天丼 (Moved) New Location

A tempura chain hailed from japan, expect a queue during weekends!◉ Tempura Set with Udonone tempura set gives you black tiger prawns, crab stick, eggplant, lotus root and beans, all deep fried to a crispy golden without getting too greasy. and that huuuge portion of cold udon🤤 definitely worth visiting again!

想食天丼好耐，不過成日行完街經過都排晒長龍，又唔想等位，所以食唔到~ 今次我地改變策略，食完飯先行街，終於見到冇人龍，可以直接入店就坐。黎到天丼當然要食主打既天婦羅蝦啦～🦐 其實每款餐既天婦羅配答都差唔多~ 分別在於睇你想要多d蝦🦐定多d蔬菜🍆🥬 之後再揀配飯🍚定配蕎麥麵或者烏冬。飯餐會跟麵鼓湯，但湯麵就沒有了～D天婦羅真係好有水準，剛剛炸好，卜卜脆，食落口時仲熱辣辣的～ 雖然外買回家品嘗有折會抵d，但建議一定要堂食，否則d天婦羅淋晒，d口感就差好遠了～最後，食飯的話當然要配埋餐廳提供既特製醬油：呢個靈魂醬汁比起一般的醬油較杰身～ 就咁撈飯都好好食架～

呢間餐廳喺元朗已經開咗好一段時間, 一開始嘅時候大排長龍,需要等成個鐘先有得食！最近小人咗就入咗去試左天婦羅🍤炸得夠脆口而且又冇千年香既味道！😄但係啲飯就麻麻好淋又黐埋一齊, 百零蚊一碗飯來講性價比唔算好高, 不過係可以嘗試嘅

食過呢間好多次，都已經可以算係飯堂因為呢個價錢我覺得係好抵。重點係佢啲天婦羅唔差，啱我口味😋每次都係食lunch同埋叫同一個食，今次其實叫埋魷魚八爪魚但係冇影到相。天婦羅粉唔重，熱度脆到都啱啱好，有兩款汁可以選擇，如果想淋啲嘅就可以先浸淋去，另一款醬就偏濃味，建議可以點少少。款式亦都多選擇，基本上食得晒都已經好飽👍🏻枝豆同蝦覺得係最好食。😋烏冬今次比之前冇咁彈牙，同埋變咗有啲一pat pat..之前食幾次好啲🤔同埋冷麵汁好似冇之前咁好食，希望可以留意下改進返。不過總括我覺得係抵食嘅。😊

朋友推介話好食，難得老公接收工去到yoho先6點幾，就去試一試天丼。去到入口已經有幾個人等緊，見到有塊牌都係寫住齊人先可以入，行到去已經聽到有個「經理？」既人問齊唔齊人，如果齊人就入得，咁我就答行緊黎，咁我就企埋一邊等，轉過頭個「經理？」再問齊人未，我話未，之後個「經理？」就話要跟隊排，我黑人問號，因為無任何指示要點排隊定拎飛，淨係個「經理？」純粹講齊人就入得，而其他後來既人都誤以為齊人就可以行入去，感覺安排好混亂。入到去點餐，個menu簡直係低清，相係濛，睇字選擇要邊款丼。個店員幫我地點完餐後入機，入完就將我地既點餐紙連夾板飛落檯，嘭一聲！唉，服務態度唔好！等餐時，不斷睇到店員之間係咁細細聲講或下爬或手指指向邊幾檯客重唔走之類。等左15分鐘，終於送餐到，一路食，個店員係咁望住你，食飽抹完嘴果下，店員已經飛快收走你盤野！店員又入漏對面檯客既單，跟番時又入多左數量，連對面檯客都抱怨店員服務好差。整體感覺都好差！味道雖然ok, 但服務態度真係麻麻，試一次就算了

