十大碗粥麵專家

Open Now

Now Closed

和同事上去大陸開會即日來回，回程坐大巴坐到太子，落車時已經天黑，就到附近食埋嘢先開水。同事提議食麵，帶我去了汝洲街呢間專門店。果然是專門店，店子雖然，但是，粥粉麵飯樣樣有，而且生意唔錯，我哋坐咗半個鐘左右，見啲客都轉咗兩輪。同事是呢度熟客，一坐低就自動波打開樽蘿蔔來食，是免費的。我都唔執輸，食落非常爽脆，味道少許酸甜，都幾開胃。我叫了秘製牛筋粗麵，同事就叫了鳳城水餃幼麵，再整碟油菜和蝦米炸兩大家食。一場同事，佢分咗水餃俾我試，我亦分咗一舊牛筋俾佢食。水餃皮薄餡靚，味道唔錯。牛筋入晒味，而且腍得來仍具黏口感覺，膠原指數爆燈。芥蘭灼到碧綠色，點少少蠔油來食，都唔錯。蝦米炸兩值得推介，腸粉皮薄不特止，油炸鬼更比一般的店舖粗大，而且非常脆口。唧埋啲甜醬和麻醬來食，就無得彈。

今日午餐食得太多，決定晚餐食返少啲,就去食麵。我地叫左個牛腩麵，鮮牛肉粥,牛肉腸，鮮蝦腸，炸兩同時菜。牛腩麵腩汁味起濃，牛腩亦都炆得超林，而且份量都好夠，唔會淨係得個幾舊。至於啲麵都好彈牙，而且soak哂啲腩汁，好滋味！而碗粥亦都一樣新鮮，牛肉肉質唔林得滯又好有肉味，所以成碗粥都好有牛肉既鮮味，而且粥都好棉。碗粥既份量都好多，食完其實都幾飽。但係因為鐘意食腸粉既我都叫左兩碟腸粉。呢度既腸粉皮身都好滑，唔會一夾就散。蝦腸粉裏便嘅蝦係完隻嘅，而且好鮮甜同彈牙。至於牛肉腸粉嘅牛肉，一啲都冇味精嘅感覺。你都食粥就梗係唔會少咗咱倆啦咱倆。呢度嘅炸兩皮滑或油炸鬼仲好卜卜脆tim😀😀最得為左健康都叫左碟油菜。菜心好靚，好新鮮，唔會梅。所以下次想食light d係必食之選。

人哋話做運動前最好唔好食太多野，但係我呢忍唔住又叫咗幾樣餸見到呢間餐廳簡簡單單食麵嘅就入咗去，一個人叫咗一個蝦子麵、油菜、白灼豬潤、豆漿。🌻自從喺澳門食過好好食嘅蝦子麵之後，都算係第一次喺香港食蝦子麵首先啲面嘅軟硬恰好，表面嘅蝦籽呢度屬於淡，鍾意濃味嘅朋友仔可以點蠔油！因為餐廳好細心咁樣已經俾埋配料你。。。。。。。。。。。。。。。。。。。。。。🌻另外我要推介嘅就係豬潤！因為我自己一個人食嘅關係，所以特登麻煩職員俾少啲我，怕自己食唔晒呢度嘅豬潤可以話屬於中上質素，一啲都唔乾身

今晚想食清清哋，就去到我家附近太子汝州街（十大碗粥麵專家）食雲吞麵，原來仲有其他小食，都好多款選擇，附近的餐廳價錢可以好平，20幾蚊已經有一碗雲吞麵，但係是用水扣麵粉，這餐廳是用鴨蛋來製麵，食過之後，你會覺得是值得的。腸粉也是值得一讚，蝦肉爽口、大隻，腸粉皮簿煙韌夠滑。雲吞麵、 牛腩麵，麵底爽滑彈牙 湯底係用大地魚淆製再配合爽口的雲吞，軟淋味濃的牛腩，兩款都唔嫌多。滑牛粥，食粥最緊要就係個粥底夠綿夠滑，牛肉新鮮而又不老，成碗粥都好鮮甜。

一家人食飯未必一定要去大酒樓大餐廳，今晚去左太子汝州街（十大碗粥麵專家）有時去一啲小店會搵到優質的食材同食物， 價錢經濟實惠，最緊要係食得出用心製作。雲吞麵$31麵質爽滑彈牙，用鴨蛋整的雲吞麵，已經見小賣小，通通常一般將價就貨，都係用水同粉溝 ，質素麻麻，毫無煙韌度， 我覺得用這價錢食到優質的雲吞麵，十分抵食。牛肚撈麵，牛肚軟淋，夠曬入味，再配合撈麵十分惹味。簡簡單單一碟叉燒腸粉$27，食落去就知道師傅用心的製作，皮薄餡多，份量十足。

