十大碗粥麵專家

Open Now

Now Closed

上次嚟過十大碗食完麵後，念念不忘。趁星期日下午，再嚟幫襯。叫了炸醬撈麵及生滾豬膶粥。聽聞炸醬撈麵醬汁用余均益辣椒醬溝地捫茄汁而成。麵嚟到，急不及待食一啖。醬汁辣中帶甜，非常開胃。麵保持一貫爽及彈牙，唔使5分鐘已食完。始終略嫌麵嘅份量較少。生滾豬膶粥豬潤份量不少。豬膶非常彈牙，但粥底卻不夠綿，薑絲及粥嘅份量亦略少。但總括來說，比起普通粥店水準已算不錯。埋單70多元，總括來說，水準亦可保持。但始終麵嘅質素比起粥略勝一籌。

今天有時間專程乘地鐵去嘗試，因還未到中午十二點，不用等位，餐桌上有樽酸羅白供應，可自由品嘗，餐單食品跟其它同樣食店大同小異，價格可算中上少少，這個當然不是問題，叫了最傳統的食物，有雲吞麵，豬手麵，芥蘭，及第粥，同炸鯪魚球，整體來說食品質素及味道都不錯，都可算有點兒水準，但吃時總覺有點兒說不出的感覺，埋單二百元有找，問題终於來了，约一至兩小時侯，只覺極為口乾口渴，我跟朋友立刻至茶餐廳叫了凍0茶解渴，還要多了两杯清茶，终於明白剛才吃麵時那種怪的感覺，這家十大碗的出品必是加了不少增味的東西，食完異常口渴，又是本人第一次幫襯，我又要講我唔想講嗰三個字……無下次，講完。

昨晚無聊睇youtube,見有飲食KOL(光頭肥仔)介紹呢間麵檔，睇完第二日lunch時段，立即渣車來試一試，睇下有無肥仔講到咁把閉駕勢！中午LUNCH時段，排左幾分鐘就有位，三個人叫左3碗雲吞麵，一碗淨水餃，炸雲吞，仲有蝦米炸兩。雲吞麵既麵的確係彈牙，雲吞入面蝦同豬肉，比例適中。啖湯簡直係無得彈！水餃，好食，好爽脆！炸雲吞係即叫即炸，入口脆香！唔油！最後係蝦米炸两，外軟內脆！加埋甜醬同花生醬無得頂！！

呢間餐廳好耐之前食過一次， 覺得佢哋嘅雲吞麵好好食，所以今日專登帶朋友嚟一齊食，諗住試多幾個唔同嘅菜式。我哋就叫咗一碗雲吞麵，薑絲豬什撈粗， 仲有一份炸兩。首先講吓佢哋嘅雲吞麵，唔會太大碗，食到佢哋雲吞麵之餘仲會可以有肚食其他菜式，而湯底方面，我就覺得唔錯，有味得來唔會太鹹， 而且雲吞嘅大細啱啱好，可以一啖放晒落口。至於豬什撈粗方面， 我就覺得佢哋嘅豬雜都處理得唔錯， 唔會有一浸雪味， 同埋豬嘅蘇味，而且會搭埋薑蔥絲， 食落好夾。佢哋嘅炸兩都做得唔錯，無論醬汁，同埋炸兩本身嘅質感，都配搭得好好！推薦大家去開太子又諗唔到食咩嘅話可以試吓佢

叫咗牛腩撈粗加底麵底加咗好似無加 男士應該唔夠食夠入牛腩入口鬆化豬手粗豬手膠質夠重 入味淨雲吞蝦夠新鮮夠大 肉少少 麻油味香湯夠熱 味濃 味道係好 但我味精敏感 就成身好痕 飲可樂先可以解到麵夠彈牙 無咩梘水味

