正斗粥麵專家 (新城市廣場一期)

Open Now

Now Closed

呢间粥店既粥不便宜，叫了碗及第粥，味道一般，并不十分鲜味，粥底还可以，反而碟牛肉肠粉就唔错，肠粉滑溜，咸肉棕不过不失，咸蛋黄并非流心，亦冇五香粉腩肉惹味感觉，招呼一般而已。

今日心血來潮想吃豬潤，於是放工5時半，趁不多人，我選擇去沙田的正斗吃餐好。正斗的價錢雖然不平宜，但口感和味道是一流，而且環境乾淨，坐得舒服本來自少都不愛吃豬潤，因為味道有點腥及口感無彈性。但之前和家人在正斗點菜嚐了豬潤肉丸粥，一試難忘！正斗的豬潤十分彈口，配上薑絲，中和腥味，加上粥底綿綿，好喜歡吃 今次我轉了吃豬潤麵，再加一份白勺唐生菜，想吃得健康一點。豬潤的彈口無令我失望，與生麵夾埋都不錯，但還是覺得與粥更夾。所以粥和麵同等價錢，下次我會想吃豬潤粥多點。另外，因本人喜歡吃蔬菜，所以特別重視蔬菜的新鮮程度。正斗的用料很新鮮，亦喜歡服務員會把蠔油另上（好怕一大堆蠔油佈滿蔬菜上，搶奪菜的原味），可以自己調配咸道。所整體都滿意今次用饍😄

正斗聽就聽得多喇~~每次經過沙田依一間都總是有人排隊真正食都係第一次聽講出名係鮮蝦雲吞麵咁就即刻要叫一碗食有大有細既份量我叫左碗細既$41..份量唔係好多食完一定唔夠飽果隻!但果然沒有令人失望!鮮蝦雲皮薄足料鮮蝦!麵既質地彈牙好爽!但價錢真的偏貴呢~再黎個原味牛肉腸粉腸粉最重要既係個皮讚下既係佢個皮真係幾薄牛肉新觧$45都唔平, 但值得一試的雖然食物不錯, 但份量少價錢偏貴呢再黎食應該係好耐之後了如果份量多返少少就好啦會多d幫襯

沙田新城市廣場，全部都係大品牌嘅鋪頭，連餐廳都係走貴價路線，係UA 睇完戲，唔想行咁遠，淨係想求其搵間餐廳食少少嘢，又唔想等位，呢一間餐廳都算滿足到以上要求。第一次黎食，覺得服務都唔錯，幾誠懇招呼客人埋位，價值算中間，可接受。 我見佢好似最出名雲吞麵，侍應話細碗份碗份量真係好少，唔太抵真係唔建議，所以就叫左碗大嘅。因為呢碗雲吞麵價錢都偏貴，味道好彩冇令人失望，面條煮到剛剛好，雲吞用料足，整體配合，值得推介

講極都唔明腐皮卷d醋係邊隻，係咁叫我用枱面上既紅醋，仲要指住話:呢到咪有囉，用得架! 然後我上一次黎佢係有陳醋的，我也是醉了~搞到周圍d人望住我，以為我有問題，唉! 成間野都係未經training既新人，然後有時間行行企企，但茶都唔識幫手倒下?環境方面係後巷feel，而且環境好嘈，全部都係佢地執野既聲! 枱同枱隔得好近，好似一齊行緊大茶飯。唯一ok係佢地碗筷都好乾淨，入座安排非常好! 總體而言都係非常差!

