拉麵天王

Open Now

Now Closed

食咗白天王 有1片叉燒+半隻蛋，不錯湯底鹹度適中面簡咗「硬」，口感不錯食物方面60-70分 中等水平啦服務方面放低嘢時係「pat低」喺枱面一副「點解要入嚟食嘢」「又要做嘢」嘅態度😂明白做飲食有辛苦嘅地方但嚟食嘢唔係做你充氣袋發洩嘅唔需要好好服務至少互相尊重啦全場得1-2枱客可能已經令1男1女店員多咗好多嘢做啦做到有人一行入舖就黑口黑面真係難為晒店員啦😢😢其實好食嘅拉麵大把呢間只係中等諗唔到原因再嚟食*服務有冇得比負分呀😩一星都唔想比

查地圖以為黃埔 B 出口過馬路對面好方便，實情我打埋電話問都係要搵咗陣至去到，不過可以試到想食嘅都無乜所謂，況且嚟呢度係因為要等麵包舖關門收麵包，第一次嚟做義工心情特別，雖然三號風球不過風平浪靜。是日星期五，嚟食麵嘅人都唔少，一家三口、單身男女、仲有我和同事等，不同嘅組合都有，好受歡迎。睇識揀介紹一定食嘅限定天王，原來係胡椒拉麵，心諗可能會辣，點知相反碗面勁多芝士，湯夠熱，麵更軟，紫菜味蛋叉燒都無得彈，可惜趕時間無飲埋碗湯，睇吓個碗底有無獎，我配咗支波子汽水，埋單價錢唔貴，完全勁

大家來到黃埔吃拉麵相信都會想起泓一，所以不時都會大排長龍，不過其實不遠處亦有一家遺珠名為拉麵天王🍜以豚骨湯底在本區屹立多年，是附近居民的老味道基本有三款湯拉麵，分別是白、黑和赤🍝相信愛吃拉麵的都能顧名思義，另外有季節更變的限定天王和沾麵，小吃有豚角煮、舌戰牛、烤餃子和燒椒鳥4款🍢今天點了限定天王（$98），名為胡椒天王😝用了上等黑胡椒煉油加上秘製湯頭和特濃芝士，剛出爐已經嗅到專屬香氣撲鼻而來，胡椒香而不燥，稍待一下掛著半融芝士入口極上癮😋麵質有咬口會掛湯，絕對值得回頭的味道

走入這間拉麵鋪，先係留意到溫馨嘅燈光同精緻嘅裝潢🍜，店員嘅微笑令人感到好親切。今次我揀咗赤天王，係辣嘅選項，不過一啲都唔燥口，勁正！湯底香郁得滯，辣度啱啱好，攞勻湯汁嘅麵條走勻晒整碗，每一啖都喺咀裡面踩舞💃。辣芽菜更添晒風味，爽口得滯！叉燒方面，軟嫩啲唔得，溶喺口裡面，肥瘦就平衡得剛剛好，正到彈！再嚟講講黑天王🍲，黑色嘅湯底好特別，入口先係黑蒜嘅濃郁香氣包圍晒，好夠哂味！麵條又係屹立唔倒，硬腍度啱啱好，將豐富嘅湯汁揹喺背上，點都唔會落墨。最後嘅驚喜係限定天王。嗰碗未食前已經估到有驚喜，賣相精彩，食落真係味道層次分明。呢度嘅拉麵證明咗，食物唔洗貴，都可以幾有水準味道豐富，真心值得一試！你下次搵晚餐嗰陣，記得拎條腰帶，準備挑戰呢碗滿滿嘅滿足感吧！🥢

拉麵天王@德民街經過紅磡搵吓有無乜野好食可以試吓。係一條巷仔見到呢間網上都算出名嘅拉麵店，晚飯時間同朋友見到唔洗排隊就有位，於是行入去試吓。舖頭裝修有日式拉麵舖風格，有吧枱或卡位可以坐，但入面無一般拉麵店逼夾嘅感覺，座位闊落、冷氣充足。呢到只有幾種麵可以揀，分別係經典嘅白天王(原味豬骨），赤天王(辣味豬骨），黑天王(黑蒜油豬骨）及限定天王(每星期唔同)。另外仲有沾麵同幾款小食。麵嘅軟硬度、湯濃淡度都可以自由選擇。🍜赤天王拉麵朋友叫咗個赤天王拉麵，我都少少咁share試一試。佢嘅味道食落又唔算好辣，啱晒想食辣但又淨係食小辣嘅朋友。新鮮整好嘅湯底夠曬熱辣辣，又唔會有過重味精嘅感覺，拉麵口感煙韌，唔會太軟太硬。配菜有椰菜、木耳絲、蔥花、紫菜丶筍同日式叉燒。叉燒嘅肥瘦適中，食落亦都係入口即溶，真心出色，可惜只係得兩塊。仲有半隻糖心蛋，做到半熟效果，味道好好。🍝沾麵而我就揀咗試吓沾麵，沾麵湯底我揀咗濃味，但係冇想像中咁杰，夠味得來又唔會飲到好頸渴。佢用嘅湯頭係豚骨魚介湯，飲落有陣豬骨味，加上唔錯嘅彈牙麵條，非常推薦。配菜方面，隻蛋夠曬流心而且比足一隻，抵食！叉燒最多人一塊，搞到朋友鬼咁羨慕。🐮牛

