Tasty Fabio (Closed)

一間環境比較適合坐低享受的餐廳😻😻先五講食物點樣，D服務員小姊姊態度都好好喔，輕聲細語感囉，整體➕音樂就給人好舒服的感覺，隨傳隨到，中午過去吃有湯同面保送添🤑食物整體都幾好，擺盤好靚雖然份量不算大，不過我女孩子夠曬吃了，畢竟不是茶餐廳，唔可以要求吃飽，應該係希望享受吃的過程，哈哈哈哈哈老闆都好好，我地有意見都會出來同我地解釋兩句，真係唔錯啊，又問我地要五要換啊感，服務算可以了.下次會再幫襯呢，感覺公司聚會都好合適😺😺

之前見網上有人介紹過, 所以要來試下 食物 : 香煎大龍脷柳意粉+凍檸茶 $101 ~ 餐湯是自家製忌廉粟米湯~好味, 沙律新鮮好食, 魚柳煎很香脆, 意粉不是白烚, 有炒過好好味 紅酒燴牛臉肉意粉+凍檸茶 $104 ~ 牛肉煮得好淋好入味, 值得推介 環境 : 佈置簡簡單單, 座位舒服乾淨 地點 : 餐廳在駱駝漆大廈, 由MTR行過來約5分鐘 服務 : 職員有禮貌主動 價錢 : HK$205/2人 (無加一服務費)

以前啲員工很友善現在的十分差，法國玫紅花茶，結果是一杯水加6，7棵玫瑰…茶在哪裏問店員佢繼續說這個是茶，究竟我聽咗啲咩？ridiculous at all …. 指水為茶？咁就唔好寫係茶！食物質數、價錢巳不一様，員工一樣差

由於之前假日要工作，所以公司俾我攞返一日假 老婆又冇得陪我，所以就自己去觀塘試吓新嘢。咁啱之前睇咗網上一個YouTube片介紹駱駝漆大廈，所以就跟着來搵這間店舖試吓老闆的手勢我到達時是下午1:45pm 可能午餐時間快完結，所以不需等待 大約有三份一空位服務員都輕鬆，面帶微笑前菜係雜菜湯加香草麵包，麵包應該有輕微烤過，所以外脆內嫩美國封門柳 要七成熟 配上沙律菜 （你可以揀薯蓉或飯或意粉）肉質鮮嫩多汁 同樣質素份量喺中環應該要2倍價錢👍🏻最後加多個紐約芝士餅 竟然有塊金箔，只係$18真係好抵現服務食物都唔錯 店舖空間亦足夠 唯一批評係燈光，好似幾眼大射燈射落嚟感覺有少少刺眼 不過這個只是我的個人喜好 整體而言，我仍是非常滿意 😁😝

前陣子到訪享用晚餐，主菜跟甜品味道都不錯👍🏻特別是封門柳，可惜分量較少，同行女士亦覺得不夠飽，成年男士更不用說😂😂餐飲方面檸檬茶味道正常，但奶茶不太好喝，有待改進。

剛巧朋友觀塘收工，便再到此食飯，今次特意配沙律，就係想試埋增設嘅甜品座低已經諗好要飲蝶豆花茶，反而主菜我諗左好耐，自己食量唔大，怕食得飽又食唔到想試嘅甜品所以食紐西蘭牛柳(5成熟) 配黑醋沙律就自覺最好我鍾意食黑醋沙律一刀切開睇睇會唔會過熟？GooD 好好呀咁 D 肉先又有味又夠冧個 FD就叫左低温慢煮羊脾肉配意粉佢話都好嫩同好味份量對佢剛好，仲有位食埋甜品今日無比利時朱古力慕絲蛋糕，我叫左Coffe Tiramisu FD叫 紐約芝士餅。因為Coffe Tiramisu 用左蛋糕做底，我個人覺得咖啡多左D，令底層蛋糕浸得太軟，當然，如果底層用碎餅底做會有唔同效果，整體 ok, 靚仔好味嘅

