百味鮮辣蟹專門店 (Closed)

食過兩次炸子雞都好食，佢用粟米片墊底，但不脆，用蝦片好些。早半年食過，為要快d上餸菜，啲餸菜凍嘅，所以冇再去。最近去嗰次就好啲喇。上湯浸菜心，有好多菜。希望店鋪保持上熱辣辣嘅餸啦。

喺香港食避風塘炒蟹，好多人一諗就會叫你去銅鑼灣食！但嗰間餐廳，不吃也罷，專做遊客生意嘅餐廳，會有幾好食呀？自從發現咗呢間餐廳，幾個月就會嚟食一次，避風塘炒蟹都係380蚊，咁嘅價錢，咁嘅味道，咁嘅size, 真係抵食避風塘炒蟹，今次嗌咗少辣，好惹味！兩個人食一隻，剛剛好！雖然餐廳有提供檸檬水洗手，又有濕紙巾，但呢個時勢，提供埋膠手套就更加好！朋友鐘意食蝦，所以嗌呢個，蝦就一般新鮮，麵就非常脆，如果蝦新鮮d，爽口d就perfect!孜然豬仔骨，肉好軟，孜然味適中，如果炒得更乾身，做到外脆內軟就更好前面嗰3味太濃味，嗌個豬潤浸菜心平衡返！豬潤有口感，份量都多，68蚊呢個菜好抵！是日埋單價8百頭，四樣嘢食，兩杯嘢！食到飽飽，好抵！之前去銅鑼灣食炒蟹，淨係隻蟹都680，仲要同呢隻蟹差不多size! 🙄🙄🙄

屋企人介紹呢間專食蟹嘅鋪頭🦀餐廳吾係好大建議可以先訂位😉食物價錢都算幾相宜~海鮮黎講都算幾平❤️而且食物質素都好ok👍🏻前菜叫左蒜香凍螺，皮蛋豆腐同話梅醉豬手🤤蒜香凍螺幾特別~出面都比較少見而且味道好香做得幾好❤️個人幾推薦蟹煲同粉絲蝦煲👍🏻兩款份量都幾多而且鮮味十足❤️另外上湯浸豆苗雖然吾係啲咩特別野但係個湯頭做得好好❤️豉油皇蝦同蒜蓉蒸扇貝都好香好大隻👍🏻不過扇貝啲粉絲真係好多好飽🤣其他就吾係話好特別，可以自行斟酌試吾試🤣

最近返工比較忙所以好耐都冇嚟食過啦😔～都好掛住呢度嘅食物😋今年同屋企人提早食圍年飯，所以就揀返呢間食，好耐冇食過呢度嘅美食，所以訂位時特別問職員最近有冇新菜式或者需要預訂嘅餸，我話我哋係食圍年飯，佢哋問返大廚，大廚就推介我哋食幾樣特別啲嘅菜式~咁我哋都覺得可以試下，出邊都未必食到同埋價錢又抵食😎家姐話想飲白肺湯，因為屋企好難可以煲到，同埋呢度最近啲客人都好鐘意訂白肺湯飲，呢排興😄原先決定要白肺湯，但臨食前兩日話最近武漢肺炎話都係唔好飲白肺湯😥唯有打去改，咁大廚就推介另一個花膠牛奶燉竹絲雞湯，聽到花膠兩個字就覺得好滋補，所以決定飲花膠湯🤭，另外仲有個魚嘅食法對我嚟講都好新穎，因為從未見過同食過，可能我太年青見識少😂😂之後仲有龍蝦鮑魚同其他菜，我哋6個大人1個小朋友都只不過係叫咗七餸加兩小食啫，居然咁都食唔晒😅😅要打包走人（因為大部分菜式都係好大份，我哋冇諗過會咁大份，真係超抵食）~

今日同朋友一起去試試百味鮮辣蟹專門店哩間店，聽聞滴海鮮整得幾好食，一於去試試啦，果然好好味，我本身就中意食花螺，所以我就點左我噶摯愛，蒜香凍螺！好好味啊，滴螺肉好新鮮，咬起來好有口感，彈牙，加埋滴蒜香味，更加惹味，其他噶菜都好好味，有機會再去多次！