⭐️黑天王拉麵 💰85其實平時我好怕食啲好咸好重味精，食完之後會好口渴仲要不停飲水嘅黑蒜湯底拉麵。所以我一定唔會去啲未食過嘅拉麵店叫黑蒜湯拉麵。呢次係我第二次嚟食，第一次係叫白天王拉麵，覺得好好食，直覺覺得佢一定唔會係味精水果種。一上菜第一時間當然係飲一淡湯底，識食一定係咁食😂濃厚的黑蒜油湯底真係冇令我失望，濃厚得來不會咸不會膩，仲帶點豬骨味，清香得嚟帶點回甘。絕對係可以飲到見底果種（冇吹水，有圖有真相，我真係飲晒架），我覺得佢仲好食過我上次嚟食嘅白天王。而麵方面我每次都會選硬的口感，口感同上次一樣，水準夠穩定，係我最鍾意果種💛另外仲有椰菜、木耳絲、蔥花、紫菜、筍同叉燒薄片等都很出色。整體來講，係我食過數一數二好食嘅黑蒜湯拉麵。絕對係會encore嘅拉麵店💛

最中意發掘好味既拉麵行開紅磡，見到呢間拉麵門口寫住日文名，好正宗咁😂好奇心驅使下要一探究竟，點知就入左我喜愛拉麵店之一❤️白天王拉麵 $75白天王湯底係味道層次好豐富好濃味的豚骨湯底，直頭係會飲到陣甜味，幼身既拉麵完美掛湯，叉燒薄身但肉質偏肥，充滿油香。整體來講係我係香港食過數一數二既拉麵💯💯💯黑天王拉麵 $85黑天王拉麵同樣出色！一般會怕黑蒜油湯底會好咸，但呢間完全唔會！甚至乎比我個白天王湯底更出色，甜味更重！係直程可以飲哂d湯😆🤤呢間拉麵店我會經常去光顧，因為真係好出色！

紅磡德民街兩條小街有一列餐廳，巷仔搵到呢間拉麵小店，裝修幾靚店面乾淨企理。拉麵選擇係經典嘅白赤黑三款，外加沾麵同限定總共五款，麵可加配料，另外有幾款小食。白天王係最經典嘅豚骨湯底，揀咗淡味食落冇咁滯但麵條一樣掛到湯，湯頭揀淡味飲落依然有好豐富充滿層次嘅味道，果然花咗嘅時間同食材係飲得出。呢碗好滿足。沾麵用嘅湯頭係豚骨魚介湯，飲落係比起白天王外加咗層鮮味嘅感覺，用嚟沾麵好夠濃郁，想飲嘅話單飲會好咸建議食曬叫加湯先飲。小食餃子同唐揚正常，豚角煮比較少見到幾特別值得試吓

紅磡好味，拉麵天王呢間拉麵店舖幾年前食過，已經覺得好回味，今日一早過紅磡，等佢開門就係想要返以前嘅味道我叫咗限定拉麵天王，佢最好味就係個湯底嚟到超級熱🤣🤣食拉麵，最緊要就係個湯底夠熱辣辣，拉麵口感煙韌，因為我叫普通正常，唔會太軟，仲叫咗佢嘅炸雞好好味👍🏻👍🏻👍🏻我最鍾意叫佢哋拉麵嘅時候，叫好多配菜😋😋我額外叫蔥、木耳絲、最緊要就係佢無限供應嘅辣味芽菜，用嚟拌麵非常好味👍🏻👍🏻呢間裝修好有日式拉麵檔風格，你可以選擇吧枱，我今次選擇卡位都非常舒適

