鉄火堂 (厚福街)

Open Now

Now Closed

平日食魚生丼一般都係有指定配搭，如果個人比較奄尖，唔係款款魚生都鍾意食，鉄火堂嘅自選魚生丼就啱晒。午市自選魚生飯只係由$60起，揀四款$60，揀五款就$70。另外有啲魚生就需要另加錢，例如海膽、活赤貝、牡丹蝦等等。平日lunch time一點幾嚟到好彩啱啱有位，一坐低未落單就上咗味噌湯，好有效率。午市自選魚生丼係自己寫紙落單。我揀咗五餸，另加$30牡丹蝦。魚生飯可以揀白飯或者壽司飯。另外仲可以加$5轉沙律菜或者其他口味嘅飯。有薑味壽司飯、冬菇壽司飯同黑椒三文魚飯揀，都幾有創意，但同魚生夾唔夾就唔知喇，所以我揀咗穩陣嘅壽司飯。等咗一陣魚生飯就上枱喇。藍鰭吞拿魚色澤好靚，雖然食落無乜魚油唔夠肥美，但都有鮮味。蔥碎吞拿魚食落口感好滑，好鮮甜，蔥嘅份量適中唔會搶咗吞拿魚嘅鮮味，撈飯一流。油甘魚切得幾厚完全無筋，魚油豐富又有口感帆立貝雖然細粒咗啲，但至少有鮮味唔會腥，呢個價錢收貨啦。三文魚籽有咸香但唔會過咸，而且好鮮味，份量都幾多下另加$30嘅牡丹蝦唔算大隻，個蝦頭幾大，所以有蝦膏，蝦身就比較細，但勝在新鮮。$100就食到有六種魚生嘅魚生飯，真係好抵食！

相信大家對鉄火堂都唔陌生啦！食過三次，都係佢嘅晏晝最抵食！$60有得自選4個配料，抵到爆！但當然，味道方面道唔好expect too much la，一分錢一分貨。相信每個好似得咁有選擇困難症嘅人，每次食都會覺得好煩惱，因為實在太多選擇了！😂今次就講下我有咩preference la!每次食，我都一定會嗌蟹膏！因為真係好好食！雖然佢嘅賣相真係有啲核突，但我地係唔可以以貌取人㗎！大家不妨試下！另一個人嗌嘅，係泰式生蝦，鍾意食蝦嘅朋友仔可以嗌，因為係最大隻，最肥美同最好味！😂🤣最後最後，梗係到佢最出名嘅吞拿魚啦！平時唔食吞拿魚嘅我，都好鍾意食！有種入口即化嘅感覺，同時又唔會好腥！讚！另外再講多樣，我係好鍾意飲佢地嘅麵豉湯！又多昆布，又唔會太咸，好啱我口味！🤩🤩所以未食過嘅大家！快啲食下啦！

喺尖沙咀海港城行完街，諗住搵間餐廳輕食，行得太晏，可以選擇嘅餐廳唔多，好多都last order左最後去到鉄火堂，最後都係比魚生吸引住😂嗌咗兩款嘢食海膽三文魚子三文魚腩飯🥰鉄盛

👨🏻‍🍳🧑🏻‍🍳店主推介🍱🍵旬の角切雜錦魚生丼🍱🍵旬の角切雜錦魚生丼 配 味噌湯 $90這間日本菜午市時間需要等位，好彩等了約10分鐘就有位，等位時已經諗定食咩，服務員好有禮貌，落單後都好快上菜，其實這間店好多人來食，每次都要等位，人流多自然食物流量快，所以食材好新鮮，食物賣相又靚，份量多，味噌湯唔會太鹹，似完湯完全填滿肚仔，又抵食，好想再來試其他款式😋🌟不設電話訂位，要預時間等位。

🇯🇵🍣可以自選配料四款$60/五款$70配埋白飯/壽司飯，跟麵豉湯，仲要免加一，好抵食🍱之前中學嗰陣就好鍾意同啲朋友lunchtime 嚟食🤤超多配料做選擇，🐟魚生夠新鮮同肥美，夠晒飽肚又好味😍📍鐵火堂 (厚福街）

