正斗粥麵專家

Open Now

Now Closed

去泰國5日，臨走前想食返啲廣東味道，你知啦，去到泰國就餐餐海南雞飯喇。雲吞麵、瑤柱蛋白炒飯、五柳炸雲吞。今次真係咬開一半睇下粒雲吞入面有咩，咪就係有蝦同肉囉~ 哈哈哈。好想知點解啲蝦咁鮮，因為我好鍾意食蝦，蝦蝦蝦。瑤柱蛋白炒飯炒得好好味，啲飯無痴埋一舊舊，菜粒都好均勻，每啖都食到菜粒、瑤柱同蛋白。最後係五柳炸雲吞，即叫即炸，同佢皮唔係春卷皮，唔知道啲雲吞係咪同雲吞麵嗰啲一樣呢？五柳醬偏甜，食落都幾惹味。值得一讚係出餐算快，趕上機都可以快速醫個肚先~

以正斗的名聲及$85的價格，這隻糭真心的不合格！微温、綠荳唔熟，感覺馬虎。就係睇中你趕飛機，想投訢又考慮到收銀果位黑臉的姐姐，算了啦，反正機場餐飲選擇多，冇下次！

惗住上機前快快趣趣食啲嘢，點知無晒大X樂等等啲傳統快餐，咁惗住嚟食碟腸粉算數，誰知等差不多十分鐘都未有，我同個staff講可唔可以快啲，佢話都係幾分鐘啫，激死，你急佢唔急，我同佢講可唔可以快啲，我話個牌好應該寫要等十分鐘等人有預算，個樣似稍為高級啲嘅staff話收銀應該有同我講，我好肯定個收銀無講，如果唔係我自已搵嚟急咩，對方一二三將個責任推落個客度，真係九流服務，啲嘢食，真係倒落個胃咁，趕到呀，唔該機管局招標時考慮一下顧客在快餐區的期望，唔好比啲慢餐進駐快餐區

今日同男朋友一齊出發去日本旅行啦😆😆, 去旅行前緊係要食少少野先上機啦, 我地叫左兩碟腸粉同一杯豆漿😋幼滑蝦米齋腸粉, 熱辣辣嘅蝦米腸散發住好香嘅蝦米味同蔥味, 淋上少少豉油, 沾埋佢地嘅辣椒醬, 食落去腸粉皮薄而且幾滑, 非常好味!😋值得一讚佢地嘅辣椒醬幾香, 幾夠辣, 十分惹味, 沾少少個味就好出, 令到腸粉更好味!😊👍🏻👍🏻金菇鮮牛肉腸粉, 有金菇嘅腸粉都係第一次試, 牛肉腸足料, 非常鮮味, 好食!😋熱豆漿, 豆味濃郁, 唔錯!

放工即刻到機場，未食晚飯真幾肚餓㗎，趕時間快快check in入閘再搵食啦，閘口在七號，近近地就上二樓個food court睇下有咩食，原來大部分的餐廳都未開，得泰國菜，新加坡同正斗，咁就食正斗啦。就快十一點都仲好多人買野食，店細細但有成七個員工企樓面，仲多過街舖，果然係講求效率的香港機場。原汁柱侯牛腩麵細細碗68蚊，同街邊價都唔係差好遠，機場預左係貴啲㗎啦。牛腩軟腍入味，半肥瘦一啲都唔鞋，牛筋好滑，咬落黏口好正。麵爽口，鹼水味重。湯底湯郁，滿滿的腩汁超正。係就係貴啲，又細碗，但幾好味噃。

作為一個盡責嘅foodie，當然唔可以放過任何一個介紹美食/劣食嘅機會，香港國際機場危機四伏，無論幾出名幾好食嘅餐廳黎到機場至少打個五折，聽聞正斗最近進駐機場禁區，仲要開24小時，今次帶大家嚟睇下伏唔伏。正斗鮮蝦雲吞麵$60麵淥得過左有d淋，而且有小小鹼水味，相信係由於大多人排隊所以淥定，去鹼又唔夠時間做，雲吞係傳統細細一粒一啖，反轉既時侯5粒痴埋一舊，不過味道算係咁，蝦味幾鮮幾濃。小總結：比起市區分店嘅質素就差左一截，價錢亦比市區還要貴，有小小做壞左正斗個招牌。

復活節最後一日，八點飛大陸公幹，到正斗點左個义鵝飯，油菜，凍奶茶，二百二十蚊，貴，不過中環正斗或蛇王芬可能也差不多。在機場，不做回頭客，坐地起價，這些我都懂，一百三十蚊一個雙拼燒味飯，很貴，但是我可以接受。义燒ok, 燒鵝只有四小塊，算啦，份量冇標準。爬啖飯，死火，硬嘅？再食真D，凍嘅？有一刻唔信自己條脷，冇可能，米之琳一星餐廳，中環店我都食過，點可能俾嗝夜冷飯我食呢？真係冷飯！我不期望正斗燒味比太興好吃，因為正斗也不是燒味出名，但最起碼應該有大家樂大快活的水準, 可是用的是隔夜冷飯，真的有點生氣，有些失望。😤順便一提，香港有D名店做遊客生意，特別係大陸客，錢來得太容易，態度差，食物水準也下跌，其實好可惜，做飲食，應該尊重自己，尊重自己一手打造的美食。

