天下茶屋 (福榮街)

Open Now

Now Closed

放工到了深水埗找好東西吃，由D出口出，路過見到這間日式餐廳，它寫道：「外賣八折」，加上見到有人在等外賣，又有很多款式可選，所以就決定試試。😋我點了F1 蒲燒鰻魚帆立貝溫泉蛋丼，原價$68，八折後$54.4。回家後急不及待開餐了，可是卻有點失望🤦🏻‍♀️鰻魚太靭很難咬，可能我傾向吃比較軟腍的鰻魚😂，帆立貝則沒太大鮮味，溫泉蛋就不過不失。我估計，餐廳應該是主打咖喱🍛，下次還是叫咖喱的菜色比較穩陣。😂

🤔縱觀整個餐牌都幾平民價，而且又夠吸睛。🥘雖然招牌主打寫咖喱，但依我食過幾次既經驗，😓呢度既咖喱係唔出色的，還是建議大家選其他類別會開心啲😂😂吉列豬扒咖喱飯 $58咖哩普通，而且一眼睇曬，係無咩配菜🤥🤥😐豬扒表現也是普通，表面夠脆，但肉質無味温泉蛋烤汁牛肉丼 $65😁呢個不錯，🐂牛肉唔會un，又有肉味 ，份量都多，🤔再有最愛既温泉蛋～唐揚雞球 $34🐓肉質還好，不會很乾，而且有五件～

非常難食嘅一間港式日本餐廳🤮個炸豬扒咖喱蛋包飯個飯係白飯，但日本嘅蛋包飯入面嗰啲應該係茄汁炒飯嚟㗎喎！算啦呢度係香港我唔應該要求咁多，但啲咖喱汁又少，完全唔夠撈飯。個豬扒係好脆嘅，但好似無醃過咁無乜味。連杯飲品都勁淡，乜宜家啲糖漿好貴咩？

下午茶時段經過深水埗，呢度非常多食店...但自問自己係比較挑食，去食過既食店除非係好鐘意食或者朋友想食先會再去！所以要經常搵野食😜行到最尾見到呢間天下茶屋，裝修唔錯又整潔...雖然我麻麻哋咖喱，但見餐牌上面有烏冬就試吓你啦！環境都算大，空間感亦都足夠，我選擇咗坐最入，餐具配套都整整齊齊...下午茶時段黎講，喺深水埗呢個價錢其實唔係平...但係環境同食物都算係咁！我叫咗個吉列豬扒烏冬（黑松露薯蓉忌廉湯）$66 +炸薯條配黑松露醬$18個烏冬湯底個人覺得淡咗啲...同埋個豬扒冇醬汁點！呢個薯條真係好好食，可能因為係嗰醬汁...黑松露得黎有啲酸酸甜甜咁，如果要在加醬汁係要加$5我叫咗杯草莓乳酸加爆珠吉列鱈魚柳炸蝦咖喱飯（激辛）$56 +牛油雜菌帆立貝 $28如果唔食得辣真係唔好叫激辛，好辣架😂個牛油雜菌帆立貝...都唔錯，有五粒係入面㗎！

深水埗日式小店，除咗有飲品仲有埋主食，不過今次只係試咗主食🍛·<牛油烤雞扒野菜咖喱飯> ʜᴋᴅ 58雞扒份量比得好多，而且都烤得好滑入味😋不過咖喱就簡直係即食咖喱嘅味道，店內多款主食得以咖喱做主打，咁做顯得冇誠意🤔覺得要喺呢方面比啲心機💪🏻·<生薑豚肉湯烏冬 配明太子忌廉湯> ʜᴋᴅ 60湯底其實見到一粒粒明太子，但食落就唔多覺，忌廉味都欠奉，有種唔知自己食緊咩嘅感覺😳烏冬表現中規中矩。生薑豚肉反而唔錯，肉量又係比得好多😙雖然唔太食得出薑味，比較似汁煮豚肉，但非常入味😛·總括肉類表現比較出色，一試就夠🙂