尖沙咀💛車仔麵叫法嘅自選魚生丼因為價錢唔貴仲要好食鉄火堂成日都排晒隊星期日為咗避人龍早少少去食值得介紹係可以自選魚生set好咗有時唔係每一款都鍾意呢度就可以揀自己最愛嘅 ^~^飯底仲要有幾個Option白飯/ 壽司飯/ 薑味壽司飯/ 冬菇壽司飯/ 黑椒三文魚飯想low carb 又可以轉成沙律菜底(白飯同壽司飯仲可以任加, 係咪痴線㗎?)魚生食落鮮甜, 份量亦都多性價比極高, 仲有碗足料味噌湯💛另外都想讚下d waiters 服務超好同超nice人均 $100-150, 豐儉由人 💛

我真係好鍾意食鐵火堂架😂😂唔係賣廣告，自己自費架，去尖沙咀諗唔到食咩，就會諗住食鐵火堂😌我最鍾意嗰個set就係吞拿魚set，然後再自己揀幾款刺身，就成為一個專為你而設計嘅刺身飯啦🥰🥰🥰本人情有獨鍾三文魚子、赤蝦、帶子、醋鯖魚（酸酸地，味道比較特別）佢哋嘅三文魚子都算高質🤤，幾有油香又有鹹味，送飯一流😎，講到送飯，其實吞拿魚茸都好正㗎😍，不過今次冇叫，赤蝦🦐都非常大隻同爽口嘅，帶子都係鮮甜既，醋鯖魚🐟呢，係我近年至愛，但因為味道比較濃，所以一定要放喺最後食總括而言，我係會繼續幫襯㗎，真係會食唔厭㗎，不過男仔就未必會好飽，可以加多幾樣刺身

位於尖沙咀一間CP值、人氣非常高既自選魚生刺身丼飯，一直大受歡迎👏🏻👏🏻 而厚福街分店，繁忙時間同樣好多人排隊等位，齊齊支持良心餐廳～ 魚生刺身新鮮而且份量多，非常豐盛，加上自選配料款式繁多，抵食又滿足，特別推介碎蒽吞拿魚、蟹膏，海膽魷魚，必點之選，配埋壽司飯，味道相當唔錯🤩 其他刺身亦同樣出色，例如厚切藍鯨拖羅肥美鮮甜，質素都幾好～ 呢個價錢絕對超值，飽肚滿足，值得大家繼續大大支持高質餐廳💛

點咗火炙四色丼依家天氣咁熱平均30幾度，都擔心買外賣自取途中會變壞，不過食完之後，覺得材新鮮冇呢個擔心！5片的三文魚 ，佐口魚，3片蝦 同帶子仲有姜喺飯面，俾你有需要時食左口魚裙邊- 好爽甜三文魚🍣- 厚度大約1.5 cm，食得出係新鮮嘅飯中間有生蛋 可以用蛋漿送飯仲有海帶湯 Boc pay 夠$100減$30 ，淨係$80好滿意！ 仲有三包Wasabi，豉油, 全部都用得晒!

每次食魚生飯總有一兩款魚生唔食或者令自己選擇少左。鐵火堂就有提供自選刺身，啱曬奄尖既我飯底有幾款可以選擇，亦可以轉沙律菜。我就轉左沙律菜底，刺身揀左甜蝦，蟹鉗同魷魚。（自帶一舊玉子，就唔洗自己再order玉子啦寫住「鐵火堂」個舊就係啦）味噌湯雖然做法好簡單，但總有餐廳整到超級鹹，飲完頸渴，鐵火堂既味道就啱啱好沙律加埋柚子汁，清新爽脆，啱曬炎炎夏日。另外叫左個炸甜薯，粉好薄，上到黎新鮮炸起，好味值得注意既係，Lunch hour人好多，食完店員會有禮貌地邀請你退位讓賢

尖沙咀區啲嘢普遍比較貴，尤其係日本嘢。但今次去食嘅鉄火堂不單位於尖沙咀地段，仲要性價比好高！ 因為堂食嘅關係所以都幾多人等，但等咗半個鐘左右都有位，都算快。佢有得自選，仲要幾多款式下，但我就揀咗個沙律風火炙丼，唔需要自選刺身，啱曬我依啲懶人！🤣個飯真係超級好味，醋飯味道均勻👍🏻 三文魚、帶子等等嘅刺身肉身好厚好新鮮🤤🤤 加埋佢個沙律醬真係好夾！最重要係有得免費加飯，加埋其實100蚊有找，真係好抵食好好味！一定會再食過～

