茶木‧台式休閒餐廳 (Closed)

好耐無去過茶木，突然又好想食茶木嘅多士，於是同咗男朋友去食，第一次去呢間茶木，環境好靚，好高級嘅感覺。侍應安排左我哋坐卡位，張凳粉藍色好科幻嘅感覺。坐低之後打開餐牌見到樣樣嘢食都好吸引，最後叫咗酥炸雞扒面、黑松露培根蛤蜊燉飯鍋、草莓香草蜜糖磚塊。上菜好快。酥炸雞扒面：雞扒炸得非常好，唔會覺得有好多炸粉，口感外脆內軟，份量都幾多下，面同雞扒係分開上嘅，面係闊面，厚厚地，我好鍾意食個麵，因為好有咬咁，面上面有啲鹹菜。黑松露培根蛤蜊燉飯鍋：個飯好似意大利飯，蜆嘅份量好多，個飯超級好食。草莓香草蜜糖磚塊：每次去茶都一定要食呢個磚塊，今次叫咗草莓味，以前叫呢個磚塊需要等20分鐘，而家已經唔駛等咁耐，大概五至10分鐘已經上枱，我哋當時仲未食晒啲主食，所以碟磚塊放咗喺側邊，起碼放咗有10分鐘我哋先食佢，但係因為上面嗰啲係雪芭，所以都唔溶完全冇變過樣，食落去個雪芭仲係凍冰冰，多士仲係脆卜卜，食極都唔厭。

工人姐姐放假返家鄉，日日食……外賣啦，出街食啦，屋企附近食到唔知食乜？阿仔提議去香港仔揾食！好快就決定試呢間……台式菜。冇決定錯，味道同晌台灣食都差唔多，個飯後甜品，真係……正！下次會再幫襯。

不時都有幫襯, 但香港仔這間絕對是一般餐廳水準以下。晚餐叫了兩個台式小菜。梅子肉排和菜甫旦。肉排出完要超過15分鐘才上菜甫旦和飯。肉排絕對是肉乾, 從未想過可以做到這般乾。某個程度牛肉乾可能易咬過去。不過個汁是ok的。菜甫旦是偏咸的。飯遲遲都未來, 問才記得奉上。樓面卻在傾計, 餐廳半空不忙。

近年間茶木愈開愈多，間間都是長龍店，店名及食物都充滿台灣味的，其實此店並不是台灣空降的餐廳，而是太興集團在2012年創立的台灣餐廳，每次都望長龍而卻步，今日決定同朋友試一試。此分店位於香港仔嘅關係，用上油𩺬籠做燈罩，再配合牆身魚鱗同麻繩嘅裝飾都幾特色。叫左酥炸排骨麵$72（堂食加10％）酥炸豬排好多骨，湯底沾麵紅燒牛肉麵$77（堂食加10％）湯底跟台灣的差不多，紅蘿蔔很甜，牛肉好吃，沾上湯汁的麵，不錯。炸雞排肉躁飯$68 （堂食加10%)炸漿是炸漿，雞排是雞排 ，味道ok ，但肉躁很甜。香辣牛肉麵$77（堂食加10%）我冇試食。睇顏色應該好辣。結賬：$323.4

星期五又喺約朋友食飯嘅好日子，今次揀左間台式餐廳-茶木。幾鐘意哩到嘅環境，好光猛，好文青，坐得好舒服。我吔兩個人點左兩個主食加一個小食。先黎嘅喺炸雞排，雞排外皮同雞肉比例喺一比一，皮雖然炸到好脆，但肉佔嘅比例唔多，所以雞味唔出。不過幾鐘意佢個味道，簡簡單單，唔會太咸，又唔油，都唔錯。蚵仔泡飯都唔喺第一次食，最鐘意就喺佢個湯好鮮甜，配飯食一流。蚵仔同碎肉好足料。今次食到啲蚵仔有少少少少沙，不過都可以接受。哩個四色麵喺冷盤黎嘅，賣相唔錯。好多種顏色，望落好靚好開胃。黑麻醬味道好正。四色麵雖然由四種唔同嘅麵組成，但混合之後麻醬完全被吸收，味道好統一。但口感就好多樣化，有爽口、有軟身、有硬身，食落幾得意。

