壽定食屋

Open Now

Now Closed

荔枝角係香港嘅工業區，肥仔今日約咗附近返工嘅工廠妹食lunch。見呢間喺荔枝角工業中心地庫美食廣場嘅壽定食屋，雖然位置隱世，但價錢抵，所以一齊去試下。🍚日式厚切吉列黑豚豬扒飯🍚吉列黑豚豬扒個漿非常薄身，只係輕輕包住啲肉，但仍然非常香脆，而豬肉炸完後依然保持嫩滑，夠晒juicy！豬扒夠厚，帶有一層脂肪但食落去唔會太油膩，反而令肉質保持鮮嫩。推薦！總結，雖然位置隱世，但餐廳出品用心有驚喜，加上價錢經濟實惠，係荔枝角工廠妹lunch不二之選！

喺荔枝角返工💼嘅朋友有冇去過香港工業中心地庫food court呢🥢？喺荔枝角站行去青山道入口🚥，原來有好多嘢食、好多舖頭行😍。我哋就喺food court搵到一間即叫即整日式料理小店🇯🇵，晏晝放飯、夜晚收工都值得去食🤤。.🐮月見牛肉丼($62)牛肉味道好香，牛汁💦裏面嘅油香濃嘅肉味、油脂味、更加有洋蔥嘅甜香味🧅，還原咗日本嘅風味🇯🇵。唔少得月見溫泉蛋，蛋漿超級濃郁🍳，撈埋一齊，每粒飯都畀蛋香味包圍住💕，滑捋捋嘅感覺配埋牛丼好幸福😍。.🐥南国元気鶏唐揚炸鶏湯烏冬($68)炸雞嘅肉質唔錯，外層香脆💥，而且係舖頭即叫即炸😝，新鮮炸出嚟熱辣辣，又juicy💦。烏冬嘅口感亦都夠滑🍜，份量亦都好夠，夠晒滿足😋。

🍽️ 壽定食屋 📍荔枝角青山道489-491號香港工業中心C座地庫CB1-B3號舖-平時最鍾意捐窿捐罅去香港工業中心尋寶睇靚衫😍😍今日一於喺佢嘅地庫食埋晚餐先🫶🏻🫶🏻性價比極高！💫日式牛肉炒烏冬（ $48 ）大大碟嘅炒烏冬面頭有好多牛肉片同埋雜菜，睇落清淡但其實食落好夠味！👍🏻👍🏻烏冬滑得來都幾彈牙，又唔會黏埋一齊😆😆呢個價錢嚟講，牛肉同雜菜嘅份量絕對係超高性價比！💫日式咖喱牛肉飯（ $62 ）咖喱味香濃，係偏甜而唔辣嘅咖喱🤣🤣牛肉份量同飯嘅比例係一比一！好足料啊🔥🔥而且牛肉唔老👍🏻👍🏻好好送飯🍚🍚🍚💫麵豉湯每個飯都會送一碗麵豉湯，仲會見到有唔同嘅蔬菜喺湯入面，都幾足料啊😙😙😙-🌟可能始終係工業大廈，呢個food court嘅人流唔算太多，但係勝在空間闊落❤️❤️坐得舒服🌟價錢相宜，份量又多！性價比極高！啱晒喺附近掃貨或者返工嘅大家🥰🥰🥰🌟見到唔少人都係呢檔叫嘢食，但係佢嘅出餐都算快，兩個餐大概5分鐘左右就攞到👍🏻👍🏻👍🏻推薦指數：4/5抵食指數：5/5#foodloverin852 #852 #foodie #hongkong#LaiChiKok #荔枝角 #荔枝角好去處 #荔枝角美食 #

壽定食屋 荔枝角青山道489-491號香港工業中心C座地庫CB1-B3號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：日式厚切吉列黑豚豬扒咖喱飯 $78，日式炒野菜 $32，玉子燒 $28壽定食屋鄰近港鐵荔枝角站B2出口，交通方便！😄😄😄日式厚切吉列黑豚豬扒咖喱飯：豬扒數量夠多，厚切上枱感覺大件夾抵食，吉列外皮非常酥脆肉質，嫩滑多汁，口感非常好。咖喱的味道十分濃郁，味道偏甜，帶有一定的辛辣和香料的香氣，還附送味噌湯，可謂超值之選！👍👍👍日式炒野菜：鮮嫩的蔬菜經過短暫的炒煮後變得惹味，既有原始口感又有營養價值，加上香菇及紅蘿蔔後口感更為豐富，酱油味道亦恰到好處，上面放的木魚也很滋味！😍😍😍玉子燒：玉子燒的外觀吸引，金黃色的蛋糕體外層，內部鬆軟細膩，切開後散發出香甜的蛋香味，味道香甜，值得一試！😋😋😋

