拾年 (盈豐商場)

Open Now

Now Closed

一個月宵夜時段食佐3次，可以稱得上唔知食乜好就去拾年嘅深夜食堂😂😂牛舌燒得恰到好處唔會韌唔會柴，食落去係好juicy好有日式風味👍丸類更加唔使講，完全無雪藏味燒到外脆內軟👍茄子台灣腸雞肉串必食👍芝士蘑菇雞中翼超好味👍

前日突然好想食串燒，於是食完飯之後就走左去附近尼間拾年～因為岩岩食飽左既關係，所以都唔係嗌左好多野😋😋-嗌左2串雞，2串招牌豬腩肉，韮菜，雞皮，牛舌，燒芋絲同埋燒綿花糖，total埋單$153見佢平時低消$100@1個人，但可能因為嗰陣唔係繁忙時間，所以都冇特別再叫我地嗌返多d😳-覺得比較出眾既係豬腩肉、牛舌同埋綿花糖🥰豬腩肉同牛舌都燒得好香，唔會乾～燒芋絲都幾特別，出面較少見綿花糖燒得好靚，好均勻既金黃色💕💕但$16@3粒尼個價就有d略貴🫣

在屯門開了一排但最近才有幫襯，下午茶吃得有點飽，但8、9點又開始肚餓的我，打算食少少野～原來有每位最低消費$100～串燒用個熱盤上幾有心思，下面有兩個小蠟燭的。個人覺得呢幾款都好食明太子醸雞翼/2 $36 有明太子幾juicy 焦燉牛肋肉 $20～ 燒得軟軟又入味芥末沙律球 $16～ 雖然吃丸心裡覺得唔抵🤣但爆漿幾正墨魚嘴 $18～ 好食！韮菜 $14～ 落左孜然粉，有少少辣但幾惹味呢幾款覺得可以pass沙白 $52雖然我不常買餸唔知價，但$52得7粒好似有點少，而且大部分都是細細隻，入面加了點菜咁，就似清清地烚出來，$52性價比一般。香口雞泡魚乾 $34好硬好乾喔（記得之前在尖沙咀吃過的不是這樣🤔）紫菜拌飯 $20～ 紫菜是普通的飯素🤣蒲焼鰻魚 $42～ 味道沒有很特別一多客人落單廚房的煙霧彌漫就會飄出來，有種想走火警的感覺🙈餐廳可能要注意下抽氣呢。

啲豬頸肉又難食又臭個魷魚又硬我的整个用餐体验都非常失望。首先，服务非常糟糕。服务员的态度非常不友好，没有微笑，也没有热情，让我感到非常不舒服。当我询问菜单内容和建议时，服务员不耐烦地回答我的问题，并没有给我提供足够的信息来帮助我做出选择。其次，菜品质量也非常令人失望。我点了一份招牌菜，但是味道非常平淡，而且菜品的质量也很一般。所有的菜品都没有任何亮点或特别之处，让我感到非常失望。此外，餐厅的环境也很糟糕。餐厅非常嘈杂，让人难以进行正常交流，而且桌椅也非常拥挤和不舒适。整个餐厅的氛围也非常冷淡和不舒适。总之，我非常失望这家餐厅的服务质量、菜品质量和环境。我不建议任何人来这家餐厅用餐，因为我认为这里的服务和菜品都不值得人们花时间和金钱。

《幫襯小店之90後情侶檔串燒店》✨十幾蚊就有一串嘅串燒，真係好抵食‼️整好嘅串燒會放上個爐上面，下面有火熱住，唔怕凍曬~.▪️涼拌蓮藕片 ($25)有啲蒜蓉加上酸酸地，十分開胃▪️墨魚咀 ($18)香口彈牙，十分抵食▪️日本阿波尾雞頸肉 ($20)肉質比較緊實，口感有嚼勁▪️招牌豬腩肉 ($16)鮮而不膩，加上辣粉，絕配！▪️一口豬頸肉 ($18)肉質好嫩，咬落去外脆內軟▪️鹽燒八吋大虎蝦 ($48)蝦肉厚實，啖啖肉。鹽嘅份量啱啱好，鎖住蝦嘅鮮味▪️蒜蓉八吋大虎蝦 ($48)蒜蓉份量可以多少少，做到啖啖都係蒜蓉會更加吸引▪️日本傳統甲羅燒 ($78)滿滿嘅蟹膏加上蟹肉，中意蟹香味嘅人必叫！▪️蒜蓉生蠔2隻 ($64)新鮮厚實嘅肉質，加上蒜蓉更突出鮮味▪️薄切薯仔片 ($12)軟度剛好，配上辣粉架滋味▪️翠玉瓜 ($12）一口翠玉瓜，正常水準▪️日本果汁酒 ($26)4%酒精成份嘅桃味酒，偏甜但好有桃味.✍🏻整體:座位比較少，適合情侶/朋友消遣既好地方walk in要睇當日嘅營業情況入座~.📍拾年屯門良德街9號盈豐商場地下A55號舖