好耐冇去香港仔了，其實只是離家5分中車程🤣今日系Starbucks 忙左幾個中，就去茶木食好野了。點左沙茶牛小排，黑糖珍珠奶茶同白飯。個主菜好正，牛肉望薄去好薄，好似好五扺，但正因為有適當既厚度，個沙茶醬先可以煮到甘融化左系牛小排入面，而五系只得表面有調味，感覺d骨都入曬味，好少可食有骨既牛肉，因為覺得會食得五方便，不過呢個肉堅系整得好，又易咬口，一啖肉又配一片洋蔥，甘正既時刻再來啖飯，味道真系耐人尋味，回味無窮，完全ok聽日食多餐🤣

今天爸爸生日，一反傳統地，我們竟然沒有去酒樓吃東西，而係選擇了一間生態台式餐廳。在香港仔一間叫茶木的餐廳吃生日飯。由於我放工遲了的關係，我是最後一個才到達的。每次吃生日飯，我都總會覺得爸爸媽媽都不想我太破費，所以不會點太多菜，所以我一來就又加了菜。後來才發覺，妹妹本身就已經點了很多菜。不過真係想不到，爸爸吃台灣菜，竟然都會吃得津津有味，不過最後我們還是吃剩了很多，我還要把酥炸蚵嗲帶回家吃，因為太美味，所以決定宵夜繼續🤣

做咩姐！之前好地地！你有冇試過食到成肚火，但係唔飽？平時都會講下間鋪頭環境，先講佢啲嘢食嘅！今次真係…自己睇相！唉，咩嚟㗎 ？最出名個紅燒牛肉麵，個麵餅黐實嘅！去過粟米魚塊，聲稱係即炸嘅，所以我朋友食晒成個餐，我呢個餐都未黎！🤬🤬個渣漿OK ！個魚「鞋」既！其實「鞋」都形容唔到佢嗰個冰鮮但又梅嘅感覺！咁樣我都算啦，開個粟米蓉下邊有沙律醬！邊個會估到：粟米蓉+沙律醬+炸魚會有垃圾桶嘅味道啊？😡😡但我想講，我清晒呢盆野！都唔飽！你有冇試過食完成餐，起身果下已經覺得肚餓？呢個係咩份量黎？

通常食茶木都係夜晚因為大家都係好想食佢個多士今日晏晝第一次茶會嗌咗個lunch set，認真麻麻呀。可能平時係夜晚食，所以其實佢啲嘢食要$60$70 $80都未覺得貴，點知今日食完晏，發現個lunch要成$75架，但係食完都唔係話好飽，所以有啲失望，貴夾唔抵就係呢啲。今次嗌咗個醉鴨配米粉，佢有三碟小前菜，再加個嘢飲，隻鴨凍既，即係凍到個底啲汁都係雪到一嚿嚿咁嘅，米粉有啲細碗，前菜有豬耳粒，蛋，芽菜，食完都唔太飽。

今晚同埋朋友的小朋友食飯, 去左香港仔茶木食, 好可惜其中一位小朋友喉嚨痛, 唔可以叫甜品, 茶木o既甜品真係比主菜及小食出色 為了配合小朋友口味點了 甜蜜糖心蛋係冷盤，另一小朋友X氣話平時都唔食喎, 就比埋家姐食啦, 蛋黃係洗O既, 蛋白就甜左D, (喉嚨痛唔可以食甜品, 但又可以食冷盤XX) 阿嫲元貝金菇蔥油面好似有個烏巢O係面咁, 食完都唔知係咩, 蔥油香味適中, 面質唔硬, 都可以 Teawood紅燒牛肉面牛肉嫩滑, 小朋友都好鍾意食 酥炸豬排肉燥飯拿拿拿, 喉嚨痛但又可以食呢樣呀 XX, 豬手扒簿身, 口感唔夠, 肉燥唔”鞋”口, 撈飯食幾好 櫻花蝦牛奶泡高山菜呢兩個小朋友都話唔鍾意個牛乳湯, 唔肯食, 連菜都要浸過水先食 我就話個牛乳湯好好味啦, 同朋友不停飲(好彩無肚痌🤭🤭)因此有兩個小朋友, 所以份量都好足夠, 不過短期內未必會再去, 主菜款式同幾年前唔係好同, 對我黎講唔吸引了

