茶木‧台式休閒餐廳 (MegaBox) (Closed)

茶木不同分店都能保持一致的水準，不論是服務、食物質素、環境，這是欣賞的地方。Megabox店相對其他分店寬敞，空間較多坐得比較舒適。點了水餃麵和肉燥飯，平常也會點的，水準一致。在此吃晚飯，最想嘗的多數是飲品和甜品，飯後點了厚多士，才是進入正餐環節😋個人比較喜歡茶類飲品，這次點了水果茶，特別指定少甜，服務生提示有機會比較酸，但喝上去覺得還好。因為之前試過口味較甜的，喝一整壼有點辛苦，這個帶點酸反而挺合胃口。在茶木吃過幾次多士，抹茶紅豆多士算是比較出色。抹茶雪糕不會太甜又有茶香，配上紅豆和焦糖漿，口味剛剛好不會太甜，而且份量改善了，2個人也應付得來，推介。

去左附近踩單車，踩到mega box順便放低食野，共享單車真方便🙌 去到茶木見到有撈起，即刻被吸引💓 新年緊係要食意頭麻💪個撈起非常好味，而且顏色吸引，有四色面條，材料亦都唔係平野，有帶子同三文魚，簡直睇得又食得，配埋個芝麻醬，味道岩岩好又好fresh。反觀另一個芒果芋圓就有啲失望了，睇落好大碗，但有大半係冰，而且唔係刨冰，而係完整的一粒，想整碎佢撈埋啲紅豆芋圓食都唔係咁方便，而且個芒果好酸，不過個黑糖同個涼粉既味道好夾，算攞返啲分🙆

大家係咪都係年初五就要開工呢???肥妹仔我就因為要清年假所以初八先開工!!!!鄉下鄰家小妹初五六想出香港行下, 肥妹仔我當然要一盡地主之誼帶佢食下好西啦.....喺九龍塘接完鄰家小妹已經一點幾lu....肥妹仔我個肚已經餓到扁晒, 好!!!因為鄰家小妹想去睇下波鞋, 肥妹仔我決定帶佢去九龍灣Mega Box度睇下,皆因肥妹仔我唔想逼, Mega Box閒日都幾好行~~去到Mega Box已經一點半, 見到茶木門口無人排隊,再加上鄰家小妹喺大陸好小機會食下台灣茶, 一於唔好諗就食茶木啦~~~紅燒牛肉麵 $77鄰家小妹對海鮮敏感, 所以我地就選了最招牌既紅燒牛肉麵. 個湯底望落去一D都唔馬虎, 顏色深濃, 湯面只有小小油脂浮面, 頗為誘人~肥妹仔我飲啖湯, 不愧係招牌菜式, 味道幾香濃, 食到一陣牛肉味, 藥材味就無咩, 可能因為咁, 所以飲落去無咩苦澀味. 而且個湯底只有小小油脂, 飲落去都幾清爽, 讚!!!!到舊牛肉啦, 每一碗都有三大舊紅燒牛肉. 老老實實, 肥妹仔我就覺得麻麻地啦.....因為舊牛肉既肉質都真係幾鞋口, 遇到舊有筋既仲難咬, 味道比起個湯真係遜色好多!!!!到個麵啦

記得以前有一次去茶木，有左個唔好既印象，跟住我就好少再去茶木，但今日見到佢個下午茶menu我同朋友決定比一次機會佢，睇下佢值唔值得我以後再食。佢tea menu 有得揀正餐，多士餐，甜品set，小食set，因為我地無食lunch，所以叫左個台式腸仔肉燥飯，$58蚊加一，佢幾抵既係，餐飲可以免費飲到珍珠奶茶，平時一杯都20蚊，佢一個飯加一杯珍珠奶茶就58蚊，價錢都叫okay。因為係下午茶？所以個飯既size都唔大，女仔食應該夠飽，男仔就未必夠啦。個飯有半隻魯水蛋，十幾片腸，都唔錯，啲腸仔幾好食，真係係台灣食過既味咁，比預期中好。茶木既下午茶雖然係下午茶黎講都叫貴，但佢包一杯珍珠奶茶，所以都仲叫可以既，下午茶既茶木可以再encore一下。

在等下一場電影時除了漫無目的地閒逛就是找家餐廳醫醫肚走呀走竟然發現了傳說中的茶木這店的忙碌程度是平常不會打算進店的總是排了隊總是感覺客人剛座下難今天的時間就等人一回試試看人來人往客人璡立即又座上新客人意外地在下只等了短短數分鐘就能入座為方讓大家更流暢在等位置時已想好食什麼了點了三種菜不想食太飽避免待會看電影有睡意先到的是這份量十足的芋圓紅豆湯超開心過去食的都是湯多於料芋圓只有迷你幾粒這裡的話每匙每匙都有芋圓不同的芋圓和紅豆好開心只是比外面糖水店貴丁丁就換來更加更加大的滿足剛是頭一味就大滿足了再食地瓜花枝餅厚厚的肉彈牙又軟綿綿每咬一口都會見到地瓜或花枝的存在最後是田園沛茄野菜大大粒原隻茄在頂下面有各種野菜和菇菇茄味好濃郁所以食到好飽全部都好好味啊～～～～～～～嗯..埋單先不要阻人做生意