今晚和朋友吃飯，附近的食店很多，我們隨便選了一家麵店。這家麵店面積不大，勝在有乾淨，燈光明亮。麵條可以選擇幼麵、粗麵、米粉或河粉。配熱飲只要加$8。桌上有一大罐醃製白蘿蔔，入口清爽酸甜，很合我胃口。⭐️招牌雲吞麵$30湯頭清澈，雲吞裡面的蝦肉飽滿，配上爽口的麵條，實在很美味呢！⭐️南乳豬手麵$36豬手肉很柔嫩，淡淡的南乳味，加上幼麵，這裏的幼麵特別彈牙，很棒喔！⭐️炸兩$28脆口的油條給腸粉包裹，不得不說，十分美味！外軟內脆，再加上花生醬和甜醬，是久違的美味！▫️一碗麵的麵條份量不算多，我們兩個女生吃也想再加底，可惜下單已經不能補家了。

在太子逛街時，朋友仔話肚餓，所以一起尋食去，經過這店前，見面外貼出👇🏻朋友仔因剛從美國回來，很想念香港傳統的食物，便決定在此飽腹蝦籽撈面份量十足，蝦籽香味四溢，連坐在對面的我，也聞到飄來的香味，勁👍🏻湯底好有小時候的味道，好傳統的感覺，雲吞皮薄，蝦肉彈牙面條比一般的更幼細，入口滑溜之餘，仍有嚼勁豬手層皮好彈牙，一路食一路覺得好多骨膠原，嘻嘻😜炸鯪魚球外皮有米通，充滿傳統的方式，入口外脆內軟，美味可口還有這樽蘿白令人愛不釋口，非常爽甜，咬到索索聲，

今日喺太子上完堂,放咗學都已經七點幾八點. 今日屋企又冇煮我飯, 所以就喺附近睇吓有咩可以食. 咁夜唔想食得太heavy. 經過見到呢度有間粥店, 幾光猛又乾淨,所以就入去.枱面有酸蘿白,鐘意食幾多就攞幾多. 唔好睇少佢係免費,都幾好食.炸兩腸粉皮做得好薄, 炸兩又好乾身同脆!豬膶粥真材實料,勁多豬膶,而且大碗好味.柱候牛腩麵呢個一黎到已經覺得好正,賣相一流,湯底清澈,牛腩等嘅料都滿滿的.唯獨是分量唔算多,如果係男仔食可能唔夠飽.郊外油菜

2019年3月19日。晴。太子。喺附近收工，晚飯要食自己，又攰又餓嘅我就入咗呢間餐廳度食啦～呢區唔係遊客區，睇門口似係做街坊生意嘅～最鍾意幫襯小店～餐牌包羅粵菜所有元素～粥粉麵飯樣樣都有！餐廳入面個裝修幾靚～懷舊得嚟又有嘅摩登～淨水餃雲吞，$42有4隻雲吞3隻水餃～湯係清甜嘅大地魚湯～係雲吞（麵）獨有嘅湯底～雲吞同水餃入面都有鮮蝦，食咗一啖雲吞令人驚嘆！啲蝦係超級無敵咁爽口彈牙！！！！！好味到癲！仲有水餃都好正～除咗隻超級無敵彈牙蝦之外，仲有木耳絲同筍絲一樣爽口，但不一樣嘅口感～凍檸茶，$10嗌任何嘢食加十蚊就有埋飲品啦～本來嗌凍鴛鴦嘅，但係咁啱冇晒奶茶，咁就轉檸茶啦～幾好，唔太甜，茶味都幾濃～鮮蝦腸粉，$32腸粉個皮，張相已經說明一切！薄到呢～～～～隔住層腸粉皮仲可以見到啲蝦係幾咁大隻～腸粉非常軟糯，好鍾意呢種煙煙韌韌嘅口感仲有個豉油都好似有嘅竅妙，食到同普通豉油有少少唔同，但又唔知多咗啲咩總之就令個豉油更好味～郊外油菜，$18油菜好多條～側邊仲有蠔油～最後嘅驚喜係呢樣神秘嘅物體一坐低見張枱有呢樽嘢，有啲水，有啲白色一嚿嚿嘅嘢浮喺面開始研究嘅時候有啲驚，驚係啲咩巧妙嘅捉烏蠅裝置，但又

間中就鍾意去幫襯下茶餐廳，因為作為香港人，對港式風味始終係有一種情意結！❣️🎀 粥粉麵飯，喜歡濃味定淡味，都一定有啱你合味嘅菜式！😛·今晚收工同朋友嚟食個晚飯，菜式配搭好多，最後我哋叫咗2款麵同3款小食。·🔸 招牌雲呑麵🥟🍜（$31）嚟得茶餐廳，好多時我都會食雲呑麵！🙈 4粒足料嘅雲呑，餡料新鮮🦐，雲呑皮就夠薄而唔易穿，麵條夠彈牙，出色，果然係招牌菜！👍🏻·🔸 秘制牛筋撈幼麵🐂🍜（$44）個人特別鍾情牛筋嘅口感，腍得嚟又夠煙韌！牛筋味香濃，送麵一流！😆·🔸 淨豬手🐷✋🏻（$73）5大舊豬手，份量好多，誠意十足！豬手充滿南乳味，非常惹味！😍·🔸 炸蜆芥鯪魚球🐟 小 (4粒)（$28）外面炸得好香脆，裏面嘅魚肉好腍，好正！·🔸 炸両（$28）炸両保持到好脆，薄薄嘅外皮暖暖地，口感同味道都好出色！·🔸 支裝可樂（$8）·🔸 酸蘿蔔（免費）試咗一粒，酸酸地好開胃！·今晚好滿意，係地道嘅茶餐廳口味，味道好，價錢合理！😎

