茶木‧台式休閒餐廳 (MegaBox) (Closed)

今日星期六同友人去左megabox 影聖誕節🎄裝飾，影完有dd 肚餓，見到地下店舖原來開左小丸子主題餐廳既<茶木>，有人排隊ing,我地都唔執輸排埋一份先，等左15分鐘左右就有位啦！店員安排左卡位比我地2個坐，個menu 好靚呀！😍😍 黎到梗係會點小丸子既食物啦！我地點左小丸子番茄肉燥鰻魚飯，有個大大既小丸子糖紙鋪係面，週邊充滿住香噴噴既肉燥伴碟，有4塊鰻魚同有幾朵黃小花點綴住，鰻魚很嫩滑，肉燥撈埋日本飯一齊食色香味俱全！再黎就叫左個鐵板香草菜脯煎蛋，佢連埋鐵板一齊上碟，所以超級熱辣辣，要小心燙咀，蛋味香濃，夾住菜脯好有口感！我地仲叫左2杯特飲：爺爺👴🏻抹茶🍵歐蕾同花輪(oh baby)玫瑰🌹咖啡Latte! 綠茶味很濃郁，咖啡玫瑰🌹味清爽，個杯身印有爺爺同花輪同學個樣，真係設計用心！最後當然叫個小丸子吐司🍞禮物盒，吐司焗得好香脆，再配上曲奇🍪味雪糕再一啖士多啤梨（有點酸）😅緩和一下，感覺超爽！食完之後童年回憶番晒黎咁！😊😊+++++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

MegaBox分店嘅主題係「小丸子一家親食大餐」，場內最為吸晴嘅莫過於小丸子精靈與爺爺精靈真人1：1比例立體公仔，以及場內嘅旋轉摩天輪禮物圓盒佈置，打卡呃LIKE必影！ 而且場內嘅佈置亦令人感受到小丸子一家人嘅愛，係滿滿嘅愛！不論牆身或玻璃，都可以見到小丸子一家嘅可愛笑容！ＭegaBox分店嘅獨家美食啦！小丸子番茄肉燥鰻魚飯好味指數：****醬汁配日式蒲燒鰻魚，夠晒酸甜開胃，大人同小朋友都啱食！小丸子吐司禮物盒好味指數：****香脆可口，配埋雪糕簡直就係一流嘅享受！主題分店亦會提供四款特式飲品，分別係：左起：野口竹炭仙草奶茶、花輪玫瑰咖啡拿鐵、爺爺抹茶歐蕾、小丸子櫻桃西瓜柳丁而我同小JM就分別揀咗爺爺同小丸子，味道都唔錯，但對小JM媽我而言就有啲啲偏甜。

今日收工，陪朋友仔去茶木小丸子潮聖,佢係超級fans屎，雖然小丸子唔係我嘅年代，但我都覺得好得意。。。童真返哂黎未入去，門口已非常吸引急不及待，入去睇睇餐牌先我地叫咗小丸子番茄肉燥鰻魚飯，$128肉燥加鰻魚好夾，送飯一流！最特別係，小丸子張紙係用米紙做嘅,甜甜地幾搞鬼！鐵板香草菜脯煎蛋 $60好有家的感覺爺爺抺茶歐蕾 $38小丸子櫻桃西瓜柳丁汁 $38抺茶味淡淡的，我好中意，好清新西瓜汁好多西瓜肉，好新鮮