.Lunch同同事去左附近一個foodcourt，見有間幾多人食嘅日式定食 - 壽定食屋 ..玉子燒 28即叫即做，等待時間大概十分鐘，好新鮮，香滑蛋香..日式厚切吉列黑豚豬扒咖喱飯 78吉列黑豚豬扒肥瘦適中，皮薄肉嫩，咖哩係選用左日式咖哩，米是用了珍珠米，好推介厚切吉列黑豚豬扒!!..南国元気鶏唐揚炸鶏湯鳥冬 68炸雞比較瘦，都會健康d，烏冬嘅湯底好清甜，配上小小椰菜，比較健康..地址：壽定食屋 (荔枝角)荔枝角青山道489-491號香港工業中心C座地庫CB1-B3號舖..

荔枝角除長沙灣廣場外聚集餐廳下，很多小店都散落四周，這個新Food Court應該算是第2處餐廳集中地，內裡有5-6間餐廳，有日式、韓式、泰式及中式等，今次嚐了一餐清淡日式菜。毫不起眼的窄電梯原來通往地庫food court，一整層靠牆也是餐廳，餐桌設於中央共用，地方尚算闊落光猛，空調足夠不覺悶熱侷促，枱櫈環境頗整潔，未覺有食物碎屑或黏立。日式餐廳「壽定食屋」位於food court後方，餐牌用電子螢幕顯示，即叫即制，大約需時10分鐘，取餐器震動時，便可到餐廳自取食物與餐具。Food court提供飲水機，可自行斟水。雞肉大約有5-6粒，肉質尚算嫩滑有彈性，淡然雞肉及調味，滑蛋有蛋液但蛋層較薄，幸有清新醬汁淋飯，令整丼不會太乾太單調。濃濃咖喱汁不辣不太油，吸引薯仔、蘿蔔、牛肉與洋蔥精華，非常適合送飯，略嫌食材較碎，未能品嚐到各自味道與口感。清新玉子燒沒有加半點醬汁，懷疑連鹽都未必有，突出到蛋香但始終味道較淡，值得稱讚熟度剛好，玉子燒水潤滑溜。

呢日要去荔枝角出差，順便食個午餐，去咗香港工業中心C座地庫嗰邊搵食，嗰度有成個food court，好多野食。最後我揀咗依間日式料理餐廳，呢度乾淨企理，選擇都唔少。我揀咗我一向最鍾意嘅日式豚肉咖喱飯：炸豬扒的炸至金黃酥脆的外皮將豬肉的鮮美封存在內部，豬肉肉質鮮嫩多汁，每一口都帶來了滿足的口感。日式咖喱的濃稠湯汁滲入飯中，賦予了米飯豐富的口感和風味。每一口都充滿了咖喱的香辣和米飯的蓬鬆口感，帶來了令人滿足的味覺享受。炸豬扒的質地和咖喱的風味非常契合，給整道菜帶來了豐富的層次感，是一道令人垂涎的美食。

來佐荔枝角香工附近，見到有個地下美食街，唔起眼但好奇入邊有乜嘢食🍽️落佐地庫見到有間日式食堂，一於坐低試下。🍜厚切豬排湯烏冬真係厚切，而且店家係點餐之後即做，上來個陣豬扒熱辣辣，一大啖肉入口，好滿足😌日式濃湯飄香，咸淡適中，配烏冬一絕。盛為💰82蚊。🍚牛肉丼肥牛好入味，米飯粒粒分明，撈埋肥牛啲肉汁一齊食，成碗食得好乾淨！😁盛為💰62蚊。應該係香工附近嘅好食堂，即使係細細間鋪，係用料同食物質素方面都睇得出係店家好用心經營嘅日式料理。

香工C座地下有美食街，各式各樣都有，見到呢間小店，店主默默耕耘好勤力，即叫即整，而且又係日式料理，點左兩個lunch，送麵豉湯👉🏻南国元気鷄唐揚炸鷄咖喱飯 $65咖喱好香而且好濃郁，共7件炸鷄，超足料，酥脆外皮但keep 到鷄肉嘅嫩滑juicy！👉🏻日式厚切吉列黑豚豬扒咖喱飯 $78個咖喱汁除左香，而且仲加左紅蘿蔔粒同冬茹粒，口感豐富！吉列黑豚豬扒炸得剛好，唔會太熱氣嘅感覺！加野飲有紙包或樽裝揀！

Fashionistas, like my cousin, love shopping at the Lai Chi Kok Hong Kong Industrial Centre, I just found that there is a food court at the UG level, just take the escalator down and you’ll see it. Let’s try this new Japanese eatery, their menu features a variety of staple bentos and udons. We decided to get the curry rice with chicken karaage, and the pork cutlet rice with egg. Very delicious curry: the flavour has depth, it is a combination of sweet and savoury, a little darker in colour, with

