日出茶太 (Closed)

黑豆芝麻綠茶 $!5這杯味道怪怪的~黑豆還黑豆味,綠茶還綠茶味(但淡而無味),仲有d珍珠(但明明張圖係冇珍珠嫁wo)幾種咪道都唔夾~~本人愛好綠茶產品,但我飲左一啖,之後已經唔想飲了~哈哈~~等男朋友仔幫我啃晒去......可能都係買返珍珠奶茶好一點~~新產品千祈唔好亂試呀!!!!!!

食完咁惹味嘅串燒後, 師傅覺得絕對有必要飲番杯野, 但飲咩好呢? 見隔離有兩間台式飲品店, 一間師傅之前試過, 一間就未試過, 諗左陣決定揀間試過嘅, 皆因想穩陣少少少!行到埋去就睇下有咩好飲啦, 最後師傅柯打左冷山青茶! 冷山青茶制作需時,相比一般珍珠奶茶嘅時間較耐, 幸好師傅唔係因為食得太辣而需要飲品救命, 否則都會幾大鑊!其實師傅都幾怕喺街邊食野要影相, 但係有相片始終較為有真實感同說服力, 所以師傅亦要為呢杯飲留倩影! 冷山青茶師傅講左少甜少冰, 所以攞住杯野時其實冇冰, 搖勻後即飲, 入口發覺雖然冇冰, 但亦十分清涼, 加強茶味香濃, 濃中帶澀, 反而唔覺有咩甜味, 真係好似一杯青茶, 感覺十分舒服, 如果怕澀嘅第一啖會可能有少少抗拒, 但飲多幾啖後亦應該能夠接受, 皆因飲完之後清爽涼快, 解渴一流!總括黎講冷山青茶質素頗佳, 價錢相宜, 十蚊一杯! 大熱天時下飲絕對係消暑解渴, 十分過癮; 笑臉係值得一比, 有機會都會再試下其他款式!

對面街歇腳亭太多人轉戰返日出茶太係大圍分店飲過都唔錯..原來今日係新開張1200-1400, 1700-1900有買一送一行埋去以為好多人, 點知原本個個都係等攞..見冇人買票當然要即刻去..門面亦有個哥仔派試飲同介紹..唔錯叫左2杯珍奶($12) 買一送一 3個人飲~因為都頗大杯.一杯正常, 一杯少冰微甜..味道就正正常常甘, 珍珠都幾Q.. 不過微甜果杯都好像幾甜... 係大圍飲果時好像冇甘甜..不過都尚可接受不過唔知係米新開張, D茶出得有D慢, 眼見旁邊果間一個人做都出得快過呢間...