TC2 (Tea Coffee Two) (Moved) New Location

之前睇食評好似幾 ok,咪打算試下..入到去, 有個長頭髮男人招呼我地坐低,俾 menu 我地,點知唔夠三分鐘,個長頭髮男人走過黎,話呢張枱有人 book 左,我以為佢想叫我地換過張枱啦,點知佢話而家無位俾我地,要出返去等 明知有 booking 就放個 reserve 牌出黎呀嘛,又係佢叫我地坐呢張枱既,坐低左又趕人走,都唔知點做生意既!!

以前成日去旺角食嘢都唔知砵蘭街咁多嘢食..通常見到有意粉咖啡又唔係貴我都會試,有次偶然見到TC2 Lee間鋪就入左去試跟住間唔時都會來食Lunch or TEA...因為又平又好食..最緊要飯後有杯啡...夠濃...唔錯..食過湯, 沙律, 飯同意粉- 全訠都好好食, 湯夠濃...夠味,意粉D汁都好正好似唔洗加一tim, 總之就抵食啦!會keep住幫襯

今晚又要諗晚飯食咩, 真係諗到頭都大埋, 泰國野越南野日本野上海野, 鐘意食嘅菜式樣樣都好似食完無耐,油尖旺區實在諗唔到想食咩…..今晚突如其來嘅idea不如去café, 行下行下就行到哩度…..繁華熱鬧,晚間紅黃燈高高掛嘅砵蘭街中,竟然會有一間別樹一格,門面裝修特別嘅café, 既然今晚目標係café,二話不說就入去啦~~~此café同旺角一般上樓café唔同, 唔見有客玩game, 只見大家都用餐中, 再望一望menu上嘅價錢, 比一般café價錢貴就猜想質素應該唔差, 對今餐嘅信心又大大提升(不只因為價錢,環境氣氛都要重要一環)!!!小小一間café,隨左提供數個set dinner供選擇,還照顧到二人的客人提供二人餐,感覺貼心~!眼看二人餐有前菜,有小食,有pizza,仲有主菜, 滿足各樣需要, 就order二人餐~~~~前菜係煙鴨胸沙律,份量絕對唔少,並唔係一般餐廳細細兜呼衍了事,而係一大盤~~煙鴨胸亦有5-6塊, 亦唔係薄切, 口感同火腿相似, 但無咩味…..不過係好有誠意嘅前菜~小食係一個唔記得左咩名嘅魚柳….哩個無特別…普通炸龍利柳配點沙律醬, 沙律醬激似M記魚柳包個醬

I would like to comment on the quality service of this restaurant. I was encouraged by my friend to visit this restaurant for its superb food, especially roasted mutton rack and beef cubes. The restaurant owner would chat with foreign eaters if they go alone, which i think is very sweet. The atmosphere is quite nice for couples as the lights are bit dim. Music is smoothing and comfortable. In short, food and service are terrific!

之前在雜誌看到有關TC2的訪問，已很想到這間別具特色的餐廳一試。星期日專程和朋友到此吃午飯，一試之下，果然沒令我們失望。午餐的餐牌有很多選擇，老闆娘推介香煎龍脷柳及和牛炒鳥冬，我們便點了這兩個餐。上菜時間很快，煎香了的龍脷柳配蕃茄醬真的十分美味，伴菜不是白烚的，也很美味，真係想添飯，和牛烏冬則稍咸。雖然主菜龍脷柳已經很回味，但整餐我最欣賞的，反而是忌廉湯，初時以為只是普通的粟米忌廉湯，原來是海鮮湯，濃稠適中，料雖然唔多，但味道十足，一定要試。餐飲的選擇也很多，還有我至愛的薑母茶。旺角區太多大型連鎖食肆，很難找到像TC2那麼有特色的餐廳。

21 號晚為左幫3位朋友慶祝生日咁就好頭痛搵邊間cafe 搞生日我又好怕去d 求求其其既cafe 最後 我地一行14人就決定係tc2包哂成個閣樓黎玩裝修都好舒服 好有屋企feel同私人而且設備齊全又有電腦又有projector所有員工既服務態度都好好食物都好有水準特別係個蒜蓉包+忌廉汁同個木康布甸最好係可以refill !!!!包場party or dinner絕對係好選擇,下次我都一定會再黎因為係旺角真係比較少le 類坐得舒服,食物又好食既cafe仲有 老闆真係好nice

尋晚我地黎呢度包場搞annual dinner。成個閣樓比我地包曬...仲可以玩到勁夜!d野食好好味...推介既有.. new york cheesecake baked potato skin. 自問平時唔鍾意食薯皮, 但係佢地真係整得好好食...佢地仲好好咁用個盤heat 住d野食...所以我地全晚都有熱野食....呢樣野真係好過好多旺角既cafe呀~老闆好好人同埋好好傾....d staff既service都好好....我地都決定下次有gathering都會再黎呢度!!!

