茶木‧台式休閒餐廳 (MegaBox) (Closed)

茶木一直都多人，要等位冇問題，但等左咁耐三個人被安排坐二個人的座位，明明果張四人枱要拆開坐五個人，周圍都有吉枱，完全唔明點解咁安排。黎得茶木呢D cafe當然想坐得舒舒服服，同帶位果個理論一面唔食就過主的樣。白白浪費我等位時間，永久blacklist!我知少一個客對你來講冇所謂，祝好運。

話說最近要去Ikea幫公司買野就諗住入到去食埋野先去行見到茶木😍 仲要唔使排隊即刻衝左入去坐低Menu 都唔使睇 叫左個莎朗肉燥飯加多一客芝心雞翼莎朗肉燥飯 $78茶木肉燥飯不嬲都係好岩我口味既之前食開豬排肉燥飯今次諗住轉轉口味莎朗比較韌身 要用D力先咬得開同埋醃得太過 無左肉味下次應該叫返豬排肉燥飯芝心雞翼 $68呢樣又係我至愛雞翼去左骨後釀左芝士同磨菇入去再煎熟一客有4隻自己一個食哂都唔過份丫推介👍🏻

茶木其實食過好多次，今次特登為佢寫篇食評。全因今次第一次食左一個好好味既麻醬麵。之前多數食牛肉麵，不過不失。今次就試下新野，花枝麻醬麵。一黎到 外觀不太討好，個醬黑蚊蚊 原來係芝麻醬黎。用芝麻醬撈麵真係第一次☝🏼但原來又好夾，芝麻醬好香 麵條亦好彈牙！個麵仲係暖既 好好味！不過花枝就比較少，如果可以多啲就更好了再食埋個雞排， 雞排炸得好鬆脆，炸粉唔會太厚。雞肉好嫩滑，係香港食過數一數二既雞排最後飲埋杯薄荷珍珠奶茶，呢個晚餐簡單得黎又滿足

今日黎到Megabox，朋友突然想食蛋糕，就黎到茶木餐廳，呢個時候無咩人，好快就可以入座。呢度既下午茶係由下午兩點半到六點。望一望個餐牌，雖然係下午茶時間，但可以選擇既款式都特別多，我同朋友一人點了一個餐，分別係冰淇淋心太軟、芒果奶油酥皮拿破崙配凍黑糖奶茶、凍台式酸梅冰。等左10分鐘左右，先上台既係芒果奶油酥皮拿破崙，好脆，而且有微溫，食落去口感唔錯。之後再上係冰淇淋心太軟，食既時候朱古力都漏哂出黎，配埋雪糕一齊食，真係好正，不過朋友話心太軟再大粒小小就好了

本人今天在這吃早餐，首先我安排坐在4人枱歺廰唔滿，後來有2⃣️位陌生人被安排坐於我對面我我的右邊，最後一位陌生人都被安排坐滿這四人枱，歺廰真係唔滿啊！㸃解要這樣安排呢？食物上枱速度奇慢無比！

茶木有好多分店.. 原來每間店都唔一樣Megabox呢間原來無lunch set..今次黎食,,超級多人排隊,,等左一陣就有位,,但坐左去茶包的台度呢D台真係太細張, 黎左兩個主食+兩杯飲品已經唔夠位放....酥炸豬排肉燥飯肉燥唔夠味而且好水,, 豬扒都係不過不失薰衣草珍珠奶茶, 有D薰衣草味, 但無咩特別其實真係有D失望,, 因之前食其他分店的茶木都唔會咁差..一個LUNCH主食+餐飲就過百埋單..不如食夜晚SET,, 有餐飲又有甜品呢間唔會再黎食,, 只此一次!!!

在"茶木"開餐的數目不下好幾趟，論到用餐環境，就以這一間在Mega Box的分店最好 ---- 地方偌大而且樓底超高的....三人今天的胃口只屬一般，為免浪費食物，就只叫兩份餐，另加甜品，食完剛剛好夠飽....好久沒吃過台式香腸了。這一種香腸，咬下去硬硬的甜甜哋，感覺像是在吃著加甜的廣府臘腸一般，一向不是我所好。今次來點這個，純粹是想懷緬一下從前在寶島夜市夜遊的好時光而已....肉燥入味偏甜，是一貫台式的味道。用來伴飯，是絕對不會差得到哪裡；蛋就令人失望了點，無論蛋黃以至蛋白，質地都是死實實；最後吃的醃菜，鹹度頗足，同樣十分適合伴飯食....牛肉湯底麵條加上鹽酥雞，絕對是經典，永恆的台式小食組合....前者湯頭尚算濃，藥味不覺重。粗麵條甚夠咬勁；鹽酥雞炸得頗乾身但肉則沒見非常juicy，外皮五香味濃重，吃完後少不免有點涸喉....鹹食一般，但甜的就弄得蠻不俗，酥皮撻口感輕盈脆度足甚flaky；旁邊的Opera可可味濃郁亦不至於口感硬硬的....不過論總體而言，小弟仍是覺這兒的環境比食物來得更殺食....