原來太子附近開左一個新既粥麵店叫十大碗，佢既裝修有別於傳統既粥鋪，裝修比較新穎，更有卡位可以坐，都幾舒服。食物就主打生滾粥、湯麵、撈麵同腸粉，雖然都有飯可以叫，但選擇唔多。每次食粥，我基本上都會食炸兩，而呢度既炸兩，可以算係我食過最出色既！呢度既炸兩既油炸鬼仲帶有微溫，而且非常鬆脆，超正！！以前試過食一啲炸兩係用又硬又乾既油炸鬼但呢度真係好食另外叫左兩碗粥，粥底夠綿之餘，豬潤同豬肚口感鮮嫩，味道濃郁。牛腩撈麵腩汁勁濃，好襯個麵以後相信一定會經常黎食！

香港地味道嘅美食越嚟越少，尤其傳統嘅「細蓉」雲吞麵！早排行開太子，見到一間新束束嘅粥麵店，都幾多人食。今日再經開附近，決定去試一試。入到去見到餐牌，有湯麵、撈麵、粥、腸粉同好多款式嘅小食。八卦周圍望下，好多人叫鯪魚球同豬手，兩樣都係我至愛，梗係要試下啦。同同行朋友夾一夾，佢叫雲吞麵加炸兩，我就要個牛筋撈麵同埋一支細可樂！正！豬手首先嚟到，好好食！夠林又夠味，南乳味啱啱好，唔會太鹹，出色！之後係熱辣辣嘅鯪魚球，新鮮炸起好熱好好食，外皮少少脆，肉質新鮮，一定要叫！雲吞麵麵質幾爽，粒雲吞都足料，最緊要有好味辣椒油，令碗麵錦上添花。牛筋撈麵嘅牛筋夠林，好食；炸兩油炸鬼夠脆，有水準；加埋細支可樂，成餐飯好滿足！

今天陪老友去深水埗買皮，佢要親自做皮包，行完街要医肚，想起之前雜誌介紹一間云呑麵店，馬上查地址，原來就在附近。到達時要等位，人氣旺盛。很快有座位，坐定後老友看見枱上有免費任取的醃製酸蘿蔔，現在以很少見了。 雲吞内的蝦和肉很新鮮，是自已包，麵的份量正常，因為有些出名云呑麵店麵的份量少到女生也不能吃飽。麵是銀絲麵，不是蛋麵之類，很正宗，湯底吃到出是大地魚淆成的，很鮮味，喝了也不会口渇。看見有豬膶腸馬上order，因為很少地方有，腸粉皮晶透嫩滑煙韌 ，豬潤彈牙，加上甜豉油，真是好味😋。不知是否下午茶時間，只要惠顧任何麵類，加八元有—杯熱飲，凍飲需十元。

和朋友在屋企樓下搵食，食了幾餐放題之後，諗住食碗粥清一清腸胃，朋友帶我來這間十大碗粥粉面專家。餐廳店面不大，應該差不多全是街坊，朋友極力推薦這間餐廳，我就來試一下。點了一個柱候牛腩撈麵，嘩，不得了，牛腩炆得好淋好入味，個柱候醬汁撈麵非常香，略有少少偏鹹，但是完全將個棉質提升，蛋面爽口彈牙，果然正。再試下這個滑雞粥，足底好綿好滑，雞件大約有四五件，岩岩熟，好嫩滑，很少食到甘嫩滑的雞，火候控制得好好。點了一個叉燒腸粉，叉燒腸好薄，腸粉拉得好好，叉燒餡沒有掉出來，不錯👍每張枱旁邊還有一甖自家製的酸蘿蔔，店員會附上一個小碟子，可以把酸蘿蔔自己夾出來食，有幾開胃貨，我不知不覺食咗好多😂唔知有冇得散買返屋企呢。朋友果然冇介紹錯，這間粉面稱得上專家，一定有他的原因。

今日放工渣車經過這間太子麵店，咁啱附近有得迫車，就用光速入去食過快飯。每張枱都有罐醃蘿蔔，蘿蔔爽脆帶點酸甜，味道剛好，不會過酸，十分開胃。先叫了碗淨水餃，水餃有五隻，全部大大粒，裏面包著爽口蝦肉、木耳及筍等，大地魚湯底鮮甜。之後再加了牛筋撈粗，份量不算很多，牛筋炆至入口溶化，膠質豐富，又帶點腩香，粗麵爽口彈牙，食完個嘴都帶點黏。最後食埋個即叫即做的牛肉腸粉，腸粉皮薄餡多，可以透視到裏面的餡料，而且腸粉很滑。