說自己是拉麵界的天王, 相當大口氣. 這家良心拉麵店在紅磡舊區, 距離HKCC並不遠, 作為Late Dinner它的質素不錯, 當然香港拉麵店的普遍問題, 就是定價真的有點貴, 特別是當日圓貶值的時候. 這裏提供的拉麵選擇相對簡單, 就是豬骨, 辛辣, 黑蒜和當日限定. 喜歡嘗鮮的我, 自然就選擇了當日限定, 也就是黑椒芝士拉麵.麵身偏幼, 口感夠爽夠硬, 湯底是豬骨湯加上胡椒和芝士, 並不死鹹, 胡椒微辛, 芝士也提供額外的鹹香, 融化後湯底質感更濃稠. 叉燒肥瘦分明, 烤過之後的焦香與胡椒香味頗夾. 有皮脂肉三層的叉燒不是很多拉麵店會做, 現在已有不少的以慢煮為主, 能吃到如此原本的味道, 算是難能可貴.Tenno Ramen mean the king of ramen. The owner and chef has strong confident on the quality. The type of ramen is simple, original, spicy, black garlic and daily special. I have order the dail

我每次經過紅磡都會諗起呢間餐廳😛有時仲會特登過黎食，一直念念不忘嘅就係佢嘅長期限定，胡椒天王🤤 我一向都鍾意追求有特色創意嘅湯底，呢款我係幾鍾意嘅，而其他日常口味，我痴朋友嗰碗食過就覺得冇咩特別🫣胡椒天王湯底香濃，重口味系列，帶少少胡椒嘅辣，但應該大部份人都接受到嘅辣，食得唔辛苦既😝而且加埋芝士粟米同蔬菜，中和返胡椒嘅辣，做到一個平衡！(我之前食過銅鑼灣某間拉麵店嘅胡椒湯，非常辣，有陰影😢) 食到最後會有少少膩，不過整體都好味，每次都會清晒成碗🤤

湯底淡咗好多呀，已經冇以前咁濃囉，但係我已經選擇咗濃湯底都係淡咗好多...... 稀釋左呭，太明顯唔係以前咁。下次唔再食了。以前湯濃調得多，好好食㗎，日本拉麵湯頭完全太影響好不好食呢！！！重點呀！！！！！！！！！！！！！！！！流心蛋是ok的，麫質一般，價平白拉麫$75，黑$85 ，需然平但不不不不了呢。

每次經過開紅磡，都會掛住呢間拉麵☺️☺️✌🏽最鍾意光顧拉麵小店，因為每一間都會比到唔同嘅驚喜你，有啲可能係湯底，有啲可能係麵質，有啲可能係親切感😇😇🫶🏽 呢個就係我識個綜合來講比較出色嘅拉麵小店。推薦：⭐️限定王（芝士胡椒湯底$95）：一開始都係以試食心態，唔知芝士同胡椒係咪夾！點不知食落，芝士中和左胡椒個陣沖味，而胡椒亦都令芝士無咁流 ☺️☺️🫶🏽但係襯湯熱芝士一定要盡快同啲拉面撈勻，咁就可以連埋啲芝士一齊食拉麵 🤭🤭出奇地好味，有時我會忍唔住連湯底都飲埋。碗拉麵亦都包咗半隻流心蛋，相當出色！⭐️味付竹筍（$7）：每次食拉麵都會額外叫一碗，口感正 呢排咁凍，食一碗熱辣辣嘅拉麵最啱☺️ 小店嘅職員亦都十分之熱情，有問必答，熱心助人。充分感覺到人情味 ☺️極力推薦大家黎試味道：🌼🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼🌼🌼🌼

💁🏻‍♀️💁🏻‍♂️沾麵呢間沾麵都算經濟實惠，落單嘅時候可以揀麵質、湯底濃度、香油多少。我平時鍾意食粗麵，感覺有口感啲。呢間食幼麵嘅，麵幼得黎都有咬口，冇野要投訴～配菜方面，我鍾意佢夠多蔥！隻蛋呢就冇乜流心，但係比足一隻，都好滿足！叉燒得兩塊，亦都唔係厚切，稍為遜色少少。值得一提嘅係每一台都有辣芽菜可以加，就好似去大家食，瘋狂食佢啲辣菜脯咁😹沾麵湯底我揀咗濃味，冇我想像中杰，好夠味！食完唔會好頸渴，岩晒我呢啲重口味人士！

呢度有4款口味既拉麵選擇，白天王/赤天王/黑天王/限定天王（見到近期做緊胡椒天王同元氣彈天王），我揀左黑天王，朋友就食赤天王。我一如以往揀左比較硬身既麵條不過個人更喜歡朋友order嘅赤天王，湯底唔會過於辛辣，同時食到豬骨鮮甜味，特別適合不太好辣又想試辣拉麵既朋友