餐廳喺香港工業中心地庫，喺上面行完街就可以落去填飽個肚，好方便🤣🤣地庫有好多座位，可以同朋友慢慢食，慢慢傾都得😍😍餐廳係日式餐廳，餐牌都有唔少嘅選擇，有烏冬、丼飯、價錢合理，性價比唔錯雞扒稻庭烏冬雞扒好大塊，好厚切，個湯好惹味，幾乎俾我飲晒啲湯，稻庭烏冬好滑豚肉丼豚肉份量一啲都唔細，用咗好多洋蔥炒，好香，個飯嘅質地都好軟綿，而且個醬調得唔錯，甜甜地，好開胃🤤另外仲可以加配唔同款嘅日式飲品

哥哥鐘意食咖哩嘅程度😂已經去到係人都知..早排有fd介紹我，話香工地下有咖哩飯同烏冬都好正！可以同個仔去試下😀食物吉列黑豚肉咖喱飯我真係要好多謝靚仔廚師🥹哥哥話個咖哩好特別，好好食，我試咗一啖，真係同岀面日式咖哩有啲分別！我知啦😙平時條友唔食紅蘿蔔，今日個咖哩係勁多紅蘿蔔粒！令到個咖哩甜甜地🩷佢都食得晒👍🏻👍🏻👍🏻唐揚炸雞湯烏冬炸物真係要即炸即食😋吉烈黑豚肉外面係好鬆脆！但入面啲肉係勁juicy,唐揚炸雞都係！啲肉仲好嫩滑🩷🩷食得岀師父好有心處理個雞湯烏冬又夠濃湯，又夠滑！正😄其他小記:我哋完全唔知地庫點落😂😂😂好彩都有啲指示，原來呢個有food court 😀我哋點完餐有個機仔，哥哥就問要黎做咩🐒講完，個機就係到震😂嚇死佢哥哥仔問:你知唔知我幾個開始鐘意食咖哩😀？😂😂😂打從你係我個肚嘅時候已經係咖哩仔…食一餐大一個碼…一索到咖哩味就狂踢#荔枝角美食 #香工 #美食探店

壽定食屋 地址：荔枝角青山道489-491號香港工業中心C座地庫CB1-B3號舖行開香工，行到攰就係附近搵嘢食😊，點知原來近近地都有個food court！望見環境都整潔，就睇下有咩好食🤭！之後就見到呢間壽定食屋，哥哥仔好熱情招待，所以最終揀左呢間🤭日式厚切吉列黑䐁豬扒湯烏冬 $98呢碟日式厚切吉列黑䐁豬扒湯烏冬絕對足料！豬扒肉質鮮嫩，湯底濃郁，好好飲！烏冬都喺彈牙！日式泡菜炒黑豚肉 $72泡菜嘅酸辣同黑豚肉嘅嫩滑口感組合得好好，味道豐富，送飯一流🥰，配埋個湯，好滿足！整體嚟講，性價比高！最正係夠近，而食完又可食再行！正！

來開香工買嘢，見到有個位叫The C C mall food，咁就落地庫睇下，原來係一個food court, 行咗個圈就揀咗呢間「壽定食屋」 外面凍冰冰當然要食下飯暖身啦！所以叫咗日式厚切吉列黑豚豬扒咖哩飯🍛 豬扒夠厚切又夠份量，配埋豐富配料嘅咖喱汁，好好味😋朋友就就叫咗南國元氣雞唐揚炸雞湯烏冬🍜炸雞味道剛好夠juicy, 豬骨濃湯烏冬熱辣辣，啱哂凍冰冰嘅天氣。烏冬質地煙靭，配埋蔬菜一齊食，味道剛好👍🏻

呢日出開荔枝角做啲野，去咗附近香港工業中心地庫美食廣場呢邊搵野食。❤️雞湯雞肉烏冬$78呢碗烏冬有雞湯嘅深厚風味。雞肉切得好軟嫩，入口即化。烏冬麵條有啲彈牙嘅口感，好好食。湯裏面仲有唔少菜，煮得好好食，增加咗層次感。另外仲有蛋同青豆，都整得好好食。❤️日式豚肉炒野菜定食$72呢道定食有種健康同埋豐富嘅感覺。而且份量仲好多添！豚肉炒得啱啱好，保持咗肉質嘅鮮嫩同埋多汁。野菜炒得脆口，保留咗佢哋嘅天然甜味。定食仲配埋白飯同埋一碗味噌湯，同樣都有蛋同青豆。讓整個餐點更加豐富。總括嚟講，呢間餐廳嘅野都係份量好充足，而最欣賞佢地嘅地方就係佢地嘅餐都好多菜，營養均衡。出街都可以食到咁多菜真係好。服務員態度友善，美食廣場環境舒適。