櫻花蝦培根末奶油手作麵依個我無試，所以唔評價啦蒜香炸魚腐蒜味無我想像中咁重，不過都係唔錯既小食酥炸蚵嗲都幾大份，不過入面啲蚵仔好細隻漁夫海鮮鍋張相我已經食左一半先記得影。。。佢係海鮮飯黎，海鮮份量都幾多，可惜個蕃茄醬太酸，我真係好唔鐘意佢酸味咁重，蓋過左本身既咸味，不過每個人口味都唔一樣草莓香草蜜糖磚塊依個甜品係今日最出色既菜式，好大份，好好味！雪糕好大球，而且仲好靚，不過啲棉花糖就唔好食，偏硬身，當佢用黎裝飾都唔錯既

一向覺得茶木食物ok，價錢是有點貴，但香港地，沒辦法。但沒想過竟有一間連鎖餐廳可以設計得那麼魯莽。而且前線在送餐時只為了快點完成工作，沒有用心去照顧食物衛生，可以說根本沒有基本衛生常識。話說前陣子到這分店吃午餐，見到此情此景，真的懷疑身子弱一點的食客吃完後會否肚痾：1）送餐出口在洗手間出入口旁。不理想。但加上以下情況，就更恐怖2）員工用三層餐車在洗手間旁把餐推出來，三層也放滿。注意：第三層，即最下層，和地下只有大概3寸距離。3）再者，將餐車停於人來人往的路口。便開始送餐。最「就手」地先送走餐車最頂層的餐。換言之，最底層的，便繼續放在距離地下3寸的餐車上食盡於四方百面，包括剛從洗手間出來的食客行過的塵。最後才會被送出去。嘔心～

因為工作關係黎左香港仔, 因為好少黎呢區, 都唔知食咩好, 好彩行行下見到有茶木, 就唔使諗就去啦~雖然係食飯時間, 不過都唔係等左好耐就有位第一次食lunch set, 今次叫左個咖哩炸海鱸魚拼地瓜新竹米粉呢個set都有配前菜三小碟, 有芽菜,蛋同豆腐, 份量少少地但都幾開胃估唔到個炸魚有驚喜, 唔會炸到散哂, 配埋咖哩汁好惹味, 可以用黎撈飯, 可惜今次我揀左新竹米粉呢個米粉唔會太少, 份量岩岩好, 仲有2粒地瓜, 甜甜地都幾好味 Lunch set仲包埋餐飲, 我揀左柚子蜜, 唔會好甜好暖身

Early this month, I tried this Taiwanese style restaurant with  my friends. The seating arrangement is still room for improvement. Only a little distance between tables. Also, there were many seats left at the time we got in, but the server just arranged us to an unpleasant seat. In point of the quality, we ordered a strawberry toast box as a dessert. Those strawberry is sour and the toast is soggy and cold. I don't know why it happened. I will not go to restaurant of this brand anymore. 

茶木在港有二三十間分店，每間都有不同的設計風格。以香港仔分店為例，設計以「Happy Fishermen」作藍本。近入口處用上仿魚鱗的設計；餐廳內部則有漁船船槳裝飾。 提起台灣，很多人會想起夜市小吃。我們的飯餐也以四款小吃作開始。「台式烤香腸」味道比一般腸仔甜。「芝心雞翅」賣相飽滿，食味香口，半溶芝士亦與雞翼本味十分合拍。「香煎餃子」製作皮薄，但出品無驚喜。「地瓜花枝餅」的評分同樣普通，尤其地瓜失蹤更令人費解。 酥炸 XX 一向穩佔最受歡迎台灣小吃的一席位，當然不容錯過。這客「黃金酥炸排骨」，黃金外層炸得酥香脆口，肉質仍保軟嫩，加上調味適中，評價正面。 享用「櫻花蝦牛乳泡高山菜」時，每口清菜也洋溢濃香的牛乳味，為菜式增分不少。至於櫻花蝦，本期待一份脆卜卜的享受，只可惜蝦肉沾上湯汁後已迅速變腍，有點美中不足。「紅燒牛肉麵」製作出色，牛肉炆煮得入味鬆軟，又富微微膠質。麵條聽聞屬自家製作，外滑內富嚼勁，掛上牛骨湯吃十分美味。 相比之下，「黑麻油雞翅麵」顯得略為遜色。黑麻油在予人油膩的同時又未能突顯出麻油的香氣。 最後是「香料雞肉蝴蝶粉」，以甜中帶酸的忌廉茄醬入饌，醒胃可口，倘若能多加兩件雞