TEA HUB (Closed)

Tea Hub位於長沙灣保安道街市附近，簡約清新的裝潢與外面的老街相映成趣，特別顯眼。餐廳以白色為主調，相當清雅簡約，非常舒適。有別於一般餐廳，Tea Hub裡面還有社區展覽，以及一個幫助同路人的義賣角落，特別溫暖、特別有人情味。餐廳食物以茶入饌，無論主食、甜品、飲品都不失「茶」的元素。Tea Hub以茶味戚風蛋糕最出名，不少人專程來外賣帶走。蛋糕口味每日不同，限量發售，周末黃昏時段已經全部售罄，建議下午前要就要下單了～【玫瑰烏龍冷泡茶】玫瑰烏龍甜香濃郁，烏龍茶入口時先帶有玫瑰的甜味，然後烏龍茶的回甘慢慢湧現，整體卻比熱泡更多添一份清甜。【照燒蛋包飯】鰻魚蛋包飯用上完整半條鰻魚鋪在蛋汁滿溢的蛋包飯上，賣相與味道兼具。另外配菜也非常吸引，以比較西式的方法烹調，烤香的蔬菜份外鮮甜，香味突出，配上日式鰻魚飯別有一番風味。【黑松露牛肝菌扁意粉】牛肝菌香氣樸鼻，加上黑松露醬和忌廉令醬汁更加豐厚濃郁。菇菌中和了忌廉汁的負擔感，味道更加平衡。

見佢啲cake 好靚，終於黎到啦！飯後甜品！。碟豆花伯爵茶捲蛋💐第一啖就試上面嘅cream，佢嘅味道好清新，伯爵茶味好快就岀。藍色嘅蛋糕身甜度啱啱好。（最近有食Jen Jen 嘅捲蛋，自覺哩個更清新，更light ！）。焗伯爵茶芝士蛋糕🍰蛋糕細細，但好結實，芝士味好濃，但茶味就無咁岀到。好彩佢細件，如果唔係應該會太「漏」！。一個陰天嘅星期六1230左右黎，啱啱滿左，等左30分鐘左右有位。@teahub439

不嬲都好支持黃店但黃得黎都要有番咁上下質素先有回頭客.. 呢日經過長沙灣，見到呢間teahub 咁多人同埋係黃店就想試下其實我都係叫左杯野飲... 但落完單個刻計起我都等左35分鐘.....................杯野飲黎到都幾失望，我叫左蘋果花紅茶... 老實講同酒樓飲到個d普通茶都冇乜分別，我覺得呢幾十分鐘都白白浪費左....................仲有幾十蚊..............

💛深水埗文青café 💛佢地Earl grey Chiffon Cake好好味！入面仲有好多cream，一次過滿足哂鍾意食cream 同Chiffon Cake ge我。不過最爭同人share，一件份量太大！

“Teahub 🍵” 🌟🌟🌟🌟/5💛💛黃店💛💛一向都對茶類既野好鍾情🥰依間bookmark左好耐 想試佢既chiffon🍰🤤🔻茶漬飯配柚子雞翼·和風南瓜 🎃 ($82) 🌟🌟🌟簡單但好食😋首先要讚係🎃😍南瓜烤得軟糯🥰外層好似塗左🍯咁 甜甜的🥰 柚子雞翼就好香柚子味🤤少酸偏甜😋不過雞翼可以再醃得入味d🙈茶漬飯清清淡淡 帶點點綠茶既清香🥰🔻明太子大蝦意粉 🍝 ($90) 🌟🌟🌟明太子忌廉醬好creamy😋扁意粉彈牙🤤🍝內有大量雜菌 口感豐富😋🦐就正正常常啦🙈配埋烤乾既蓮藕片 灑左dd飯素/蒜鹽好好味😋🔻泰式奶茶戚風蛋糕🎂 ($55)無論蛋糕體定cream都好濃泰式奶茶味🤤蛋糕體非常濕潤鬆軟💯好想知點焗可以咁完美💯不過cream膩左少少 同得表面有奶茶cream🥺中間只係普通既cream☹️🔻抹茶鮮奶 🍵(+$9) 🌟🌟🌟教埋你點抹茶打泡 好正😍抹茶味超濃🥰🥛先打到起泡☁️倒埋抹茶落去 微甜 岩我😛🔻瑪薩拉朱古力 🍫(+$10)飲第一啖帶點點辣味🌶之後係濃濃既🍫味飲落都幾滑🥰飲極都仲係好濃🤤💁🏻‍♀️定價有d高 平日去食lunch 有set會抵dd🤔