我係系網上預訂左3位 但一去到竟然要坐門口位 如果係咁 預訂的意義系邊？不過好好彩 咁啱有枱客走左 職員都好有禮貌咁幫我哋換左位 之後我哋多次落柯打 都好有禮貌 冇表現出吾耐煩 👍 非常有禮對待👻蝶豆花茶跟餐加15蚊一杯 第一次飲 唔係好慣 但加上檸檬片之後 感覺容易接受 層次口感舒服啲😌芝士薯蓉焗田螺 田螺正常 至少冇沙 不過可能加左芝士 反而有啲油膩牛柳同封門柳口感差唔多 不過封門柳相對較為再嫩口易入口啲配搭的意粉 有些少油膩 唔太習慣反而鍾意沙律配搭的白藜麥加溝沙律醬🤭😋 好好食啊🤤 但男朋友唔鍾意🫠最後叫左個coffee tiramisu 試吓 感覺都吾錯 小小一個 唔會太甜兼太油 好怕食到啲cream 好油 佢呢個啱啱好😺反而感覺敗筆之處在於底部放左少量咖啡 令底部海綿蛋糕吸濕 口感唔好食 兼且咖啡過苦 突顯出源自咖啡的劣質產品來源雖然食物未必值回票價 但至少職員的服務態度非常友善 值得讚賞👏👏👏

#TastyFabio 📍觀塘開源道60號駱駝漆大厦第三座9樓T室見到好多人排隊食呢間西式餐廳 令我好期待 雖然價錢好平 但係食物品質比預期差好多🐥野味燒春雞 $95份量只有半隻雞 味道好淡本身係期待佢有香料味同多汁嘅口感但係外皮唔夠脆 肉質都有啲乾乾地🐮紐西蘭西冷牛扒 $95 正正常常🐮紐西蘭牛柳 $110份量勁少 所有牛既醬汁都係同一種….🐮美國封門柳 $110牛肉嘅質地好硬 好難咬爛份量勁少 只得3片薄薄既牛 食完一啲都唔夠飽 好失望🍄磨菇忌廉湯 配餐包 +$15湯好重rosemary味 飲落好開胃餐包係細細片蒜蓉麵包 軟軟地同湯好夾評分 (5分為滿分)：整體 ❤ 味道 😋 抵食 💰💰環境 ⭐️服務 👍🏻👍🏻👍🏻

再次黎到幫襯，先加左個前菜，黑醋橄欖油沙律開胃清新 磨菇頭，順滑味厚，為上主菜前暖暖胃期待的紅酒燴牛臉肉配薯蓉肉厚軟嫩味適中，薯蓉軟滑我食到清晒碟想試食埋蛋糕唔得飽下次先黎食蛋糕啦

Tasty Fabio觀塘工廈小店嘅西餐真係驚艷啊！👌🏻 雖然價格睇落去唔算貴，但係食物嘅質素真係好好。甚至開店前都要排長龍等位，就證明咗佢地嘅人氣啦。👏🏻 雖然星期五同假日嘅情況可能會唔同啲，不過我哋真係好幸運可以搵到座位。 佢哋嘅QRcode點餐系統操作好簡單又快捷，食物上嚟嘅速度都好快。🚀$110美國封門柳🤤 牛肉外觀美麗，入口唔會太難咬，肉汁十足。每份有兩塊肉，肉質鮮嫩多汁，食量大嘅人可能會覺得唔夠食啦。我哋揀咗薯蓉做配菜，佢好滑順，唔會太油膩，有啲牛油香味.👍🏻$95香煎挪威三文魚扒煎得金黃嘅三文魚皮脆而唔會太硬，一咬就可以感受到魚油同肉汁嘅流動，好Juicy。加埋啲甜美嘅芥末醬，可以中和三文魚嘅油膩感。不過一塊可能唔夠，如果你食量大啲嘅話，可能要考慮叫多份啦.👍🏻$15餐湯午餐時，佢哋會免費提供餐湯。忌廉磨菇湯係現煮嘅，唔係用罐頭湯料，加埋一小塊蒜蓉包，好好味.👍🏻$10哥倫比亞即磨熱咖啡唔算特別，但都唔會令人失望啦.☕️

