Te Quick Pasta & Herb Tea (Closed)

今日中午1:30行完IKEA, 走左上10樓food hall買外賣返去同男朋友食. Food hall差唔多每間舖頭都full晒, 係d間得2個人係度食. 叫左一個Cabonara, 一個虎蝦(忌廉汁), 每個$69, 各包一杯野飲, 我就叫左2杯凍檸水, 外賣各加$1, 今日中午total $131. TE的賣點就係好快就會煮好意粉, 又真係幾快, 幾分鐘內店員就包好2個外賣俾我啦. 味道就一般啦, 唔係特別好食, 比較漏(可能係忌廉汁啦), 料亦比較少, Cabonara得3-4小片煙肉, 而虎蝦意粉....就得5隻蝦仔, 唔似虎蝦bor... 差唔多$70一個意粉, 料真係應該多少少啦!未必有下次啦!

看到上則食評,想為小店平反幾個月前去看愛麗斯夢遊仙境,發現此店megabox太多野食, 選左好耐,經過冰場food court精於煮意菜,特別是意粉的男友聞到味道就說這間是好野。初時我覺得food cort邊有好野食,唔太想去的。已忘記當天叫了什麼,應是2個set一個白汁,一個茄汁, 一個應是白汁和蜆。意粉很有咬口,有天然的香味,也煮得剛好,真想不到店員看似兼煮意粉都有水準蜆好新鮮,質素好高, 是我們買回家煮用的蜆的質素汁不太多,都掛在意粉上了配的包不錯但不算特別飲品就差d了點解會覺得這間店好呢?因為用料認真,好少小店做到我男友很少會讚店的意粉,我也很少讚的可惜是個地點,我之後都沒去過megabox了,如有分店一定再食

這間意粉專門店是從日本引來的，在東京六本木就設有本店。雖然未有機會在日本本店一試，很多人都會知道日本料理的平均水準也是偏高。今天這一餐可以說是抱著很大的期望去嚐試。全白色的裝潢令人感覺很舒服很和諧，亦富有日本的風味。沙發配上光滑面的餐桌，本來也是一個完美的配搭，但骯髒的地板和沙發卻沒有被清理中的店員理會，再請他來的時候態度又不太良好，需要改進。蒜茸包烘得香脆，蒜茸味適中但又不太濃郁。可讚之處就是麵包都沒有硬韌的感覺，而且十分可口。意粉意粉彈牙但不太煙韌，整體尚算合格。而且意粉並未有像一般的又碎又斷，用叉捲起就會可以拉到很長。意粉很幼身，很乎合我的口味。而且炒得很乾身，沒有濕淋淋的感覺。本菇煙肉忌廉汁意粉每一小顆菇的大小都好平均，但略嫌太小。菇菌煙煙韌韌，幾有口感。煙肉則有點鹹味，吃起來又出奇地香口。另外，雖然表面鋪著一層薄薄的忌廉汁，但就吃不出忌廉的味道，只有意粉本身的味道。日式明太子忌廉汁意粉是最好的一碟意粉。明太子份量很豐厚，而且本身一點辣也不吃得的我也覺得這裡的明太子有不錯的水準，雖然真的有一點兒辣。忌廉汁味亦屬偏淡，不過仍然能吃得出忌廉汁的味道。季節野菜茄汁意粉有矮瓜丶紅，黃椒

今日去了MegaBox食午餐，一個人冇乜選擇，於是去了Te食意粉。其實我已經食過呢間Te三幾次，覺得幾唔錯，可以推介一下。我今日食了海蜆乾蒜橄欖油炒意粉，首先意粉煮得幾好，只覺得軟，唔會覺得腍，我一向都不喜歡腍意粉，幾好幾好！其次係意粉用橄欖油炒，沒有太多汁，食後不會有飽滯的感覺，好合我口味。此外，一碟意粉有十多隻蜆，分量不太多但十分足夠。唯一缺點是有些蜆有沙，扣了些分。價錢是$68，稍微貴了一些，如果可平$10就完美了。

去Megabox睇戲, 所以係到食飯.. 成個Food court都好多人囉..最終入左T e 食飯.. 同男朋友兩個人點左..白汁煙肉意粉.. (U餐) + 凍檸茶 - 呢個即係Carbonara Speghetti ($58)白汁海鮮意粉 + 凍檸茶 - 海鮮好新鮮.. 個白汁都好好味阿.. 意粉夠彈牙, 仲有個蒜容包係面.. 好Tasty! ($68)係Megabox食到咁有質素既餐廳都唔錯..而且上菜夠快.. 又坐得舒服.. 值得再去食!

一百幾十蚊碟意粉,大把餐廳係呢D價,但主攻係中產,megabox係大但冇料,要在這裏發圍太難.68蚊一餐,點了個海鮮茄汁意粉,等左幾分鐘就有,意粉屬幼身有少許煙韌,此仍意大利人的風味,食慣港式淋支支意粉的應不太開胃....我估計意粉用高速煲快速煮熟的,食時真係好熱辣辣,茄汁味道得宜但水份控制有待改進配料難得新鮮冇乜雪味,亦足料蒜茸多士脆口,只要係即叫即烘想差都幾難.凍啡普通.彈:餐牌上價錢可否減D?必勝客35蚊常餐飽過你.或可以送/加少少錢加個餐湯?或set D下午茶餐,三點鐘去到空無一人,大部分人一見餐牌即走....但其實大家想試下都無妨:2人去,叫意粉加大,共享一杯飲料/一個叫水,要多2隻碟,意粉每人一半,平均都唔駛45蚊,當食tea既分量亦可滿足

同女友來行街,最後簡o左呢間店食意粉,來果時冇乜人,都幾舒服,又可以一路食一路睇人溜冰,都唔錯!佢d意粉係真係比其他店o既硬同煙韌一d ga,有別於一般o既日式cafe同意式o既餐廳,都幾特別!佢個白汁真菇煙肉意粉,除d意粉之外都好一般可以不理,反而果個茄汁蝦意粉就可以一試啦,d茄汁都幾好,蝦都算爽口!總括來講,呢間店都可以一試,價錢都算ok啦!