今晚太太說要出一田買新床單，真不明白啲師奶成日儲爛儲印花，現金券為什麼...太太終於有1000元現金券可以去買靚床單了！我們買之前先去醫肚，今次揀「正斗」，一黎人比較少，唔使點等位。我叫了牛腩湯伊麵，伊麵需要加$5，話晒都$63一碗，質素都不錯，湯底鮮味，沒有簡水味，但夾雜牛腩味，除了牛腩還有牛根，牛腩好軟林，一啲都唔un，亦唔會痴牙！太太叫了二人煲仔飯和女兒Share，$165都幾貴，可以自選三款餸，我們揀了滑雞、排骨、豬潤。因為煲仔飯即叫即整，所以要大約20分鐘，，雞件好滑，但是雞皮較多，較為肥，排骨就好多，一啲都唔肥。豬潤我覺得係呢個煲的重點，成煲飯都有好香的豬潤味，就好像臘腸般，是一個點啜。溫馨提示，如果怕多人可以用app攞位。

今日lunch book左位去食正斗 同樣係book左位都要等左陣⋯ 唔緊要 食左個京都炸醬撈麵 我最鍾意食硬硬地身既麵！😋好咬口 有兩個朋友嗌左b餐 點知有個餐好耐無黎 我地就提下個侍應 點知個侍應話賣晒😧賣晒都可以唔同返個客講係咩玩法？？？？ 浪費左勁多時間 最後朋友轉左其他餐 都順利食完😂去到俾錢 個侍應又企係到好似啤住你咁🤷🏻‍♀️夾錢搞耐左少少姐 咪擺低一陣再過黎囉🤷🏻‍♀️就算食物同環境質素唔錯 但人既態度真係扣晒分

約左幾個同事一齊lunch,叫左兩個雙拼粥，炸兩，幹炒牛河，瑤柱蛋白炒飯，雲吞麵。炸兩入邊啲油炸鬼仲要係好脆添，啲豉油又唔鹹，果兩個粥皮蛋瘦肉粥同埋豬膶粥，啲豬潤仲要係好滑，粥唔傑。乾炒牛河炒得好乾好入味，雲吞面個面幾好，不過雲吞麻麻地，入面好幹下。蛋白炒飯好味，飯係粒粒噶好幹身，瑤柱好香。不過價錢比起一般粥舖貴好多，但距多款選擇。

呢間野都開左好幾間分店 今日一於會一會佢先黎呢度食粥麵 😀就包保冇伏既必定要推介既有豬潤豬腰粥 艇仔粥🥣首先粥整得非常綿密 完全唔會稠到似飯 豬潤豬腰夠厚身 新鮮！反而艇仔粥無豬潤咁惹味，冇點醃味，不過魷魚鬚豬皮份量尚可接受👌要同大家分享小編至愛豬手拌麵 麵冇好重鹼味 所有豬手既精華索囇d麵 食一啖好補豬手肉 再一啖麵 完全人生一件樂事呀！😛🤤炒飯呢個有d失望 🙍點解可以咁少料 炒飯係就係做飯粒分明 但呢料就冇乜味 下次都係嗌粥麵好d😫炸兩腸粉皮薄不在話下 連內裏既油炸鬼脆卜卜 想強調返材料係1d都唔吝嗇 油炸鬼大大條 好吃😋

今日我們喺沙田新城市廣場行，諗著周圍睇吓去邊間食晚飯？點知行到去一期嗰邊就見到個好耐無見嘅朋友，而佢亦未食飯，所以我們就一齊去咗「正斗粥麵專家」食晚飯！我們叫咗正斗鮮蝦雲吞麵，但因我們太耐無見嘅關係，我們祇係掛著「傾計」，所以攪到啲麵擺放到脹晒，湯底嘅味道好鮮味香濃，雲吞係比較細粒，可以一口一粒，皮亦好薄身，蝦肉相當爽甜彈牙！薑蔥汁爆魚腩粥嘅粥底非常香滑軟綿，因魚腩超新鮮，所以粥底嘅味道更加鮮甜，魚腩嘅肉質相當嫩滑彈牙，而且份量超級多，係咁多款之中最抵食嘅！鮮牛肉鮮田鷄膶腸煲仔飯嘅牛肉同田鷄都好新鮮，牛肉嘅肉質好鮮嫩鬆軟，田鷄嘅肉質好結實彈牙，再加埋芳香嘅膶腸油香撈埋一齊食，真係好正呀！乾炒牛河炒得好夠鑊氣同好乾身，唔會好油膩，牛肉嘅肉質好鬆軟嫩滑，份量相當多！

