是魚香的那種咸(?)，不是很重的魚香味，茄子是外軟內爽口的。糖醋排骨，過酸，應該是放了太多醋，連醋味都中和不了，很兀突地存在。 排骨也炸得太乾，雖然加了醬也仍然是太乾，可能是排骨太瘦，口感不好。p.s. 啤酒做特價，好抵飲。

今日收工收晏咗，同兩個同事喺公司附近食埋晚飯先再返屋企，三個人叫左三個餸、一個白飯、一支啤酒，埋單 $203 其實都幾抵食咖。魚香茄子算係好大兜又足料，油係多咗少少，但係佢真係好香，姊姊拎住埋黎果陣已經聞到味，食落唔太鹹，用黎送飯一流。金銀蛋菜苗，佢有好多種菜可以揀，不過同事 A 指定食油麥菜，好好食、清清地唔錯啊!菠蘿生炒骨，呢個有少少失望，因為佢個汁太嗆喉，酸得滯。而且個肉偏un口感唔係咁好。同埋可能佢炸得唔係好夠，粉唔算係厚但係就唔脆口。我哋見好多人都會叫雞煲食，下次可能會試吓，食完再同大家報告。

招牌宅心雞煲好正，好多肉好惹味，老板娘又有人情味，好好人，服務好好，小菜夠熱夠新鮮，即叫即整，蠔餅熱辣辣好好食。係有d難去，值得一試。又唔係特別貴，比起大排檔 茶餐廳更抵食