去咗深水埗福榮街天下茶屋，主打食日本咖哩菜式。門口擺設彷效日式食店有模型畀人參考，亦都有外賣飲品吧，日式台式混搭嘅飲品。平日午巿有套餐，周六日就單點。望落都幾吸引，餐牌有圖片參考埋：咖哩飯、烏冬、芝士乜乜乜。幾個人點咗三個主食加配飲品兩杯及餃子一客。應該都即叫即整或者翻熱，所以都要耐心等下。如果求快餐嘅朋友就no no啦。間舖主打咖哩飯，就叫咗個牛油烤雞扒咖哩飯 (甘口)。賣相整齊簡單，雞扒都有巴掌咁大架，飯就一碗份量 (細食女仔又係可以share) ，雜菜伴碟。雜菜有用味豉油醃炒調味咗先，所以都有入口，有菇有菜紅蘿蔔，有半隻手掌份量。咖哩汁叫咗甘口，所以係完全唔辣，怕辣朋友可放心，輕輕甜味但又食得出有咖哩底味，不過都似即食咖哩嗰種口感。雞扒厚切，雖然係牛油烤，但食落唔覺有牛油香味，外面焗到少少乾身，內裡鞋口，但係都係醃唔夠味，要醮啲咖哩汁送入口。生薑豚肉烏冬配花蝦明太子薯蓉烏冬。睇落好大碗，賣相都唔錯，聞落都有忌廉湯香氣。湯底飲落水偏油，似金乜牌忌廉罐頭湯嘅底，但再稠身啲，因為有落埋薯容底，淡淡甜味，都唔錯嘅，飲多幾啖會少少膩。豚肉片份量都多，半肥瘦肉片呈上，如果要瘦肉嘅朋友就未必啱

由於上次食完發覺幾好食同抵食所以今日趁屋企人放假都帶佢地落去試下la相信之後都會keep去食 試埋其他野食不過原來星期日去既話個餐牌會唔同左不過今日坐係入面 視覺效果幾有日本feel假日餐牌冇小食加架 上次食過吉列豬扒之後知道依間野炸野都幾金黃幾吸引 唔會太厚同燶哂今次就試吓咖哩吉列蝦同魚柳吉列蝦就一般般 魚柳就有小小特別同平時魚柳唔同 魚味重d今次叫左個金菇肥牛卷好正呀超中意食 一人一舊覺得唔夠喉呀🤣不過杯沖繩黑糖小丸鮮奶茶 就幾香甜下次可以再叫

有時太多人 真係唔想排咁耐隊 本身都諗住質素要打個八折 但係....完全沒有影響質素🥰🥳唐揚雞球飯咖喱飯 -正常日本甜咖喱 不過雞球可能外賣放涼左小小 都唔算太特別燒咖喱芝士吉列豬扒飯 - 呢一份好有驚喜因為我哋今次叫左激辛，通常日本咖喱都唔會好辣，估唔到真係都幾辣，如果怕辣嘅人就唔好叫啦。但因為我係一個辣妹，所以超級無敵鍾意吉列炸蠔- 正常好食新鮮如果黎食 又食得辣嘅朋友我會建議你哋試吓激辛咖喱飯真係好正

冇得去旅行咁就唯有食日本嘢啦不嬲都知道深水埗多嘢食 但係習慣咗嗌外賣行到落深水埗先發現開咗好多唔同嘅餐廳 咁突然間好想食咖喱飯比佢門面吸引咗就入去試吓啦叫咗個最基本嘅咖喱吉列豬扒飯（甘口）同埋牛油烤雞扒咖喱飯（激辛）🍛兩個都係一樣好正 吉列豬扒外脆肉嫩 唔會好厚炸粉雞扒都一樣唔話得 皮一樣好脆帶有小小牛油味咁當然唔少得下午茶梗係會加埋小食啦 牛油雜菌帆立貝$28 雖然細粒 但都有6粒煎餃子🥟$17 不過不失啦豆腐魚肉雜菜餅$17 依個值得推介 健康又好味