上次黎開megabox食飯見到茶木門口今期做小丸子主題，一見到已經好想食！可惜已經約咗朋友book咗食其他野食， 所以決定下次一定要再黎 今日終於有機會喇！！一於朝聖一下成間店舖都有好多小丸子呀！！仲有小丸子週邊嘅人物，小丸子粉絲一定唔可以錯過呢除咗食品之外，仲有唔少小丸子嘅商品購買喺門口見到飲品杯好靚呀！一定要叫黎試！！周圍都係有小丸子入座睇餐牌，有好多小丸子主題特色嘅食品，例如主食，甜品同飲品...飲品杯印上卡通人物，超靚！！花輪玫瑰咖啡拿鐵玫瑰配咖啡又幾match喎，感覺新鮮爺爺抹茶歐蕾抹茶味濃郁，唔算好甜，味道唔錯小丸子出場喇！！！小丸子蕃茄肉燥鰻魚飯 小丸子嘅碟加上一大塊小丸子圖案嘅糖紙 真係唔捨得食喔！！鰻魚冇乜骨，小朋友都好啱食！番茄又好開胃，成個配塔好正鐵板香草菜脯煎蛋好大碟丫！ 煎蛋入面好多菜脯！不過唔食香草既朋友就可能未必鍾意喇. 小丸子吐司禮物盒 又嚟好cute cute嘅小丸子蜜糖多士磚甜甜哋又夠脆，配cream & 雪糕食簡直perfect餐廳除咗堂食之外，仲有好多麵包賣，選擇都幾多，而且亦幾吸引！下次都可以買個試下小丸子迷一定要嚟朝聖呀！！周圍都係小丸子見

前排在網上看見小丸子與茶木合作開主題餐廳！ 最鍾意試新嘢嘅我立即就去到megabox的茶木。 一到茶木門口見到很多小丸子的裝飾已經十分開心了，立即衝入餐廳搵位坐低先！ 看見餐牌上有很多小丸子主題人物的圖案，好似一本漫畫書咁， 真係所有童真都返曬嚟啊！因為很喜歡小丸子的關係，所以今次點的菜式全部與小丸子有關，叫了鐵板香草菜脯煎蛋 $60，小丸子蕃茄肉燥鰻魚飯 $128，爺爺抹茶歐蕾 $38，花輪玫瑰咖啡拿鐵 $38，小丸子吐司禮物盒 $82。小丸子蕃茄肉燥鰻魚飯 ~ 肉燥和鰻魚都是我喜歡吃的，肉燥用嚟送飯一流，再加埋肥美的鰻魚，味道很夾，好好味啊！賣相當然相當吸引， 但這道菜一到的時候，一定係相機食先啦。還有後來才知道飯上面的小丸子不是一張白紙而是用米紙做的，試咗少少甜甜地幾得意！爺爺抹茶歐蕾 ~ 設計精美的一隻杯， 抹茶味香滑，啱曬抹茶控！花輪玫瑰咖啡拿鐵 ~ 勁可愛的花輪同學杯子， 有香濃的咖啡味，又帶有陣陣的玫瑰花香，飲落有層次。最欣賞這兩杯特飲不算太甜，一個人飲曬一杯都唔怕啦！鐵板香草菜脯煎蛋 ~ 菜脯煎蛋煎得又香又惹味，煎蛋入面還有很多芫茜，喜歡芫茜的朋友一定要叫這個菜！小丸子

Mega box呢間茶木地方夠哂大，勁多打卡位，超喜歡呀！除咗餐廳佈置勁多小丸子角色之外，就連Menu都好似一本小丸子漫畫，非常吸引！另外，覺得最正既係竟然有AR實境app, 等餐上時可以玩下打發下時間啊！飲品勁可愛！😍😍😍左邊既花輪玫瑰咖啡Latte，咖啡味道非常之濃，但又唔會蓋過玫瑰花的香味。咖啡嘅甘醇味道之中帶有清幽的花香呀！右邊果杯係爺爺抹茶歐蕾，咖啡味無咁突出，抹茶味較濃烈。未食已經聞正香噴噴既鐵板香草菜脯煎蛋。以鐵板奉上能夠有效保溫，慢慢食慢慢影相岩哂！煎蛋煎得夠哂金黃香口，香草獨特既味道非常惹味！小丸子蕃茄肉燥鰻魚飯賣相可愛到爆燈！真係瘋狂影一百張相都未捨得食呀！太靚了吧？！台式嘅飲燥飯配上日式嘅鰻魚效果好有驚喜，味道很match啊！鰻魚夠厚，很有口感！黎得茶木食tea , 當然啊少得招牌吐司甜品喇！今次升級既吐司換上小丸子，配料有藍莓、櫻桃和曲奇雪糕。加埋蜜糖吐司甜度剛好，好味又吸睛呀！

我剛行過呢間Megabox茶木 (Monday at 2:45pm), 諗住我自己入去舒舒服服歎吓食吓，咁嘅日子同時間，得我一個排隊，個女waitress 定manager 要我撘個呀叔枱但有好幾張枱係吉嘅。我問做乜要撘枱呢，果個女staff 話知我淨係回一句: 呢度係要撘枱架喎，跟住無理我。我咪走囉，你咁唔希罕一個半個客!我食開屯門茶木，一般peak hours撘枱我好明白。但呢個時間同日子，Megabox呢間絕對唔會flexible啲去令個客舒適安樂食一餐。我呢d一個人的顧客做唔做你生意they don't care.

