TC2 (Tea Coffee Two) (Moved) New Location

星期日晚，我地班lomo友去左呢間cafe gathering。入到去見到紅黑色裝修再加上各種擺設好match好摩登,相信老闆design之人。閣樓空間可以容納20人(如果可以再大d就好),見到wall上d照片好靚,形同哂我地班愛拍攝既朋友。另外,服務員同老闆都好nice!食物方面,點左個set dinner1.包太硬,浸湯都唔識軟,,涼既,如果暖會更好食,2.salad醬夠,3.海鮮cream soup,料夠多,好好味!4.南瓜素菜長通粉,(青瓜粒好多左d)都唔錯至於飲品方面同其他cafe一樣..$108 埋單有咁既食物質素都ok!!有咁既space,又近mtr,同frd gathering真係唔錯!

同朋友慶祝生日, 地方唔大, 最岩朋友仔食飯, 可能無咩人, 上菜都好快呀, 而且味道唔錯丫, 最近從 openrice 找到 d 餐廳都 ok, 依間我都係上來找到架, 雖然之前有 common 話上菜要一個小時, 我相信只係特別情況即, 可能個次真係好多人, 今次係星期四, 所以唔算多人, 我都見到外國人去食, 食物份量岩女仔, 味道唔錯, 我地其中三個都食魚, 唔太咸, 無咩味精, 個老闆娘都好好人架 !唯獨是有個女 waitress, 我地訂晒台, 我朋友去到見到入面無咩人, 個 waitress 傻傻地咁叫我地坐門口位, 坐門口就唔駛訂台啦, 鬼咁熱, d 人出出入入, 好彩我朋友醒, 誓死唔坐, 如果唔係真係熱死 !

今日一次幫3個fd慶祝生日，大家都諗唔到食咩就去左TC2，其實都唔係第一次黎幫襯，之前有fd係度搞x'mas party~自己都食過幾次tea~佢d staff不嬲都幾nice，又會問下近期做咩咁少黎呀咁~對哩間cafe印象都唔錯。今日食飯都幾好，幫我地落單個女仔都好好~幾個未黎過ge fd都讚d野食ok~不過由於我之前趕住買禮物~唔記得買蛋糕，所以食到差唔多就出左去買，返到cafe個時問個女侍應可唔可以幫我雪住先....佢問返我"你做咩買蛋糕返黎呀?"(態度都幾惡下)我當時唔知俾咩反應佢....慶祝生日...食蛋糕....要點解釋好.....=.='''''跟住佢一路行入舖頭一路話....你咁我要收你切餅費ga wor~.....你應該問下我地先呀ma~我地都有蛋糕....(跟住就企左係我地張台隔離)再講差唔多ge野~(態度都幾惡下)跟住我問佢咁即係要幾錢，佢好惡咁話我地收$100ga~不過見你咁我地商量下先話你知!!我個下都幾尷尬....其實我無話唔俾....好多地方都收ga啦......你直接同我講....唔好意思，切蛋糕要收$100切餅費迷得lor。搞到我d fd以為有咩事..

今日夜晚7點半o黎左呢間cafe食晚飯, 我們大概7點9落單, 等到8點半都未上前菜同餐湯, 於是我們開始催促,服務員態度有禮地向我們解釋今晚人客較多, 所以等候時間較長,於是送了我們一些麵包可是我們等到8點9, 麵包才送上, 9點上前菜, 9點3上餐湯, 9點4上主菜....這兒食物味道和環境是不錯的, 雖然老闆送了我們甜品亦有向我們道歉, 但是一個小時才等到麵包, 一個半小時才等到主菜, 實在有點過分了.....

昔日的砵蘭街是煙花地,火山孝子,江湖中人之聚集地點.自朗豪坊的出現,無錯是重整了一點點秩序,但朗豪打後的地段,仍是老樣子.在近油麻地的一段砵蘭街,隱型鴨店,一樓一,麻雀館林立.中間竟然有間充滿著文化藝術氣息的"TC2 cafe workshop".在朗豪看罷電影之後,在場內打個轉看看其他食店,不出所料,大多食店的門外逼滿等入座的食客.沒有時間與其他人等餐死,便出走朗豪,去到砵蘭街的TC2.直行直入.不用等位.暗紅的燈光,挺有情調,同外面的豪情夜生活,簡直是兩個世界.書架上的書籍,大多是以文化,政治作為題材.同時也有一些免費索取,如樂施會推出的雜誌.在砵蘭街上說公平貿易?馬欖班馬夫一定睬你都有味.另外在書架上,有潮語咭等大家一面吃飯,一面學習.潮咭的內容,差不多全部都識,身為土生土長地道港仔,懂得說所謂的潮語並不出奇,沒有什麼值得大驚小怪.此店晚上主要是供應set dinner,我要個意粉餐,有頭盤,湯同主菜,友人是夜吃得比較清淡,只要個鴨胸沙律.頭盤是焗青口加沙律,青口上面的是茄膏,得出來的效果是茄膏還茄膏,青口還青口.而青口本身是沒有甚麼味道,當然,用本地貨.差不多矣,最好是用來豉椒

