嚐聚素食 (Closed)

和舊同事出外聚會，吾想行咁遠見到有間素食任食價錢$138/位，不用加一價錢都吾貴就入去試一試，食品方面選擇還可以，沙律有芝麻醬都新鮮不錯，泡菜偏辣，醋蛋入味薑都夠辣度，菜整體都新鮮有四至五款選擇但熱度只屬一般。漢堡包幾靚但决有失望，味道一般，南瓜批驚喜不錯，薄餅口感都夠脆口帶微溫，炒麵偏濕但熱度夠，豆腐味道不錯淡淡地幾清。甜品選擇蛋糕二款味道不錯，糕點偏淡味，生果都新鮮。杞子茶淡身少少但可接受，黃瓜湯味道濃郁好味道，仲有粥同糖水只屬一般。這裡坐得舒服而且都幾乾淨，最後我地坐到九點半先離開。

自從連工作地點都回到新界之後，真的少了過海。說最遠最遠，都只係去到尖沙咀。這一天週末，我同太太及女兒出下街，目的地只是海港城一帶，舒舒服服行下街。當我們沿海防道回彌敦道附近尋地方食午餐時，就被路旁的一個派餐廳傳單的姐姐吸引住了。原因不是她極漂亮，而是她派給我們的，是一間新開的素食店，名子叫《嚐聚素食》。我們正正就是在找地方食午餐啊，既然有新的素食餐廳，就不問不語，直接上樓一試。我們都是簡單地一人一份午餐，而每一份午餐，都包一杯健康特飲。熱的一杯柚子茶，可以說是有一個甜甜蜜蜜的感覺帶給了來俾大家。飲到底，又有更濃柚子味的果肉連皮，味道好。洛神花羅漢果茶，羅漢果的滋潤甜味，加上了洛神花的清新甜味道，而且這似乎是天然甜，入口的感覺十分之舒服。午餐，干炒黑椒什菌意大利粉。味道主要是來至炒意粉時輕輕落過的鹽及少許的黑椒，成個意粉的味道十分之天然，很適合喜歡食的得清淡的朋友享用。另一份午餐是青咖喱什菜配白飯。泰國式的青咖喱汁，有辣味，又有好香的椰子味。以汁配飯，以沾滿咖喱汁的什菜伴飯一起吃，入口又帶有椰香，我們都感覺到滿分。食物不錯，店主同服務員亦非常之親切近人。輕輕鬆鬆食一餐素，係會心曠神怡的。

母親節同媽媽黎食素，因佢食長素既，提早星期五食，le間要畀留位費300蚊，到時計番差價，咁都ok ge!因為母親節實度度都爆，咁要客留留位費都可接受啦～講真唔算好多野食，但夠食既！佢有d特色d既野食～如pizza 漢堡包,我都幾like!菜類都算多，但甜品叫少d,不過佢d甜品都幾特別，蝶豆花啫哩咁，但個朱古力旦糕都幾難食，可能無旦無奶關係，好硬下，反而香橙旦糕唔錯，都幾清新，所以食左幾件仲要佢有薑醋旦食，都幾唔錯～佢都有bb加墊同安全落椅到、可能始終較少bb黎食素，無真正bb椅坐、但都可接受啦～

同朋友shopping 完，搭船過尖沙咀，難得食肉獸肯陪食素，上來試下。環境清靜，向海，又有植物，多坐位，8:30pm 到，仲有好多野食，唔係餸頭餸尾，特別喜歡南瓜🎃湯，清甜足料。夏天 dinner 本來唔敢食得多，怕肥，這間唔油，無味精、健康放心。甜品： 香蕉🍌蛋糕同香橙🍊蛋糕，冇蛋奶，gluten - free , 敏感可以放心食，食了幾件。唯獨生果有d 失色，得西瓜，總括，選擇唔多，但對客人健康負責，抵食會再來。

比原来的午市套餐 更适合食量不大 但在一餐中愿意尝试多种口味的食客！种类虽然算不上特别丰富，但汤、主食、中式菜肴、西式沙律、甜品、冷热茶水也都有，还有我喜欢的橄榄和超有营养的鹰嘴豆，赞👍

Weekend 食到滯滯地，lunch time最好不過食一食齋，不食肉，食多點蔬菜，清清腸胃。估不到尖沙咀都有抵吃素食lunch buffet, $78一位，有：1。素食pizza! 有青椒紅椒係上面，好驚喜2. 炒粉面，薯仔，芋頭，豆腐，大量的菜和瓜3. 任裝的湯和飯4. 仲有甜品黑芝麻糕和香蕉蛋糕，好味個場不是很大，記得book枱！