鉄火堂 門口永遠不乏人龍，全因用料不錯，而且價錢公道，最鐘意可以自行選擇配料，啱哂我呢啲唔食三文魚的人。今晚6點多就到，只須等五分鐘就入得，配料選了我最愛的帆立貝、蝦、馬刀貝。最特別的是飯底也有很多選擇，三文魚粒飯和菇飯比較特別，菇飯比較搶味，同配料唔係太夾咁，但配料的質素很不錯，帆立貝夠鮮甜，但唔算大粒。附送的味增湯也很好喝，整體來說就係性價比好高。配料極多選擇，可自行組合。--> 坐得比較逼，同埋冷氣凍都好似雪櫃咁。

去過幾次鐵火堂！每次都咁好食😋環境係比較擠迫，但係都尚算乾淨吞拿魚赤身係必叫，但係火炙左反而冇咁好食另外仲試過蟹膏、三文魚、帶子、赤蝦、醋鯖魚、油甘魚、劍魚腩、火炙左口魚，全部都好新鮮好好食仲嗌過腦天同埋大中拖羅，推介以下幾款刺身吞拿魚赤身、腦天、大拖羅、火炙左口魚、醋鯖魚薑飯超級好食甜甜地😋😋，仲有埋茶碗蒸同埋麵豉湯！真係cp值超高！遲啲如果唔係減肥希望可以試埋香菇刺身飯，如果想平平哋想食壽司真係可以唔使諗！非常適合減肥又好食

平日食晚市竟然都要等位 可想而知幾多人食🤟🏻之前食午市都已經好多人排隊 午市自選丼抵好多🤑仲要收加一服務費 但其實好有趕客feel🤭 食完幾分鐘就來黎執嘢 位又好迫 所以~*火炙四色丼 $110三文魚 玻璃蝦 帆立貝 左口魚邊中間有一粒火炙生蛋黃🥚撈埋白飯食好正 有TKG嘅感覺~三文魚有火炙 食落有層次感😚 每款魚生都有兩到三塊 整體望落去幾新鮮 食落都好新鮮 唔會好腥😎 我唔係成日食刺身 但係我自己覺得啲玻璃蝦比其他刺身差少少🤏🏻 白飯質素差少少 暖暖地 但係就一舊舊咁😥送味噌湯 有海量海帶同豆腐粒 鹹度啱啱好

星期一去厚福街搵食先發現咁多舖星期一休息, 最後盲選鉄火堂, 好彩都冇令人失望🤓<自選魚生丼>自選4款$60自選5款$70非常抵食啦~ 👐🏻種類都幾多, 對我黎講唔係到到有既左口魚同劍魚腩都有, 即刻加哂分(私心♥️)魚生丼有配碗味噌湯, ok既唔太鹹可以飲哂成碗💁🏻‍♀️另外想叫板海膽但賣哂🥲👉🏻火炙三文魚腩朋友都有叫但廚房上漏左, 好快補上, 冇事發生繼續食飯😺三文魚腩都肥肥地既, 有油香, 不過比較薄身加上燒過, 一夾起就碎開一折折👉🏻馬刀貝真係好細舊, 不過爽脆既, 好味既, 呢個價錢👌🏻👉🏻赤蝦都係好細舊😹幾甜既, 但口感腍啤啤, 如果再食就未必再嗌啦😉👉🏻火炙左口魚邊我覺得佢唔係左口魚邊, 係左口魚only, 因為佢冇乜入口即化既感覺, anyway la I love 左口魚la👉🏻蟹膏🏅好好食!!! 味道好, 唔會得個鹹字, 質地又唔會太稀, 又有啲蟹肉係入面, 可以用筷子一口飯一口蟹膏, 夠餸一大碗白飯🍚推薦大家叫蟹膏🦀🦀👉🏻油甘魚朋友既油甘魚幾肥美, 正常發揮, 略嫌魚生唔係幾夠凍, 個人喜好啫, 覺得魚生凍冰冰先正😂👉🏻汁燒帆立貝圖片可見佢有啲營養不良