沒有預早訂枱count down, 只在下午時間問問, 希望有意外驚起.晚上十時左右收到老闆的電話, 告訴我們有位會到嗎? Sure~ 這一刻, 我們正煩著到那裡倒數好! 就到TC2 享受溫馨除夕夜.入到TC2 cafe內, 深深感受到一家人的感覺, 老闆之一的哥哥, 好熱情的招待我們, 還問我們吃了晚餐沒有? 而另一位老闆表妹, 也來與我們打招呼和傾偈, 真的很像回家了 我們拿著menu叫什麼飲品好呢? 正討論到什麼花茶的味道, 老闆好細心, 他立即拿來一盒花茶 "sample"給我們研究, 哈哈! 雖然我們仍然不太了解什麼味道, 但都點了"非洲花茶"試試.一壺花茶 + 蜜糖, 足有四杯慢慢嘆, 入口甘香, 好relax呢!最驚喜的事一定要提提呢! 10... 9 ... 8... count down ... Happy New Year 2010, 全TC2 同人和大家一同倒數! 好熱鬧的場面.2010年第一杯order的飲品, 朱古力咖啡, 嘩! 好開心呀! 好靚呀!!! 好有氣氛呢!多謝TC2帶給我們一個難忘的除夕夜!

之前看食評有很多笑面，決定訂位一試！平安夜同老婆睇完戲，步行來到約十點。點了兩個聖誕餐：冷盤聖誕燒火雞配金巴利汁油醋雜菜沙律蟹肉牛油果他他（不過不失）魚翅海鮮湯（比中式獻汁還要杰）前菜芝士蒜茸焗海蝦（全晚最好味）主菜扒海鮮配米蘭意大利飯（米不是意大利米，海鮮全是雪藏貨，加茄膏煮至像泡飯般）奇尊三文配鮮橙汁（三文魚正常，但加上比中式西檸雞還要杰的獻汁，還有比薯蓉還要淋的薯角）甜品一客芒果布甸，一客木糠布甸（正常）本人祗懂開火將食物煮熟，對食物有要求卻不致於挑剔，但每位二百三十八元（未計加一），主菜水準卻連茶餐廳也不如，做廚師也好，辦食肆也好，也要過得自己過得人。有沒有用心，食客是吃得出的，希望有心辦就用心辦吧！

好日都唔會行旺角，嫌太多人，更絕少行砵籣街 (除了去朗豪坊)。前幾個禮拜，本來去旺角個客度開會，個客告訴我正在TC2下午茶，叫我join埋佢一齊。本來我係尖咀一族，以為旺角茶餐廳，肯定冇好嘢，尤其位處砵籣街，我真係有D驚，個客叫到就冇辦法。一入到TC2，便發覺這餐廳很有文化氣息，有些文藝書藉，有點像台灣式十分文藝嘅吃茶店，好有 feel，人也不算多，也算安靜，對我來說，簡直就係旺角中的清泉。除了正規餐枱外，也有一角落設有兩、三梳化，最適合幾個朋友 relax 飲嘢傾計。說到食物，質素以致食具，都可以媲美四、五星酒店，包括它的飲料也很有水準，例如榛子咖啡。跟個客吃過下午茶後，我即刻愛上這間餐廳，先後來過幾次，吃過它的午、晚餐和下午茶，每一次都相當滿意。有一、兩次，更因為想去TC2而去旺角。加上它的價錢也相當大眾化，尤其是下午茶，絕對係超值。

book左xmas party呢度攪, 鍾意呢度閣樓夠private同埋homey feel, 同埋好討厭登x士廣場或高x大廈d café, 等lift等死你。好, 朋友一行9人今晚黎左試菜, 叫左Appetizer:煙三文魚沙律瑞士雞翼 << 入味同唔會”鞋” 鴛鴦汁焗薯皮吉列芝士配他他汁 <<如果鍾意cheese, this is 焗青口 TC2 Pizza <<如果可以大size D更好芝士焗西蘭花芝士焗墨西哥粟米片配香辣汁 <<個sauce超好味Main course:寶雲蘇羊架 << 幾好豬仔骨 <<好鍾意個saucePasta: <<全部意粉都好好食 大蝦天使面芝士煙肉蛋汁意粉 肉醬意粉 <<好食到即場encoreDessert: 焦糖燉蛋 <<好味, party會encoreTC2朱古力心太軟 << 好勁, 朱古力漿湧出黎, 好味紐約(