半年前無意中發現咗呢個無味精又好食嘅lunch buffet,自此呢度就成為咗我同幾個同事嘅飯堂. 大家返工日日出街食lunch,咁多年身體已經累積咗唔少味精同肉嘅毒素,每星期食一丶兩次無味精素食既可以detox,又環保午市自助餐任食1小時只係$78(無加一收費),有湯丶冷盤丶主菜丶飲品丶甜品是日靚湯係南瓜湯,好甜冷盤有沙律菜丶車厘茄丶鷹嘴豆丶橄欖丶紅腰豆丶靑瓜等等,可配意大利橄欖油黑醋丶日式芝麻醬或者自家製千島醬(無防腐無添加推介!)齋菜款色都唔少,今日有雲耳豆腐丶咖哩雜菜丶炆冬菇丶春卷(必食!!)丶素pizza丶炸薯條丶蕃茄煮豆卜丶上湯時蔬丶橄欖油燒雜菜丶日式蒸水蛋(必食!!)丶翠肉瓜炒雜菌等等. 春卷丶薯條炸得好鬆脆又唔油膩!! 蒸水蛋雖然係無落雞湯,但味道同口感媲美雞湯蒸水蛋 所以呢味餸每次都好搶手!! 自家製XO醬都係必試,唔太辣但好惹味! 至於主食,今日有鮮蔬炒拉麵(必食!!)&白飯甜品有無麩質香橙蛋糕丶紅棗椰汁糕丶紫薯果凍、紫薯椰汁露由於唔洗排隊拎嘢食,所以1小時其實好充裕. 大滿足

之前見老闆會派素食飯盒，所以要支持下。由於係樓上的，環境幾光猛令人有精神感覺。食物雖然款式比其他素自助餐不多，但勝在味道好，佢哋堅持少糖少鹽不落味精，因此食物質素唔差，比我有家嘅味道。食物當中，喜歡紫薯批，從來對紫薯制品不太喜歡嘅我，今次食咗三塊，好驚喜好好味。另外更驚喜嘅係南瓜甘荀湯，飲咗三碗，勝咗足料夠入味飲落無味精。另外亦有我中意嘅涼瓜，炒得入味而唔苦。所以整體很好。雖然之前見有評論寫食物質素差，但自己親身試過係有驚喜，相信老闆等人都對食物質素有所調整，不是一成不變係小店嘅好處。

星期六夜晚去食自助餐，book位時話6：30嗰場已經滿咗，所以就食8：00。我哋7：45去到就可以即刻食，但由於已食完一輪，出面所剩嘅食物已經唔多，店員又冇添新鮮嘅食物（可能因為食嘅人數已經唔多，所以建議唔好訂8：00嗰場），同埋我哋食緊嘅時候有店員已準備收工，所以真係做緊野嘅人唔多。自助餐嘅食物款式太少，又無炒飯、炒粉麵，得白飯，一般中式小菜，少量甜品同湯，又無炸物（如春卷），我覺得惟一有特色嘅係pizza同蔬菜批，沙律亦只有一款。款式少，而且價錢唔平（晚市要$138，用同一價錢去食其他素食自助餐，款式比佢多好多）。去食嘅人多數係家庭聚會，如果志在試唔同素菜款式或想試新嘅素食自助餐，就不太建議去

曾到訪嚐聚的朋友，都知道店內的空間，和其他素食自助餐店相比，是相對較小的。但店方靈活運用窗台的位置，加上密切注意食物的份量，有時更會更換新的食品，因此，自助餐的種類和供應量，都是挺足夠的。星期一晚，版主一行16人到了嚐聚「橫素」，大家都吃得滿載而歸。嚐聚的自助餐，一個很抵讚💯的地方，就是食物成份、種類標示十分清晰~會顯示是否全素，是否有蛋🥚、奶🥛、芝士🧀。而且每天的食物亦會略有不同。版主今晚再訪嚐聚，便發現了「福建炒飯」、「支竹炆冬菇」、「香草燒白菌」3款新食物。不過，以下都是集中介紹返星期一的自助餐：食品小推介⚀藜麥漢堡在「眾裏尋素」的「看寶·漢堡」貼文(註：搜尋「#嚐聚素食」，可找到貼文)中，已曾介紹這材料豐富的「鎮店之堡」🍔，這個吸引的「寶堡」，在自助餐中會繼續出現👏👏。而且，店方把整個漢堡切成4份，便意味着食量較小的朋友，不會吃了漢堡後便進入「陪食mode」,應該仍有空間品嚐其他美食了。⚁嚐聚雙批意大利鮮蔬批和羽衣甘藍野菌南瓜批，批底是店方自行搓粉製成。前者色彩鮮艷，青瓜絲、黃瓜絲如彩帶般🎗，有層次地點綴於批上。後者把南瓜打成蓉，再以羽衣甘藍為餡，看着批上南瓜蓉的顏色，便知道材