Weekend來到深水埗，同朋友一齊試食呢間想去好耐既teahub 🥰🥰🥰🥰🥰🥰🥰🥰🥰排隊等位都要幾耐下，無計店紅～～叫左3樣野食，個cake好香，好軟，裡面滿晒cream，好滿足🥰🥰🥰🥰🥰🥰一定要食，主打個waffle就普通左d, 乾左d ，可以唔試最後呢個鰻魚旦包飯 都唔錯，又夠飽肚，菜同薯粒都幾好，非常滿足👍👍👍👍👍👍👍👍👍👍呢間野岩哂couple情侶拍拖～～～

1.普洱朱古力戚風蛋糕（$55）話說朋友生日，臨急臨忙既約會訂唔切黃店蛋糕，不過就算買一個mini cake都係要幫襯黃店既。普洱朱古力兩樣野合埋好似好奇怪咁，不過抱住試伏心態，就買左呢件。食既時候大有驚喜！戚風蛋糕體係鬆軟，偏乾身，食落有好淡既朱古力味，唔算好驚為天人。咁驚喜既位係咩呢？驚喜在個醬！放入口第一啖既時候冇咩感覺，但吞左次後，d普洱味開始出黎，食多兩啖，就成個口都係好濃既普洱味，不過茶味始終都係比較清清地，食落冇話好甜好膩既感覺，表面果dd朱古力醬反而補足左個甜味，少甜人表示呢個甜度不錯

今日就同大家介紹下一間位於長沙灣既文青Cafe，呢間Cafe位於元州邨附近，雖然餐廳附近都係街市檔口，有點格格不入，但入到去環境都算靜，坐得都算舒服😌。餐廳純白色門口，同周遭環境有大對比！我同朋友一人叫左兩個輕食share！第一個蛋包飯真非常吸引😍😍！條鰻魚雖然唔太厚身但好好好長！蛋煮到有點蛋汁，口感有點濕但味道豐富又甜滑，旁邊既伴菜都輕輕炸過，都幾香口，即使係偏食既你都會愛上佢！醬汁方面，鰻魚汁非常多！足夠你配埋飯一齊食！茶漬飯有點失望🙍‍♂️！飯係用左用咗泰國/越南米，每一粒飯都唔會吸收湯汁，而口感較差，食落容易斷，用嚟做茶漬飯有點唔太夾！另外，茶🍵味道有點特別，味道主要偏鹹，但都味道上都還可以。不過配茶漬飯既南瓜🎃同雞翼整得幾好味😋！南瓜炸到幾脆身，味道甜甜的，好容易入口！另外雞翼用上柚子醬，腌得好入味，食落好清新！另外，餐廳還有其他出名茶味戚風蛋糕。整體而言，食物質素都唔差，每道小食配菜都見到店舖落足心機！大家可以嚟試下佢地既蛋糕同野食！

6點鐘係附近食完晚飯想食甜品發現附近大部分都係中式糖水同藍店咁岩係個App度搵到Tea Hub有蛋糕呀窩夫食見冇乜人排隊就行左入去點餐係要行出去先付款揀左高枱坐張枱有少少癡粒粒仲有少少餅碎要留意返然後個Menu係一啲類似文宣黎點左唯一一個泰式奶茶戚風蛋糕好似淨返一個佢好似每日都有唔同款係收銀個個位會有塊白板寫住當日款式個蛋糕唔算好甜都幾好食中間個Cream都好有茶味加左18蚊要個蜜糖茉莉綠茶雪糕都好香茉莉茶味兩樣一齊食岩岩好～個薄荷柚子茉莉綠茶都好好飲不過個薄荷飲落去冇個種會令人精神爽利既感覺即係唔似食完Eclipse咁佢淨係得個味但就同柚子茉莉綠茶好夾可能會有人唔太鐘意呢種味因為有少少甘甘地苦苦地最後106蚊埋單～會再黎多次試下個主菜✌🏻

戚風蛋糕好食野飲唔掂 咖啡果茶好難飲服務唔掂嗌左個green tea latte， 話要等耐少少，冇問題，到我蛋糕就食哂都未黎，再問就語氣勁唔耐煩咁話 ，都話要等耐少少！跟住比我聽到佢地同事話唔夠杯，我就問係咪要有人飲哂先有杯比到我，佢地先話係，洗唔洗轉其他野飲，我個時都食哂預備走人啦，最後就揀退錢仲有就係所有店員既口罩都除下戴下咁，唔知做乜