疫情去到8月尾要9點就關門，所以行完深水埗7點多就要快快手搵野食，因為未食過就想試下，睇水牌就合理價錢。剛好坐既位都有野檔住都ok, 但有的位就好好好近，跟本冇1.5米距離，都明想做多小小生意，呢點先不理住。食物方面，真的一般叫左一個吉列咖哩豬扒飯，呢個系甘味冇咁辣，但的咖啡汁就好一般，有的似自己去7x9買既咁，豬扒過可以，但唔系最好。朋友叫係吉列鱈魚炸蝦咖啡飯（辛辣）辣到好正，蝦我都試過ok, 個魚就🤣差左的太細了粉多過魚。食緊既時候我朋友同我講，真系你食開個間系好食的，cocoxx屋，食物質素真系差個小小就系小小，可能呢到平民在系唔洗加一收費，試左一次就夠。

叫左個溫泉蛋生薑豚肉丼，$65，都幾抵食，肉超多，第一次見d丼飯係肉多過飯嘅～～溫泉蛋係凍嘅，啲肉煮得幾入味，生薑味唔會好重。飲品方面叫咗柚子寒天烏龍茶，佢得一隻大細就係中杯，$18，唔會太甜，寒天好好咬口，唔錯。整體來講滿意～

原本想去另一間食店，但收八點半⋯⋯就到附近另一間食店，就選了一間夏天食也開胃的食品：咖哩😆食日式咖哩⋯⋯當然就無得走，要叫吉列豬扒食😆叫了一個燒咖哩芝士吉列豬扒飯，一個溫泉蛋烤汁牛肉丼，再加一個吉列生蠔，咁熱嘅天氣，當然叫了沙冰，叫了一杯草莓鮮果沙冰，一個香桃鮮果沙冰。燒咖哩芝士吉列豬扒飯$66豬扒炸得香脆，芝士有拉絲效果，本人鐘意多汁，之後叫侍應俾多碗咖哩汁我😆溫泉蛋烤汁牛肉丼$65好多肉，蛋汁撈飯好好食吉列生蠔$34即叫即炸，好香脆，但食完好熱氣😆左：草莓鮮果沙冰$30右：香桃鮮果沙冰$30

今日同朋友經過深水埗，見到依間日本餐門口個餐牌好似都唔錯，選擇都幾多，而家價錢都唔係好貴，所以就入去試試。一入到餐廳店員就安排左比較靜嘅位我地，傾計一流😊。我同朋友叫左個小食同兩個主菜一齊食，食物整體上都唔錯，係小食黑松露薯條個醬比較甜咗啲啲，如果多番少少黑松露嘅味會好好多，不過整體食物上個性價比都高。飲品方面，就覺得一般，雖然價錢唔太貴，但係覺得抹茶粉都未完全溶晒，入口好粉，而且丸子都唔係好有味。

第一次去買外賣，等左25分鐘，行埋去問先發現漏左單，佢地拿拿淋去整返，都再等左10分鐘 第二次去買外賣，又企左20多分鐘，跟住行埋去問，佢話整緊，咁之後再等左佢15分鐘😑行埋去，發現成堆外賣放哂係枱，但2個阿姐係唔會叫號碼，無人叫取外賣，個高大收銀淨係眼光光咁企係度望住堆人😥第三次又去叫外賣，今次醒，一路望實佢出外賣，又係放係枱就行走，咁我就間中行埋去問，20分鐘多d就拿到了🤣不過發現外面好幾個早過我叫外賣既朋友仔仲傻更更企哂係度。不過回想返，先前我都係咁🤣🤣貌似老細個個收銀，佢明明應該記得邊個叫既外賣，就算放哂佢面前，佢都唔會叫d客人去取嫁。🤣記得大家去買外賣就要留意喇🤪

咖喱飯有得揀唔辣我地叫左咖喱芝士豚肉飯同咖喱芝士吉列豬扒飯兩碟芝士都好多豚肉咖哩飯配搭唔錯，唔熱氣個吉列豬比係荃灣個間吉列豬專門店好食好多！炸得金黃，唔厚粉，肉實覺得新奇叫左杯生薑鮮奶抹茶好彩冇中伏，還可以唔係難飲鮮奶抹茶🍵似奶綠味而奶綠又夾到薑味呢間係一間好平民既餐廳食完去行街