今日係西環海旁睇完日落就去附近搵餐廳了，本身就好中意食蟹，所以理所當然選咗D間店了。避風塘炒蟹夠香夠曬鍋氣，還有黃金蟹D蟹肉好鮮甜，最後再來個水蟹粥，料好足味調得啱啱好。水準好高了，而且價錢便宜。

2019年4月16日（星期二）2019年4月27日（星期六）今年4 月總共幫襯咗3次，不折不扣係忠實粉絲。如果可以儲印花入會，應該都儲夠做VIP咭會員回頭幫襯原因好簡單：好食蝦蟹蟶子都先後試過，全部夠鑊氣，好好味！其中蟶子好出色，長過手板，鮮甜無比，香蒜粉絲又好入味。$48一隻超值抵食！佢哋服務又好周到，侍應先將蟶子逐隻分好用細碟上，每人一隻，食得好開心蒜味凍螺好特別、好清新，試味初體驗後立即榮登必叫榜首👀總結來講，小菜出品好有水準呀，值得推介！

平時日頭返工, 夜晚收工仲要煮飯, 真係好攰, 所以有時候都要抖下, 出街食返啲好東西。今日帶大家食嘅係－間係西環小有名氣嘅煲仔菜餐廳-百味鮮。< 酥炸蠔六隻 $168> (好味: 4/5) (抵食: 3.5/5)採用新鮮美國桶蠔, 肉質鮮甜, 保留左海水嘅味道, 外面炸得酥酥脆脆, 灑上胡椒, 味道一流。如果覺得油膩, 可以連生菜－齊食。<煲仔生菜> (好味: 4.5/5) (抵食: n/a)煲仔生菜好有鑊氣, 既保留左煲仔菜嘅香氣四溢, 又能夠維持生菜爽爽脆脆嘅口感, 值得一食。<甜酸生炒骨$68> (好味: 3.5/5) (抵食: 4/5)酸酸甜甜嘅生炒排骨, 開胃又下飯。略嫌骨頭有啲大, 肉嘅份量唔係好多, 但係味道係正嘅。<布甸> (好味: 4/5) (抵食: n/a)士多啤梨同哈蜜瓜布甸, 味道一流呀! 士多啤梨味布甸, 裏面有好多果肉。而哈密瓜味布甸就有陽光哈密瓜豆奶嘅味道, 非常特別。有新意, 值得加分!大食妹推薦: 酥炸蠔、煲仔生菜

2019年4月4日（星期四）食飽飽行過，雖然香氣撲鼻但實在食唔落，唯有望門輕嘆，一於袋住落必試名單先，擇日重來！専程去幫襯，梗係早D到！晚市一開就入咗去，夥計招呼好，同客人有傾有講，推介招牌菜式，仲幫客斟埋茶，要+分招牌黑椒辣蟹（微辣）為蟹而來，梗係要叫招牌菜式。玉蟹啖啖肉，黑胡椒、九層塔、香茜將蟹肉鮮味推至頂峰！享受玉蟹美味、鮮甜味，無與倫比，只識得不停讚好阿廚肯定係劏蟹能手，現代庖丁！開蟹箝輕輕一壓，殼肉分離，完全無難度！要向阿廚致敬！豬膶雞粥窩$88同自家製海苔豆腐雜菌$88雞肉香甜嫩滑，粥底綿密，豬膶偏靱，似足屋企煲湯豬撋，要有牙力😙海苔豆腐查實係玉子豆腐，蛋味攻佔煲仔，豆味無定企唔係挑剔，只因珠玉在前，玉蟹太精彩！Yummy