晏晝同老婆去Megabox，睇完戲溜完冰，個肚打晒鼓，就拿拿臨揀左茶木食晚飯。以前出名要等位既茶木，分店越開越多，亦開始冇以前咁需要等咁耐位。今次六點未夠就黎到，下午茶時段啱啱完結，當然唔駛等位。兩個人叫左紅燒牛肉麵、沙茶牛肉炒手作麵、酥炸蚵嗲同一杯珍珠奶茶。首先上枱既係沙茶牛肉炒作麵，完全係乾炒牛河既概念，味道唔差，只係有啲牛肉炒得有啲韌。Well，喺台灣餐廳都係叫返台式食物吧。紅燒牛肉麵，牛肉幾淋，麵質亦幾彈牙，不過湯底就始終唔夠台灣地道咁濃味喇，原本叫左走葱最後都係冇走到，有啲唔上心喎。個人最喜愛既炸蠔餅，即係今次叫既酥炸蚵嗲，有啲失望，因為實在太多炸粉太少蚵仔。凍珍珠奶茶叫左少甜走冰，呢次就真係做齊喇。唔夠飽，叫多個甜品，紅豆抹茶蜜糖磚塊，說穿了即係紅豆抹茶雪糕厚多士，抹茶雪糕冇乜抹茶味，多士就搽滿左蜜糖，加埋紅豆一齊食啱啱好。食完飯出黎，已經見到門口出現人龍等位。似乎茶木仲係幾受歡迎既。

人地間間都有午餐，呢間係無lunch set 啲價錢同人地晚餐價一樣，番德福食啦諗住teawood係大集團道道都一樣，點知原來我自己理解錯可能係我窮，所以有咁既諗法但我自己唔會再入去囉

旅行後遺症...很掛念台灣呢...尤其是魯肉飯🍛烤香腸😋茶木@Megabox人流不多, 所以7時多去到都很快有位!讓女兒自己選食物! 她們分別選了 紅燒牛肉麵及烤香腸魯肉飯~笨媽自己則選了一款小食!紅燒牛肉麵! 足夠她兩姐妹分享!牛展炆得很腍，湯底濃郁!烤香腸魯肉飯烤香腸切得有點薄身😢魯肉不錯~如果滷蛋是糖心會更好!台式小食拼盤豬耳辣味足夠, 炸魚肉都特別! 最搶手竟是糖心蛋及酸蘿蔔條😁飲品方面,她們選了凍茉香珍珠! 我選了熱的水果紅茶!兩款都是正常飲料😂評分: 5⭐最好食物: ⭐⭐⭐環境: ⭐⭐⭐⭐價錢: ⭐⭐⭐服務: ⭐⭐⭐

再食茶木，仲驚收工去好多人，原來去到就有位啦～等緊朋友時望下食咩，感覺餐牌好多選擇，可能自己有選擇困難症，哈哈就叫左一個雞肉蝴蝶粉同埋肉燥飯，再叫左兩杯特飲，我就叫左鮮果冰紅茶，朋友就叫左奶蓋紅茶，味道就一般般，可能我覺得尖沙咀分店比較好食

好耐冇食茶木啦泥到megabox呢間分店，真係好大好靚呀，仲靚過德福果間仲要有得坐sofa椅，好舒服呀今次破例叫左個烏賊汁奶油章魚手作麵，係我食過最好食既章魚麵d 汁好濃，份量又足，味道十分好一如以往，都會叫個肉燥飯，今次揀左炸雞排肉燥飯份量ok, 味道ok, 不過我都係鍾意個手作麵多d最近新出左呢款巧克力曲奇蜜糖磚塊，好合我心意呀未食完主菜就上左個磚塊，好彩d雪糕冇溶最鍾意就係個曲奇味朱古力，下次一定會再食