聖誕的dresscode party後一直不忘TC2, 但遲遲未有時間再去~ 是晚客人頗多, 老闆給我們「樓上雅座」另一個天地!!!! 很有家的感覺!不錯不錯!!!吃了泰式豬頸肉粉絲沙律, 很香很甜, 酸辣 但又開胃~最適合這個天氣!!主菜吃了意式香草焗活彫魚柳配墨西哥辣汁, 不錯不錯!!!! 好吃!!!!! 魚剛好不會over done, 而且配合面包「康」好香口, 但本人熱愛「汁」, 如果汁可以多一點便好了~~~但其實味道也夠, 配薯角也剛好, 熱氣得很~~~~hahaha, 好香口!!朋友吃 ,扒芝士火腿夾雞胸肉配香草忌廉汁, 雞肉包著火腿包成roll~~朋友們很欣賞心思和功夫! 而且味道不錯, 香香的, 配飯不錯~ 但意粉有點不夠熱。朋友細食, 雞roll 也吃不完, 其實一個set 夠飽~只是不要浪費食物幫朋友清理了一件雞roll~~~ 不錯~ 如果更熱會更可口。太飽吃不下甜品....朋友order了朱古力, 很有心思的在上面「刻」了TC2, 靚!!! 本人order了「熱情果冰紅茶」第一次是朋友order錯了「涷萍果綠茶」但waiter也很好人換了杯「熱情果紅茶」給我...

好難得在砵蘭街能找到一間這樣的餐廳，食品有一定水準，收費相宜，環境一流，無論是用餐或淺嘗一杯咖啡，都令人感覺舒適。最值得一讚是老闆娘親自泡製的甜品，布丁、芝士蛋糕、心太軟等，皆是水準之作﹗萬萬不能錯過﹗TC2 最與別不同的，是製造食品的那份心機與感情，以及開辦餐廳的理念。TC2不僅是餐廳，也是供有志從事藝術的人一個另類的表演及展覽場地，閣樓成為表演者的一片樂土。

早兩個月去過, 但只係飲野, 未試過食晚飯樓下裝修以紅黑色為主, 會播音樂, 適合傾計樓上別有洞天, 裝修非常舒適, 適合包場, 可容納大約15-25人左右老闆幾nice, 專登帶我們樓上參觀, 並說不想這裡變做劈場飲野就一般般~ 下次會試試set dinner

係旺角行完街同買完戰利品想搵間Cafe同朋友一路睇戰利品同食飯!見網上話幾好就去試下喇~龍蝦湯-->好似飲罐頭咁..仲好似有煮得耐左既"火農"味 -扒美國牛柳伴半生熟波蛋釀鵝肝-->牛柳"那"得太犀利..-

:上星期日，我在TC2和一班朋友開party，蔡式包羅萬有，其中我覺得最美味的是芝士蛋糕和雜果賓治。當然最令我推薦的是它別有洞天，在閣樓可以容納二十至三十人，大家舒適的躺在沙發上談談笑笑，享受美食，四個小時在不知不覺間過去。若想開party又沒有合適場地，不想花太多錢的話，這裡是一個很好的選擇。

聖誕前四周圍揾cafe諗住包場同一班朋友慶祝X'mas,所以去咗好多唔同嘅cafe食嘢同望望cafe嘅環境,去過好幾間食物質數好一般,有D甚至可以用難食嚟形容,環境方面有D個感覺好差,好舊、好骯髒,最後好開心可以揾到TC2 cafe,同朋友食過一次,試後就決定係TC2 cafe 包場開X'mas Party, 25Dec08開咗一個大約三十人嘅X'mas Party,當日全部朋友都讚食物質數一流而且cafe職員服務態度好好呢,最緊要嘅係收費相當合理呀~食物推介:芒果奶凍、蜜汁雞翼、焗海鮮飯,呢幾款嘢食朋友們食過後都讚不絕口