今天西環一日遊，先來個港式小食，之後老友帶遊西環海皮一帶，飽覽景色，看見很多帶狗的、跑步的、坐在咖啡店或酒吧門前看海，各具特色，港鐵站開啓後，真的令西環變了不少。正所謂大鄉里出城，很久沒有過來西環，如果不是老友帶路，太多食店選擇，現在有倚靠，唔使煩，太幸福。行完海皮一帶，老友問晚餐想吃什麼？最後決定吃中菜，原因她說，她媽媽從前最愛吃這間飯店。筆者一直相信，懂得煮飯的太太，鐘情的飯店，水準必有一定水準。由於假期，食店不設訂枱，晚上七時半，在門口等了一陣子便有位。海鮮豆腐羹~杰度適中，最喜歡是那點點的香菇、韮王粒。話梅醉凍豬手$38~醃得入味，豬手有肉哋，腍身得嚟有𡁻頭，恰到好處，帶點點話梅粉，味美。蟲草花浸菜芯$68~蟲草花粉量足，香氣撲鼻，但菜芯過老。乾煎豬仔骨$78~豬仔骨原來是像一塊豬扒切開了一小件，腍而且入味，醬汁味美。葱燒龍躉球$138~其實那醬汁味道和乾煎豬仔骨差不多，只是豬仔骨改成龍躉球，但兩者在價錢上有點差距，筆者較喜歡前者。富士茄子酥$68~蘋果和茄子酥炸後，酥香甜蜜，做得出色，老友說此乃素食者至愛。

屋企中的大廚都大讚鑊氣夠，百味鮮廚房夠水準！首先講講訂位-因為家中成員有人坐輪椅，之前打去石塘咀屈地街某西餐廳態度勁差😭平時行過百味鮮都聞到鑊氣好夠，就決定打去訂位。職員服務態度勁好，我同佢講我嘅需要，佢都記低並且安排較方便嘅位置。我地到達時更有2位職員開門，十分貼心，招呼週到。家中有一位成員精通廚藝，連佢都話廚房有水準，食得出老師傅或傳統烹調手法，火候控制剛剛好！今晚菜單手拍青瓜避風塘波士頓龍蝦-鑊氣夠,抵食.$338兩隻炒通菜-食得出飛水先再炒霸王雞酥炸生蠔- 多汁肥美!生炒骨-鬆化,配菜一絲不苟,做法傳統！果皮蒸鮮鮑魚-火候剛剛好爽脆!見到仲有好多有創意嘅菜式，決定以後家人聚會要再試！

both simple and complex at the same time, this restaurant is a real experience. It is a gastronomic travel around Asia. I tried the specialty : the crab. Marvellous seafood here. I also had the truffle fried rice, the XO udon, the duck & lettuce, along with sakura fried rice.The waiters are so warm welcoming and always paying attention to their customer’s satisfaction, as if you were invited at their home and you were the guest.Highly recommend.

聽同事講、加平時見呢間嘢成日人山人海，終於今晚去試下，結果……失望!話梅豬手可以，夠入味。避風塘炒蟹就唔入味又細隻(唔夠2斤）……第一次食避風塘炒蟹係有水出嘅，尤其係蟹箝，剝開殼就見有肉汁(或水）喺入邊，所以我主觀估計隻蟹有可能係先蒸過，之後再炒……完全食唔到避風塘嘅味道!九重塔胡椒蝦，垃圾!用手一剝殼就知係雪蝦，一食，一 如所料，啲肉「梅」嘅只此一次下不違例! 垃圾!唔明點解喺側邊枱嘅人會話好好味更唔明會有食評話啲蟹好食😑🙄好食嘅避風塘炒蟹嗰觀塘有一間，話好食嘅人應該未食過🤔

機緣巧合下發現呢間中菜餐廳，我同男友都不約而同愛上，依家間唔中都會去食。雖然已經食左幾次，但今次先記得寫食評。食過好幾樣小菜都好好食，包括櫻花蝦豆角炒牛肉(好足料，好有穫氣),水煮魚(辣辣地，好耶味),話梅醉豬手(好多舊，酸酸甜甜，送酒食一流),蒜香凍螺(又係好多，好耶味，最岩送酒食)，仲有我地每次都嗌嘅炒飯，黑松露蛋白炒飯，上次就嗌櫻花蝦炒飯。所有小菜價錢都唔貴，但好好食，好有誠意，所以呢間餐廳星期六日通常都要等位，但都無阻我地山長水遠去食(話說我地都係住新界北)😂😂

The restaurant was extremely crowded with the waiters attitude being absolutely wicked and rude. We waited in line for over half an hour and she still let others that came after us go in first which I believe to be visual profiling and hating against us just because we were mainlanders. This racism let to an overall bad experience of the place. I thought the portions of food were quite small given its quite high price tags especially for where it was located. The taste of the food was average, s