茶王冰室 (洗衣街) (Closed)

今晚特登去食下旺角既頂級奶茶餐廳一去到已經座無虛席，不過都唔係等左好耐就有得入去喇餐廳既裝修都係走懷舊既路線而且座位都好多呀店員都好悉心咁幫我地介紹有咩好食，同講解點叫奶茶最好，好窩心呀不過好可惜「茶王之王」已經賣哂，不過店員同我地介紹同樣出色既「樽仔奶茶」同普通「奶茶」最後嗌左「沙嗲牛肉蛋包包」同「吉列魚柳滑蛋飯」，魚係店員推介我地食既「沙嗲牛肉蛋包包」真係好沖擊視覺呀佢既蛋係好多份量既，材料好足呀，又夠滑同好有蛋味，沙嗲牛肉好有牛肉味沙嗲汁又好香，加埋鬆軟既麵包真係完美既配搭「吉列魚柳滑蛋飯」既魚柳好滑呀，而且炸得岩岩好，配埋咖喱汁，真係好好食呀「樽仔奶茶」同「奶茶」真係好好飲奶茶好合我口味，因為多奶，又夠滑，最最最重要係個樽仔真係好靚呀

最鍾意飲奶茶既我成日都周圍去試奶茶! 聞說茶王冰室拎過獎，今日專程黎左試!冰室係旺角，地方唔算大，但裝修得幾靚，多打卡位。可惜佢另一款出名既叉燒滑蛋飯賣哂，無得試。。唯有點份午餐，黑椒牛扒飯! 黑椒汁厚身，味道夠濃，牛扒碎試有三大塊。肉質軟腍，牛肉味幾濃，而且飯量夠多，男仔食一定夠。奶茶要左熱既，終於覺得熱奶茶覺試我出功架! 奶茶上枱聞到超濃茶香，入口香滑奶味重，茶底亦夠香，果然無失望!另外仲有茶王之王! 88蚊一set，應該更有特色而樽仔奶茶都好有特色，可惜係凍既

今日晏晝食得太豐富，咁夜晚就唔食咁多嘢了，所以去咗朋友公司附近嘅冰室食啲輕食就算！😂😂我叫咗呢個蜜汁叉燒蛋包包，呢個名真係好有趣，食之前都有諗係咩嚟？一上枱外型勁似蛋包飯，都係用蛋包圍住入面嘅材料，一切開就知原來入面係三文治，餡料可以揀蜜汁叉燒、沙嗲牛肉或者松露雜菌，我就揀咗蜜汁叉燒，肥瘦適中，都有啲肉汁，唔錯！😛😛飲品方面我哋兩個都叫咗凍奶茶，本身想試飲｢茶王之王」奶茶，但原來只限四點前供應，睇嚟要放假先有機會試一試佢！凍奶茶都唔錯，茶味醇厚得嚟冇澀味，奶味就相對上較淡，但整體加埋一齊飲好好飲！😋😋其實呢間茶王冰室其實我之前都食過，不過今次食覺得水準好似比以往高咗，老闆似乎都幾有心想做好呢間餐廳！👍🏻

特登去旺角試吓奶茶王。心郁郁想試「茶王之王」但要$88！最終只係叫左普通奶茶。味道都ok, 吾太奶。食物就冇咩特別、似一般茶餐廳。松露雜菌蛋包包。個樣好似好正、但入面D汁怪怪。都係 gimmick 嘢😌

本人係一個奶茶鐵粉，既然自稱得茶王，當然要試一試。我同老公就的起心肝排隊都要入去飲杯奶茶食個T啦。咁我就叫左一杯茶走同豬扒包，我老公就叫左黑椒滑蛋豬扒飯同一杯凍奶茶多奶。我杯茶走系OK嘅，茶味香，又夠熱，絕對above average的， 但又未至於係我飲過最好飲嘅奶茶。而豬扒包個包就太淋，一啲都唔脆，豬排就甘簿簿一塊，麻麻地。而我老公個杯凍奶茶多奶就失望地淡，冇茶味又冇奶味。黑椒滑蛋豬扒飯就同普通茶餐廳一樣囉，冇乜特別。又要排隊，坐得又迫，普普通通，唔會話掛住杯奶茶會返轉頭個種。