「素軾」這個問題，可真是問得合時🙋‍♂️。不論做野或搵食，及時都真係好重要。正如歌都有得唱🎤：「最心痛是，吃得太遲，要搵好素，不可等某個日子🎶」。想試美味薯扒的，不要「等某個日子」了。立即起行🚶‍♂️🚶‍♀️，來尖沙咀 Tasty Veggie 嚐聚素食試下佢地既咖喱吉列薯扒飯啦!版主其實都挺喜歡吃吉列X扒一類的食品的😋,其香脆的口感，絕對讓味蕾感到大大的滿足。不過今次嚐聚的薯扒，似乎又比平日接觸的吉列豬扒略勝一籌。素豬扒和薯扒🆚️，外層香脆口感是不分軒輊的，但在內裏的餡料方面，薯扒則更多元化✌。薯扒是以新鮮薯仔🥔打成薯蓉，並加上紅腰豆、鷹咀豆、粟米及藜麥。吃的時候，既感受到薯蓉的軟滑(薯蓉軟滑並非必然的，如果大家有試過KFC的薯蓉就明白🙈)，又同時嚐到不同食材的味道。稍為美中不足的是，店方自家調整的咖喱汁，如果能夠香辣一些，就更完美了。嚐聚的午餐，除主食外，附送餐湯🍲及飲品🍵(杞子茶/柚子蜜)。吃罷濃味的吉列薯扒飯，來幾口暖暖的柚子蜜滋潤一下，足以為午飯劃上完美的句號。

發現尖沙咀有間食素菜都唔錯，上次同朋友已經試過一次，發覺真係要再食。。今次叫左藜麥啡菇漢堡包配薯條，人生第一次食藜麥既漢堡，感覺好特別，味道好豐富，份量十足，而且仲好飽肚，建議唔好一個食，因為我自己一個都食唔晒最好兩個人食，仲有粗粗的薯條，好好食朋友叫左養生煲配紅米飯，好多蔬菜，味道正常。（雲耳，竹笙，翠玉瓜，豆，菇）最後就係甜品，綠茶奶凍，幾好食。唔太甜岩晒食飽左野既我地 無蛋既藍莓蛋糕好食。聽聞蔬菜批好好食，下次一定預留先，因為即整要時間。😁

今次已是第二次跟朋友到訪這家餐館了，有點念念不忘上次吃過的菜色，這次就於午飯時侯來到，食品質素依舊沒令人失望，服務亦稱心體貼吉列素漢堡扒伴咖喱汁配紅白飯素漢堡扒的出面酢炸得非常香脆可口，而裡邊則充滿著鬆軟的薯蓉以及各種的穀物的豆類。配上的日式咖喱汁很香濃，非常開胃。蕃茄鮮蔬千層麵這一道菜非常特別。有別於一般的千層麵，這道素菜千層麵裡面夾上了很多樣化的蔬菜，麵的比例較少，吃下去感覺很清新。芝士入份量也很足，健康得來又不會太清淡無味。水果班戟班戟皮很有蛋香味，配上新鮮的水果，有香蕉片及藍莓；忌廉(只下了很小，所以完全不會太"漏")以及朱古力醬，味道實在令人感到非常滿足和幸福haha!韓式家常泡菜餃子設計很新穎的菜式。餃子的外皮炸得十分香脆。而餃子的內裡則充滿著泡菜，粉絲等不同的餡料。味道酸酸辣辣很開胃。素蟹鉗一道非常有創意的新派菜式。外形是模彷傳統在飲宴常吃的炸蟹鉗菜式。但這裡用上的素蟹鉗，實質上是外脆內軟的素炸物。沾上酸梅醬一起吃，非常惹味！

在海港城血拼完畢，想靜靜的吃一頓素食，不妨走到海防道，這裡有一間樓上素食店，地方大，座位多，食物不含味精，是素友或追求健康人士的好選擇。 餐廳放了很多植物，綠油油的令人感覺舒服，最喜歡的是窗台上的三盆怕醜草，碰一碰，葉子立即收起來，很有趣。 前菜 這裡中西素菜都有，我們點了晚餐和一些小菜。單是前菜已十分豐富：薯仔蘋果沙律、雜菜沙律、炸秀珍菇，蔬菜都很新鮮。 磨菇湯 南瓜湯 磨菇湯味道比較清淡，卻因此吃出磨菇的清香，真材實料；我更喜歡南瓜湯，香滑而甜美。 糖醋𤠣頭菇配紅白飯 (晚餐$158)糖醋𤠣頭菇的外形與咕嚕肉很相似，味道酸酸甜甜，夠juicy，佐飯很好呢！ 家鄉菜脯蛋 ($88) 菜脯蛋煎得香，都變成金黃色了，餐廳不用蔥蒜，綠色的是青豆和芹菜，很爽口。 自家製XO醬西芹鮮淮山木耳 ($98) 餐廳用菇菌與辣椒自製素食XO醬，用來炒蔬菜，清新中帶點辛辣刺激。 是日甜品 今晚的甜品是奶凍，但我不吃奶，店員馬上為我換了熱情果啫喱，十分貼心，酸咪咪又有咬口，更合心意！

因為生日的朋友係素食者, 所以選擇素食餐廳, 雖然我唔係素食者, 不過出街食素的體驗都唔算少, 未試過咁難食!呢個價錢咁既食物質, 反映咗大部份去咗租金度而唔係食材上。細碟料少無味hea煮 - 一食就食得出 !! 而且一間素食餐廳做得好唔好, 調味係好重要, 比起葷食, 素食菜式可選用的調味較少, 廚師亦需要更有技巧調味... 好明顯呢間做唔到.. 後來先知原來朋友都係第一次黎, 唸住試下, 點知梗係一試無回頭, 朋友生日都要食埋D咁難食既野, 真係好唔開心!