#小秘書 雖然講唔上同 #小丸子 係同一個年代，不過都算係 #小秘書 成長中其中一個角色😃 TeaWood 茶木 呢排以 #ちびまる子ちゃん #櫻桃小丸子 為主題🍒 成間餐廳都佈置得好可愛♥️ 琴日睇完戲順路嚟到 #茶木，見咁岩人少少又唔使排隊，梗係要入去打吓卡、潮聖吓啦☕️ #茶木 將一系列餐廳菜牌改成 #小丸子 做主題，仲將電話App加埋AR做原素，一邊食仲可以一邊同卡通片主角影吓相🥳 玩完一輪先捨得叫嘢食，因為當時大家都唔係太肚餓，之後又要返屋企食晚飯，所以我哋幾個只係叫咗一份 #吐司、同 #芋圓、再各自叫杯野飲☕️ 其實大家都係志在坐抵傾吓計啫🍽 我以前對 #茶木 印象一向麻麻，因為來來去去都係果個 #層層疊吐司+#台式食物。但而家餐牌上就多咗好多選擇👀 今日我哋叫嗰份 #吐司 除咗多咗個 #小丸子 紙牌外，份量比正常餐牌嘅少，不過都幾好食嘅😋 #吐司 裡裡外外充滿牛油味，面頭仲有一舊Cream & Cookie嘅雪糕球... 賣相好吸引！反而我對 #芋圓 又真係冇乜興趣🧐 不過話咗叫返嚟一齊食，我話唔食又唔係咁好嘅👉🏻👈🏻 不過我對呢類疑似湯圓嘅物體，真係唔識欣賞... 不過有啲黑

剛剛宣傳冇幾耐，個個仆到去搵小丸子都正常，我都趁放假去朝聖下。點知早去都係冇用，排隊條龍長到圍大圈。同行負責排隊，我便趁住有時間，周圍影下小丸子，期間可以睇定menu。職員可能見客人排得好耐，都向客人遞茶，服務值得一讃大約過了45分鐘，終於有得入。全場爆滿，吸引左好多小朋友，環境都幾嘈，唔可以坐得耐。入座之後，未有即時落單，因為要等埋另一友人。到落單的時候，一心想食竹炭吐司盒，但職員指只剩下3個「小丸子吐司禮物盒」$82，其他款全部售罄仲要即時落埋，不可以食完主食先上。我地3 人叫了「松露帶子紅糟麵」$85、肉燥炸雞扒飯、黃酒雞(不太記得)，「小丸子櫻桃西瓜柳丁汁」$38。飲品最先送到，友人覺得太多碎冰，比較甜，不算好飲。其後就來了甜品心想會不會太快!!!!!吐司好香脆，面上的忌廉和曲奇雪糕都夠冰凍，好好味，三兩下就食完了!!! 之後的食物都速速送上，食都未食到，都放涼了。紅糟麵好有特色，忌廉包住麵條，唔會乾身，2粒帶子好大粒，唔錯炸雞扒就薄身，炸完都唔覺得有肉咬。黃酒雞份量少，得5細件左右。整體份量偏少，不足夠飽，我地3人純粹想試下小丸子系列，但眼見其他都一般般，所以都冇叫到。埋單之

