正斗粥麵專家 (新城市廣場一期)

Open Now

Now Closed

正斗鮮蝦雲吞麵 (小/ S $50) (大 / L $64)鮮蝦雲吞麵有2款價錢，分別係大碗同細碗，大碗份量有6粒鮮蝦雲吞，加一個麵餅。而細碗份量就係4粒鮮蝦雲吞，加半個麵餅～本身諗住食完一碗雲吞麵就走，後尾諗諗下～既然一場嚟到，話晒都要俾茶錢嘛🤣無理由就至少都試多一款嘢食啦！🤣🤣所以揀碗細size雲吞麵再加一碟點心啦～鮮蝦雲吞實物係會較出面坊間嘅細粒dd ，屬於一啖食晒一粒嘅口感，不過蝦粒都幾爽口㗎！翡翠菜苗餃 $44有4粒翡翠菜苗餃，同鮮蝦雲吞一樣，都係屬於一啖食晒一粒嘅口感，比出面坊間嘅會細粒dd，一粒就包住一節蝦肉同切得比較細碎嘅菜苗茶位 $6 / 人*～**～**～*～**～**～*～**～**～*～**～💌地址：正斗粥麵專家 (新城市廣場) (沙田)沙田沙田正街18號新城市廣場一期1樓119號舖*～**～**～*～**～**～*～**～**～*～**～

平日行過新城市正斗，就諗住試吓佢個雲吞麵，因為一個人，佢比咗張大枱我，問我介唔介意搭枱，咁我都唔介意嘅，但最介意嘅係，嗰碗雲吞麵真係令人十分失望，失望到要寫食評😅諗住對自己好啲，食個好好味嘅lunch 為自己加加油，點知。。。我叫咗一碗細雲吞麵同一碟蘿蔔糕，個雲吞麵個麵同湯都ok 嘅，但係個雲吞就真係可以講難食，得個鹹字，個皮仲有怪味，好似有d 就嚟壞嘅味道，好難形容😟😟個蘿蔔糕以為好d… 點知好似用油浸，多油到一個點😣仲要好淋，淋到一夾即散😣兩樣都唔好食，真係。。。但我都盡力食曬佢，避免浪費食物！！

等位安排又差, 阿姐唔識分配位, 4人比張8人坐搞到大枱要坐細枱鍾意比人鬧就黎!!! 服務態度惡劣, 不停漏單, 唔係一家大細餓都唔等所以無下次 收咁貴一d 都唔值D 嘢又唔好食真係貼錢買難受

個仔2歲半 大個仔可以唔坐bb櫈諗住費是麻煩人地特登搬張櫈黎唔坐 埋單竟然要6蚊茶錢 話因為冇bb櫈就要收從來未試過咁細個bb俾人收茶錢直頭覺得痴線唔合理 一家大細有細個小朋友既真係唔好幫襯完全唔明白係乜野邏輯 收錢位呀姐仲要勁串勁黑面 我湊住兩個1歲同2歲既小朋友費事同佢嘈 雖然只係6蚊 唔係咁樣黎劏客掛？

今日年初三，因為去馬場，於是喺新城市廣場附近搵食，好多酒樓都已經爆滿，要等成200張飛，見到呢度較少人等，只係十幾張飛，於是決定一試，點知都有小驚喜！侍應姐姐先送上「開運小食」，其實即係笑口棗同酸蕎頭。雖然成$30 ，但我同屋企人都未食過咁好食嘅笑口棗，佢口感非常鬆化，味道鹹甜得宜，食完一粒實在想食多粒！然後我哋叫咗千層糕、排骨、流沙包、羅漢齋春卷、炸兩、菜苗餃、滑蛋蝦仁炒飯、銀牙肉絲炒麵。千層糕同流沙包唔太甜，但口感極佳，味道極好！而羅漢齋春卷餡料味濃，外皮脆口！滑蛋蝦仁炒飯蛋味濃郁，配合上乾身嘅炒飯，口感豐富， 十分滿足！

正斗雲吞麵不嬲都比較出名🤓雖然平時都無乜留意🙈但住開沙田所以都係會試下嘅🙋🏻‍♀️同朋友食所以叫咗大嘅雲吞麵同肉丸粥🤡作為以雲吞麵為招牌嘅正斗👀雲吞麵就唔算特別驚喜但都係不過不失的✔️鮮蝦雲吞都有咬口嘅而全蛋麵亦中規中矩⭕️反而肉丸粥有少少驚喜🙈粥比較綿唔會太稀而且唔會乏味✨肉丸份量亦都唔算少👍🏻總括而言食物唔算差都可以一試的🤓

有日同屋企人諗住去食嘢，喺門口同個staff講6個人，佢答我：6個人要撩鼻自我檢測先可以入嚟 =.= （防疫政策係要求8人或以上，並非6人….） 我同佢講我哋有位老人家，5月底開始計已經打咗兩針，有針紙show比佢睇可以做疫苗通行證，佢答我：三針先得。 咁我再同佢講我哋都係跟疫苗政策姐，之前去其他餐廳都入到去堂食，佢答我：咁唔該你去返比你地入去嘅餐廳，總知我哋呢度唔比。 😂點解可以咁冇禮貌😂

