真味鮮廚 (Closed)

今晚和朋友兩個人晚上6點45分去到打邊爐，個場當時得一半人左右，坐底劃好單時，遲遲未有人收單，個男部長直行直過，當見唔到，只去招呼一些坐了4人以上的枱，中途加單，叫飲品，加湯，個男部長都係直行直過，還見到佢對其他上菜的職員，待應，不停講粗口，真是非常反感，我和朋友都表示不會有下次，一句說話“貼錢買難受”補充一句：食物算ok既，但“今時今日既服務態度，係唔可得囉“

今次一班中學舊同學8個人去到觀塘亞太中心真味鮮廚，品嚐蒸氣石鍋，剛剛好叫個8人  $2288《蒸氣石鍋全包餐》包左加一及茶介。個餐都好多野食，包括有：每人半只龍蝦仔、半隻走地雞、一條兩斤重的沙巴龍躉、8只鮮鮑魚、1碟安格斯牛肉、白蜆、刀貝、豬肉丸、手打蝦丸、勝瓜、淮山、百合、蕃薯等，還有瑤柱咸排骨粥底。飲品就有兩渣竹蔗水。聽說之前晚晚都坐滿人，仲要等位先食到，不過琴晚就坐左一半客人左右，未知係咪因為咁，海鮮去得唔夠快，8只鮮鮑魚中，有兩只壞了，服務員都好心幫我地換過兩只。如果大家光顧記得留意，免得肚子痛。講番其他食物，整體都算不錯的。食蒸氣石鍋最驚煮唔熟，煮得熟又驚海鮮太過熟唔好食。酒樓都好貼心，有張紙教你邊樣煮幾多分鐘，食完都証實到張紙無老點既，不過如果大家驚既，都可以加多1-2分鐘既，不過過熟就唔好話我。海鮮方面，龍蝦都好新鮮，開左邊放落個鍋到都仲識喐。沙巴龍躉每人都分到唔少肉，白蜆刀貝夠鮮甜。肉方面：安格斯牛肉，就咁睇都知唔差，豬肉丸、手打蝦丸食落都唔錯，雞就一般。勝瓜、淮山、百合、蕃薯，各樣都不過不失。瑤柱咸排骨粥底，估唔到睇落好似得少少，原來整出黎都夠8個人食，個粥吸收晒全晚

椒鹽魷魚鬚？樓面話廚師煮法係咁整本人就覺得似酥炸魷魚鬚多啲魷魚鬚太細，所以先落咁多粉炸廚師可能要將碟食品變大真心講句...太難食其他食物一般附近有好多酒家選擇，下次唔使再來

由於男朋友既朋友同佢補祝生日，所以今晚一齊食飯，順便試新野😁擾嚷左一陣，終於順利落單。呢度都好大包圍，可以選擇蒸、煲、小菜，最後我地選擇左粥底蒸氣鍋😊一開始，侍應就落料開始煲粥😊粥底有粟米、豬骨、淮山等材料，我見佢落左大約四至五碗水，然後就蓋上蒸隔等佢慢慢煲我地叩感紅棗雲耳蒸雞、海鮮拼盆（有蝦、蟹、扇貝、花甲、蜆等等）、牛肉、豬肉、魚肉球、黃花魚、BB菜上枱時，啲蝦仲好生猛😁最驚喜係個粥底，本來只落左幾碗水既粥底，但一打開，竟然有半鍋粥呢！😁侍應仲加左油炸鬼同葱花，由於個粥充滿左海鮮、蒸雞既精華，所以都好鮮，而且啲油炸鬼仲脆脆地，好食😁👍🏼最後加埋小丸子生日蛋糕，為今餐劃上完美既句號😁

同老人家11點去飲早茶，觀塘多間酒樓都要等位，呢間仲有位就揀呢間，點知有位原來係伏!叫左鮮蝦腸，蝦餃拼什菌餃，黑金流心奶黃包，欖仁馬拉糕，食物本身問題不大，不至驚豔，但尚算正常。但服務認真麻麻，職員推車經常撞到食客嘅枱同凳，無論推點心阿姐定係收碗碟推住一大盤污糟碗碟嘅阿姐，都有意無意的用車撞向有食客嘅枱邊或者凳背，我枱俾撞3次，亦見旁邊枱被撞2次，其實枱與枱之間有足夠空間位置俾佢地過，唔明點解仲係會不斷發生食物再好食都令人唔想坐落去，同埋呢個價錢喺觀塘絕對有更好嘅選擇。