好癲啊，我哋入座時差不多4點，都仲好多人排隊樓面完全唔夠人，不過職員好快手，亦好有禮貌，上菜速度亦好快點咗招牌滑蛋鰻魚飯，滑蛋好滑好蛋，鰻魚細條咗d，側邊伴碟果d青紅椒同薯仔咁好味嘅🥰，呢個果然係招牌啊忌廉大蝦意粉，個汁真係冇乜味播，搞搞佢好播鮮奶抹茶，有個刷，有得玩下咁蝶豆花伯爵茶捲蛋，食到蝶豆花味，又食到伯爵茶忌廉，捲蛋軟熟，呢個幾好蘋果芝士蛋糕，中間有蘋果肉芝士味香濃，口感綿滑，唔錯，不過甜咗少少奶黃牛角酥，擺盤幾靚，但個牛角包完全fail, 急凍牛角包加pat奶黃係上面，我唔識欣賞總括嚟講價錢算抵食，ok 啦不過侍應得一個，仲要做埋收銀，四點幾仲不停有新客入嚟，應該連飯都未食，因為見到佢好陰公咁拎住碟沙律襯冇人為意食左幾啖，請人啦師兄

Bookmark TEA HUB 已久，一直都想去佢嘅 白色bar檯位打卡，同埋試下佢地嘅茶品💛果然一開門已經坐滿左半間店，建議想霸位打卡嘅朋友一定要開門前到，或者揀平日黎🙈如果唔係真係有排等🙊餐廳走文青路線，簡約清新，主食選擇唔算多，不過茶類飲品就好特別，仲有啲期間限定嘅飲品menu，今次黎到一於試埋。先介紹飲品🥤400+1 (special menu)係近期好流行嘅400次飲品💓賣相唔洗多講係好吸精，細杯嘅係泰式奶茶，就咁飲佢就比較甜，加埋落去400咖啡到中和番就岩岩好，味道好有層次，估唔到兩者咁夾，唔會喧賓奪主，相當有意思！DIY matcha latte🍵先用掃將抹茶發至起泡，再倒落牛奶度，雲抹嘅效果好靚之餘，自己發抹茶粉都係第一次。味道就正常，結果唔重要，哩杯飲品嘅重點係過程🤣🤪👍🏻照燒鰻魚滑蛋飯份量大大碟，鰻魚汁淡淡的唔會太甜，鰻魚無腥味。伴碟嘅燒薯菜都好味道，簡單調味，皮烤到微焦。牛油果半熟蛋多士沙律牛油果🥑新鮮，creamy，個底用左全麥包去取代多士，更能吸收蛋黃汁，簡單清新。伯爵茶戚風蛋糕戚風蛋糕十分鬆軟濕潤，口感一流，但伯爵茶cream茶味略嫌不足，可以濃啲，整體甜

一間讓我等候差不多兩小時的cafe，但又會感到等得值得的，已經好耐無出現過。自家製戚風蛋糕$55除了口味有五種每天不同，而且味道亦特別創新，伯爵茶、泰式奶茶、普洱朱古力、玫瑰鐵觀音及海鹽櫻花蝦，不過就要提早幫襯，數量有限。吸睛打卡、口感鬆軟、芳香樸鼻，另加$18 有四種茶味雪糕球選擇，大紅袍、蜜糖茉莉綠茶、焙茶及半熟普洱。飲品方面三人叫了三款，首推400+1、與別不同加上近期熱潮，+1 混入泰式奶茶後，味道中和度在咖啡奶茶與奶泡之間的豐富口感。另推綠茶鮮奶及桂花白茶，同樣美味。👅美味: ⭐️⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5⚖️性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5

上網見到個門口幾吸引，就決定到訪，穿越左街市後搵到餐廳了，望落內部裝修普通...是日點左流心蛋牛油果toast 、明太子大蝦意粉及麻醬南瓜意粉，真係非常失望。兩碟意粉既汁都好淡好似水咁，同配料唔係太夾，感覺屋企隨手都可以煮到。牛油果多士亦十分求其，感覺切完部份牛油果放上麵包，再舖隻蛋就完成，重點係隻蛋並唔流心仲凍凍地😅 配菜沙律亦冇咩味...不過都仲有少少驚喜既，就係佢個炸蓮藕小菜，味道咸咸地，唔錯幾新奇🌝

一試難忘 茶cafe呢間喺長沙灣同旁邊建築物格格西式cafe, 佢哋嘅戚風蛋糕同埋抺茶鮮奶一定係必試! 🍰 蛋糕又夠濕又鬆軟又有樣睇, 食原絕對會俾到足夠既motivation去攪個抹茶(一擺上枱已經成陣濃列抹茶味😋 feeling goodddd)加埋簡約時尚嘅裝修同文宣, 而且價錢合理, 呢間黃cafe 絕對有第二次💛😋! Maybe 下次試吓佢哋啲咸點啦！但係點都要嗌埋甜品同茶類飲品🍵🥛!