旺角 茶王冰室今日行去旺角做野收工發現開左間冰室叫奶茶王之王！講到咁正，一於去食下，好似d舊式冰室咁，入面既裝修好有懷舊feel，用左卡位同地磚設計，冰室內的特色牆有著可愛的霓虹招牌，設計很時髦，而且環境很乾淨。呢度環境其實都唔錯，茶仔黎講坐得舒服，地方又乾淨企理。我叫咗常餐，牛油多士配火腿奄列配叉燒公仔麵。呢到啲公仔麵全部都係出前一丁，另外搭返包麻油比你自己加。叉燒色水靚，肉又厚肥瘦均衡，，加埋秘製豉油真係好正！茶王奶茶係限量飲唔到都試左佢既絲襪奶茶，味道濃滑，入口甘醇好有茶味幾香喔！值得一試推介⭐️⭐⭐️⭐⭐

午餐行過比海報中的奶茶王吸引，入去試一試。我選擇咗雞翼煎蛋撈丁同五香肉丁通粉。雞翼撈丁友驚喜，有三隻雞翼，而且非常大隻，肉質亦非常嫩滑。五香肉丁通粉就沒有什麼特別。到最期待的飲品，如果選擇普通凍奶茶就當加凍飲加$3 ，如果選擇樽裝奶茶，就要加$17。為了比較兩款奶茶的分別，我選擇了一杯凍奶茶度，一杯樽裝奶茶。如果沒有對比，普通凍奶茶已經比其他茶餐廳的奶茶在水準之上。但係嘗試了樽裝奶茶後，他的茶味比普通人更香更濃。茶同奶的比例也剛剛好不過茶餐廳的冷氣實在太弱，熱到出晒汗，什麼心情也沒有。

今日晏晝同老婆去咗旺角shopping，佢見我咁乖同佢shopping玩帶咗我先茶王之王。旺角嘅茶王之王非常之出名，今日終於有機會嘗試一下。茶王之王分別有兩種奶茶。細杯左杯奶茶係用四種茶葉整成，大杯個杯奶茶就用咗六種唔同嘅茶葉。奶茶嘅師傅特登喺斯里蘭卡揀咗唔同種類嘅茶葉佢整成呢兩杯咁好味嘅奶茶。平時飲嘅奶茶最鍾意佢有少少苦澀嘅味道.佢啲兩杯奶茶更香、濃滑，甘甜。呢一杯奶茶值回票價！老婆唔係特別鍾意飲奶茶所以佢揀咗一杯凍嘅西柚茶，佢話呢一杯都非常之唔錯，有兩塊西柚喺裏面，非常之解渴。跟住我就叫咗一個茶餐有牛油多士同火腿奄列，同埋沙嗲牛肉麵。老婆就叫左一個沙嗲牛肉撈麵。呢一對嘅沙嗲牛肉都幾好食唔錯。

叉燒炒滑蛋飯BBQ Pork With Eggs on Rice (Lunch Set with a drink (HK$52)沙爹牛肉蛋包包Omelette Satay Beef Sandwich (HK$48)Rating: 4/5 ⭐️ 小驚喜新派冰室-個沙爹牛包包幾得意，有創意但唔算話食非常好食，蛋非常滑，沙爹夠濃但係蛋汁太多令到件包好濕，口感唔好。個叉燒蛋飯反而有驚喜，叉燒肉質軟而且足味，蛋當然滑，呢個價錢非常合理。配上杯奶茶，雖然係跟餐奶茶但果然係茶王，茶味濃郁亦完全唔苦澀，算係我飲過最好味嘅其中一杯港式奶茶。佢地有杯浮誇88蚊茶王，但因為大師唔喺度我都係放棄。間店裝修都好有heart 有個ig打卡燈牌，另外仲有靚仔店員😝可以黎試試。A nice found - the omelette satay beef sandwich is very interesting, it's quite innovative yet I wouldn't say its impressive because the silky eggs make the bun quite soggy,

我和朋友一行6人到此光顧，一入門口是由一位女服務員來下單的。開始落單時已用散慢態度來對待- 亦惡形惡相般！6人叫6個餐是理所當然、點知後來桌上來了5個餐7杯飲品，我們便覺得出奇喇、唯有詢問這位惡形惡相的女侍應、反來是被這位「惡侍應」黑面大聲對待。經一番唇舌搞清了這張單是落了什麼後、其實是「惡侍應」落錯單！只不過落錯單又不是什麼大件事，我們做客人都不介意，你做侍應為何那麼惡霸呢？！之後還在我們的桌子附近開放了大聲嘈吵既音樂，特登將音樂放大聲、嘈住我們使我們不能傾計交談🤬🤬🤬這是什麼態度呀？正一倒米壽星！我們埋單時，這位「惡侍應」叫同事、：「可以關機了」不知所謂茶餐廳！！😡😡😡😡🤬🤬🤬不會再去了。P.s 當時老闆 茶王都在場，但沒理會！