同朋友食飯，2個人，下午三點左右落單，叫了2⃣️個小丸子番茄肉燥鰻魚飯丶1️⃣個爺爺櫻桃湯丶1⃣️杯野口竹炭仙草奶茶，職員無覆單唔緊要，但連單都無張，等左一陣先先出左1⃣️杯奶茶丶之後出1️⃣個櫻桃湯、最後出得1⃣️個鰻魚飯我差唔多食完個飯丶個fd飲哂個湯都未黎，我地食野速度已經好慢⋯⋯見到唔多對路，點解咁耐既！？我舉手個女職員行埋黎用PDA check，問佢佢話只落左一個我都算，係佢問我要不要再落，我話照落，漏單OK 咁我再落多個啦！因為我個fd真係未食飯……之後有個男職員放張單係枱，人有5-6個但係唔知忙哂去邊，我地隔離枱叫左第二轉食物，d食物同我地一樣等到頸都長埋，因為有影相所以都好清楚等左幾耐，由3:35左右等到我連杯野飲都飲完都未到，足足大半個鐘，完全冇人跟進，食物OK，但服務完全係0，收碟無收～成個場客人唔多，只係坐好耐未走，最後我同個fd講不如走啦唔好等🙄結帳時間係4:19！睇返張單，原來又係冇落單咁請問用PDA黎做咩呀！？check完就算！？唔該你地檢討下！！九龍灣Megabox茶木以後唔會去‼️

睇完戲黎買野飲，見到有小丸子好靚，就試左兩杯。好貴，索價38蚊杯。野口竹炭仙草奶茶，太多冰，入面得涼粉，根本唔係仙草，呃人，味道就正常。爺爺抹茶歐蕾，似紅豆抹茶味，偏甜。整體感覺不值得試。

排隊等位的時間有點長，食物還可以，跟台灣比是差了一點。我們一團員工去食，他們移動桌子跟椅子給我們，這樣很方便很有彈性，還以為要我們這班餓鬼分開坐了環境是很有特色很時尚，沖滿氣氛

早前已在網上得悉茶木與小丸子有合作，開主題餐廳。星期六一早我便到店外排隊等開門，還好早去到，不用等太久便能入座。megabox的主題是草原小丸子精靈，Menu上有著小丸子探險的故事，將故事融入MENU的IDEA都幾特別。不多說，入正題吧點了 小丸子番茄肉燥鰻魚飯初時以為飯上的小丸子是白紙不能吃的，但原來是米紙做的，食落甜甜地幾有趣。鰻魚飯中規中矩，份量適中，鰻魚香口，但略嫌醬汁少了點。再來點了 小丸子吐司禮物盒吐司烤得剛剛好，食落不會太硬。雪糕是藍莓 曲奇味，雪糕溶雪慢慢流下配合磚塊味道相夾，不錯！最後點了一杯爺爺抹茶歐蕾膠杯設計很可愛，杯蓋上有心心封口，感覺衛生，飲用後杯子還能拿回家收藏味道方面，很有抹茶香味，但飲品偏甜。總結：小丸子主題的茶木相當吸引一家大細/朋友們前來打卡朝聖。今次去了Megabox後，還要抽時間去另外兩間不同主題的茶木試限定食品。

星期五晚和家人到Megabox的茶木吃晚飯，四位大人一個小朋友，店員安排了卡位給我們坐，頗舒適的。我們選擇了兩個套餐再另加個小食和麪。套餐方面，首先選擇了三杯雞。份量不是太多，但雞醃得都頗入味，有小蠟燭烘著令我們慢慢吃亦不會變得太冷。另外一個套餐選擇了蠔餅，賣相吸引但其實大部分都是炸粉，蠔的份量很少亦很細。套餐可以跟沙律或蛋糕，我們各要一。沙律菜爽爽的，但其實本身我們想叫主餐牌上的沙律，店員說全都沒有，很可惜，不知為什麼跟餐反而會有。蛋糕是草莓千層蛋糕，香滑而不膩，每層都有少少的草莓片，很好吃有驚喜除此之外，還叫了個炸雞扒麪，雞扒炸得香酥，不錯，但麪是幼麪，還是粗的比較有口感煙韌。小食是芝士雞翼，雞翼不是太大隻，咬下去有少少芝士，但味道不是太濃烈，還可以接受。飲品方面，我叫了杯紅豆薏米水，紅豆頗大粒的，薏米亦不錯，喝下去透心涼。整體上味道不錯，會再吃。

牛肉麵裏有條長頭髮。　唔好預有人會招呼你，因為侍應扮睇唔到人，我叫個經理過嚟，侍應聽了行走了便算，叫個餐，啲餸到晒個飯又唔到，追左三次都唔應，叫侍應唔應，找個經理都唔定