Te Quick Pasta & Herb Tea (Closed)

今日第一次去megabox, 見到foodcourt 好多人, 本來心目中有拉麵同意粉揀, 而bf又未試過, 見te 有位, 所以一試. 之前係中環試過佢地既食物, 簡直一流, 果度都係即叫即煮,但由菲律賓人做廚,由外國人管理,所以非常不錯, 仲以為megabox 仲可以做到水準, 點知......1. 意粉較硬2. 蕃茄汁底偏酸同好稀/太多汁,完全唔似pesto sauce會鎖住意粉既效果, 3. 份量偏少可能megabox 人流多啦,質素都相對差, 我見廚房/水吧/侍應都係20多歲的年青人, 真係似請暑期工多, 食落d 意粉仲以為自己去左大家樂, 俾呢個價錢食呢d 野, 我真係好想megabox 開mcdonald 算了

我係超級Harry Potter迷，一早叫男友訂購IMAX 3D版的戲票。離開場尚有時間，於是便在樓下的Food Court閒逛。Food Court人龍處處，唯獨Te人丁稀少，不過見有位坐，於是我倆便在這裡落脚。點了$65元的虎蝦蕃茄意粉，價錢頗貴、份量偏細、意粉對男友來說太硬、虎蝦很爽但無味兼細隻、茄汁夠fresh，整體上不值這價錢。服務員態道好，但地板清潔方面則要多加注意，枱底下不難見到意粉的踪跡，Te又不是茶餐廳，又不是客似雲來，這情況恕我倆不能接受。

星期六又係成日都要留係公司, 所以傻鬼來九龍灣同我食飯...大家都未去過mega box, 所以決定中午來此試下...無咩目的之下去左food court試下此店既意粉.其實之前係中環都話想試下, 見mega box內有就試下啦..2個人叫左個香草油松子意粉+凍檸茶及茄子肉醬意粉+light coke...其實味道真係麻麻...d意粉對我地有點兒硬..味道都好一般唔值$65一個啦...仲有服務都係麻麻, 有位小姐竟然有手將d麵包放係d意粉度..服務員太似summer job既人啦一d都唔太專業

去開睇戲見時間無多，所以選了這間，叫咗個香蒜蜆肉意粉，落單無耐就有意粉食，d蜆肉都比預期多，不過有好多汁，唔夠乾，到食完個意粉還有汁剩，個價錢都唔平，這個餐包一杯飲品都要$65．

1, 就係尋日超多人, 仲走去Megabox同人迫2, 就係講o左好耐要幫襯o既Te. 之前行過去銅鑼灣o個間, 都係去到門口就算, 今次終於試到了!講番o野食, 尋日去到Te, 唔駛點等位已經有得坐低, 我女朋友要o左茄子蕃茄意粉, 我要o左我最like o既香蒜蜆肉意粉. 試o左少少女朋友o個于碟, 唔太酸, 味道o岩o岩好. 到我o既蜆肉意粉出場lu.... 比想像中多蜆, 好有鮮味, 意粉算係乾身, 唔太油, 可能我比較鐘意硬身o既o野, 所以覺得好正. 至於份量就o岩o岩好. 夠飽o既.讚完之後就有少少批評, 清水都冇杯俾客人飲, 唔通好貴? 侍應周圍大聲叫號碼, 攪到好嘈好唔舒服.可能仲係新開張, 所有食具都好新淨, 唔錯唔錯.

昨日雖明知人多都去Ｍegabox迫。泊低架車迫到去十樓(最多嘢食嘅樓層)已經係四點，因為趕住睇戲，要快快搞掂這遅來的午餐，於是就去食我至愛嘅Te，因為夠快嘛。是日我要了我至愛的蒜海蜆意粉(蜆仍然夠鮮，汁仍然好味)，男友要了茄汁虎蝦意粉(茄汁夠濃，唔算甜，幾好；蝦雖然唔係好大隻，不過都好味)。每客65蚊包嘢飲。我雖然愛食Te嘅意粉，不過一向都只係食海港城food court嗰間。同海港城嗰間比，呢間都一樣咁好食，不同之處係呢間喺cashier落完order之後有人送上食物；呢間啲味道好似濃少少；意粉比較乾身(即冇咁多汁)；塊麵包好似薄少少。值得一讚係service好唔錯，員工都係後生仔後生女，不過反應快，仲會主動問食物到齊未，雖然昨日好多人好忙，不過服務都唔錯。