天下茶屋 (福榮街)

Open Now

Now Closed

今個星期六長週要返半日工，兩小口一放工就迫不及待去左深水埗搵食。本身打算去食粉麵，偶爾見到一間裝修簡約嘅日式餐廳就索性去試下。食物主要以日式咖喱、烏冬同埋丼飯為主，價錢唔算貴，咖喱飯50幾蚊都已經有交易，大部份主食亦都唔超過70蚊。🔻牛肉湯烏冬🔻烏冬喺煙韌有彈性的那一種，牛肉本身已經調過味，味道唔錯但就偏咸左少少。牛肉喺 切成薄片的肥牛，煮得好腍身，唔會太肥所以好易入口。🔻燒咖哩芝士唐揚雞球飯🔻大大塊芝士舖喺飯面，食落好香仲有拉芝效果。咖喱汁味道甜甜地唔辣，不過個飯焗完之後比較乾身，咖喱汁唔夠多亦都偏杰，唔足夠撈哂白飯嚟食，如果可以有多啲汁就好啦！值得讚的是炸雞球外層仍然好脆，入面嘅雞肉嫩滑多汁，的確幾好味。🔻小丸鮮奶抹茶🔻我地叫左一杯$18的日式茶飲，估唔到綠茶味比想像中濃，飲落甘甘地，奶味唔太重，甜度亦都適中。底下有口感煙韌的小丸子，比平時食開嘅黑糖珍珠更有咬口，不過就無咩味同唔甜的。仲有好多款日式茶飲，價錢都唔算貴，就算唔係餐廳食飯都可以外帶買返屋企飲。呢間性價比高的日式小店值得回頭再來啊！

✨吉列豬扒湯烏冬$66咖喱烏冬湯底略嫌唔夠重咖喱味，吉列豬扒外皮炸得好鬆脆😋👍🏻✨烏龍豆腐飲 $18本身聽到個名以為會有伏，但飲落有淡淡的豆香味，極力推介🤩好飲👍🏻✨小丸鮮奶綠茶 $18鮮奶綠茶甜度剛好，小丸子口感比較似珍珠，如果口感更煙韌軟燸會更好😀

星期日係深水埗行完街好攰好餓，經過見到呢間天下茶屋睇落裝修唔錯，日式木系設計，主打食咖哩，亦有幾多人係入面食緊（4-5pm下午茶時間尼講算多人），就決定食呢間餐牌得一張紙底面兩面，但食物選擇係非常多！有咖哩飯系列，燒咖哩芝士系列，湯烏冬系列同埋丼物系列。朋友揀左好邪惡既燒咖哩芝士唐揚雞球飯 $58呢個飯既份量超級滿足，d雞球就尼滿瀉咁滯，上枱已經好香，咖哩同拉絲既芝士撈埋係足夠撈到全部飯粒粒有汁，呢個份量連我個男仔frd都食唔哂我叫左牛肉湯烏冬 $60，烏冬係有 4 種湯可以選擇：烏冬湯 / 咖哩湯 / 黑松露忌廉湯 / 明太子忌廉湯我今次就揀左度咖哩份量尼講都係幾大，我食左半碗已經好飽另外我地仲叫左單骨雞翼（5入） $26不過佢既炸法加埋個醬係令我覺得有d漏，可能本身個烏冬已經飽左既關係飲品就叫左蘋果鮮果乳酸 $25呢杯乳酸唔似平時係台式餐廳飲個d，佢係有果渣係入面，所以一上枱已經睇得出係鮮搾希望下次可以試埋黑松露同埋明太子湯既烏冬!

🍴溫泉蛋生薑豚肉丼💰價錢：HK$79·要食好西去深水埗福榮街一帶實冇錯最近俾我搵到一間抵食又高質既日式茶屋店內設計咗單人座位就算一個人嚟或者人多嘅時候都唔洗同人搭枱食物價錢方面 介乎$50至$70揀咗個人氣之選 溫泉蛋生薑豚肉丼先講隻溫泉蛋其實真係好普通嘅一隻生蛋😂蛋味唔重唔知係咪醬汁太多 味道太濃 蓋過咗蛋味撈勻左之後係食唔出有蛋嘅存在😂另外都有on top加咗少量 柴魚片 飯素同冇咩作用既酸蘿蔔片😂份量上 絕對唔係講笑成年男人都可以喂到飽一飽而且我咁啱食飯前跑咗hiit所以我好幸福咁成碗全部食晒😋一粒米都冇淨飯量起碼有兩碗半到三碗豚肉份量都一樣多到痴線😍😍😍好似唔駛錢咁😂我冇仔細數有幾多塊但至少都有十幾廿塊雖然俾咁多塊肉你 但都冇Hea你肥瘦既比例係絕對吞得落口店家用嘅醬汁 薑味唔重偏咸更多 但我個人更鐘意偏甜既醬汁如果甜啲就更好Btw 啲醬汁配肉 味道依然不錯成碗撈勻嚟食係你最肚餓嘅時候 簡直就係天堂😍·P.S. 同fd一齊去食佢地揀咗照燒雞扒丼、火炙帆立貝湯烏冬味道都唔錯 但份量係正常而我依碗簡直就係落重本嘅份量當佢地已經食曬我仲大啖大啖咁食緊😂唔知係咪人氣之選嘅原因所以份量真