今晚同親戚食飯 終於唔洗再食傳統中菜咁悶 成餐飯嘅重點有3個 第一就係條沙巴龍躉🐟感覺夠哂原味 魚磷好似冇點起過 第二就係隻長腳蟹🦀 同平時食小菜唔同 今次隻長腳蟹要自己蒸 對於一個肚餓嘅我黎講 依個設定真係唔多好 不過隻蟹都幾新鮮多肉又有海水味 價錢方面都算平 值得一試 第三就係依間酒樓真係好熱鬧好多人 嘈到同枱嘅人傾計要講到好大聲 連侍應都好難聽到你嗌佢 黎食飯可以練下把聲一舉兩得👍🏼其他嘅就唔洗點講喇 冇咩特別 正常酒樓嘅水平啦🤭

離開舊公司已經快要6年了，但是一直都會和親愛的舊同事們飯聚。這次林總建議屬於海港集團的真味鮮廚，大家都樂於嚐新，齊齊做順得人，全票通過。除了一個六人套餐外，我們還加了隻長腳蟹，正在做推廣，林總說比她自己在街市買還便宜現在相比龍蝦，我更喜愛長腳蟹那種啖啖是肉，滿嘴鮮甜的大滿足感。蟹膏沾上辣椒醬油一湯匙入口，吃出幸福的感覺名副其實，真材實料的蟹肉棒我們加了50大元換成花膠鮑魚湯，非常足料，湯甜花膠彈牙有口感，每人足足兩大碗。後來的菜沒有拍照，因為難得6個人齊聚，聊得熱火朝天就沒顧上了。燒鵝肉嫩多汁，叉燒肥瘦相間，是另一推薦。雖然現在大家不在同一公司了，但久不久能出來相聚暢談，還是很幸福的。要一直這樣下去喔，認識你們真好

今日舊同學請食飯濟濟一堂, 同學揀選左近佢屋企的觀塘 真味鮮廚 酒樓由於有十幾人 唔夠坐所以分開兩枱， 老闆發板 選了兩個蒸鍋套餐， 大約三千元左右其中包兩碟冷盤 雲耳青瓜和皮蛋 子薑原來還有一碟燒鵝 ，燒鵝不錯，入味。還有魚生盆， 鮑魚鮮蝦， 吞拿魚北寄貝等等， 鮮味一般， 唔夠放題的日本料理新鮮蒸蒸鍋開始， 先放米和排骨上層是蒸鍋， 首先第一碟每人半隻 蒜蓉 龍蝦， 龍蝦好新鮮， 肉彈牙， 跟住是貝類， 還有鮑魚， 鮑魚也十分大隻， 咬落彈牙，蒸的時間剛剛好， 我至愛的豉汁蒸鱔， 應該是用白鱔很爽脆之後還有蒸牛肉， 肉片，餃子， 芋頭蕃薯超飽總括嚟講 性價比 高不過值得改善的就是 好快手， 好像食完快點走的感覺， 侍應非常快手未食完一碟 第二碟又上終於我們叫侍應姐姐慢啲蒸， 好像趕頭趕命埋單三千 三元 一枱約， 價錢ok環境都坐得舒服

這間酒樓位於觀塘商業區，觀塘地鐵站附近已經有很多不同的酒樓。競爭性還是比較大的。平時多數來吃點心，早上和下午茶有很多特價點心。而且人不太多，相對等位亦都比較容易。今天專登來吃晚飯，酒樓本身隸屬海港集團，食物質素應該比較有保障。今天一行六人試了一個套餐，基本上還是不錯的，給了我們一個張大枱，重點是坐得比較闊落舒服。菜式以酒樓來說，已經可以說係不錯。我們由6:30坐到9:30，時間很充裕。比較適合一家人 或者朋友聚會。