唔記得點知呢間舖，但見openrice上好評如潮，總想一試。同朋友喺附近食完晏，已經全飽。過見近近地，平時又冇乜機會去太子，飽就飽D，去見識下喇。到埗大概2:00未夠，唔使等位，搭咗另一食客嘅枱，限聚令下兩個人已經坐滿一枱。點咗淨麵同兩粒鯪魚球。麵到，飲啖湯先。咦？唔係大地魚味嘅？諗咗一陣，哦，應該係羅漢果味(唔知啱唔啱)，都幾有新鮮感，味夾唔夾就見仁見智。如果我早知係呢個湯，會改叫撈麵。啲麵非常ok。三扒兩撥食完，D湯冇飲哂，唔係唔好飲，係唔夠熱，同埋太飽。鯪魚球到。唔係幾鍾意外面嗰層粉仔，雖然唔厚，但最好係冇。魚肉稍嫌唔夠彈口，但熱度十足。最令人驚喜嘅魚肉中好似加咗檸檬葉，呢個配搭冇得頂。雖然只有兩粒，但係都食剩一粒 ………… 真係太飽嘞。埋單$38，計淨麵$18，鯪魚球$20。價錢大眾化，物超所值。👍。下次帶個空肚去，試多幾樣。

太子除咗餃子仲有咩食？🧐今次就搵到呢間超正價錢又唔貴既粥麵小店😎當日見到大部份都係街坊客😝位置亦比較偏應該都未係太多人發現呢間鋪🙊鋪面細細間 座位唔多 但大部份都係卡位 坐得幾舒服 環境乾淨企理光猛 店員叔叔姨姨都好親切有禮貌😝食物款式都好多！除咗粥粉麵飯仲有即拉腸粉、各式各樣小食(炸水餃、炸雲吞✨)🍜雲吞麵 $31 (8/10)店員一擺低碗麵已經聞到勁香大地魚味！呢碗湯勁啦😎用左大地魚、蝦籽、蝦角、羅漢果、果皮、蝦乾、細火熬製5小時而成🔥果然真材實料！飲落充滿鮮味 十分鮮甜🤤雲吞有4粒🤩細細粒一啖食曬～皮薄餡靚 餡料非常飽滿 蝦肉新鮮爽口🦐麵用左全鴨蛋製成 爽口彈牙 冇乜鹼水味 正😋🐂牛腩雲吞麵 $44 (8/10)有3粒雲吞同3舊牛腩😚牛腩柱侯醬味濃 肥瘦適中 炆得好入味又keep到肉質軟稔！🤤湯底香濃又唔會太鹹 好好味呀(๑´ڡ`๑)!!!🐟蜆芥鯪魚球 (小) $32 (8/10)製作需時 即叫即炸 熱辣辣🔥一上枱估唔到咁大粒 成個乒乓波咁！外脆內軟 外層炸米粉好香脆！而且炸得完全唔油膩🤤鯪魚肉新鮮彈牙好紮實 仲加咗啲蝦米 食落更加香～蜆芥浸味唔係人人接受到 我就冇特別抗拒/鍾

小弟由細到大都很喜歡食麵,尤其雲吞麵.金黃湯清味濃湯底,再加上三口完成的蛋麵,一口一隻金魚尾雲吞.湯面必定有韮黃,再泛起少少豬油香味.真正西關大少上身近期頗火紅的十大碗,聽聞很不錯.我自己家住佐敦,2間“麥”字已吃悶,以前中環上班也吃麥字.但大多數同事厭太細碗,我用盡知識去解釋.雲吞麵係食巧不食飽的。所以當年我很討厭$10碗的乒乓波雲吞麵,簡直侮辱了一碗藝術品.這次一人淺嘗一下,一碗細蓉,一碟四粒鯪魚球.麵一端來立即看湯色,對辦先喝口湯,虾殻的鮮和大地魚的香恰到好處麵的爽滑更勝某間麥字分店.走鹼做得好,所以當然零鹼水味！當然吃到碗底朝天另一碟鯪魚球,外層鬆脆,內裡肉質軟滑而鮮.不是街市貨可能比美.完美.下次約多D腳去試埋其他野！