有日經過深水埗聞到呢一間野個味道都幾香，見佢係食咖喱嘅，本身有啲卻步因為我有箍牙，所以唔可以食咖喱，不過見佢咁香，就破戒一次啦！叫咗個燒咖喱芝士唐揚雞球飯同燒咖喱芝士豚肉飯，想講聞落去真係好香，但食落去先發覺冇乜味，同埋成個飯勁濟，我同男朋友都食唔晒( ･᷄ὢ･᷅ )。我覺得佢嘅咖喱真係淡而無味，真係俾佢呃左入嚟。不過嘢飲值得一讚，佢嘅芝士奶蓋做得唔錯！烏龍茶溝豆腐都幾得意(⁎⁍̴̛ᴗ⁍̴̛⁎)見到個裝修真係幾靚，好日式！老闆娘都幾靚女😂講真幫襯完呢次，下次唔會再嚟。

深水埗出名好好野食，見開左冇耐就黎試下，座位唔算多，都幾多人黎食。可惜星期六日冇套餐，單點黎講，個人覺得價錢有啲貴。鹽燒海老湯烏冬 $64湯烏冬有唔同湯底可以簡，我簡左咖哩味，唔太辣。有3大隻海蝦，外層燒得香脆，都幾滋味。但冇咩配菜，食食下有啲寡。#火灸豚肉咖哩飯 $50咖哩偏甜，係典型既日式咖哩。豬肉份量多，但又係有冇咩配菜。#抹茶豆腐飲 $18抹茶唔甜，上層有層厚厚既豆腐花，入口滑，價錢唔算貴

我覺得服務員態度太差，叫羅兩杯水過黎直接擲落張檯比我地。excuse me？？？？今時今日嘅服務態度點得啊？？？邊有人甘樣對客人？？？？叫個烏冬面味道還ok，个面夠正，但是下次絕對唔會去幇襯了

個個星期都去深水埗 好多餐廳都食過經過呢間見幾多客 應該唔差 就入去試下老闆老闆娘(應該係掛)好有禮貌 裝修幾warm野食都不錯 我食吉列豬扒咖哩湯烏冬個湯底唔係”杰”嗰種 但個咖哩味又調得好好男朋友話佢個咖哩飯都好正咁舒服嘅環境加上質素高嘅食物真心抵食 我哋應該會再黎架感覺佢係唔使靠宣傳 都可以一直做落去嘅小店

最近行開黃金，發現附近新開左幾間食店，我同朋友心癢癢想食日本野，見到有間「天下茶屋」，專食日式咖哩同烏冬，決定試下～因為都幾肚餓，我地叫多左d前菜～ 蟹子青瓜沙津青瓜一絲絲好爽口，配埋滿滿既沙津醬，好開胃木魚花胡麻冷豆腐豆腐夠哂冰凍，好啱熱辣辣既天氣，好解暑炸薯條配黑松露蛋黃醬薯條剛剛炸好，好香口，好難唔好食😂。呢個份量都幾多，配個黑松露醬，幾香。黎到主菜：火炙帆立貝配黑松露湯烏冬睇個名都知個湯有濃濃既黑松露味，好香！D帆立貝都煎得好香口，雖然唔係好大隻，不過啖啖肉！正～吉列咖哩豬排飯碟飯都幾大碟，好多飯，啱哂肚餓既人食😂咖哩汁唔太辣，啱哂怕辣既人。豬排份量剛好，不是厚切個種，炸得剛剛好，唔油膩。烏龍豆腐飲入面有大大舊豆腐，好飽肚，好香豆味，估唔到烏龍同豆腐係咁夾！沖繩海鹽奶蓋烏龍茶奶蓋好creamy 好Chessy，唔太甜，岩岩好！本來行開黃金商場，有如置身黃金海岸，感受住陣陣海風咁～

身為麻甩婆最愛到深水埗逛電腦商場同鴨記，平時多數隨便揀間麻甩食店解決肚餓問題，呢日心血來潮想食得私文少少，見到呢間裝修好舒服，日式食物配台式茶飲，一於試下~行到又熱又累，即刻點杯凍飲先~寒天蜂蜜爆珠烏龍茶 $1414蚊既價錢內容非常豐富，多重口感，味道清甜，冰凍解喝~溫泉蛋烤汁牛肉丼 $65牛肉份量多，牛味濃，醬汁惹味，弄破溫泉蛋伴飯吃超滿足~蒲燒鰻魚帆立貝溫泉蛋丼 $68鰻魚美肉厚啖啖肉，燒得焦香，醬汁惹味，帆立貝味鮮，同樣有溫泉蛋，份量大~牛油炒什菜 $34多款什菜以牛油炒煮，簡單美味~單骨雞翼 $26一客5件單骨雞翼，外皮炸的金黃香脆，肉嫩多汁，味道帶點香辣，係可以食唔停果種，有驚喜