我是很喜歡這種中式餐廳，也常常到這集團吃午飯及晚飯，尤其在尖沙咀的那一間，服務很好，但從未試過有一間像沙田分店服務這樣的。落單叫了白飯及淨雲吞差不多30分鐘未到，叫一位男性員工然後追單就問你什麼未到，然後話單多做緊等多陣，但我明明見佢轉頭入電腦然後就到，好明顯漏單但唔認，表現仲要係你追佢好似唔啱。每人加單叫飲品加點心員工都叫你等等轉頭，但態度覺得你很煩厭，我知食飯時間人多，但落單好像乞食，令我都唔想再去沙田分店。

相信大家對正斗都不會陌生，這間著名的粥麵店在中國和馬來西亞也有分店，確實威水。一定不能錯過的就是細蓉 - 正斗鮮蝦雲吞麵 ($41 細)。依這個份量來説，價錢相當昂貴，但質素非常好。雲吞麵條爽滑，入口有質感，柔軟而彈牙。雲吞也很新鮮，蝦肉很爽口口感更流。吃完一碗一定不夠，所以下次叫大碗比較好。翡翠菜苗餃 ($38) 味道普通，餃皮有點過厚。乾炒牛河 ($98) 非常失望，我已要求少油，但還是十分油膩，根本上每吃一口也會感到口腔滿是油。牛肉塊數量不算多，而河粉又煮得過稔，不夠爽滑彈牙。茶餐廳的乾炒牛河可能更好吃。

嚟過兩次都有食炸両，賣相好靚、個皮好薄。雖然油炸鬼炸得有啲啲硬，但係overall我好鍾意食，以後都會再食。同埋乾炒牛河好好食我平時唔會食，但係呢個好似有少少辣味咁，食得好開心。

沙田太多美食 求其搵間野食原來都唔容易之後等緊朋友黎既時間我搵到間正斗 好似幾好 就決定食呢碟凍食既魚皮 可能唔係個個食魚 但食落個口感原來係咁脆口 真係估唔到食清啲 叫埋個瑤柱蛋白飯香 粒粒香噴噴茄子炒米粉 味到剛好😋😋😋

為了遷就時間，老遠跑入沙田睇近期大熱的港人電影「春嬌救志明」，已經是彭浩翔導演為這個系列執導的第三集。由於戲中男女主角的設定都是70年代出世的地道香港人（切合彭導演的年代），電影中很自然地加插了一些70、80年代的大熱日本動畫主題曲及廣東流行曲，例如「麗的電視台」年代的日本動畫「小雙俠」（70年代至 1982 年左右）主題曲及 Raidas 的「傳說」（1987），90後出世的香港人應該不能夠從這些回憶而引出由心而發的笑聲，也不會明白過去香港的美好。「逝去的往事總是美好的」也是不少香港老食肆的寫照。以前，香港的餐廳很多都是小本獨家經營，每一間都有自己的特色，甚至乎承存了上一代的經驗及味道。不知道什麼時候開始，集團式經營的快餐店越開越多，甚至乎伸延至餐廳、酒樓、粥粉麵店，獨家經營的老店反而因為承受不住高昂的租金及集團式餐廳在市場的壟斷而被迫結業；仍然能夠生存下來的，也要利用本身的金漆招牌作出妥協，甚至轉型為集團式經營。「何洪記」正是其中一員。先講講「何洪記」的簡單歷史，根據網上資料，始創何老先生師承廣州著名雲吞麵大王麥煥池先生，即香港雲吞麵名店「麥奀」創店老闆的父親。可能因為這個緣故，筆