滷水蘿蔔一陣噏濕雪藏味，完全冇滷水香味。滷水豬皮就名乎其實"水皮"，啖啖水，完全冇味道。而炸雲吞呢……俾鹽同胡椒粉搞到冇哂蝦味。最后咖哩魚旦算係可以; 不過，4蚊半一粒，花園街1O蚊6粒都好食過佢時，真係接受唔喥囉…… 由何洪記到正斗我都係捧埸客，竟然响機埸食喥最難食嘅"正斗"🤮

在機場裏沒有什麼特別好食，唯獨正斗，因為返到悉尼，一定找不到正宗，好味的雲呑及炸醬麵，還有燒味。所以今次又來到正正👍👍👍👍👍斗斗，雲吞𥚃的蝦，有鮮味，最重要就是個湯底加點「韮王」，很有蝦子味，這是唯一在香港正斗才找到，另外個炸醬麵小小spicy, 肉絲條又唔肥，個汁好味都無朋友✅，其麵質爽口弾牙，美味無比，仲有個义鳮反，义燒入味，肥鳮夠滑，在返回悉尼前，這一餐真超級可口，真的食在香港正斗斗👍

今天去四川旅行，機場不算太多人，進了入閘口，就開始找東西吃，不想吃其他快餐，所以就選擇粥麵，機場的價錢真是比外面貴了差不多近一倍，份量又少。可能外國人較多，他們買餐的時候也花較多時間，故排隊也比較久，但總算有得吃，味道也算不錯。

機場1號客運大樓翻新後新引入的連鎖餐廳之一。八十年代歌星譚咏麟投資的餐廳之一，專營港式雲吞麵出名。之前在市區吃過，印象不錯。這次到機場，又不想吃正餐，便到這家來買些下午茶餐垫個底。品說出品比不上市區明爐明火煮食的味道，但八十元左右的一個水餃麵也算是交到功課。水餃大粒，餃子皮也不厚，麵就差很多，太粘成一坨。炸雲吞和炸两都炸過了些，太干。成績僅僅合格。

數月前機場的Food Court還在裝修，要吃的話就要走到另一遠處⋯現在已裝修好了，翠華不見了，新開了莆田及正斗。掛在店上方的餐牌非常難看，鐵色配上黑字，根本不能看清楚食物名。所以排隊時候，有一店員過來遞上點餐紙。機場正斗沒有套餐，只能單點。我點了鯪魚球粥，粥底蠻不錯；鯪魚球帶有陳皮味道，雖然$65有點貴，但機場就是貴，不過好味就可以了。至於幼滑蝦米齋腸粉，個人不建議點選！蝦米不「幼滑」且帶有味道；而且腸粉上碟熱度不足，微溫而已⋯

今天去星加坡玩幾日，天未光就要去機場，check in 完就揾地方食D嘢先，由於太早未有胃囗，只想食D粥品之類，見到food court 有間正斗粥麵，算有名氣吧！抱有希望！自助形式，叫咗一碗順德佬鯪魚球粥（$64)同埋一碟蔥花蝦米齋腸($44)價錢貴D就預咗啦！果碗粥料都算豐富，仲有幾粒炒香嘅花生米，幾香口，個粥底好靚，夠綿滑同熱辣辣，魚球算新鮮而且有果皮香味，算有水準！再試下果D蝦米腸，嘩！唔熱喎，腸粉看來是從雪櫃攞出來翻熱，但又熱不透，於是只好攞返去counter 叫店員邦我加熱，但佢地話冇微波爐，我叫佢地是但蒸返熱俾我啦！最後碟腸粉食一半就唔想食了！

放工之後去機場 ，上夜晚機到澳洲想起未來幾日都會吃西餐 ，就想在上機前吃一點清淡的中餐，例如粥品，於是便到正斗去。老公 叫了一個牛腩撈 ，相當濃味， 小小一碟便索價$72，還有一碗味精湯 。牛腩味濃， 但有點鞋，很痴牙。 鹼水麵沒有什麼特別。我叫了一碗皮蛋瘦肉粥， 皮蛋很多 ，皮蛋和瘦肉都是最後才放在粥內，所以材料和粥的味道並不一致 ，要五十二元一碗小小的皮蛋瘦肉粥 ，真的比較貴。 在機場這個地方想吃便宜又好吃的食物是沒有辦法吧....

今日係大表姐一家返嚟香港嘅大日子，所以我們都去咗香港國際機場接機，等到成功接到大表姐一家之後，諗著一齊食啲嘢先！喺諗緊想食咩嗰陣，大表姐話當然係食雲吞麵啦！所以我們就揀咗喺一號客運大樓嘅「正斗粥麵專家」食晚飯！我們叫咗巧製南乳豬手撈麵嘅麵質好爽口彈牙，而豬手嘅皮就比較腍身，唔係好煙韌彈牙，而且感覺比較膩，南乳嘅味道亦相當鹹！正斗鮮蝦雲吞麵係差唔多每個人都叫嘅，除咗麵質好爽彈幼身之外，湯底嘅味道都幾鮮味，雲吞皮都幾軟滑薄身，蝦肉亦好鮮甜彈牙！鮮玻璃明蝦腸粉嘅腸粉都幾晶瑩薄身，可以好清楚咁睇到入面相當爽甜彈牙嘅蝦肉，而且都幾大隻！