同肥髀睇完戲，佢扭食甜點，行去Megabox食，地下新開了呢間台式食店，唔使等位直入一張二人枱，地方大樓底高，淺木清新風格，餐飲都係台式食品！因為只係食甜點，加肥髀一份小食！食品好快到！台式烤香腸（$64）木板盛放，切成花朵盛開形態，香腸片唔夠熱，所以油香唔夠，好在加上蒜片及蔥絲，增加風味，味道唔錯黑糖芒果芋圓仙草（$43）肥髀食！Kitkat爆米花芋圓冰（$63）西台式甜點，玻璃杯睇到層層分別！賣相靚，水果酸甜新鮮，芋頭煙韌但無乜味（唔及薑湯煮咁夾味道）雪榚係cream & cookie，幾香甜軟滑，碎kitkat脆口好味！爆米花脆脆的，有糖漿包裹好味！整體好味！食品賣相靚，水準不錯，而價格頗貴！店員好忙，好多時要舉一會才有人理會，人手有點不足，好在店員勤快，要做嘅都照做甜點不錯

夜晚係Megabox行到攰唔知食咩好，咁岩見到地下有間茶木，就決定食返次！間鋪都算幾大，就算多人食，去到都唔洗等位就直接坐底嗌野食。睇完menu就分別叫左一個酥炸雞排麵同鳳梨鮮果甜酸肉套餐，睇下係咩味道。鳳梨鮮果甜酸肉套餐包沙律同飲品，沙律就唔錯，尚算新鮮而個甜酸肉份量偏細，男仔應該會唔夠食，但味道還可以，加埋生果都幾開胃！同行朋友個雞排麵就差左少少，雖然麵條質感唔會太淋有咬口，但係雞扒實在太咸，可能咁岩廚師調味重手左.....

叫了新出的漁夫海鮮鍋，等了半小時也沒到，其他人叫的已經一早吃完，催了多次，每次都叫我們等兩三分鐘，苦等十多分鐘（已等了差不多大半小時）打算取消，侍應竟然説”依家拎出嚟是否都唔要”, 吃了多間茶木一向都很喜歡，唯獨這間分店，一定無下次。

今日同個FD去左MEGABOX溜冰,見溜完有少少肚餓走左去茶木食個tea未開始溜冰剛入megabox果陣都有望望見到個牛肉西多好吸引未見過牛肉會配西多,所以一坐底就即刻叫呢碟比想像中更好食炸魚豆腐好特別 走之前仲買左支茶,味道ok濃,飲起來舒服

美好嘅早餐係一天新開始！！所以一定要揾間環境好、食物正、又便宜嘅餐廳食早餐！！今日同友人一齊去左九龍灣Mega Box嘅茶木嘆早餐！！我叫左沙茶牛肉新竹米粉加配肉鬆吐司、飲品叫左濃香熱咖啡！！沙茶牛肉都幾入味，夠淋！！新竹米粉一絲絲幾有咬口！！幾煙韌！！湯底就淡D！！熱咖啡好香濃！！好滑！！正呀！！

呢度星期六既早餐好少人，店內又有自然採光，環境好寛廠，檯與檯之間都隔得遠，早餐價錢都合理~我都食過幾次~不過今日就多咗段小插曲~諗好食咩後舉手示意向店員落單，佢庳個手勢話我知佢收到我就等佢做埋手上既野先點知，佢做完直接喺我面前行過。。。於是我又舉手叫另一店員佢行過來執我隔離張檯我以為佢收唔到我就同佢講多次唔該點知，佢即刻西我面。。。我即刻成個假日mood冇哂！早餐款式冇變過款式係少啲但都有啲特色，但間唔中食下都ok可惜得呢間分店有供應早餐~不過就供應到11：15，最愛香滑咖啡同沙茶牛肉~完~

話說放假搵下朋友行街，呢日仲係新年，想試下茶木lunch set，原來無推，要按餐牌正價點。未到lunch time，都算係有位，我地食完剛好1點，就開始滿座，要排隊等位。好耐以前有食過紅燒牛肉麵，係幾好食，今次想飽肚啲，叫其他嘢食。叫咗個小食溏心蛋，幾好食，小小甜口，配青瓜係幾特別。我叫咗炸豬扒麵，豬扒個粉幾厚下，咬落唔算酥炸，都幾油。碗麵係好味，同佢平時嘅牛肉麵底係一樣，不過無咁多配料。我之後都狂飲水，真係食落好渴口。

草莓🍓香草蜜糖磚塊次次食甜品都叫呢個，個賣相好吸引，有啲士多啤梨醬，有啲棉花糖，有啲藍梅，成個多士都好香脆，加埋本身有蜜糖更加好味。我地唔夠蜜糖叫店員加少少，之後俾左一小杯俾我地加落啲麵包到。真系好好味😍呢個我搵唔反個餐牌，無影相好似系。唔知系味新出，之前好似未見過，麻麻地沙茶牛肉金菇煲🤣🤣？細小鍋，湯底未夠濃味。💫其實食左甘多年，都見茶木都不斷推新款食物，唔錯。因為好多年前我記得餐牌款色系比較少款，但而家款式多好多。👍🏻 仲有佢個甜品依然keep到水準