星期日想食下點心，見周圍酒樓都大排長龍。行過正斗見有點心，又唔洗排隊入座，當然要去一試啦！都知道佢係主打粥麵，所以本身都無抱太大嘅期望，只不過比想象中更差今次叫左五籠點心：炸兩：本身係我最期待嘅野食，諗住作為粥粉店，炸兩應該有翻咁上下水準，結果係我食過最難食嘅炸兩。入面油炸鬼唔熱辣辣都算，仲要又凍又硬，真係幾令人失望菜苗餃鮮竹卷蝦餃排骨其他點心都普普通通，蝦餃菜苗餃好似4粒份量好多咁，不過其實比出面一籠3粒細粒啲，所以都係差唔多份量。總括而言，下次都唔會再黎食點心，有機會都只會試下麵就算

—𝗠𝗲𝗻𝘂 𝗼𝗳 𝘁𝗵𝗲 𝗱𝗮𝘆 ☁️🍜正斗鮮蝦雲吞撈麵原汁柱侯牛腩麵蟹子棉花雞安蝦咸水角—爸爸之前成日經過話想食🥢🤭終於同左佢黎食正斗🤤🤤覺得以呢啲雲吞麵黎講正價都幾進取🙈因為同出邊牛腩麵舖差唔多大細〰️😣裝修舒服 有點心叫 亦有另收茶介🫖—因為我唔想食湯麵 所以叫左撈麵跟既上湯唔係味精味✨雲吞細細粒一啖過 真係幾好食覺得呢個價錢又真係好合理🤣🤭🤭〰️爸爸碗牛腩麵啲牛腩炆到好林好入味〰️點心方面🥧棉花雞超高質魚肚超入味 勁正🥹🥹👅不過咸水角就好厚皮 一般般 食唔到蝦😣(係佢自己個菜式名寫住有蝦🤣—💰hkd $263 w/ 10% service charge (2ppls💞)📍Tasty Congee & Noodle Wantun Shop (New Town Plaza)Shop 119, 1/F, New Town Plaza Phase 1, 18 Sha Tin Centre Street, Sha Tin.

2022新的一年到沙田，下午茶吃了茶木的麵包磚，行完大運肚子不太餓，想到最好不過就是吃我最愛的雲吞麵。正斗粥麵專家在新城市廣場有分店元旦關係，人流不少，已接近晩上八時半，還是要等位，等了約十多分鐘，可入座二人桌，枱上放滿調味品和餐具，侍應送上兩杯熱茶，點了兩碗雲吞麵湯底不錯，有大地魚味，薄薄的雲吞皮包著一粒蝦，剛好一口一粒雲吞的大小，蝦鮮爽彈，麵質本身不錯，但可能餐廳面積大，麵煮起送達上枱需時，已開始淋，沒有爽彈口感，令人有點失望的雲吞麵。埋單: 收茶芥$5/位，另收加一，每碗雲吞麵$45，埋單$110供大家參考的餐牌

蜜汁叉燒湯瀨粉（$55）加紅棗水（$5）叉燒一般，不過湯底幾好味，好重幹曬海味味道，的確香濃好飲。分量又唔係大份，但價錢真係偏貴。茶位6蚊，要加一，埋單$72.6。

叫左大碗嘅雲吞麵👅有6粒雲吞🍜雲吞比較細粒 一口一粒 啲皮都薄嘅🍽整個湯麵不算好出色 不過不失 稍咸少少 不過爽口彈牙嘅啲麵🙂但麵底份量不多 反而覺得點心質素好啲👏叉燒包入面啲料比平時大集團飲茶的多汁多肉🤪蝦餃食落爽甜彈牙⭐️👍環境大 坐得舒服 但整體食物價錢真心偏貴 仲要有茶價囉加一 食完都唔係太飽 ‼️❇️雲吞麵(大)$60❇️油菜$50❇️蝦餃$45❇️叉燒包$40❇️茶位$6

從未食過無味既粥，老實，醫院都好食過佢。真係好離譜。北菇滑雞粥及魚片牛肉粥。乾炒牛河唔錯，不過都幾貴下。點心一般，無咩驚喜。服務好差，個個無眼神接觸，加唔耐煩。不會再幫襯。

我哋今日如常去新城市廣場的正斗，叫了一客牛腩飯，等了超過半小時仍未出嚟。Call 侍應跟進了3次，最後叫埋單，侍應終於應我哋，說廚房只有2個人，前面還有order，等唔到就取消算啦！我哋十分氣憤，為何落order 時不說要等超過半小時，我哋可以預算時間，或order 粥粉麵都可以。最後我哋草草埋單走人，店舖沒有作任何賠償！其實，我哋去過不同分店的正斗，服務都不錯。這間分店卻不是，侍應態度都是冷冰冰，像今天這樣，卻沒有安慰顧客，也沒有站在顧客角度想（時間就是金錢）。決定以後不來了！

去到沙田突然想下點心，所以就走左正斗食。🔸揚州炒飯 $102蝦肉、叉燒粒都算多，而且飯粒鮮明，不過不失既一個炒飯。🔹蝦餃 $43皮好薄，蝦肉彈牙，幾好味。🔸叉燒腸 $50一開頭諗住杯豉油仔唔夠，問左店員拎，不過到埋單都未拎比我地。但原來依杯仔豉油都夠，份量岩岩好。皮好薄，同埋唔會好痴筷子，但入面叉燒粒食落有啲少。入面無芫荽，唔錯👍🏻👍🏻🔹咸水角 $37唔記得影相。個皮好厚，勁痴牙，而且啲餡好少，入面大部分都係空氣。