地道的港式粉麵, 想食到個陣傳統味，好像已越來越難。 雖然，坊間舊式小店仲有既, 但一轉師傅好像就成傳唔到個陣味道。今次試十大碗，因為之前同過佢報道, 好像真係好有誠意去做粉麵, 所以一直記住, 今日經過就黎試下。都係小店, 但都幾多人。 入到舖內, 好大個麵字, 好有趣。坐底後, 我地點左水餃河, 及第粥, 牛腩飯, 炸鯪魚球店員好有禮貌, 覆好單先再落。之後仲發現有大樽酸白蘿蔔，作為開胃菜, 真係做得唔錯, 真係會令人停唔到口。水餃河, 好似好普通, 我建議可以不用落醋，雖然本身我係醋怪。 這個湯係可以飲的, 超有大地魚和蝦子味，唔會太咸或令人口渴, 如果落左醋就會享受唔到佢個湯既美味。 而水餃不會太大, 湯匙大小, 但好新鮮, 入面既蝦好結實彈牙。 感覺意外地好味。及弟粥，豬雜好大件。 本來有d怕咁大件會唔會腥, 但又唔會, 同個粥好入味，正。 茶餐仲跟碟油菜, 幾ok炸鯪魚球炸得好大粒，凍左都唔會變細。 好彈口, 冇魚腥味。 不過佢地既芥蜆醬就真係唔洗試, 太咸，像腐乳再加鹽。

這間十大碗的師傅是原於紅磡「新大光燈」的。所以食品十分相似。雲吞麵湯底，足大地魚的甘甜。麵爽口彈牙，雲吞的蝦鮮味。我評90分，比「好到底」和「麥丕記」還要好!👍

Hey～又係我呀！最近見朋友係社交平台寫十大碗嘅食評！緊係要湊下熱鬧啦！我都係熟客仔黎㗎！由佢開張食到依家！佢大部份撚手野我都食過！白灼豬腰潤啦！火鴨絲豬潤腸，炸兩，水餃，雲吞麵咩都食哂啦～不過我覺得做食市真心難！我自己就超級欣賞佢嘅腸粉皮超薄超滑，但我見有人就話佢太薄冇質感，但唔好話人，炸兩入面嘅油炸鬼，佢炸到脆岳岳，我又覺得，太脆太硬，我鍾意軟身一嘀！所以一百個人有一百隻哈武太郎！係冇準則㗎！明明皮薄涵靚！嘀油仔重講三講四！我幫你呀下呢個係我必叫雲吞麵，麵身彈牙，湯底鮮甜，炒香蝦殼再加大地魚煮嘅湯底好正呀！我係會飲埋個湯果嘀人！就算撈麵俾果碗，三乾一濕，我都唔捨得噴落店小二度𢱑7折，我實飲哂重有佢嘀雲吞雖然細細粒，但皮薄蝦肉新鮮又彈牙，係一碗出色嘅細蓉！佢門口真係擺哂嘀，蝦乾，大大條大地魚乾！真材實料，不過佢家下越來越紅，好多YouTuber 黎介紹佢，上次都見到西吱美食家拍片！好丫！可能之後食佢會好多人，但做得有心機又好食！我都想佢爆紅呀！其實佢價錢又實惠！地方又乾淨，因為有好多有醃蘿蔔食嘅舖頭，一入舖頭就好大浸白醋味，但佢完全冇，證明佢係好清潔好乾淨！不過，如果你叫油菜，可以出

連續四日長假期，再加上疫情舒緩，一於出外覓食。記得早排睇YouTube，有人推介一間叫十大碗嘅麵舖。身為麵痴嘅我，立刻去試試。麵舖在太子站附近，下午去到，大排長龍。睇嚟冇揀錯。等了約半個鐘，終於輪到自己。店內面積不大，店員服務勤快。立刻叫了一碗雲吞麵及炸鯪魚球。雲吞麵先上，立刻飲一口湯，有大地魚味，並加了少量豬油。食一啖麵，不得了。麵幼，彈牙及非常爽口。水準高。雲吞包得傳統，雲吞尾呈金魚尾狀，蝦肉彈牙，有大地魚味及少量豬肉，配合得恰到好處。整碗麵水準非常高，唯一缺點是麵及雲吞份量較少。再上炸鯪魚球。鯪魚球剛剛炸起，上枱時size如乒乓球般大。急不及待，咬一啖。鯪魚球面的脆米炸得卜卜脆，魚肉咬落彈牙，並加了一點點陳皮，非常得。同垷介一齊食，非常好味。意猶未盡，叫多一碗牛腩麵。牛筋炆得非常腍，牛腩亦鬆軟，柱候醬味濃，亦得。這麵舖每樣出品都做得用心及水準高，自己食得一臉滿足。