平日夜晚630左右黎到見到佢周圍都有牌仔食住45分鐘用餐時間都有少少擔心會唔會食唔切不過當刻突然好想食炸野就照衝左入去😂-叫左個天婦羅烏冬定食有炸蝦、蟹棒、仲有茄子、南瓜等等嘅蔬菜🥬天婦羅嘅炸粉厚薄適中所以炸皮可以包住食物唔怕太厚或者太薄會同嘢食「骨肉分離」🤣而且咬落去唔會食到成口油加上我叫咗個湯烏冬一啖炸物， 一啖湯烏冬食嘅時候感覺上好似冇咩油，冇咩罪惡感🤪-當晚人客真係唔太多眼見入座率五至六成我哋食到大約一個鐘左右店員就急急腳收走餐具叫我哋埋單去到收銀處放低張單收銀同事一言不發咁 撳完收銀機企喺度我哋主動問幾多錢收銀同事好唔耐煩咁講個總數俾我哋聽就繼續一言不發-整體用餐體驗良好不過收銀同事既不耐煩態度令我哋唔太愉快但其他鋪面同事服務態度都唔錯相信只係收銀同事既態度有待改善

天丼開左一段時間，以天婦羅做主打嘅日式餐廳成日都好多人排隊。天婦羅即叫即炸，食落去真係好熱呀，大家小心燙，表面金黃好夠脆。粉唔算好厚，炸得通透，但份量比較少，而且我覺得太大浸油味。可能本身自己對天婦羅一般，所以都冇太大期望，但整體都可以接受嘅。我選擇配湯烏冬，佢地用嘅係扁身烏冬，幾香掛到湯。烏冬有咬口唔會太淋。食完幾個鐘都無特別口渴，佢地個湯應該唔多味精。環境方面我覺得坐得唔錯，好光猛，感覺都幾乾淨，唔會好大浸油味。

近排天氣都好焗熱，成日都熱到無哂胃口，所以就搵左間食冷麵既鋪頭。一行到去就見到勁多人排隊，我地都等左差唔多半個鐘先入到去食。天婦羅蕎麥麵（冷麵）$79黑虎蝦2隻、蟹柳、茄子、蓮藕、四季豆天婦羅烏冬（冷麵）$79黑虎蝦2隻、蟹柳、茄子、蓮藕、四季豆兩個餐既天婦羅配搭都係一樣，只係冷麵唔同，本人較中意食烏冬，因為比較煙韌，有咬口多啲，而天婦羅炸得好金黃，唔厚粉，食落唔油膩。呢度設有用餐時限，製作過程亦都比較長時間🔸建議等位時揀好叫咩餐，入去就即刻可以叫

朋友介紹話呢間天婦羅好好食，平時要大排長龍，仲要限時食一個鐘。嗰日經過難得唔使排隊，就入咗去食。我點左豚骨白湯天婦羅烏冬，再加左一個甜品和麻糬。天婦羅即叫即炸，食落去熱辣辣，天婦羅炸得好好，表面金黃又夠脆，食落去個表面唔會有厚粉，點埋天婦羅汁食唔會好油，完全冇油膩嘅感覺。個烏冬好彈牙又滑，湯底都好入味，食果陣濃濃豬骨湯味傳入鼻，食完都冇口渴，證明唔係味精湯。和麻薯都有驚喜，佢係凍食嘅，咬落果口感好煙銀，配合花生芝麻粉食好正，真係超乎預期！

今日約咗人食飯，佢叫我早啲去排隊，話要排隊排好耐。點知隊排到個陣佢都仲未到😂面有口感，炸物好正，脆口得黎粉漿唔會太厚，驚喜嘅係蔬果炸完入面仲保留到蔬菜嘅水份其實另外仲食咗e一個，不過嗰陣太肚餓，連相都唔記得影。佢個蟹腳值得一讚，因為啲蟹肉係一疏疏嘅，另外兩個帶子入邊都唔會炸到老晒下次會再食e 個。仲有佢啲飯都係好食嘅飯，有少少汁，唔會太多唔會太少。不過餐廳就限時食，45min，而且攞飛仲一定要係親身排隊上菜速度不快不慢。

今日同朋友兩個人去食呢間餐廳。我地18:50落單, 餐點大約19:10先送到。我同朋友食野比較慢, 食到大約19:45, 我份餐仲有一隻蝦同一啖麵未食完, 有個女侍應走黎問個餐係咪已經食完, 係嘅話佢就收餐盤, 仲話用餐時間就到啦, 我就話我會食埋。再過左大約1, 2分鐘,  另一個侍應又過來催促我地離開, 當時我都仲未吞完口中嘅食物。餐廳的確有告示寫明用餐時間為45分鐘, 同埋餐點製作需時12-20分鐘(我同朋友都有留意到45分鐘規定但到臨走前先發現有餐點製作需時的告示)。建議餐廳考慮下做一啲調整, 如果餐廳想走快餐路線, 就應該諗諗點樣縮短餐點製作時間, 令客人可以輕鬆喺限時內食完。今次的用餐體驗真係好差, 我覺得整件事令我們感覺很受氣和難受, 食物幾好食幾抵食都冇用, 咁嘅setting我寧願搵間貴啲但冇限時嘅餐廳。