日期: 26-12-2008地點: TC2(旺角)時間: 7:00pm - 11:30pm今日約左11位中學同學係位於旺角的TC2開x'mas + dress code party~因為係假期, 好多地方價錢都唔平......所以選左價錢合理的TC2做我地今次ge主辦地~今日個x'mas set dinner都算ok~前菜 Appertizer:白汁三文魚酥皮袋 Creamy Salmon in Filo Basket 火雞雜菜沙律湯 Soup:龍蝦湯 Lobster Soup or 魚翅海鮮湯 Seafood Combo Soup**********************主菜(任選一款) Main Course(One of your Choice)扒美國牛柳伴半生熟波蛋釀鵝肝Grilled U.S. Tenderloin of Beef and Stuffed Poached Egg with Foie Gras聖誕火雞鮮橙蔬菜意大利米Christmas Turkey with Orange and Vegetable Risotto龍脷帶子卷配蟹籽菠菜忌廉汁Sole fish

聖誕拆禮物日約了一班瘋狂人仕去tc2開了一個假髮party~ 超瘋狂的一夜! 嘈爆全場! 老闆們非常好客受落, 不是跟我們一起合照, 笑談~又沒有趕客~ 很好的服務!!聖誕期間, 168大元的聖誕餐不易找啊!!! 價錢絕對是抵!!! 但可能人多order多的關係, 又或者只是我本人黑仔的關係, 食物有點點失望, 但絕對物有所值。先來一個火雞沙律!是我黑仔! salad菜是頭頭尾尾不太新鮮, 但朋友們都是大大碟的....><~但味道也不錯!湯不錯~龍蝦湯不錯!!! 主菜是芝士吞拿魚焗牛仔肉, 外皮有點over done, 但不失內裏牛仔肉仔不錯, 味道本人認為剛好, 但朋友的牛柳伴半生熟波蛋釀鵝肝, 牛有點難咬。龍脷帶子卷配蟹籽菠菜忌廉汁, 朋友說很不錯但喊了點~ 精選甜品很精彩!!! 是彊餅人+雪糕伴朱古力cake+紅莓"墓士"!!!! 只加20大元!!!! 這甜品物超所值!!!! 很喜歡朱古力cake不太甜又有點黑古力味~~~~正!!! 但我黑仔又是我黑仔!!!!!>< 朋友的雪糕都好好的, 只有我的溶掉了!!!!!><~~~~~紅莓很

11月25日去吃晚餐﹐已有幾個月沒去。可能是金融海嘯的關係﹐客人少了﹐但樂得優閑的我﹐反而更享受餐廳內舒適寬闊的空間和雅緻的裝修﹐可以邊吃晚餐﹐邊看書﹐跟老闆和店員聊天。點了一個香草羊仔脾晚餐。先吃前菜和喝義大利菜湯﹐做得不錯。像我一樣不喜歡吃得太鹹的人﹐一定覺得它味道剛好﹐能帶出材料的鮮味。香草羊仔脾配薯菜份量足﹐香草差不多佈滿三隻羊仔脾﹐很香口﹗但對我來說有點兒太鹹。薯菜是燙口的﹐剛炸起﹐好味﹗廚師很有心思配砌伴碟的配菜﹐賣相很好﹐可惜我沒帶相機。是晚座上客還有無線電視的節目主持人區X麟﹐餐廳老闆不愧為傳媒人。

到達門口時已被門面的裝修吸引著，加上略知有關店主的事跡，更增添對此店的吸引度。今天很旺場，不易找到空位，幸而能夠搭檯安坐下來。 我點了客煙鴨胸沙律及一杯椰香咖啡，可恨沒有帶備相機，不能將室內環境及食物攝下來與大家分享，暫且透過我的文字讓大家想像一下吧。牆身髹上的，不是令人熾熱刺眼的鮮紅，而是和暖的棗紅。內部不少傢俱均是木製的(其實我挺鍾情木製產品)，還有些中式裝飾及擺設，讓客人容易有安舒的感覺。煙鴨胸沙律的味道不錯，是達標的水準。我發現原來自己也很喜歡吃雜菜沙律，尤其加有紫色生菜的，當放進口裡嘴饞時，會慢慢滲出薄薄的胡椒香，很特別(可能只係我孤陋寡聞)。還有很喜歡這杯椰香咖啡，是頭一次試點的，吸了一口後在口腔內緩緩吞下，椰香慢慢滲透牙縫之間。椰汁的香滑與咖啡的香純非常配合，他們的數學公式是1+1>2。由於坐的位置與煮食的地方相近，故不時傳來陣陣優香，替我閱讀時提提神，若不是差不多到赴會時間，還不捨得離開。