今期推薦～日式溫泉蛋牛肉飯深水埗最近開了幾間都是日式餐廳今次試吓這間。這間餐廳新裝修感覺比較乾淨，食物價錢也不是太貴，可惜侍應可能也是新手，服務比較生疏，有甩漏，希望注意服務態度。今次已經是第二次來，今次試一試日式溫泉蛋牛肉飯咖喱湯吉列豬扒烏冬，香菇帆立貝和炸單骨雞翼。日式溫泉蛋牛肉飯牛肉煮得10分入味有驚喜值得一試。咖喱湯吉列豬扒烏冬和炸單骨雞翼味道OK，只是今次的吉列豬扒炸得比較乾身。最後比較失望的是香菇帆立貝，味道太淡，不值得一試。

深水埗美食嘅選擇真係越多越多樣化，而且質素仲提昇不少。就好似今日就發現左間新張無耐嘅天下茶屋日系招牌嘅吸引，另一特色係門口竟然設有台式特飲區。而餐廳內裏裝修簡單，有木材，同水泥，加上植物裝飾，即新穎又乾淨，坐底用餐都好舒適。menu方面只有簡單倆頁紙，一面係小食同飲品另一面就係主食，分為咖哩飯，燒咖哩，湯烏冬同丼物4個區而眼見其他食客都會點呢個蒲燒鰻魚帆立貝温泉蛋丼，單睇個名都覺係必點，鰻魚肥厚多肉，但帆立貝就略為bb,而温泉蛋生熟度控制得幾好，除燒汁外，將温泉蛋黃拌入飯中，更加高嘅享受燒咖哩芝士牛油烤雞飯，無錯都係比個名吸引左，好少見有餐廳menu寫燒咖哩，上枱後原來係芝士焗咖哩雞扒飯，咖哩汁確實唔錯，甜辣咖哩味配上拉絲芝士都唔錯，但個人應為飯身偏硬，可以更好。見價錢唔貴所以都點多幾款小食試，日式炒雜菜，有菇有菜有甜豆仲有埋藕片，真係幾掋食味付三珍....相信係外購食材，但都係勝在份量多飲品我們就揀咗沖繩海鹽奶蓋烏龍茶，小丸烏龍奶茶，茶底味道好好飲，又唔太甜我中意

🐔照燒雞扒丼飯 💰50$雞扒好味 外脆內嫩 加埋醬汁好味飯加咗類似飯素之類物體 整體口感好滯但旁邊有日本酸蘿蔔解滯 可能本身本人鍾意白飯 加咗飯素令到睇起身好靚整體而言嚟講 呢個丼飯都非常之好味

最近胃口越来越挑剔，昨天挂风球，没有好好吃饭，今天放工之后，决定过来深水埗找找好吃的！听到老板的热情邀请，就决定进来试试这间装修舒适的台式日式餐厅🍴果然没有让我失望。看到菜单就发现，全是我爱吃的东西！所以又一不小心点多了……下次得提醒自己！因为最近很少吃蔬菜🥬于是我就点了炒杂菜还有青瓜沙律🥗加上日式豆腐跟温泉玉子牛肉饭，可谓是营养丰富，吃的健康！杂菜很新鲜，炒得刚刚好，好吃又不腻口。豆腐加上芝麻酱，爽滑细腻！而且他们家分量很足，饭真是很大一碗，其实今晚只吃一碗饭，就已经够饱了，好奇心害死猫...一定要赞一赞饮品，我要的是苹果乳酸加红豆加奶盖，简直美翻了，喝一口就好幸福！给我忙碌碌的一天打气！吃饱喝足回家好好睡一觉，明天就是周五咯！

有次要去黃金商場買野，行返出黎時發現新開咗一間，門面好日式風格嘅餐廳，但可惜已經食過晚飯嘅關係，要等下次了。今日終於再去到嗰頭，午餐就決定係佢啦！佢地門面好簡約，主要由灰色水泥同木柱組成，入到去就見到開放式嘅水吧，餐廳唔算大，但餐桌擺放方式令格局睇落寬敞，坐得舒服。我地二人叫咗咖哩牛肉湯烏冬，温泉蛋烤汁牛丼，日式炒雜菜，牛油雜菌帆立貝，三味芝士燒玉子。湯烏冬湯底雖然明顯係用日式咖哩煮出黎，但味道都算濃郁，烏冬夠入味。丼飯方面，牛肉比例算多，醬汁亦十分惹味，加埋温泉蛋，好味又邪惡，雜菜炒得好清爽唔過火，食得健康同時補充一下纖維。帆立貝送黎時以為送錯，因為當時d菇遮住曬，雖然細細粒但都好好食。燒玉子帶有甜甜嘅味道，加埋明太子，芝士等嘅調味，味道非常唔錯。