炎炎夏日就諗起冷麵，但怕冷麵太DRY就諗起天丼啦!因為平時都幾多人等位嫁，所以多數簡下午茶時段去食。天婦羅本身有定食套餐，而冷麵方面可選擇喬麥麵或者烏冬，我第一次跟店鋪推介食喬麥麵，第二次就食烏各，比較之下覺得烏冬好味好多! 可以掛湯之餘又煙煙靭靭。呢個Set既天婦羅有兩隻大蝦，四季豆，茄子同蓮藕，望落份量都幾充足，咬一啖就已經覺得過江龍係唔同啲! 個粉漿好薄又夠脆，仲唔會有油膩既感覺添!$79套餐有呢個份量同質數，再加上坐落商場呢個環境，食完仲可以舒舒服服行下街

今日終於約到朋友中午時段去食呢間，日日返工放假都見到大排長龍🙈，於是我襯自己放假一早出去攞位先，試吓呢間咁出名嘅店。平日去到都要排左20分鐘到，入到去見Menu果然冇令我失望，價錢性價比高同嘢食都好大份，最後我哋叫咗個天婦羅蕎麥麵湯，天婦羅入邊有大蝦兩隻，茄子，仲有帶子，如果自己覺得唔夠食嘅話仲可以用加購價換其他海鮮天婦羅🍤，個蕎麥麵連湯係好好味好滑身，蕎麥麵本身對身體都好好，嘢飲我哋就飲咗佢提供俾我哋嘅免費茶，職員嘅服務態度都好好，最後我哋賣單平均消費都係大概$90到，喺形點來講算係一個性價比高嘅餐廳。下次會想再帶屋企人去試其他嘅餐，因為佢選擇性都好多人同埋有時有季節性限定

Yoho嘅餐廳越開越多選擇，Lunch就揀左呢間專食天婦羅嘅餐廳試吓🥴，食天婦羅最怕咸覺會好淋，同埋驚食太多炸嘢會好熱氣，但呢間反而唔錯喎👍🏻平時呢間係午飯或者晚飯時間都有條小人龍，咁啱今日唔使排隊就可以入成個天婦羅丼嘅感覺好乾身，但食晒成碗都唔會好熱氣，因為佢每一款天婦羅都啖啖肉，唔會係太多炸粉嗰種我個人反而覺得蔬菜類同紫菜天婦羅最有驚喜，因為食落唔會好油，再配埋佢枱上嘅醬油，唔錯唔錯😂😂😂😂而且佢成個分量都啱啱好🤣👍🏻

Yoho Mall呢間天丼成日都見到排哂長龍，所以今日早啲去，6點幾去到唔使等位實在太好了天丼 $49黑虎蝦、魷魚、鱚魚、茄子、四季豆呢個丼真係好抵食喎，只要$49，仲有咁多款餸！每件天婦羅都係新鮮炸起，咬落去脆卜卜，炸粉適中，唔算好厚！虎蝦幾大隻，好厚肉，肉質都可以，幾有咬口。鱚魚就同普通魚柳一樣，冇咩特別，而魷魚就相對韌少少，有口感！茄子有一片，四季豆有兩條，有d菜食感覺健康啲。比較驚喜嘅地方係佢嘅天婦羅食落唔會覺得好油膩，非常唔錯！另外仲配有麵豉湯，幾好飲天婦羅冷烏冬定食 $79天婦羅包括有黑虎蝦兩隻、蟹柳、茄子、蓮藕同四季豆，款式都幾多。烏冬份量都幾多下，好大兜，個人比較鍾意食冷烏冬，烏冬會較煙韌啲，呢款係扁身嘅烏冬，都幾有口感！加埋芥辣+葱花落醬汁度食，好開胃！整體嚟講，性價比都幾高，價錢非常經濟，兩個人食埋單百幾蚊就食到好飽，質素亦相當不錯！