天丼 (Moved) New Location

天丼開左一段時間，以天婦羅做主打嘅日式餐廳成日都好多人排隊。天婦羅即叫即炸，食落去真係好熱呀，大家小心燙，表面金黃好夠脆。粉唔算好厚，炸得通透，但份量比較少，而且我覺得太大浸油味。可能本身自己對天婦羅一般，所以都冇太大期望，但整體都可以接受嘅。我選擇配湯烏冬，佢地用嘅係扁身烏冬，幾香掛到湯。烏冬有咬口唔會太淋。食完幾個鐘都無特別口渴，佢地個湯應該唔多味精。環境方面我覺得坐得唔錯，好光猛，感覺都幾乾淨，唔會好大浸油味。