地點就腳，新式裝修，鋪仔細細除左係麵家，仲有粥，腸粉，小食，都算係種類繁多。一坐低，服務生就會俾隻碟仔你，因為每台都會有一大盅泡椒酸蘿蔔任你食😋蘿蔔一d都唔硬身，酸度岩岩好，作為開胃菜真係一流雲吞麵小店既招牌菜，雲吞細細粒非常鮮甜，每粒都包左成隻🦐好足料。幼麵韌度控制得好好，爽👍蝦籽撈幼麵撈麵底淥得剛好，乾身爽口唔會散，蝦籽亦都好鮮味，都係主打之一，必食😎蜆介鯪魚球即叫即炸，貼心地有大細份量(4粒/6粒)，每一粒都好似乒乓波咁大😂鯪魚既肉質打得好好，唔太實亦唔太散，而且一d魚鯹味都無，唔會有小魚骨，確實係啖啖肉😋加埋痴左d米粉先一齊炸，特別脆香！蝦米炸両同樣係即叫即拉，連油條都係脆卜卜架！腸粉又薄又滑，加埋蝦米同蔥花，簡單既鼓油已經帶出香味，非常好味！

這段時間唯一令我出去食既原因，就係終於可以食到平日勁多人既小店十大碗0負評既原因，食第一啖明了麵係啱啱好的，唔會太硬or脹曬咁，又唔會太重䶨水味，湯對我來說咸左少少，但連麵一齊食都接受我地4個人叫左🐷手，魚片頭麵，鴨絲腸粉，再加左個人人話必食鯪魚球配蜆芥sauce同油菜- 真係樣樣連個油菜都好味喎！豬手又入味夠肉，片頭夠香，鴨味夠出，菜又夠甜，鯪魚球唔腥又唔會有大陣油炸味，係可以成日食都唔厭果種味道！不過對我來說sauce 又係咸左少少... 最後食埋佢個蘿蔔pickle balance 下d邪惡炸野- 連lee 個都好味喎！（真心想食晒佢成樽）見有人等走先- 希望佢可以番多幾枱啦！加油啊！撐住- 靠你做飯堂㗎！

十大碗📍.有時日日食得太豐富都想食返啲清淡既粥品🥡E.L成日都會去太子呢間粥麵鋪食除左因為鋪頭乾淨企理 坐得都幾舒服之外仲有秘製醃蘿蔔 令人回味👍🏻.🐷鮮豬膶粥（$34）豬膶新鮮無腥味 厚切幾爽口粥底綿密幼滑😋.🔥炸両（$28）外皮薄而滑 油炸鬼脆口🙈.朋友就叫左個腩筋河（$44）🐮腩筋炆得好腍 加上濃郁既腩汁同幼滑河粉🍜好食.呢到既炸蛽芥鯪魚球 炸水餃都唔錯架整體黎講啲食物都幾高質 值得試下架🤤.人均消費：$50美味指數：😋😋😋😋😋😋😋😋（8.5/10）抵食指數：💰💰💰💰💰💰💰 （8/10）打卡指數：📷📷📷📷📷📷（6.5/10）.店名：十大碗粥麵專家 (太子)地址：太子汝州街45號樂勝大廈地下.#foodies #hkfoodies #food #foodie #foodies #hkfoodblogger #hkfoodieblogger #hkfoodblog #hkfoodies #hkfood #foodlover #princeedward #congee #相機食先 #打卡熱點#香港美食推介#香港美食 #美食 #香港美食地圖 #香港打卡熱點 #打卡美食#太子#粥麵#粥麵專