難得依區食到高質嘅串燒店，已經食過好多次！串燒款式多，而且經常有唔同嘅新鮮海鮮。老闆同老闆娘係一對小情侶，食材由老闆親手改造，調味都係親自調配，食得出每樣都係心機菜，同一般串燒好唔同。店鋪坐位唔太多，但有唔少外賣單，老闆娘服務好之餘又啱傾，充滿人情味嘅小店。串燒配清酒/啤酒，都係最好享受♥️推介菜式燒蠔😋😋😋😋😋每次必食！汁燒大扇貝😋😋😋😋😋燒汁好好味，而且啖啖肉，有緣就會遇到加大版扇貝馬友一夜干😋😋😋😋😋係老闆親自醃製嘅一夜干，好入味，皮脆肉嫩雞泡魚干😋😋😋😋😋送酒一流汁燒蟶子皇😋😋😋😋😋又係啖啖肉蒜蓉燒大虎蝦😋😋😋😋😋試過蒜蓉同鹽燒都好食牛油沙白😋😋😋😋😋加入牛油煮，平時唔食菜嘅人都清曬牛舌芯😋😋😋😋😋又係老闆用心改造蒜蓉茄子😋😋😋😋😋串燒必食菜式，配埋清酒，無得輸燒鰻魚😋😋😋😋😋皮脆，肥美仲有好多款嘅串燒，每次都好滿足😋😋😋😋😋

食物很不錯，跟以前又薪街那幾家有名的也差不到那裡去店家雖提供8人以上包場服務但包場後才吃1小時左右(9時40分左右)，食物還一半未上齊就放街客進場這種包場服務，不建議大家考慮(至少我是不會考慮再去)只能建議切勿相約太多朋友一起去也不適宜相約用於慶祝活動如果只是三兩知已小聚小酌，可能很適合去嘗試

由於睇Ig啲相又睇到甘多好評所以期望都幾高下！期望越高失望越大😮‍💨1. 蠔燒得太熟 熟到覺得un 2. 蝦鹽燒無味 唔知食緊乜？啲肉係梅既。唔知係賣唔哂雪左好耐定點，總之就唔新鮮啦。3. 蒜蓉我覺得好唔夠味之如仲唔夠香🥲我個人都幾中意食蒜蓉茄子.金菇.海鮮個一類既野！所以我完全唔知自己食緊海鮮上面個堆係乜黎，真係有啲失望！串燒整體係幾好食架👍🏻👍🏻👍🏻店員亦都好nice好有禮貌♥️♥️♥️♥️

預早兩三日訂定位三人吃 講埋想食咩海鮮 店主都一一預備到 好有心機燒 因為太好味 好多都無影到相好多都好新鮮 牛舌芯 雞皮 焦糖菠蘿必食 海鮮 🦞 生蠔 聖子 扇貝 好Juicy 專程渣車入去食 無失望而回 下次會再去 讚 多謝店主熱情款待 有個小意見 一夜干可以加埋檸檬汁點 就好啦如果可以開多幾間分店就好啦 因為太肚餓 所以無影哂叫左既串燒 下次再去再影過啦唯有

唔知係口臭娘娘dele定咩啦，今日同其他熟客傾傾吓，發現佢可能唔止口臭，應該仲有胃潰瘍，真心替佢難過。如果口臭娘娘個男朋友見字，勸你咪鬼要呢啲清朝格格啦，你又唔係帶佢去食大排檔m記K記，佢唔食咪由佢囉，咁大個人餓佢唔死㗎！你冇必要供奉佢，呢啲奇行種咁正，食開啲嘢都唔係我哋會食嘅嘢就算啦，放手吧啦！真心啲嘢食係又酸又臭㗎喇，阿娘娘唔好嚟食呀，人哋鋪頭為咗俾位你，仲要特登叫我遲啲先落嚟，喺我唔知情嘅情況下都俾你打咗個臭尖，你都仲要西面，人哋小店容唔落大佛。希望你唔好再嚟啦，我怕我哋忍唔住笑你呀