公司為左同班勞苦功高的毅行者攪個party, 在1日前在confirm了這個場地和menu.menu如下:Welcome drink – fruit punch < 例牌什果罐頭+橙汽水, 味道ok, 不過每人只有約1杯, 如果可以多一點就好了.田園沙律 < 菜好新鮮, 得!照燒雞扒 < 好味, 外脆內軟!扎肉腸焗意粉 < 扎肉腸似火腿多d, 多黑椒, 幾好味!焗海鮮飯 < 有芝士所以我無食,不過d同事清得好快!秘製雞翼 < 好味, 唔太鹹!咖啡或茶 < 1人1杯, 咖啡好好飲!total $1500, 夠30個人食, 有refill添!結果,我地有26個人去, 所以野食當然夠啦! 而且樓上包場的地方真係坐得好舒服, 有home feel!仲有projector可以駁電腦出片, 仲有無線咪. 設備都算齊, 公司function最o岩.我地都好識做, 叫佢地12:15p左右就可以拎食物上來, 佢地就熱住先. 咁又唔會阻佢地做午市, 佢地午市都幾忙ga!最有特式係後來叫啡茶, 老闆娘叫我地用張紙寫低人名和要飲什麼, 初時我地都奇怪,

TC的大日子，一生中最“2”的一天漏漏非常“應景”的選了TC2這間cafe，暖暖的紅色裝修格調，清新質樸的書卷氣息，自成一體的“情侶位”，被老板戲稱為“道具”的幽幽燭光，當然，還有可圈可點的食物質素。上菜順序有點混亂，不過無所謂啦，好吃就得！兩個人分享了一份豐富的精選晚市套餐，再單點幾個小食與甜品。田園沙律：以為跟餐的沙律只是幾根菜葉敷衍了事，沒想到店家卻頗為用心呢，新鮮爽脆的各色時蔬，混合均勻的沙律醬，是個健康的起始。TC2的小食水準了得，滿足了漏漏對肥胖食品的需求叫了脆口熱辣辣的炸芝士，內里芝士半融而飽滿，芝味香濃，點上味道厚重的他他醬，份量再多也不在話下。TC2薄餅：以店名命名一定有點名堂，果不其然，薄餅餡由他他醬、火腿粒和芝士組成，雖肥膩卻格外香口，算是在承受范圍之內；更讚的是薄餅外皮，真是很愛這熱騰騰又脆卜卜的丹麥酥皮呀。細細一張餅，漏漏食落兩塊后也要小飽一陣。湯就揀了相對輕怡的雜菜湯，頗有意大利風味的，不過入面的辣椒勁了點，把漏漏和TC都小嗆了一下…隨后餐包來了…蒜蓉包烤得過硬了，沒有達到外圍脆口、入面暖卻鬆軟的境界。主菜寶雲蘇羊架很出色：羊架外層裹滿充滿牛油蒜香的麵包渣，

跟朋友一行15人去食飯其實自己都有少少唔o岩果日先黎打電話book枱好在有位但去到果陣先發現佢地落錯booking原來我去果個時段已經有人book左枱o岩o岩遇著剛剛大家都係15人老闆查過後才發現落錯了booking原本我們一行人都有點不滿但老闆已經主動向我們道歉並主動提出下一次7折優惠後來更加聲明晚一點有位置時可以免費招待幸好,我們一行人也找到另一家cafe進餐(但因為臨時去, 15人坐到好逼)然後老闆也兌現承諾免費招待我地都算識做攞個意頭象徵式比返個數老闆臨走前跟老闆聊了幾句

餐廳裝潢盡顯文化氣派, 廳中央的二人桌子格局像走進了一個小洞子, 是老闆說的情侶座位, 最適合情侶撐檯腳, 侍應亦很"識做", 不會全程監視著你享受二人世界!今天下午特地與朋友到來, 為了給朋友一個驚喜, 特別聯絡了老闆訂了一個生日甜品, 老闆的心思, 真的留下窩心的感覺. 我們點了下午茶餐~ 吉列吞拿魚沙律卷, 先把麵包卷上吞拿魚再炸至金黃色, 食得出是即點即炸, 故能做到香脆可口, 外皮金黃香脆賣相吸引, 食時沾少許沙律醬,味道更好味! 生日甜品是今餐的主角, 特別送給朋友的禮物, TC2朱古力心太軟, 老闆能掌握火候與烘焗時間, 製成的心太軟朱古力旦糕外皮脆身而中心流心, 濃濃的朱古力, 正是朋友的至愛. 老闆還特地為朋友寫上Happy Birthday, 盡顯老闆的細心.如果閣下正在煩著為朋友的生日飯而煩惱, 可以考慮TC2吧! 推介這裡的心太軟! 不錯的甜品呢! 向TC2說是生日, 他們會為你送上小心意 “Happy Birthday”, 情侶還可以訂這個情侶坐位, 盡情享受一頓TC2的美味!