約呀媽飲茶遲大到，班友仔咩都食哂，媽咪無嬲仲叫定我鍾意食嘅椰皇燉燕窩比我。比起甜品舖嘅出品，我覺得賣相無咁靚嘅，但味道就好好。充滿椰香嘅燉蛋白，面頭有好多碎燕窩，雖然燕窩無咩味，但感覺上好似抵d。最後刮埋椰肉食，飽哂！都只係$38！

其實食左好多次，食物新鮮的。但是套餐價格愈來愈貴、六人歺，最初980現在1680食物只是由大元見改為鮑魚但好彩海鮮仍👌⋯⋯但服務員質素參叉不一我本人覺得女的好過男的兩倍以上，女的勤力有禮多多套餐全包有兩樽菊花蜜或竹庶水任㨂六人餐份量可以7至8人食，最尾的粥一定要食，全晚精華所在，超甜美🤪❤️🤪❤️我們自己加單兩個椰皇蛋白燕窩及壽桃包🍑

今日午餐選擇了飲茶，所以去了公司附近的真味，午餐時間都不太多人，一去到便有位不用等，點心都夠熱質素ok..........最喜愛的點心之一蝦餃，蝦肉爽口而且大粒黑金流沙包，入面係奶黃流心👍🏻金紗米網腸，中間一層脆脆包住入面的是蘿蔔絲山竹牛肉鳳爪排骨飯

星期日同屋企人去左觀塘飲茶, apm個邊都有好多間酒樓, 而哩間係之前食開覺得食物有水準既, 屬於海港集團既真味鮮廚。2點鐘到達, 眼見都好爆場, 但竟然唔洗排隊即刻入得~平時一至五下午茶時間依度既大中小點都係劃一價錢,$16蚊, 真係幾抵, 星期日就無哩個優惠, 只會有假日點心紙同埋燒味湯粉~ 山竹牛肉球 只係小點, 熱辣辣鮑汁鳳爪每次黎必點, 鳳爪入哂味, 夠腍又唔會腍到爛哂個種, 鮑汁亦好濃味粟米豬肉粥粥既味道ok, 但佢個兩舊油炸鬼韌到咬唔到, 可能粥品既流量比較低, 條油炸鬼明顯唔知擺左幾耐煎堆拼咸水角正! 兩款都係新鮮熱辣炸出黎, 外皮脆口又煙韌, 煎堆入面係黑芝麻味茄湯解竹卷幾得意既點心, 加左英文字母粉, 酸酸咪咪幾岩小朋友同老人家食分蹄米線米線有d淡, 但分蹄就好好食唯一有少少不足就係服務方面, 樓面好少主動加茶, 個茶壺蓋拎起左一段時間都無人理, 都係要自己舉手叫人, 但當你舉手叫人既時候都有少少困難因為佢地會扮睇唔到你😈同埋問佢地拎碟辣椒醬, 轉個頭佢地會唔記得, 要問兩三次先會拎得到唔通真係只有農曆新年既時候先有好服務既😂😂😂不過哩間酒樓食物既賣相同味道都有水準

今天ordered  長腳蟹一只，但是吃了覺得是死蟹，可能來得太早(6:00pm)把死了的先出貨。揀的時候是會動的，但是出來好就是死蟹，估計被偷龍轉鳳了，和副部長說了，她走開了就沒有再跟進

星期一至五去茶樓飲下午茶都幾抵食，今次試下真味鮮廚～大中小點一律16蚊，另外有張特價孖寶點心紙～ 原本既點心紙比起其他酒樓選擇吾算好多，不過貴精不貴多，最緊要味道好！今次點既點心中，最滿意係黃金流沙包，黑色既包面上真係有金外表靚之餘，味道都好吾錯，奶黃係會流出黎～另外叫左蝦腸，d蝦都大粒～小籠包都皮薄餡多料又多汁～ 而燒賣同牛肉燒賣都係大大粒既！孖寶有得揀糯米飯，一試之下覺得都幾吾錯，味道幾好！下次有時間都會再黎！