第一次食呢間餐廳, 環境幾好, 白色傢俱, 我鐘意, 都好乾淨. 不過入到去無乜人, 下午午餐時間, 應該滿座架. 點解? 我叫了一個set, 茄汁牛肉茄子意粉+餐飲. 好快, 5分鐘內啲食物已經到左. 意粉煮得唔錯, 不会太淋, 有咬感. 牛肉配茄子的汁也恰到好處, 整体我覺得係中上水準. 只係如果以午餐, 又無services, 要自己買"非", 份量又唔係太大, $68/Set, 貴左啲啦!

這間「快餐店」標榜的是用短時間炮製高質素的意粉。當日逛街經過，眼見兩旁的壽司店和廉價拉麵店擠滿人，偏偏這裡店內空無一人，於是就一試這裡。先買食物，然後拿號碼坐下，服務員很快便親自端上食物。各點了海蜆橄欖油辣蒜意粉 ($68) 加大 ($20) 和茄子煙肉茄汁意粉 ($58)。(包飲品)意粉屬幼身，麵質較硬但我很喜歡，很有咬口亦爽，只煮了2分鐘但沒有影響質素。同時意粉亦炒得入味，雖然蜆有些少沙，但整碟意粉絕對是快得來出色之作。加大後之份量足夠男仔飽肚。仍由於環境是全白色主題，給我很簡潔的感覺，同樣是很喜歡。進食途中眼見很多人進來看了餐牌便離去，看出兩大原因︰一是立即過去旁邊廉價拉麵店逼搵位，應該是他們覺得這裡太貴(相對地)﹔二是立即過去隔黎壽司店等位，我聽到原因是他們以為這裡要自己捧野食。他們是應該給予有質素的店子一個機會的。

笫一次寫食評, 但真係要讚一讚呢一間te嘅意粉...我係o係中環番工, 成日都會幫襯中環個間te, 但可能因為lunch time, 所以成日都會好迫, 但琴日o係九龍灣嘅mega box就冇呢個情況. 坐都坐得舒服d...琴日叫左個香草汁松子意粉, 我朋友就食日式明太子, 佢地d意粉真係唔同出面, 同意x屋真係冇得比, te個d比較彈牙, 出面個d好多都唔係"淋"得濟, 就硬得濟, 最好嘅就係我o係中環個張十送一嘅優惠card呢度都用得(今日岩岩儲齊10個), 聽日可以食個免費lunch 唯一唔好就係mega box比較遠, 但d員工都ok, 同中環o個間一樣咁nice

論食物好味道而言,很有日式意粉風味-意粉比一般硬,汁濃.試菜: 煙肉蛋汁意粉-蛋汁濃厚,味道ok; 蜆肉意粉-炒得尚算乾身,頗香價錢: 徧貴,$55一個意粉加一杯飲品份量: 正常服務: 差...本身食物質素不錯,但當小弟買意粉時,居然全店員工都在...玩nds!!!

我地行到超累..咪是但依到坐底食野..附近d 餐廳都爆哂,偏偏依間好多位..可能價錢唔夠平民化個地方好簡潔, 全店都係白色...我叫左個Siciliana餐飲一杯野飲...可能偏愛硬意粉,所以覺得幾好味, 份量都唔算小,

佢哋o既menu只有十多種意粉，但我今日去食lunch時，居然有4個sold out!!我叫了茄汁海鮮意粉，老公則叫了牛肉碎茄子意粉。意粉不錯，不會太稔。但醬汁就麻麻地。價錢亦偏貴。

晚上到mega box, 經個呢間"te"，見食物相頭幾好，價錢雖然貴，但都想試一試!兩個人，點了兩個意粉!一個係茄汁意粉一個係煙肉意粉共$100.00 (睇下妳有幾好味?)嘩...係就係好快上菜，但係碟意粉d 餸少到得幾塊only!意粉本身又唔係特別多或特別好味!最離鋪的係，負責拎野食黎果兩位小姐的其中一個，居然o係度玩腳板，又唔洗手, crazy! 食一次夠了!

和男友在九龍灣逛了三個商場，最終在mega box食dinner。我愛食pasta，毫無疑問當然首選這一間!我點的是明太子忌廉汁意粉，男友點了茄汁煙肉意粉，各配檸茶、檸水、蒜蓉包。明太子忌廉汁意粉︰每一條意粉都佈滿了明太子，加上忌廉汁很好味。但是我覺得意粉有點硬呢。蒜蓉包脆脆的，蠻好吃。茄汁煙肉意粉︰普通的茄汁意粉，配料和醬汁都不太特別。份量不算少，一定夠飽的。檸茶、檸水的檸檬應該不差，味道很好。真的有點兒貴，試一次也可以。