自從上年朋友介紹咗呢間串燒店依家每次嚟到屯門 都會忍唔住過嚟經過幾個月禁晚市堂食今日終於可以坐喺鋪頭慢慢品嚐 個人必食推介海鮮：龍蝦/大蝦、扇貝、燒生蠔串燒：雞肉串、牛舌心、燒年糕其他：燒雞泡魚乾上次去到都食唔到龍蝦搞到心思思咗好多日（抱怨下先 ）經歷過以往嘅經驗 以免又食唔到見到當日有龍蝦 就果斷留咗一隻仲好好彩 留埋2隻特大扇貝等到夜晚店主燒完拎出嚟 真係好感動（溫馨提示：出發前請聯繫店主留海鮮）龍蝦好鮮甜 一人半邊個份量啱啱好串燒今次叫咗雞腎、雞肉串、牛舌心雞肉串依然係我嘅至愛我朋友就最愛牛舌心特大扇貝鮮味到不得了燒生蠔多汁又無縮水 都唔使描述

同男朋友諗住去試下食，係門口等位時候，本身就冇諗過搭台，唔介意等下，然後個姐姐同我地講入去坐住先，然後再轉兩人位比我地，之後叫我地劃住嘢食先，結果一路都冇轉位比我地，仲同我地講冇位轉比我地，如果係咁樣就唔好講大話，冇誠信。嘢食上黎，好難食，鴨舌，五花腩有酸味，豬仔脾成隻上黎時候得返小小肉，真心懷疑佢地係唔係偷食左。羊架仲衰，我咬一樣即可吐返出來，完全唔係人食，好明顯d野食已經係變壞，仲攞出黎比客人食，未試過咁難事同變質嘅食物，認真好容易食壞人，如果睇到此poss嘅人，真心唔好比d好評呃左，我就係睇到好評先去試食，結果食左d垃圾。此店絕對黑面單

新一年 想食串燒誤打誤撞去到屯門食到佢叫左幾款海鮮🦞 蠔🦪, 花甲，蒜蓉蝦好食 本人好少食蠔，但佢的蠔好juicy 又唔腥可以一戰，仲有燒魚！ 食左雞泡魚，燒茄子 🍆， 豬腩肉都好正單 😘 食得多串燒又驚熱氣佢有竹蔗茅根水😄 又有韓國燒酒😘雖然店細細但都唔太迫。 店員都好有善會再幫襯

小店用既材料新鮮、價錢公道重點係燒得好好味😋可見用心製作、急唔黎～好適合慢活既我🥰非常推介：蠔！！！好新鮮！！芝士年糕、茄子、韮菜、甲羅燒、蝦🦐、萵筍、四季豆、🐷頸肉！！！！每次去食都叫😂第一次打食評就獻比「拾年」💛

要搵抵食又好食ge串燒，成日要去到深水埗、長沙灣先有，依家屯門終於有喇，真心好好食。鋪頭細細，坐位有限，我哋兩個人晚上8點到，啱啱好有最後一台，遲d嚟都冇位喇，所以最好book定，或者晏d, 9點後會好d.一坐低，老闆娘好唔好意思咁講，話因為太多單，所以野食要等半個鐘。但其實唔洗唔好意思，好食先多人食，眼見除左堂食仲有好多外賣，加上係小店，乜都自己一手一腳，等耐d絕對唔係問題.串燒款式勁多，除左menu之外，仲有期間限定ge廣島蠔同埋扇貝。最有趣係可以自己tick麻度&辣度，我哋揀左中麻中辣，味道啱啱好又唔會搶左食物本身ge鮮味。叫左14樣串燒，基本上樣樣都好食，最impressive ge呢有幾款，雞翼、蒜蓉金菇、芝士年糕、蒜蓉開邊蝦、生活是苦 但你要甜(焦糖燒菠蘿) 。雞翼：一串兩隻，燒得啱啱好，皮脆肉嫩，仲好多肉汁。蒜蓉金菇：個蒜蓉好香，又唔會好濃，唔會話好似出面咁，得蒜蓉味冇金菇ge甜味。芝士年糕：勁好食，慢慢烘，唔會燶，外脆內軟。蒜蓉開邊蝦：隻蝦好新鮮，好甜好彈牙，加埋少少蒜蓉啱啱好。焦糖燒菠蘿：坊間一般都係就咁燒菠蘿，依度加左焦糖上面，表面脆脆地，又可以中和到菠蘿ge酸味。