難得放假，就同男人出去九龍灣MegaBox行吓IKEA ，見到竟然有茶木喎，之前食過去其他分店都感覺唔差，於是就同男人決定喺茶木食個午飯先再慢慢行街入去嘅時候已經接近兩點，間餐廳都開始清場，剩返幾台客唔算多人，但係竟然安排我哋兩個坐四人枱同人搭枱， 明明間餐廳都無客點解要搭枱？黑人問號都出咗嚟，實在忍唔住，我走返出去門面同個侍應講話，你哋咁多位其實係咪可以安排我地坐另一度鬆動d既地方呢？侍應帶住不屑同十分唔耐煩既咀臉同語氣，終於安排左我地去另一度坐。其實九龍灣好多食肆都係淨係做lunch呢一段時間，其餘時間都真係水靜河飛，如果係繁忙時間搭枱當然係必須嘅事，亦都係可以接受嘅事，但你而家得嗰幾台客，點解要啲客人坐得咁迫？同埋其實最後安排俾我坐嘅都係一張二人枱，我亦都唔係兩個人霸張四人枱來坐，我真係唔明點解會有咁嘅安排同咁既咀臉👇🏻👇🏻間餐廳真係大把位嫁，除咗呢邊佢仲有另一邊係吉嫁🤦🏻‍♀️餐牌枱上面有紙巾同牙籤提供，算係幾方便就手野飲個飯嘅質地水咗啲，感覺有啲似食糊仔但豬扒唔錯，炸得幾酥脆可口麵條質地爽口彈牙，湯底夠味，唔錯其實餐廳嘅食物只要唔太差唔太過分，我都已經覺得叫合格，畢竟搵食艱難，

好少何會過黎呢度，成日無食過嘢，開完會搵個地方休息下啦。印象中megabox無乜好食，通常啲人都係去間傢私店買下嘢，食個平飯。都係今日先知原來茶木進駐咗呢樹，可以食個tea。Tea都有牛肉麵叫，勁開心！好耐之前係尖沙咀食過，味道還好。今次九龍灣，味道好啲，湯夠熱同濃，不過蘿蔔煮得唔夠入味。牛根都唔係好夠味同唔夠淋，份量都可以接受嘅，麵煮得剛好，整體就麻麻。有杯黑糖珍珠奶茶可以暖下肚都ok，已經叫左半糖，唔會甜，都ok。

在Mega box , 「茶木」的午市時段永遠見到門口有行人龍。 「茶木」只是太興集團旗下的餐廳，走休閒路線，主打新派台式輕食罷了。幾年前同老公及攣毛公主幫襯過，當時想食的招牌甜品蜜糖磚塊沒有了， 其他食物也不便宜，因此印象一般。雖然「茶木」有不少分店，但是同事竟然沒有嘗試過，因此今日就去一起試下。Mega box 的「茶木」細望一下會發現旁邊多了個名字「茶包」……原來餐廳加入麵包蛋糕，令餐廳更加多元化不少。甫入餐廳不禁被室內的裝潢佈置所吸引。裝潢以木為原素，充滿大自然氣息。正方立休吊燈非常搶眼，令餐廳變得更加摩登。人龍已經減退不少，今日12點到來有大量位置。店員安排筆者們坐在落地玻璃旁邊的小圓枱，表面上看來是非常開揚及舒適的位置，可是正午時間陽光普照令室內氣溫上升不少而且會對皮膚不太好呢……「茶木」主打新派台式輕食牛肉麵、酥炸豬排……等台式美食，加上餐牌印刷精美，實在難以作出決定。「茶木」的飲品款式多，除了必有的台式珍珠奶茶外，還有多款女仕至愛的花茶及保健茶，還有不少其他選擇，每款飲品都經過細心的擺設，又睇得又飲得，因此價格不便宜都單點一杯。今日的午餐非常富貴因為叫了這杯葛 //巧克

平日放假真心正架！雖然一個人黎到Megabox，但一個人食個豐富早餐，係好滿足茶木食過，但早餐食茶木就第一次囉。份量係大大份，我由早餐時間嘆到就黎午市😆個肉鬆包係幾特別幾好味～略嫌杯珍珠奶茶太甜，甜到飲完要飲番2杯水。

趁住Aeon感謝節黎到megabox買家電。黎到茶木食個午餐。餐廳有一部分叫"茶包",裡面有面包賣，個名都幾有趣。餐廳環境行時尚風格，而且有大玻璃窗透射d陽光入去，感覺幾舒服。加上megabox商場位置與鐵路站有一定的距離，所以人流較低。都適合行街行得耐，坐下飲杯野，傾下計。美味remark1.酥炸豬排肉躁飯分量足夠。肉躁味道濃。但可惜豬排薄到好似張紙咁。有少少失望。2.紅燒牛肉麵賣相一般，好似唔知點咁。紅蘿蔔同白蘿蔔鬼咁大舊，感覺好求其。牛肉又唔太冧。真係覺得去食碗車仔面仲好。3.櫻花蝦白汁麵櫻花蝦咸度好夠。其實基本上就係好似白汁意粉咁，只係面條有所分別。感覺唔特別。