之前喺Facebook有介紹，今日終於嚟朝聖。平日下午黎都要等位，等左5分鐘入去。我叫咗常餐，牛油多士配火腿奄列配沙嗲牛肉公仔麵。 味道正正常常，奄列有d蛋汁，算係滑。除此之外係冇特別。黎呢間前對佢嘅奶茶好高期望。雖然唔叫係鎮店之茶王之王，但叫得茶王冰室，估計普通奶茶都唔差。跟常餐+$3 有凍奶茶，當然唔會錯過呢個機會試。可惜凍奶茶令我有少少失望，茶味唔係好濃，亦唔算好滑。相比之下，蘭xx比較好飲。不過講句公道說話，可能茶王之王先試到師傅嘅真功夫，奈何真係好貴$88。

甘岩系旺角，順便去試下一入去不論是裝修,水 bar位都好干淨叫左最推薦的滑蛋叉燒飯同熱奶茶...個飯真是幾正不過杯茶就有小小失望，可能我冇叫茶王.....不過杯茶王都幾貴

旺角出名迫，無論食晏定晚飯都係咁多人😅有次行經呢條街見到間茶記，大大塊易拉架寫住茶王之王奶茶，嗰陣已經好想試😂今朝喺旺角食完早餐有嘢搞，就一路去到下午茶先有時間再食😅先嚟嗌咗個常餐，多士、火腿奄列、沙嗲牛！呢到啲公仔麵全部都係出前一丁，另外搭返包麻油比你自己加😉特別值得一提係佢有西柚茶嗌，兩大塊西柚，都只係收緊凍飲加$3嘅價錢！！朋友就嗌咗個叉燒滑蛋飯，賣相十分吸引！滑蛋份量多，叉燒色水靚，肉又厚，加埋秘製豉油 真係好正！食完我地仲想坐多陣，但舖頭啲客仲一路嚟緊😅於是就拿拿聲試埋佢個茶王之王，上枱時係有一大一細奶茶同一杯冰水，配塊曲奇同張卡仔😮仲有專人同你介紹呢杯茶嘅原料同師傅功力！我覺得茶餐廳做到咁真係好有Heart，完全昇華咗去另一層次！講返杯茶王，同普通奶茶真係好大分別！首先色澤係明顯較濃，飲落去甘、甜、回香，不同滋味喺口腔醞釀！雖然定價作高，但係以得獎奶茶嚟講真係十分值得一試！

今日行經洗衣街發現呢度新開左間茶仔，好似d舊式冰室咁，入面既裝修好有懷舊feel，用左卡位同地磚設計，而牆上面就再配搭左d霓虹招牌，好有玩味。呢度環境其實都唔錯，茶仔黎講坐得舒服，地方又乾淨企理。Menu呢度主打奶茶，仲推出左招牌既｢茶王之王｣奶茶，即係由2016金茶王冠軍陳子平師傅親自主理既，話係由精選斯里蘭卡6種粗幼茶葉組成既茶骨沖製，不過就每日限量，同埋要成$88；另外，呢度仲有自創既秘製蜜汁叉燒蛋包包等等既美食。蜜汁叉燒蛋包包$48呢個蛋包包其實係由熱辣辣既炒滑蛋包住中式三文治，再內藏叉燒，口感豐富，不過略嫌個包比軟濕軟d叉燒滑蛋飯$52呢個叉燒滑蛋飯炒得真係好嫩滑，食落仲淡淡蛋香茶王西柚茶$23 （前）絲襪奶茶$23（後）西柚茶足料而且味道清新解渴至於茶王奶茶係限量飲唔到都試左佢既絲襪奶茶，味道濃滑，入口甘醇

前幾日同朋友去行旺角買衫，買完嘢就去揾食，去左金茶王奶茶的茶王冰室，叫左個沙嗲牛肉撈丁跟一杯熱奶茶。沙嗲牛肉撈丁方面牛肉都有唔少，而且都夠入面，但係我個人認為沙嗲汁唔係好夠，因為我個人比較偏好每一條麵都可以有沙嗲汁。餸方面除左牛肉仲有太陽蛋同菜心，拮爛隻蛋撈埋麵另有一番風味。撈丁的好處係出前一丁無咁易會因為吸左湯而發漲，但有可能因為咁而變得有啲乾(即使有碗湯仔提供)，同埋會相對湯麵比較易凍，不過味道一定比湯麵突出同重味，所以好個人而已。奶茶方面就真係好香滑，奶同茶比例都適中，個當然個個對奶茶的比例都不同，但茶底一定係夠濃同醇，加埋奶係夠滑的。