行街經過，見好多人就入去試下。叫左蕃茄西班牙豬扒薯蓉同凍檸茶，大約$140。 豬扒好薄，煎熟左，味道普普通通。蕃茄蓉+汁食落似罐頭蕃茄煮熱，似乎連調味都無。西餐嚟講，用菠蘿配煮豬扒算幾「 特別」。罐頭菠蘿既質素都比較差，除左無菠蘿味之外，質地好林同好甜。 個人覺得真係好唔夾。薯蓉就唔洗講，應該係即食薯蓉粉加水溝開，無薯仔味、無口感、無調味。檸茶就無茶味整體感覺係比茶餐廳扒餐質素好ddd，因為塊豬質素好d。 價錢比茶餐廳貴但肉既份量少好多。 成碟嘢係平價即食罐頭、即食薯蓉同豬扒煮熱左。 可能叫第二d嘢會好食d

等枱時間比較耐，店主要諗諗點解決，但小店租金貴冇辦法。食物質素非常超值。廚師認真製作，選擇食材用料質素高，件扒好有肉汁，比起其他餐廳煮死件扒確有分別，沙律加咗小米幾有特色，明顯廳師有諗食物細節。價錢與同級數食店比較絕對冇輸，同級價錢絕對食唔到，缺點樓上鋪真難揾到，不過同大廈有好多野賣補返數。特別地方店員推介有個新app會有好多優惠，重可儲分，的分又多優惠，值得推比附近返工朋友用。今次重有驚喜在樓下二樓有間賣餐酒舖老闆推介一款紅酒，於是上餐廳同朋友分享，點知老闆冇收開瓶費，值得贊。

我從未去過一間咁差嘅餐廳、首先我哋一班人19:30巳經排隊等位、當時到有幾多人等。本人期待食呢一間餐廳人民醫院網上面談及呢間餐廳非常好食。但我哋足足等咗差不多個半鐘頭才能入座，當入座有好多食物已經冇，我哋只能叫扒食、冇飯、D扒非常薄。啲人食完又唔買單，足足坐咗好耐好耐都唔肯走。我應為應該要時間控制。感覺非常差、差、差。我唔會再幫襯😡

焗蝦膠龍脷卷繼續觀塘特集，這天來到駱駝漆9樓的西餐廳。本來是想吃6樓新開的木金餃子製作所，不過很滿座就放棄了，而對面的日本餐廳也已經滿座，所以只能夠選擇這裏。餐牌中其中一樣吸引我視線的是這個焗蝦膠龍脷卷，是我在其他餐廳沒有見過的菜式，頗為特別，因此就選擇了呢個菜式。先上來的是餐湯及麵包，餐湯是蘑菇湯，味道正常普通，麵包是細細片的蒜蓉麵包，我正好餓得暈，這兩樣東西墊住肚可以讓我回氣一下，等待主餐。等待途中還來了凍檸茶，可以喝著繼續等。主菜上枱，我本來以為焗龍脷是有一個焗盤的，結果上來是兩件魚柳，也沒有問題。配搭我選擇了黑椒汁及薯蓉，跟餐還包了couscous沙律。其實切開魚見到蝦膠是有驚喜的，蝦膠也彈牙有蝦的鮮味，算是不錯的，美中不足是魚柳真的沒有什麼魚味，當然，這種急凍材料也沒什麼期望，算是中規中矩的表現。可惜了這份創意，材料跟不上呢！薯蓉普通，跟餐的Couscous 沙律是凍的，配合醃過的青瓜及蔬菜等同吃，酸甜清新，不錯。

經過呢間好多次，終於今日係1:45行過嚟見到Tasty Fabio 有位，諗都唔諗就即刻入嚟。餐廳地方普普通通，但係檯與檯之間尚算濶落。由於我好肚餓，見紐西蘭8 oz西冷牛扒只係$98，梗係試吓啦。以為1:45，落咗order會即刻上餐湯同餐包，點知等咗6-7分鐘，至見到廚房出餐湯同餐包比我。呢6-7分鐘係值得等嘅，餐湯係熱辣辣嘅、餐包熱得嚟又軟熟，原全唔係用粉開嘅湯或者求其暖住嘅包。待應係會等你飲完餐湯再上主菜😄，份紐西蘭8 oz西冷牛扒真心大又有肉味！唯一我可以話個汁太多😅，如果唔鍾意咁多醬汁嘅朋友記住叫少汁。$98午餐有份量有質素，值得推薦👍🏼👍🏼